Yohani 12の有名な聖句

シェア

Uno wengʼakwanza ukumbombelʼine, we pakuti andandate mwisindʼine. She kwe ndi ine, kwe pakuti avanje wope numunyamata wane. Uno wengʼakumbombelʼine wʼuTata alimushindiha.

Uno wengʼuvulanzi vwakwe akuvupepelezya wʼakuvunanga. Nkandʼuno wengʼuvulanzi vwakwe akuvusyoshela munsʼumu, wʼalivusengula nakuvulanzi vwa shimashima.

Nalyoli lyoli nkuvavuzya nkuti: Ulusanga lwa ngana inga lutakupeselwa mumugunda inga lutakufwa, pe lukuva lulwo lweka, apene nyene inga lukufwa, pe nkandi lukuhomʼinsangʼinyinji.

Lwe ninzile munsʼumu, pe ninzile ne luhozyo, vonti ve vanitisile ukuti vatavanje mushisi.

Ingʼumʼumuntu akwiṿwʼamazwi gane, havili ingʼatakugasajila, pe ntakumulonga nene ndali, she ntinzilʼukulongʼinsi ine ndali, ninzilʼukupoha insi.

UwenʼuMaliya ahasendʼipaundi yoka ya mafutʼamasitakusanganya nahamʼahanji, amagomu nkani, gʼahamupaha muṿinamʼuYesu, pʼahamusyumula muṿinama ṿwakwe ninsisi zyakwe. Pʼumufungo wa mafuta ahagoganya mwonti munyumba.

pe vahasendʼamanchinda, vahafuma muhaya, vahamutangana, vahavilishila vahati: Hosyana we mulotwa wʼakwinzila mwizina lya Mwene, umwene wa vana Yisilayili.

PʼuYesu ahavamula ahati: Hinzilʼahavalilizyo aha kupelwʼukuvʼumupiti uMwanamuntu.