युहनाल 1の有名な聖句

シェア

मति हुचुक लोकुरक ओन स्विकार कितुर अनि ओनागा विस्वास कितुरक। ओरकुन परमेस्वरना मरि आयाना अदिकार हितुर।

ब्रंमान्ड बनेमायनाता मुने केवल पोल्लोय मता। अनि ओद पोल्लो परमेस्वरनासंग मता। अनि ओद पोल्लोय परमेस्वर मता।

इद दुनियातोर लोकुरक आन्दारते मतोरक असके उन्दि वेळिचि ओरा पोरो मान्जतु मति ओर लोकुरक अद वेळिचितुन आपुनानिगा प्रगट आयिला हेवोरक।

अनि अद पोल्लो मानेय आस जनम आतुर अनि मावासंगे मतोर ओर बचोन महान मन्तोर इद माक हुळतोम अनि ओरे परमेस्वरनोर वरोरे मरि आन्दुर इन्जोर परमेस्वर ओन महानता हितोर। ओर माकुन पकाय दया किस बुतो कितुर अनि परमेस्वरनोर खरोय बाताल मन्ता इद ओर माकुन प्रगट कितुर।

अनि ओना द्वारा सबोय आयि तयार आता अनि बारायि आयि तयार आता अगडाल बोदायि चिज ओना सिवायि तयार आयो। अनि ओर बनेकिता सबोयतुन ओरेय जिवन हिन्तोर अनि परमेस्वरना खरोयतुन उन्दि वेळिचि लेहका लोकुरकुन ओर प्रगट किस हितुर।

दुसरो दिया येसु आपुनिके वायानपा हुळसुन बपतिस्मा हेवाल हुन्नाल इदाम इतुर “हुळाट, येर दुनियातोर लोकुरा पापताल मुक्ति हियान्तोर परमेस्वरनोर बेळा पिला आन्दुर।।

अनि ओर इद दुनियातेय मतोर अनि ओना द्वाराय सबोय आयि इद दुनियातिगा तयार आता। ते वने दुनियातोर लोकुरक ओन पुनोर। ओर आपुना लोकुरिगा वातुर मति ओर लोकुरक ओन स्विकार केवोरक।

असके ओद खरोय वेळिचि दुनियातिगा वायवाल मता अनि आन्दारते मनवालोर लोकुरकुन वेळिचि बदाम सबोय चिजतुन प्रगट किस हिन्ता अदामे परमेस्वरना बारेते खरोयतुन लोकुरकुन वेहान साटि ओर उन्दि वेळिचि लेहका मतोर।

अनि परमेस्वर आपुना नियमतुन मूसाना द्वारा हिता मन्ता मति येसु मसिना द्वारा परमेस्वर आपुना बारेते खरोय बाताल मन्ता इद प्रगट किस ओना द्वारा माकुन आशिरवाद कितोर।