XÓ NI̱GI̱ꞋDU̱U̱N-MUU 15の有名な聖句

シェア

Ninimbo̱o̱ꞌ Abrám jaꞌyoo Ana̱ꞌlóꞌ Mikhuíí, rúꞌkhue̱n jngó Ana̱ꞌlóꞌ ndiꞌyoo rí májáan a̱kui̱i̱n.

Nda̱wa̱á rí ninújngoo máꞌ ríge̱ꞌ, ni̱ꞌkha̱ ajngáa rawuun Ana̱ꞌlóꞌ Mikhuíí ná inuu Abrám asndo xó xnuꞌndaa inuu mbiꞌi. Xáꞌnii waꞌtháa̱n: ―Ma̱xámíñaaꞌ Abrám, ikhúúnꞌ ñaju̱nꞌ tsí na̱ña̱wa̱a̱nꞌ. Maphú mba̱a̱ mi̱ndaꞌkho rí mbi̱ya̱a̱ numaaꞌ.

A̱ꞌkhue̱n rí Ana̱ꞌlóꞌ ni̱ka̱ jayáa Abrám rixa̱á, jamí niꞌthúu̱n: ―Atiaxi̱í mikhu, jamí araxnuu a̱ꞌgua̱án xí na̱ꞌnga̱a̱ꞌ. ―A̱ꞌkhue̱n niꞌthán Ana̱ꞌlóꞌ―: Xkuaꞌnii mbaꞌiin xa̱bia̱a̱ꞌ gáꞌne.

A̱ꞌkhue̱n ni̱ꞌkha̱ mbu̱jú ajngóo Ana̱ꞌlóꞌ Mikhuíí inuu Abrám: ―Ma̱xáwanúu ñawúun tsúꞌkhue̱n dríga̱a̱ꞌ, rí mbáa tsí a̱ꞌdeáaꞌ jmína̱á ma̱wanúu ñawúun ne̱.

A̱ꞌkhue̱n rí Ana̱ꞌlóꞌ Mikhuíí niꞌthúun Abrám: «Gíꞌmaa ma̱thi̱yáá rí xa̱bia̱a̱ꞌ ma̱ju̱wá ná mbaa rí ra̱ꞌkháa mbañúu̱. Ikhín ma̱gu̱ma-ski̱ñúu̱ rí muñajuii̱n, jamí nikhuáa mi̱ndaꞌkho ma̱gu̱míi̱ mbá akho̱ siénto̱ tsigu.

Xómáꞌ Abrám niriꞌña̱a̱: ―Táta̱ Anu̱ꞌ Mikhuíí, náá-lá numuu gára̱xnu̱ꞌ guéño xí ndawi̱i̱n máꞌ i̱ji̱nꞌ rá. I̱ndo̱ó máꞌ Eliesér tsí na̱ꞌkha̱ ná Damásko̱ nayumbáá na̱ña̱wu̱u̱n mbá xúgíí rí gúꞌdo̱ꞌ.

Nákhí mbiꞌi rúꞌkhue̱n Ana̱ꞌlóꞌ Mikhuíí ni̱gi̱ꞌdoo mbá awan ga̱jma̱á Abrám. Xáꞌnii niꞌthúu̱n: «Ikhiin xa̱bia̱a̱ꞌ ma̱xnu̱ú mbaa ríge̱ꞌ, asndo ná mañuu Ejípto̱ asndo ná mañuu mba̱a̱ rí mbiꞌyuu Éufra̱te̱s.

Jamí ído̱ gánújngoo akho̱ siénto̱ tsigu ma̱guwáa̱nꞌ máꞌ xa̱bia̱a̱ꞌ ge̱jioꞌ, numuu rí asndo xúge̱ꞌ xóó máꞌ tsínújngoo-rámuu aꞌkhán rí none̱ xa̱bo̱ amorréo̱».