मत्ती 13の有名な聖句

シェア

शोभली ज़मीना रा बेज़ा सौ सा, ज़ुणा वचना बै शुणिया ग्रहण केरा सी होर फ़ौल़ा सी, कोई तीह गुणा, कोई शौठ गुणा, कोई शौऊ गुणा।”

होर झ़ौकड़ा न औल़ूदा बेज़ा सौ सा, ज़ुणियै वचन शुणू, होर दुनिया री चिंता, ढैबुऐ रा धोखा होर हर किस्मै री चीज़ा रा लालच तिन्हरै मना न भौरूइया वचना बै दबा सा होर ते फलदै नी।

ज़ो परमेश्वरा रा वचन शुणा ता सा पर समझ़दा नी, ज़ो तेइरै मना न सा तेथा बै शैतान एज़िया नेआ सा। ऐ सौ बेज़ा सा ज़ो बौतै रै बौढ़ा पौड़ू ती।

रड़खड़ी ज़मीना न पौड़ूदा बेज़ा सौ सा ज़ो वचन शुणिया खुशी सैंघै मना सा। पर आपणै मना न वचनै री जड़ पक्की नी होंणै देंदा होर सौ थोड़ै रोज़ा तक रौहा सा। ज़ैबै वचना री बजहा न दु:ख क्लेश एज़ा सा ता सौ फट पिछ़ै हटा सा।

“स्वर्ग राज्य छेता न गज़िहाउदै धना सांही सा ज़ो कौसी मांहणु बै मिलू होर तेइयै सौ तौखै पौथू होर सौ ऐतरा खुश हुआ कि तेइयै ज़ाइआ आपणा सैभ किछ़ बैच़ू होर सौ छेत कीमतियै लेऊ।

पर किछ़ बेज़ा शोभली ज़मीना न पौड़ू होर शोभली फ़सल त्यार हुई। ज़ेतरा बाहू ती तेथा न तीह गुणा, शौठ गुणा होर शौऊ गुणा।

फसला पौकणै ढौई दुही बै सैंघै-सैंघै बढ़नै दैआ, होर ज़ैबै फसल काटणै रा बौगत एला ता मूँ काटणू आल़ै बै बोलणा; कि तुसै पैहलै जंगली बेज़ै रै झ़ोटै रै पूल़ै बणाईया तिन्हां बै फूका, होर गेहूँ बै कठा केरिया मेरै नाज़ गौदामा न रखा।’”