Mateo 15の有名な聖句

シェア

Maamina ẽpẽra it'aedepa che bɨt'a sõnepa cheparima. Mãɨpa mãɨ ẽpẽra mietá beepiparima Tachi Ak'õre k'ĩrari. Ẽpẽra sõnepa nãɨ k'ɨ̃risia mietá cheparima: mĩa peai; k'ima awaraɨ ome k'ãii; nemietá awaraɨ ome oo bai; nechɨai; sea jarai; waapẽarã k'orea k'achia pedeai; jãkɨɨ ãarea k'ɨ̃risiai.

Tachia chik'o k'odada k'orea tachi mietá p'aneenak'ama Tachi Ak'õre k'ĩrari. Mãɨpari tachi it'aedepa pedea bɨpa Tachi Ak'õre k'ĩrari mietá bɨparima.

Nãɨ p'uurudepemarãpa mɨá pia pedeapatama, maamina piarã ãchi sõne mɨne k'ɨ̃risiadak'ama. Ãchi k'ɨ̃ría mɨá pia pedeapatama. Mɨ pedea k'aepẽra ẽpẽra k'ɨ̃risiat'u jarateapatama.

Jesupa jarasima: —Wẽra, pɨa piarã ĩjãa bɨma mɨa pɨ k'au p'ue jɨpa beepiit'a. Mãɨpuru pɨa k'ɨ̃ria bɨ jĩra mɨa ooipɨ. Ara mãɨne chi k'au jɨpa beesima.

Mãɨne wẽra Jesú k'ĩrari sĩraporode k'obeek'ari jarasima: —Mɨ Chipari, ¡k'aripase! Jesupa p'anoosima: —Pia bɨwẽma warrarãpa nek'omaa p'anɨt'a ẽemarik'ari usarã́ p'eut'aa teait'a. Mãɨne wẽrapa jarasima: —Pɨa piarã jara bɨma, mɨ Chipari, maamina usapa chipari nek'opataɨ ek'ari chik'o jurruchoada k'oparima.