ᓬᐅᒃ 20
20
ᒋᓴᔅ ᐅᑲᔥᑭᐁᐎᓯᐎᓐ ᐁᑕᔑᑌᓂᒃ
(Matthew 21.23-27; Mark 11.27-33)
1ᐋᐱᑎᕽ ᐁᑮᔑᑲᓂᓂᒃ ᒋᓴᔅ ᑮᐊᔮ ᑭᒋᐊᓇᒥᐁᐎᑲᒥᑯᕽ ᐁᑭᑭᓄᐊᒫᑫᒡ, ᐁᑮ ᑕᔑᑕᕽ ᑲᔦ ᒥᓍᒋᒧᐎᓐ᙮ ᒦᔥ ᑳᑮᐱ ᓈᓯᑳᑯᒡ ᑭᒋᐊᓇᒥᐁᐎᑭᒫᐞ, ᑳᑭᑭᓄᐊᒫᑫᓂᒡ ᐅᓇᔓᐌᐎᓐ, ᐃᐃ ᑲᔦ ᑳᓃᑳᓂᓯᓂᒡ ᐅᓇᔓᐌᐎᓂᕽ, 2ᒦᑕᔥ ᑳᐃᑯᒡ: ᐐᑕᒪᐎᔑᓈᒻ, ᐌᑯᓀᓐ ᑎᓄ ᑲᔥᑭᐁᐎᓯᐎᓐ ᑳᐋᐸᒋᑑᔭᓐ ᐅᓄ ᑳᐃᔑᒋᑫᔭᓐ? ᐊᐌᓀᓐ ᑲᔦ ᑳᒦᓂᒃ ᐃᐃ ᑲᔥᑭᐁᐎᓯᐎᓐ?
3ᒋᓴᔅ ᑕᔥ ᐅᑮᐃᔑ ᓇᑴᑕᐙᐞ: ᐯᔑᒃ ᑕᔥ ᑫᑰᓐ ᑫᓃᓐ ᑭᐐ ᑲᑴᒋᒥᓂᓂᒻ᙮ ᓇᑴᑕᐎᔑᒃ ᐃᑕᔥ᙮ 4ᐋᑎ ᑳᐅᒌᓂᒃ ᐊᐊ ᒞᓐ John ᐅᓰᑲᐊᑖᑫᐎᓐ? ᑭᔐᒪᓂᑑᕽ ᐃᓇ ᑯᒫ ᑲᔦ ᐃᓂᓃᑳᕽ? ᐅᑮᐃᓈᐞ᙮
5ᒦᑕᔥ ᑳᐃᔑ ᒫᒌ ᑲᑲᓅᓂᑎᓂᒡ ᐁᑮ ᑕᔑᑕᒫᑎᓂᒡ ᐁᑮᐃᑭᑐᓂᒡ: ᑮᔥᐱᓐ ᐃᑭᑐᔭᕽ ᑭᔐᒪᓂᑑᕽ, ᑭᑲᐃᑯᓈᓐ ᑕᔥ ᐌᑯᓀᓐ ᑕᔥ ᑳᐅᒋ ᑌᐺᑕᐙᓯᐌᒃ ᐊᐊ ᒞᓐ? 6ᑮᔥᐱᓐ ᑕᔥ ᐃᑭᑐᔭᕽ ᐃᓂᓃᑳᕽ, ᑲᑭᓇ ᐃᑭ ᑳᐹᑏᓄᐙᒡ ᑭᑲ ᐸᐲᒶᓯᓇᐃᑯᓈᓂᒃ ᐋᓃᔥ ᑲᑭᓇ ᐅᑎᓇᑭᒫᐙᓐ ᐃᓂ ᒞᓇᓐ ᑭᔐᒪᓂᑑᓐ ᑳᑲᓅᑕᒪᐙᓂᒡ᙮ 7ᒦᑕᔥ ᑳᐃᑯᒡ: ᑳᐐᓐ ᓂᑭᑫᑕᓰᒥᓐ ᐋᑎ ᐌᒌᒪᑲᓄᑴᓐ᙮
