ລູກາ 23の有名な聖句

シェア

ພຣະເຢຊູເຈົ້າ​ກ່າວ​ວ່າ, “ພຣະບິດາເຈົ້າ​ເອີຍ, ຂໍ​ຍົກໂທດ​ໃຫ້​ພວກເຂົາ ເພາະ​ພວກເຂົາ​ບໍ່​ຮູ້ຈັກ​ວ່າ​ພວກເຂົາ​ກຳລັງ​ເຮັດ​ຫຍັງ”. ແລ້ວ​ພວກເຂົາ​ໄດ້​ເອົາ​ເຄື່ອງນຸ່ງ​ຂອງ​ພຣະອົງ​ມາ​ຈັບສະຫລາກ​ແບ່ງປັນ​ກັນ.

ພຣະເຢຊູເຈົ້າ​ຕອບ​ລາວ​ວ່າ, “ເຮົາ​ບອກ​ເຈົ້າ​ຕາມ​ຄວາມຈິງ​ວ່າ, ວັນນີ້​ເຈົ້າ​ຈະ​ຢູ່​ກັບ​ເຮົາ​ໃນ​ທີ່​ສຸກຂະເສີມ”.

ແລ້ວ​ລາວ​ກໍ​ເວົ້າ​ວ່າ, “ພຣະເຢຊູເຈົ້າ​ເອີຍ, ຂໍ​ລະນຶກ​ເຖິງ​ຂ້ານ້ອຍ​ດ້ວຍ​ເມື່ອ​ພຣະອົງ​ເຂົ້າ​ສູ່​ອານາຈັກ​ຂອງ​ພຣະອົງ”.

ພຣະເຢຊູເຈົ້າ​ຮ້ອງ​ສຽງດັງ​ວ່າ, “ພຣະບິດາເຈົ້າ​ເອີຍ, ຂ້ານ້ອຍ​ຂໍ​ມອບ​ຈິດວິນຍານ​ຂອງ​ຂ້ານ້ອຍ​ໄວ້​ໃນ​ມື​ຂອງ​ພຣະອົງ”. ເມື່ອ​ກ່າວ​ດັ່ງນີ້​ແລ້ວ​ພຣະອົງ​ກໍ​ສິ້ນ​ລົມຫາຍໃຈ.

ເມື່ອ​ມາ​ເຖິງ​ບ່ອນ​ທີ່​ເອີ້ນ​ວ່າ​ກະໂຫລກຫົວ, ພວກເຂົາ​ກໍ​ຄຶງ​ພຣະອົງ​ໄວ້​ທີ່​ໄມ້ກາງແຂນ​ພ້ອມ​ກັບ​ໂຈນ​ສອງ​ຄົນ​ຄື, ຄົນ​ໜຶ່ງ​ຢູ່​ເບື້ອງຂວາ, ຄົນ​ໜຶ່ງ​ອີກ​ຢູ່​ເບື້ອງຊ້າຍ​ຂອງ​ພຣະອົງ.

ເວລາ​ນັ້ນ​ປະມານ​ຕອນທ່ຽງ ແລະ ເກີດ​ຄວາມ​ມືດມົວ​ໄປ​ທົ່ວ​ແຜ່ນດິນ​ຈົນ​ເຖິງ​ເວລາ​ບ່າຍ​ສາມ​ໂມງ, ເພາະ​ດວງອາທິດ​ຢຸດ​ສ່ອງແສງ ແລະ ຜ້າກັ້ງ​ໃນ​ວິຫານ​ກໍ​ຈີກຂາດ​ເປັນ​ສອງ​ຕ່ອນ.

ເມື່ອ​ນາຍຮ້ອຍ​ໄດ້​ເຫັນ​ເຫດການ​ທີ່​ເກີດຂຶ້ນ​ນີ້ ຈຶ່ງ​ສັນລະເສີນ​ພຣະເຈົ້າ ແລະ ກ່າວ​ວ່າ, “ທ່ານ​ຜູ້​ນີ້​ເປັນ​ຄົນຊອບທຳ​ຢ່າງ​ແນ່ນອນ”.