1 Пачаби 1の有名な聖句

シェア

БЕТӀЕРГЬАНАСЕ назру гьабун Ханнаца абуна: «Вай, Гучал Аскаразул БЕТӀЕРГЬАН, гьай дур лагъалъул бугеб – дир къварилъиги бихьун, гьелде Дуца бер балагьани ва дур лагъ гьай дунги кӀочон течӀого Дуца гьелъие лъимерлъун вас кьуни, дица гьев гӀумруялъего БЕТӀЕРГЬАНАСЕ хъулухъалъе вукӀине кьела ва гьесул ботӀрода кидаго нусги хъваларо».

РакӀ бакъван, гӀек-гӀекиялда гӀодилаго, БЕТӀЕРГЬАНАСЕ дугӀа гьабизе лъугьана Ханна.

Гьелда данде жаваб гьабун, Ханнаца абуна: «Гуро дир хӀалчӀахъаяв эмен, чара бухӀун БЕТӀЕРГЬАНАСДА цебе дирго рекӀел унти гьурщулей гӀадан йиго дун. Чагъиралда яги, цоги гьекъолеб жояллда дица кӀал хъвачӀо.

Гьале гьав васасе гӀоло гьардана дун доб къоялъ. БЕТӀЕРГЬАНАС къабул гьабуна дир гьари ва дир рекӀел мурад тӀубазабуна.

Цинги Элица абуна: «Парахатго рокъое а дурго. ГӀизраилалъул Аллагьас дур гьари къабул гьабеги».