8ᒦᑕᔥ ᑳᐃᓈᒡ: ᑳᐐᓐ ᑕᔥ ᑫᓃᓐ ᑭᑲ ᐐᑕᒪᐎᓯᓅᓂᓂᒻ ᐌᑯᓀᓐ ᑎᓄ ᑲᔥᑭᐁᐎᓯᐎᓐ ᑳᐋᐸᒋᑑᔮᓐ ᐅᐅ ᑳᐃᔑᒋᑫᔮᓐ᙮
ᐁᐊᐌᒋᑳᑫᒡ ᑭᑎᑫᐎᓂᓂᐗᓐ
(Matthew 21.33-46; Mark 12.1-12)
9 # Isa 5.1. ᒋᓴᔅ ᑕᔥ ᐅᑮᐐᑕᒪᐙᐞ ᐯᒫᑎᓯᓂᒡ ᐅᐅ ᐊᐌᒋᑫᐎᓐ: ᑮᐊᔮ ᐯᔑᒃ ᐃᓂᓂ ᐁᑮ ᑭᑎᑳᑕᕽ ᔔᒥᓂᑭᑎᑫᐎᓐ᙮ ᒦᔥ ᑳᐃᔑ ᐊᐎᐋᒡ ᑯᑕᒃ ᑭᑎᑫᐎᓂᓂᐗᐞ᙮ ᒦᑕᔥ ᑳᐃᔑ ᒫᒑᒡ ᑭᓉᔥ ᐁᑮᐃᓀᑎᒡ᙮ 10ᐊᐲ ᑕᔥ ᐁᐅᒋᒋᓭᓂᒃ ᒋᒪᐎᔂᓱᓂᒡ ᐃᐃ ᔔᒥᓇᐞ, ᐅᑮᐃᔑᓂᔕᐙᓐ ᐃᓴ ᐅᑕᓄᑮᐋᑲᓇᐞ ᐃᐃᒫ ᑳᐃᔑ ᑭᑎᑳᓱᓂᒡ ᔔᒥᓇᐞ ᑫᐐᓐ ᐃᐃᒫ ᐁᐐᐅᑎᓯᒡ ᒥᓂᒃ ᑫᑮᐅᑎᓯᐸᓐ᙮ ᑳᑮᐊᐎᐃᑣ ᑕᔥ ᐅᑮ ᐸᐸᑭᑌᐙᐙᓐ ᐃᓂ ᐊᓄᑮᐋᑲᓇᓐ, ᑫᑰᓐ ᐋᐲᓐᒡ ᐁᑮᒫᒌᑑᓯᓂᒃ᙮ 11ᒦᓇᐙ ᑕᔥ ᐊᐊ ᑭᑎᑫᐎᑭᒫ ᐅᑮᐃᔑᓂᔕᐙᓐ ᑯᑕᒃ ᐅᑕᓄᑮᐋᑲᓇᓐ, ᒦᑕᔥ ᑳᑮᐊᐎᐃᑣ ᐯᔑᑾᓐ ᑳᐃᔑ ᐸᐸᑭᑌᐙᐙᒡ, ᐁᑮᒫᔑ ᑑᑕᐙᐙᒡ ᑲᔦ, ᑫᑰᓐ ᐋᐲᓐᒡ ᐁᑮᒫᒌᑑᓯᓂᒃ᙮ 