Gen 17の有名な聖句

シェア

Eh re' Abram noq ach jinaj haab' majaa' rub'an i jinaj siento haab' xuk'uhtaaj riib' i QaJaaw Dios chuwach, je' wili i xq'orarik reh: Re' hin i Dios nim rajaawriik, inchol chi nee ti k'acharik chi korik wach ak'ux chi nuwach.

Je' re' noq, ma' re' ta chik Abram i naa ab'ihnaam yu'naak johtoq chi qawach Abraham chik i naa ab'ihnaam, ruum naa kaat nukanaam chi hat kajaaw i k'ih laj tinamit.

Aha' wilik i k'ahchi' nuyejaam wach awuuk' i hat naa wo' nuyejaam wach kuuk' i keh na'chub'an, ruum re' wo' hin, hin aaDios i hat, chi juneliik, eh re' wo' hin naa nukahniik chi ki Dios i keh.

Re' aj i wili naa nuyejaam wach awuuk', re' hat naa akahniik chi hat kajaaw taqe k'ih seht chi tinamit.

Re' i Dios je' wili i ruchaq'weesjiik xub'an: Re' hin korik nuq'or aweh, chi re' awehk'een Sara naa raasjiik jinaj awak'uun ruuk'. Eh Isaac i rub'ihnaal naa akojom, wilik wo' naa nuyejaam wach ruuk' i reh, chi naa nub'anam chi juneliik, je' wo' kuuk' i riih rumaam, inki.

Re' ye'aab' Canaán hat patim wii' yu'naak naa nuye'em aweh chi akooch i hat. Eh naa wo' nuye'em chi kikooch chi juneliik taqe awiih aamaam, re' wo' hin naa nukahniik chi ki Dios.

Eh re' i Abraham xuk'utzaa' qohoq i naah, korehtaal xponik rureq wach aak'al ruuk' i yejal wach, eh xchalik ruse'eel, je' wili xukapaaj paruk'ux: ¿Mi koneenwihik nuha'lak'uun re' hin, wilik chik weh i jinaj siento haab'? ¿Mi koneenwihik ruha'lak'uun re' wehk'een Sara, ach lajeeb' ma' jinaj siento haab' i wilik reh? inki.

Re' QaJaaw Dios je' wili i xuq'or reh i Abraham: Re' awehk'een Sarai ma' re' ta chik Sarai i naa rubíhnaam yu'naak johtoq chi qawach, Sara chik i naa rubíhnaam.

Je' re' noq chawunchelaal taq i hat winaq koruman chi naa rupoch'ariik i naah taq ak'achab'. Re' rehtalil chi k'ahchi' rub'aan i nuyejaam cho wach taq awuuk'.

Aha' wilik i nuyejaam wach naa wo' nub'anam ruuk' i Isaac chi juneliik. Re' awak'uun naa raasjiik je' yu' pan jinaj haab' ruuk' awehk'een Sara, inki.

Yu'naak johtoq chi qawach chu'nchel i kok' ak'un naa kaasjiik waxiqiib' q'iij i wilik keh noq naa rupoch'ariik i naah kik'achab'. Je' wo' re' i naa rub'aan keh i kak'uun i aj poh naa kaasjiik pankipaat i kipatroon, je' wo' kak'uun taqe pan tokoom tinamit loq'ooj chaloq. Eh chu'nchel naa rupoch'ariik naah i kik'achab', naa rub'aan keh awak'uun taq i hat aasjinaq taq panapaat, je' wo' taqe amoso. Chawunchelaal taq i hat naa rukahniik rehtalil chuwach taq aati'jolal i xqayejaa' wach taq awuuk' reh juneliik.