1. Mose 49の有名な聖句

シェア

De Kjennichstock woat nich von Juda jenomen, sien Rejierungs Stock woat nich veschwinjen, bat de Rajchtschuldja kjemt. Däm woaren de Velkja ieren.

Josef es een fruchtboara Aust, dee bie eene Wotakjwal waust un siene Asta äwa de Mia strakjt. Dee waut met Boages un Feilen scheeten, saden am en Jefoa; dee schooten ut Oaja no am.

Oba sien Boagen jeef nich no, un siene Oarms bleewen stoakj met de Help von Jakob sienen stoakjen Gott, met de Help von däm Hoad, dee Israel Schutz jeft. Dien Voda sien Gott woat die halpen, dee waut aule Macht haft woat die säajnen, met Säajnungen vom Himmel bowa die, met Säajnungen von deep enne Ieed, met Säajnungen von jesunde Kjinja.

Die, Juda, woaren diene Breeda lowen; du woascht diene Fiend biem Jenekj hoolen, dien Voda siene Säns woaren sikj ver die kjneeen. Juda, du best soo aus een junga Leiw, dee emma met waut von de Jacht kjemt; Du lajchst die bie dien Raup dol, un kjeena woacht sikj dicht bie.

Ruben, mien ieeschtjebuarna, du best miene Krauft, de ieeschta Bewies von miene Macht; du hast de jratste Iea un jratste Krauft. Du deist äwaschelpsen soo aus Wota; doch woascht nich daut jratste sennen, wiels du en dien Voda sien Bad jinjst, un doa hast Schaund jedräwen.