मरकुस 13の有名な聖句

シェア

म्हारी बजेसुं सबळा मनख थासुं नफरत करअला। पण ज्यो अन्त ताणी थरचा रखाण्अलो, उंको उद्धार हेवलो।

देखो, जागतार्यो अर परातना करतार्यो क्युं क थें कोन जाणो क वा बगत कद्‍या आवली।

अर जद्‍या बी वे थान्अ पकड़र थां प मुकदमो चलाव्अ तो पेलीसुंई या चन्ता मत करबा लाग ज्यो क थान्अ कांई खेणो छ। उं बगत ज्योबी थान्अ बतायो जाव, वोई बोलज्यो क्युं क बोलबाळा थें कोन्अ पण पवितर-आत्मा छ।

धरती अर आम्बर खतम हे जावला पण म्हारो बचन कद्‍या बी कोन टळ्अलो।

“उं दन या उं बगत का बारा म कोई न्अ कांई बी तोल कोन्अ, न्अ सरगदूता न्अ अर न्अ परमेसर का छोरा ईसु न्अ, बस पिता परमेसर जाण्अ छ।

जद्‍या थें सांकड्अ की लड़ाई या आंतरअ की लड़ाया का बारा म सुणो तो घबराज्यो मतो। अस्यान तो हेवलो ई। पण अस्यान कोन्अ क अन्त आग्यो।

ई बजेसु थें जागतार्यो क्युं क थें कोन जाणो क घरको मालक जाणं कद्‍या आ जाव। दन आथ्या की, आधी रयात, मुर्गो बोल्या की या फेर दन उग्या की। अर ज्यो वो एकधम आ जाव तो अस्यान करो जिसुं वो थान्अ सुता कोन पाव्अ। ज्यो म थान्अ खेऊ छु, वाई सबळा न्अ खेऊ छु ‘जागतार्यो!’”

एक देस दूसरा देस का बिरोध म अर एक राज दूसरा राज का बिरोध म उबा हेवलो। घणी ठार प भुकम्प आवला अर काळ पड़्अला। अर ये सबळी बाता हालतो दो-जीवा बेरबानी क सरू म उठबाळी पिड़ा ज्यान ई छ।

पण या जरूरी छ क अन्त आबा क पेली हरेक देसा म चोखो समचार सुणा दियो जाव।

म्हारा नांऊ सुं घणा लोग आवला अर दावो करअला ‘मं मसी छु’ वे घणा न्अ छळ्अला।

“खुदका बारा म सचेतर्यो। वे लोग थान्अ पकड़र कोट मं सुंप देव्अला अर फेर थान्अ वांकी पंचायता म कुट्अला अर म्हारी बजेसुं थान्अ राजा क अर अधिकारयां क साम्अ उबो हेणो पड़लो जिसुं थें वान्अ म्हारा बारा मं गुवाई दे सको।

क्युं क झूंटमाट मसी बणबाळा अर परमेसर की ओड़ी सुं झूंटमाट बोलबाळा दिखबा लाग जावला। अर वे अस्या-अस्या चमत्कार अर अचम्बा का काम करअ ला क चुणेड़ा न्अ बी भरमा दे।

“वा दना म कळेस की उं बगत क पाछ्अ, ‘सूरज काळो पड़ जावलो, चांद सुं उंकी चांदणी कोन हेवली। आम्बर मंसुं तारा पड़बा लाग जावला अर आम्बर मं महासक्‍तया लथेंड़ दी जाव्अली।’