ÂTHAONA 13の有名な聖句

シェア

Râh na hmôpa zydua nâma nata na pathlazy hnohta chhâzaw châta ei cha pie aw ei.

Lawta ta Abarâ â pasiesai tawhta, ABEIPA ta Abarâ hnohta, “Na yna tawhna khata mohmia pasaih la, maw nata chho lâ zy, nochhi nata notla lâzy sai tua.

Na pathlazy alei dohlei zie ta ei tao aw ei. Chyhsa ta alei dohlei a rei tiah khiahta cha, na pathlazy chhao rei tiahpa ama châ aw.

Abarâ ta Lawta hnohta, “Nâma nata keima likah liata ahryuna y leipa sala, na sahroh vaituhpazy nata ei sahroh vaituhpazy likah liata chhao ahryuna y hra khah sy. Heinawh eima châ hih.

Chatanachata Abarâ cha a poh o pasie ta, Hebraw liata Mâmre tho thih liata yna su paryh ta, cha liata ABEIPA châta maisâh tao ta.

Lawta cha mohmia pasaih ta, Zawâ tlôna taihta Zawdâh bypi zydua cha ABEIPA sadô hawhta nata Izi râh hawhta ti phana by a châpa ta hmô ta. Cha cha ABEIPA ta Sawdawmâ nata Kawmawrâ khih a parao hlâ daihti a châ.