Génesis 15の有名な聖句

シェア

Kuya ga tjl̈õkwo kjrara, ga mär beno shäng ba go. E kjĩshko ga iara Jehovárë beno pjl̈o bek ba bokso.

E irgo ga Jehová weno shäng Abram kong yoshko wl̈eni, ga tjl̈ẽ ba kong ga «Abram, l̇l̇ëye bangkjrëp l̇l̇ëme. Tja bop wl̈ikaga. L̇l̇ono ga pja iër ber tjwl̈õ ara. E kjĩshko ga l̇l̇ëye bangkjrëp l̇l̇ëme» l̈e.

Eshko ga Abram söra jek kjoko, ga tjl̈ẽ ba kong obi ga «Kjok dogo ĩs yõtso. Dbala shtozong, shtëp ga pjl̈úre ĩp wl̈o. Bop tjëyo tek ber bop irgo l̈i ber träk l̇l̇ëm kjweni bakoe» l̈e.

Kuya ga tjl̈ẽ ba kong ga «Bop l̇l̇ëbo uunkong ber ba kong l̇l̇ëm, e ber bop wa domer onmo l̈i kong» l̈e.

Eshko ga Jehová tjl̈ẽ ba kong ga «Pja äär tjl̈abl̈ashko, ga pja wol̈on döröshko ga pja sök wl̈ẽp ĩyado. Gueniyo ga l̈ër bop kong jl̈õkoyo ga bop tjëyo tek ber bop irgo l̈i äär l̈öng kjok shto obl̈ë. Eshko ga ber l̈öng parkagaga tjwl̈ẽk l̈öng pjir wl̈eniyo, ga bokrotkëba, ga opshik ga ä, äär jong l̈u pjl̈ogl̈o sak dbäw pjl̈ogl̈o pkëng (400). Gueniyo ba bokrotkagaga l̈i, e shdungga tjarë. Bop tjëyoga opshik ey dwayoshko ga l̇l̇ëbo tjeng kës l̈i söya l̈ok jek ba tjok pjire.

Kuya ga tjl̈ẽ ba kong ga «Jehová, l̇l̇ëye shäryëp woydë l̈i shäryëp ga pjl̈úe. ¿Tja ber tjwl̈õ ara l̇l̇ëno? Miydëp pjl̈ú ga tja wapga drete. Tja kong wapga tworop l̇l̇ëme. E kjĩshko ga tja wol̈onoshko ga bor l̇l̇ëbo uunkong ber bor parkaga tjwl̈ẽk shäng pjir wl̈eniyo ko Eliezer kong. E bor pjeyo l̇l̇ëm, e Damasco so» l̈e.

Eshko ga Jehová tjl̈ẽ Abram kong ga «Tjl̈õkwo twër bop kong, ber ĩyado wl̈o. Kjok ëre twër bop tjëyo tek ber bop irgo l̈i kong, tek Egipto diyo dwayo äär jong Éufrates diyo kësbang l̈i go.

Eeri ga amorreoga l̈öng kjok ëre kjing go, l̇l̇ëbo owa shärye l̈ok ara, gueniyo l̇l̇ëbo owa shärye l̈öng l̈i äätë ba dbo go l̇l̇ëm obi. E kjĩshko ga bop tjëyoga tjwe iröng mal̈ing l̇l̇ëme. L̈u äär pjl̈ogl̈o sak dbäw pjl̈ogl̈o pkëngshko (400) ga bop tjëyoga tjwe l̈öng kjok ëreshko iröng obi» l̈e.