Mateo 24の有名な聖句

シェア

Mãɨya mãɨ atepe nemietá oodai pẽra, ẽpẽrarã chok'araɨrãpa waapẽarã waa k'ɨ̃ria uru p'ananaiwẽma. Maamina chi k'aadepema ewari parudea mɨne wapida ĩjãa p'anɨ itu bɨdaepɨra, Tachi Ak'õrepa mãɨ k'aripaipɨ ichi ome chok'ae p'ananamẽrá.

Mãɨne chi pedea pia Tachi Ak'õrepa ichidirã ichi juade ua bɨ k'orea jõma nãɨ ĩjũane jaradaipɨ p'uuru becha ũrinamẽrá. Mãɨya bak'aripuru nãɨ ewari jõipɨ.

P'uuru aba bɨ awaraɨ ome k'ĩruupik'a nɨbɨ mãɨnepa mãɨ k'ĩruupik'a nɨbɨ ũriutade, p'erarãt'ɨ. Mãɨ jõma mãɨyai bɨma. Maamina nãɨ ewari waidi paiwẽma.

Ĩjũa aba bɨ ĩjũa awaraɨ ome k'ĩruupik'a nɨbaipɨ. Ichiaba tua abaɨdepema poro jũra jɨ̃parí jɨ̃ bɨ tua awaraɨdepema poro jũra jɨ̃parí jɨ̃ bɨ ome k'ĩruupik'a nɨbaipɨ. Tuacha jarra minachia oodaipɨ mãɨnepa iurumia minachia wãipɨ. Maamina mãɨ ãarea chi ɨ̃rapuru ãpia minachia mĩanaidepemapɨ, wẽra warra p'ua bɨ jĩra.

Pajã mãɨnepa nãɨ ĩjũa jõipɨ, maamina mɨ pedea jõiwẽma.

Chok'araɨrãpa jaradaipɨ: “Mɨ Tachi Ak'õrepa Tachi K'aripaparí teai jara bada”. Mãɨya ẽpẽerã minachia ãarea seadaipɨ.

»Mãɨ ewaride ẽpẽrarãpa mãra jitadak'ari teadaipɨ mĩapidak'ari peadamẽrá. Mɨne ĩjãa p'anɨ k'orea jõmãɨrãpa mãra unuemaanaipɨ. Mãɨ k'orea ẽpẽrarã chok'araɨrãpa mɨne ĩjãa p'anɨt'a itu bɨdaipɨ. Mãɨne chi jitapidaipɨ mãɨnepa chi unuemaanaipɨ. Tachi Ak'õre pari pedeapataɨ chi piarãwẽa berã chedaipɨ. Mãɨrãpa ẽpẽrarã chok'ará seadaipɨ.

Jesupa p'anoosima: —Jĩrak'aua nipat'ɨ abaɨa pida mãra seapiemaapa.

Ara mãɨ jĩra mãra sida tau pará p'anat'ɨ. Mãrapa mɨ, chi Ẽpẽra Warra chei atua p'anɨne cheipɨ.

»Mãɨpuru tau pará p'anat'ɨ atua p'anɨẽra sãapae chei machi Chipari.

»Maamina abaɨ pida mãɨ ewari sãapae mãɨyait'a k'awadawẽma. Tachi Ak'õrepa ɨt'aripa peedaɨrã pida atua p'anɨma. Mɨ, chi Ẽpẽra Warra pida atua bɨma. Abapuru mɨ Ak'õrepuru mãɨ k'awa bɨma.

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Chi Ẽpẽra Warra chei ewari mãɨ Noé ewaride bada jĩra baipɨ. To piruii naena ẽpẽrarã nek'opachidama, netoparí topachidama, miak'ãipachidama mãɨnepa chi k'aurã k'ima teak'oapachidama. Mãɨya p'anapachidama aba Noé p'ãp'orro nepalá bɨde batoorudea. Ãchia p'ãp'orro chei k'orea k'awadak'a pasima. Maamina piarã cheside ãchi ãarea todepa ãarea piusidama. Chi p'ãp'orro ara mãɨya cheda jĩra mɨ, chi Ẽpẽra Warra mãɨya cheipɨ.