12ᒦᓇᐙ ᑯᑕᒃ ᐅᑕᓄᑮᐋᑲᓇᓐ ᐅᑮᐃᔑᓂᔕᐙᓐ, ᒦᔥ ᑳᐃᔑ ᒫᑭ ᑑᑕᐎᒥᓐᒡ ᐁᑮ ᓵᑭᒋ ᐌᐱᓂᑲᓂᐎᓂᒡ ᑲᔦ᙮ 13ᒦᑕᔥ ᐊᐊ ᑭᑎᑫᐎᑭᒫ ᑳᐃᑭᑐᒡ: ᐋᓃᓐ ᑕᔥ ᐃᓈ ᑫᐃᔑᒋᑫᔮᓐ? ᓂᑯᓯᓴᓐ ᓂᑲ ᐃᔑᓂᔕᐅᒫᓐ ᑳᓵᑭᐃᒪᒃ, ᒫᑭᔖ ᑕᔥ ᐅᑲ ᑭᑌᓂᒫᐙᓐ᙮ 14ᐊᐲ ᑕᔥ ᑳᑮᐊᐎᐃᑣ ᐁᐙᐸᒫᐙᒡ ᐃᓂ ᐅᑯᓯᓯᒫᓐ, ᒦᑕᔥ ᑳᐃᑭᑐᐙᒡ: ᒦ ᓴ ᐃᓂ ᑭᑎᑫᐎᑭᒫ ᐅᑯᓯᓴᓐ᙮ ᐊᐯᔪᒃ ᑕᑲ ᓂᓯᒫᑖᓂᓐ, ᒋᐊᔮᐗᕽ ᐃᐃ ᑳᐐ ᑎᐱᓇᐌᐎᓯᓂᒡ! 15ᒦᑕᔥ ᑳᑮᐅᑎᑎᓈᐙᒡ ᐁᑮ ᓵᑭᒋ ᐌᐱᓈᐙᒡ ᐃᐃᒫ ᔔᒥᓂᐎ ᑭᑎᑳᓂᕽ, ᐁᑮᓂᓵᐙᒡ ᑲᔦ᙮
ᐋᓃᓐ ᑕᔥ ᑫᑑᑕᐙᒡ ᐊᐊ ᑭᑎᑫᐎᑭᒫ ᑳᑎᐯᑕᕽ ᔔᒥᓂ ᑭᑎᑫᐎᓐ ᐃᐃ ᑳᑮᐊᐎᐋᒡ? 16ᑕᐱ ᑕᑯᔑᓐ ᐄᑐᒃ ᒋᐱ ᓂᓵᒡ ᐃᐃ ᑳᑮᐊᐎᐋᐸᓐ ᔔᒥᓂᐎ ᑭᑎᑫᐎᓐ, ᑯᑕᒃ ᐊᐎᔭᐞ ᒋᒦᓈᒡ, ᐅᑮᐃᓈᐞ᙮
ᐁᓅᑖᑯᒡ ᐃᑕᔥ ᐯᒫᑎᓯᓂᒡ ᐅᐅ ᑮᐃᑭᑐᐗᐞ: ᑕᑲ ᑳᐐᓐ ᐐᑳ ᐃᐃ ᑕᐃᔑᓭᓯᓅᓐ!
17 # Psa 118.22. ᒋᓴᔅ ᑕᔥ ᐅᑮ ᑲᓇᐙᐸᒫᐞ ᐁᑮ ᑲᑴᒋᒫᒡ: ᐋᓃᓐ ᑕᔥ ᐁᑭᑑᒪᑲᒃ ᐅᐅ ᑳᐃᔑᐲᐃᑳᑌᒃ ᑫᑌᒪᓯᓇᐃᑲᓂᕽ?
