LIPOH 2
2
1Hütsüta ninglih ko hütsüla liba apüm rungnümcho. 2#Ibr 4.4, 10; Nüch 20.11Adhünyeh nyümong chihdelü Tsingrangba-nü Abi nguchi thümcho, ko dhünyeh nyümonglü Abinü kyahshangcho.#Nüch 20.11 3Abinü dhünyeh-u nyümong tsü müwajücho ko pathsa nyümong kang yohpücho, tunüo hütsü nyümong tsü nguchi thümcho ko kyahshangcho. 4Hütsüta ninglih tsü thricho.
Eden Tbü
Abüdongba Tsingrang-nü ninglih thride, 5limih la singdonglidong mülicho ko singvarova müchiecho, tunüo Abinü tsing mümütheh-echo ko luh thsanung süsü mülicho; 6ta alih yonglangnü kih chüro alih tsü kyangcho.
7 #
1 Kor 15.45
Hütsüpü Abüdongba Tsingrang-nü alih lanü alih hirocho ko hütsü khu nyitsarü külüpcho; anabong la akang sah mehyohjücho ko nyitsarü tsü akang liba khüdu kangcho.
8Hütsüpü Abüdongba Tsingrang-nü nyüchürolang Eden la tbü khüdu külüpcho ko Abinü thriba nyitsarü tsü hütsüla yohpücho. 9#Mis 2.7; 22.2, 14Abinü hütsüla singsih sihba atsah atsa singdongti chisohcho. Tbü longla akang singdong ko atsa amütsa müdhesohba singdongtisü yasohcho.
10Eden lanü yongkhi khüdu pohcheh tsicho ko tbü tsü hütsünü kyangjücho; Eden khupü hütsü yongkhi müyü kang changnahcho. 11Akhudiba yongkhi tsü Pishon; hütsü Havila limih mükang pohre. 12(Hütsüla amüdhsengcheh hon ko axümlichi atsauba thsidi lungsü ngure.) 13Anyüuba yongkhi tsü Gihon; hütsü Kush limih mükang pohre. 14Yongkhi asanguba tsü Tigris, hütsü Assyria nyüchürolang pohre, ko müyüuba yongkhi tsü Eufrates.
15Hütsüpü Abüdongba Tsingrang-nü nyitsarü tsü Eden tbü la tsü nguchinung ko nyahnung yohpücho. 16Abinü abi te yocho, “Nühnü tbü la singdong masü chahnü singsih tsunung kohle, 17ta atsa amütsa müdhesohba singdong chahnü nühnü tütsu. Khüi nyümong nühnü hütsü tsunang nüh sünung.”
18Hütsüpü Abüdongba Tsingrang-nü yocho, “Adhrerü tsü müleng linung mütsa. Ihnü abi te trotanung aphishu khüdu külüpnung.” 19Hütsüpü Abinü alih lanü alih hirocho ko kanglungrü apüm ko uza apüm külüpcho. Hütsüpü Abinü arüh tsü nyitsarü yang aneng jüsohnung norocho; hütsüta nyitsarü tsünü tu dsijücho hütsü arüh neng kangcho. 20Hütsüta nyitsarü tsünü uza apüm ko kanglungrü apüm neng dsijücho; ta arüh yola abi tronungthsa süsü mülicho.
21Hütsüpü Abüdongba Tsingrang-nü adhrerü tsü yüpsülahsohcho ko abi yüpseh lide, Abinü athringrü khüdu khyüchehcho ko aiha tsü münatijücho. 22Abinü thringrü tsünü khingkurü khüdu thricho ko abi yang abükyü tsü norojücho. 23Hütsüde adhreba tsünü yocho,
“Achangkala, hila Ipu kyo khüdu lile,
I rüh lanü arüh, ko I shutsa lanü shutsa.
Abükyü te Khingkurü pü dsinung,
tunüo abükyü adhreba chahnü khyüchehcho.”
24 #
Mat 19.5; Mrk 10.7-8; 1 Kor 6.16; Efe 5.31 Hütsünü adhrerünü atpa ko au pehjünung ko anitpü te lümkha linung ko anyüh shuh khüdu kangnung.
25Adhreba ko khingkutpü anyüding tbhüdeng licho ta anyüh müshahtapü licho.
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
LIPOH 2
2
1Hütsüta ninglih ko hütsüla liba apüm rungnümcho. 2#Ibr 4.4, 10; Nüch 20.11Adhünyeh nyümong chihdelü Tsingrangba-nü Abi nguchi thümcho, ko dhünyeh nyümonglü Abinü kyahshangcho.#Nüch 20.11 3Abinü dhünyeh-u nyümong tsü müwajücho ko pathsa nyümong kang yohpücho, tunüo hütsü nyümong tsü nguchi thümcho ko kyahshangcho. 4Hütsüta ninglih tsü thricho.
Eden Tbü
Abüdongba Tsingrang-nü ninglih thride, 5limih la singdonglidong mülicho ko singvarova müchiecho, tunüo Abinü tsing mümütheh-echo ko luh thsanung süsü mülicho; 6ta alih yonglangnü kih chüro alih tsü kyangcho.
7 #
1 Kor 15.45
Hütsüpü Abüdongba Tsingrang-nü alih lanü alih hirocho ko hütsü khu nyitsarü külüpcho; anabong la akang sah mehyohjücho ko nyitsarü tsü akang liba khüdu kangcho.
8Hütsüpü Abüdongba Tsingrang-nü nyüchürolang Eden la tbü khüdu külüpcho ko Abinü thriba nyitsarü tsü hütsüla yohpücho. 9#Mis 2.7; 22.2, 14Abinü hütsüla singsih sihba atsah atsa singdongti chisohcho. Tbü longla akang singdong ko atsa amütsa müdhesohba singdongtisü yasohcho.
10Eden lanü yongkhi khüdu pohcheh tsicho ko tbü tsü hütsünü kyangjücho; Eden khupü hütsü yongkhi müyü kang changnahcho. 11Akhudiba yongkhi tsü Pishon; hütsü Havila limih mükang pohre. 12(Hütsüla amüdhsengcheh hon ko axümlichi atsauba thsidi lungsü ngure.) 13Anyüuba yongkhi tsü Gihon; hütsü Kush limih mükang pohre. 14Yongkhi asanguba tsü Tigris, hütsü Assyria nyüchürolang pohre, ko müyüuba yongkhi tsü Eufrates.
15Hütsüpü Abüdongba Tsingrang-nü nyitsarü tsü Eden tbü la tsü nguchinung ko nyahnung yohpücho. 16Abinü abi te yocho, “Nühnü tbü la singdong masü chahnü singsih tsunung kohle, 17ta atsa amütsa müdhesohba singdong chahnü nühnü tütsu. Khüi nyümong nühnü hütsü tsunang nüh sünung.”
18Hütsüpü Abüdongba Tsingrang-nü yocho, “Adhrerü tsü müleng linung mütsa. Ihnü abi te trotanung aphishu khüdu külüpnung.” 19Hütsüpü Abinü alih lanü alih hirocho ko kanglungrü apüm ko uza apüm külüpcho. Hütsüpü Abinü arüh tsü nyitsarü yang aneng jüsohnung norocho; hütsüta nyitsarü tsünü tu dsijücho hütsü arüh neng kangcho. 20Hütsüta nyitsarü tsünü uza apüm ko kanglungrü apüm neng dsijücho; ta arüh yola abi tronungthsa süsü mülicho.
21Hütsüpü Abüdongba Tsingrang-nü adhrerü tsü yüpsülahsohcho ko abi yüpseh lide, Abinü athringrü khüdu khyüchehcho ko aiha tsü münatijücho. 22Abinü thringrü tsünü khingkurü khüdu thricho ko abi yang abükyü tsü norojücho. 23Hütsüde adhreba tsünü yocho,
“Achangkala, hila Ipu kyo khüdu lile,
I rüh lanü arüh, ko I shutsa lanü shutsa.
Abükyü te Khingkurü pü dsinung,
tunüo abükyü adhreba chahnü khyüchehcho.”
24 #
Mat 19.5; Mrk 10.7-8; 1 Kor 6.16; Efe 5.31 Hütsünü adhrerünü atpa ko au pehjünung ko anitpü te lümkha linung ko anyüh shuh khüdu kangnung.
25Adhreba ko khingkutpü anyüding tbhüdeng licho ta anyüh müshahtapü licho.
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.