थरप्या तका का काम 5の有名な聖句

シェア

पतरस अन थरप्या तका जबाव दिदो, “आपणाँ ने मनकाँ की ने, पण परमेसर की आग्या मानणी छावे।

पछे वीं हरेक दन मन्दर अन घर-घर में हिकाता अन हव हमच्यार को परच्यार करता तका कदी ने रूक्या के, “ईसू ईं मसी हे।”

ईं बात पे पतरस क्यो, “ए हनन्या, सेतान थाँरा मन में आ बात कस्यान ले आयो के, थूँ पुवितर आत्माऊँ जूट बोले अन जगाँ-जमीं का आया रिप्या-कोड़ीऊँ थोड़ाक बंचान आपणाँ नके राक ले। कई, वीं जमीं ने बेंचबाँऊँ पेल्याँ वा थारी कोयने ही? अन जद्याँ वा जमीं थें बेंच दिदी, तो वे रिप्या-कोड़ी थाँरा नके ने हाँ? थें आ बात करबाऊँ पेल्याँ काँ ने होची? थूँ लोगाऊँ ने पण परमेसरऊँ जूट बोल्यो हे।” ईं बाताँ हुणन हनन्या जमीं पे पड़्यो अन मरग्यो। जणा भी लोगाँ ईंका बारा में हुण्यो वे दरपग्या।

ईं वाते मूँ थाँने केवूँ के, अणा मनकाँ का विरोद में कई मत करो आने अस्यानीस छोड़ दो। यद्याँ आका ईं काम अन ओजणा मनकाँ की आड़ीऊँ हे तो वे वस्यानीस खतम वे जाई, पण जदी ईं काम परमेसर की आड़ीऊँ हे तो, थाँ वाँने रोक ने सको अन थाँ खुद परमेसर के विरोद में लड़ता तका दिको। वाँकाणी वाँकी सला मान लिदी।