UPUTUKILO 3の有名な聖句

シェア

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Achi kapela wakanyamine kuhiana tushitu eswe a mu yambu aze Yehova Zambi yatanga. Iye yamba kuli pwo ngwenyi, Kuma, Zambi hanambe ngwenyi, Kanda nukalia ku mitondo yeswe ya mu munda nyi?

Chikwo nawa mungusa kole hakachi ka yena ni pwo; hakachi ka munyachi we ni munyachi wenyi. Mukwa munyachi wenyi makawonda mutwe we, ni yena mukawonda kashijino kenyi.

Kuli pwo yamba ngwenyi, Mungwokesa chikolo chinyengo che ni kwaka che. Musema ana ni yikola; mbunge ye muyipwa kuli mukwenu-lunga, iye kumakakuyula.

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Zambi yamba ngwenyi, Iya wakulweza ngwenyi, Uselesele uli? Hiwalia ku mutondo uze nakukanjishile ngwami, Kanda uliako, nyi?

Mba yahuma mutu, yasa ku sali lia Chivumbuko lia munda wa Endene akerupimi ni katana wa mulengi wa kutalikisa majila eswe kufunga jila ya mutondo wa mwono.

Mba lunga walukile mukwo-pwo jina ngwenyi, Eva, mumu iye naye ya akwa mwono eswe.