ᐃᓂ ᓴ ᐊᓯᓃᓐ ᑳᐙᑳᐃᑫᐙᒡ ᑳᐋᓇᐌᓂᒫᐙᒡ,
ᒦᐗᓐ ᐃᓴ ᐃᓂ ᒫᐗᒡ ᑳᓃᑳᓀᑖᑯᓯᓂᒡ ᐊᓯᓃᓐ᙮
18ᐊᐌᓀᓐ ᐃᑕᔥ ᐃᑯ ᐃᒫ ᑫᔑ ᐸᑭᔑᕽ ᐊᓯᓃᕽ, ᑕᐲᓯᔑᓐ᙮ ᐊᐊ ᑕᔥ ᑲᔦ ᑫᐱᓯᑰᓱᒡ ᐃᓂ ᐊᓯᓃᓐ ᑕᔑᑯᒌᔥᑰᓱ᙮
ᐁᑲᑴᒋᒥᓐᒡ ᑕᑲ ᒋᑎᐸᐃᑳᑌᑭᐸᓐ ᑖᑭᔅ
(Matthew 22.15-22; Mark 12.13-17)
19ᐃᑭ ᑕᔥ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐃᑭ ᑲᔦ ᑭᒋᐊᓇᒥᐁᐎᑭᒫᒃ ᔐᒫᒃ ᐅᑮᑲᑴ ᑳᒋᑎᓈᐙᓐ ᒋᓴᓲᓐ ᐊᓃᔥ ᐅᑮ ᑭᑫᑖᓈᐙ ᐐᓇᐙ ᐁᑕᔑᒥᑯᐙᒡ ᑮᐊᐌᒋᑫᓂᒡ᙮ ᐅᑮ ᑯᓵᐙᐞ ᐃᑕᔥ ᐯᒫᑎᓯᓂᒡ᙮ 20ᐐᑫ ᑕᔥ ᐅᑮᓈᑲᒋᐋᐙᓐ ᐁᑮᐃᔑᓂᔕᐙᐙᒡ ᑲᔦ ᐊᐎᔭᐞ ᒌᓍᓂᑎᓱᓂᒡ ᑾᔭᒃ ᑎᓄ ᐁᓈᑎᓯᓂᒡ ᑫᑮᒨᒋ ᓈᑲᒋᐋᓂᒡ ᒋᓴᓲᓐ᙮ ᐅᑮᐃᔑ ᐊᑕᐌᑖᓈᐙ ᐁᐐ ᑳᒋᒋᐋᐙᒡ ᑫᑰᓐ ᐃᑭᑐᓂᒡ, ᐁᐐᐃᔑ ᐸᑭᑎᓈᐙᒡ ᐃᑕᔥ ᒋᐅᓈᑯᓂᑯᓂᒡ ᑫᔥᑭᐁᐎᓯᓂᒡ, ᒣᔥᑲᐎᓰᓂᒡ ᑲᔦ ᑭᒋ ᐅᓇᔓᐌᐎᓂᓂᐗᓐ ᐅᕒᐆᒥᕽ Rome ᐌᒌᓂᒡ᙮ 21ᐃᑭ ᑕᔥ ᑳᑮᐃᔑᓂᔕᐅᑣ ᐅᑮᒨᒋ ᓈᓈᑲᑎᓰᒃ ᐅᐅ ᐅᑮᐃᔑ ᑲᑴᒋᒫᐙᓐ ᒋᓴᓲᓐ: ᐅᑭᑭᓄᐊᒫᑫ, ᑭᑭᑫᓂᒥᑰ ᑾᔭᒃ ᐁᐃᑭᑐᔭᓐ, ᑾᔭᒃ ᑲᔦ ᐁᐃᔑ ᑭᑭᓄᐊᒫᑫᔭᓐ᙮ ᑭᑭᑫᓂᒥᑰ ᑲᔦ ᑲᑭᓇ ᐊᐎᔭ ᐯᔑᑾᓐ ᐁᑑᑕᐗᒡ ᑳᑑᑕᐗᒡ ᐊᐊ ᐯᔑᒃ ᐊᐎᔭ᙮ ᑌᐺᐎᓐ ᑲᔦ ᐁᑭᑭᓄᐊᒫᑫᔭᓐ ᐋᓃᓐ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᔑ ᐱᒫᑎᓯᓂᒡ᙮ 22ᐐᑕᒪᐎᔑᓈᒻ ᑕᔥ ᐋᓃᓐ ᐁᓀᑕᒪᓐ: ᑫᑮᓇᐎᓐᑦ ᐃᓇ ᐃᔑᓈᑾᓐ ᒋᑎᐸᐊᒪᕽ ᐃᐃ ᑖᑭᔅ tax ᑳᑎᐸᐃᑫᐃᐌᒡ ᐊᐊ ᒫᐗᒡ ᐃᑯ ᑭᒋᐅᑭᒫ ᐌᑎ ᐅᕒᐆᒥᕽ ᑳᐊᔮᒡ, ᑯᒫ ᑲᔦ ᑳᐐᓐ ᓂᑖ ᑎᐸᐊᓰᒥᓐ? ᐅᑮᐃᓈᐙᓐ᙮
23ᒋᓴᔅ ᑕᔥ ᐅᑮ ᑭᑫᓂᒫᐞ ᐁᑮᒪᒋ ᐃᓀᑕᒥᓂᒡ, ᒦᑕᔥ ᑳᐃᓈᒡ: 24ᐙᐸᑕᐃᔑᓐ ᐊᐊ ᐙᐹᐱᑯ ᔔᓂᔮᔅ᙮ ᐊᐌᓀᓐ ᐗᐊ ᑳᒪᓯᓂᔑᕽ? ᐊᐌᓀᓐ ᐅᐅᐌᓂ ᐅᐐᓱᐎᓐ ᑳᐅᔑᐲᐃᑳᑌᓂᒃ? ᐅᑮᐃᓈᐞ᙮
ᒫᐗᒡ ᐃᑯ ᑭᒋᐅᑭᒫ, ᐅᑮᐃᑰᐞ᙮
25ᒦᑕᔥ ᑳᐃᓈᒡ: ᒦᓂᒃ ᓴ ᐊᐊ ᒫᐗᒡ ᐃᑯ ᑭᒋᐅᑭᒫ ᑳᑎᐯᑕᕽ, ᒦᓂᒃ ᐃᑕᔥ ᑲᔦ ᐐᓐ ᑭᔐᒪᓂᑑ ᑳᑎᐯᑕᕽ, ᐅᑮᐃᓈᐞ᙮
26ᑳᐐᓐ ᑕᔥ ᐅᑮ ᑲᔥᑭᑑᓰᓈᐙ ᒋᐅᒋ ᑳᒋᒋᐋᐙᒡ ᐋᓃᓐ ᑫᐃᑭᑐᓂᒡ᙮ ᐐᑫ ᑮᑭᒋ ᒫᒪᑳᑌᑕᒨᒃ ᑳᑮᐃᔑ ᓇᑴᑖᑯᐙᒡ, ᑳᐐᓐ ᑕᔥ ᒋᑮᓅᑖᑎᐙᒡ᙮
ᐁᑲᑴᒋᒥᓐᒡ ᒋᑕᔑᑕᕽ ᑮᐌᐱᒫᑎᓯᐎᓐ
(Matthew 22.23-33; Mark 12.18-27)
27 # Acts 23.8. ᐋᓂᑕ ᓵᒐᓰᒃ Sadducees ᐅᑮᐱ ᐊᑕ ᐙᐸᒫᐙᓐ ᒋᓴᓲᓐ᙮ ᒦᐗᒃ ᐅᑯᐌᓂᐗᒃ ᑳᐃᔑ ᑭᑭᓄᐃᑫᐙᒡ: ᑳᐐᓐ ᐊᐎᔭ ᒦᓇᐙ ᑕᑮᐌ ᐱᒫᑎᓯᓰ ᐃᔥᒀ ᐱᒫᑎᓯᒡ᙮ 28#Deut 25.5. ᐅᑮ ᑲᑴᒋᒫᐙᓐ: ᐅᑭᑭᓄᐊᒫᑫ, ᒨᓯᔅ Moses ᑕᔥ ᑮᐃᔑᐲᐃᑫ ᐅᑑᓇᔓᐌᐎᓂᕽ, ᑮᔥᐱᓐ ᐃᓂᓂ ᓂᐳᒡ ᐁᓇᑲᓈᒡ ᐃᓂ ᐐᐗᓐ, ᐁᑮᐊᔮᐙᓯᒀ ᐊᐱᓅᒌᔕᐞ, ᐐᒋᑭᐌᔭᓐ ᓴ ᐅᑲ ᐐᑎᑫᒫᓂ ᐃᓂ ᐐᐗᓐ ᒋᐊᔮᑕᒫᑯᒡ ᐊᐱᓅᒌᔕᐞ᙮ 29ᐃᓇᔥᑫ ᑕᔥ ᑮᓃᔣᒋᐗᒃ ᐃᑭ ᐃᓂᓂᐗᒃ ᐁᑮᐐᒋᑭᐌᑎᐙᒡ᙮ ᑳᓴᓰᑭᓯᒡ ᑕᔥ ᓂᑕᒻ ᑮᐐᐎ, ᐁᑮᓂᐳᒡ ᑕᔥ ᐁᑮᐊᔮᐙᓯᒃ ᐊᐱᓅᒌᔕᐞ᙮ 30ᐊᐊ ᑕᔥ ᐁᓂᐅᔒᒣᔑᒫᐎᒡ ᑫᐐᓐ ᑮᐊᓂ ᐐᐎ ᐃᓂ ᐃᑴᐗᓐ᙮ 31ᒦᑕᔥ ᐯᔑᑾᓐ ᐊᐊ ᐊᓂ ᐋᓂᑫ ᐅᔒᒣᔑᒫ ᑳᐃᔑᓭᒡ᙮ ᑲᑭᓇ ᐃᑭ ᑳᑮᓃᔣᒋᐙᒡ ᑳᑮᐐᒋᑭᐌᑎᐙᒡ ᐯᔑᑾᓐ ᑮᐃᔑᓭᐗᒃ ᐁᑮᓂᐳᐙᒡ, ᐁᑮᐅᒋ ᐊᔮᐙᓯᒀ ᑕᔥ ᐊᐱᓅᒌᔕᐞ᙮ 32ᐊᐊ ᑕᔥ ᐃᑴ ᐃᔥᒀᒡ ᑮᓂᐳ᙮ 33ᐊᐲ ᑕᔥ ᑮᐌ ᐱᒫᑎᓯᓈᓂᐗᕽ, ᐊᐌᓀᓐ ᑕᔥ ᐊᐊ ᒪᔮ ᑫᐐᐎᒡ ᐃᓂ ᐃᑴᐗᓐ? ᐋᓃᔥ ᒥᒋᓃᔣᓱ ᐅᑮᐐᑎᑫᒫᐙᓐ᙮
34ᐅᐅ ᑕᔥ ᒋᓴᔅ ᐅᑮᐃᓈᐞ: ᐃᓂᓂᐗᒃ, ᐃᑴᐗᒃ ᑲᔦ ᐙᐐᑎᑫᑎᐗᒃ ᐅᐅ ᓅᑯᒻ ᑳᐱᒥᓭᒃ ᐊᑭ᙮ 35ᐃᑭ ᑕᔥ ᐃᓂᓂᐗᒃ, ᐃᑭ ᑲᔦ ᐃᑴᐗᒃ ᑳᑌᐸᑫᑖᑯᓯᐙᒡ ᑕᑮᐌ ᐱᒫᑎᓯᐗᒃ᙮ ᑕᐊᓂ ᐱᒫᑎᓯᐗᒃ ᑲᔦ ᐌᑎ ᓃᑳᓇᔭᐄ ᑫᓂ ᐱᒥᓭᓂᒃ ᑳᐐᓐ ᐄᑐᒃ ᑕᐐᑎᑫᓈᓂᐗᓯᓅᓐ᙮ 36ᒦᑕᔥ ᐁᒐᓬᐃᕽ ᒋᑎᓄᐎᐙᒡ, ᑳᐐᓐ ᐐᑳ ᑕᓂᐳᓰᐗᒃ᙮ ᑭᔐᒪᓂᑑᓐ ᐅᑑᓃᒑᓂᓯᒥᑯᐙᓐ, ᐋᓃᔥ ᓂᐳᐎᓂᕽ ᑮᐅᒋ ᑮᐌ ᐱᒫᑎᓯᐗᒃ᙮ 37#Ex 3.6. ᐃᐃᒫ ᓴ ᑳᔑ ᑕᔑᑌᒃ ᐃᐃ ᑳᑮ ᐱᔅᑲᓀᒃ ᐁᔑ ᐱᑾᑯᐹᒃ, ᒦ ᐃᒫ ᒨᓯᔅ ᐁᔑ ᐯᑌᓈᑯᑑᒡ ᐃᑭ ᑳᓂᐳᐙᐸᓐ ᐁᑮᐌ ᐱᒫᑎᓯᐙᒡ᙮ ᒨᓯᔅ ᑮᐃᑭᑐᑯᐸᓐ: ᑳᑎᐯᒋᑫᓂᒡ ᓴ ᐅᑭᔐᒪᓂᑑᒥ ᐁᐸᕒᐊᐋᒻ Abraham, ᐋᐃᓯᒃ Isaac ᑲᔦ, ᐊᐊ ᑲᔦ ᒉᑲᑉ Jacob᙮ 38ᑳᐱᒫᑎᓯᓂᒡ ᐃᓴ ᐅᑑᑭᔐᒪᓂᑑᒥᑰᐞ, ᑳᐐᓐ ᐐᓐ ᐃᐃ ᑳᓂᐳᓂᒡ᙮ ᐐᓐ ᐄᑐᒃ ᑲᑭᓇ ᐊᐎᔭᓐ ᑳᐅᒋ ᐱᒫᑎᓯᓂᒡ, ᑮᐃᑭᑐ᙮ 39ᐋᓂᑕ ᑕᔥ ᑫᑭᓄᐊᒫᑫᓂᒡ ᐅᓇᔓᐌᐎᓐ ᐅᑮᐃᑰᐞ: ᐅᑭᑭᓄᐊᒫᑫ, ᑾᔭᒃ ᐃᐃ ᑳᐃᑭᑐᔭᓐ᙮ 40ᑳᐐᓐ ᑕᔥ ᑮᑲᔥᑭᑌᐁᓰᐗᐞ ᐊᐗᔑᒣ ᑫᑰᓐ ᒋᑲᑴᒋᒥᑯᒡ᙮
ᐋᓃᓐ ᑫᐃᓂᓐᒡ ᐊᐊ ᑭᔐᒪᓂᑑᓐ ᑳᑮᐅᓈᐸᒥᑯᒡ
(Matthew 22.41-46; Mark 12.35-37)
41ᒦᑕᔥ ᒋᓴᔅ ᑳᐃᓈᒡ: ᐋᓃᓐ ᑕᔥ ᐌᒋ ᐃᑭᑐᓈᓂᐗᕽ ᑭᔐᒪᓂᑑ ᑳᐅᓈᐸᒫᒡ ᐁᐅᑯᓯᓯᒥᑯᓂᒡ ᑌᐱᑕᓐ David? 42#Psa 110.1. ᐐᓐ ᐄᑐᒃ ᐃᑯ ᑌᐱᑦ ᐃᑭᑐ ᐃᐃᒫ ᓂᑲᒧᓂᕽ ᑫᑌ ᒪᓯᓇᐃᑲᓂᕽ:
ᑳᑎᐯᒋᑫᒡ ᐅᑮᐃᓈᓐ ᐃᓂ ᑳᑎᐯᓂᒥᒥᒡ:
ᐃᐃᒫ ᐃᔑᓇᒪᑕᐱᓐ ᓂᑭᒋᓂᑭᕽ ᐃᓇᑫ,
43ᐹᓂᒫ ᓴ ᑭᑲᐃᔑᐃᓐ ᒋᔖᑰᒋᐊᑣ ᑳᓂᔥᑫᓂᒥᒀ᙮
44ᑌᐱᑦ ᑕᔥ ᐁᑮᐃᔑᓂᑳᓈᒡ: ᑳᑎᐯᒋᑫᒡ᙮ ᐋᓃᓐ ᑕᔥ ᐃᓈ ᑭᔐᒪᓂᑑᓐ ᑳᑮᐅᓈᐸᒥᑯᒡ ᑫᔑ ᐅᑯᓯᓯᒥᑯᐸᓐ ᑌᐱᑕᓐ?
ᒋᐊᔓᐎᓂᑣ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ
(Matthew 23.1-36; Mark 12.38-40)
45ᒣᒀ ᑕᔥ ᑲᑭᓇ ᐯᒫᑎᓯᓂᒡ ᐁᐱᓯᑖᑯᒡ ᒋᓴᔅ ᐅᑮᐃᓈᐞ ᐅᑭᑭᓄᐊᒪᐙᑲᓇᐞ: 46ᐊᔮᒀᒥᓰᑕᐎᑾᒃ ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ᙮ ᐅᒥᓉᑖᓈᐙ ᐁᐸᐹᒧᓭᐙᒡ ᐁᑭᑭᔥᑲᒧᐙᒡ ᑫᓍᐲᑲᓂᓂᑭᓐ ᑲᔥᑮᑮᐎᓇᓐ᙮ ᐅᒥᓉᑖᓈᐙ ᑲᔦ ᐁᐴᔓᐃᑣ ᐊᑾᒌᕽ ᑳᑕᓇᑖᐌᕽ᙮ ᑲᔦ ᑕᔥ ᐁᐃᔑ ᐊᐱᐙᒡ ᒫᐗᒡ ᑫᒋ ᐃᓀᑖᑾᓂᓂᑭᓐ ᐊᐱᐎᓇᓐ ᐃᐃᒫ ᒎᐎ ᐊᓇᒥᐁᐎᑲᒥᑯᕽ, ᐃᐃᒫ ᑲᔦ ᑳᑕᔑ ᐐᑾᑎᐎᓐᒡ᙮ 47ᒦᐗᒃ ᐄᑐᒃ ᐃᑭ ᑳᐌᓵᓂᐋᐙᒡ ᑮᐙᒋᑴᐗᐞ ᐁᑭᒨᑎᒫᐙᒡ ᐅᑕᔮᐎᓂᓂ, ᑲᔦ ᑕᔥ ᑭᓉᔥ ᐁᐊᓇᒥᐋᐙᒡ ᒋᐙᐸᒥᑣ᙮ ᐊᐗᔑᒣ ᑕᔥ ᐐᓇᐙ ᐅᑲ ᐅᒋ ᐊᔮᓈᐙ ᑲᒀᑕᑭᐃᑰᐎᓐ, ᑮᐃᑭᑐ᙮
Ojibwe Shorter Bible (Syllabic Script) © 2008 Canadian Bible Society
ᓬᐅᒃ 20
20
ᒋᓴᔅ ᐅᑲᔥᑭᐁᐎᓯᐎᓐ ᐁᑕᔑᑌᓂᒃ
(Matthew 21.23-27; Mark 11.27-33)
1ᐋᐱᑎᕽ ᐁᑮᔑᑲᓂᓂᒃ ᒋᓴᔅ ᑮᐊᔮ ᑭᒋᐊᓇᒥᐁᐎᑲᒥᑯᕽ ᐁᑭᑭᓄᐊᒫᑫᒡ, ᐁᑮ ᑕᔑᑕᕽ ᑲᔦ ᒥᓍᒋᒧᐎᓐ᙮ ᒦᔥ ᑳᑮᐱ ᓈᓯᑳᑯᒡ ᑭᒋᐊᓇᒥᐁᐎᑭᒫᐞ, ᑳᑭᑭᓄᐊᒫᑫᓂᒡ ᐅᓇᔓᐌᐎᓐ, ᐃᐃ ᑲᔦ ᑳᓃᑳᓂᓯᓂᒡ ᐅᓇᔓᐌᐎᓂᕽ, 2ᒦᑕᔥ ᑳᐃᑯᒡ: ᐐᑕᒪᐎᔑᓈᒻ, ᐌᑯᓀᓐ ᑎᓄ ᑲᔥᑭᐁᐎᓯᐎᓐ ᑳᐋᐸᒋᑑᔭᓐ ᐅᓄ ᑳᐃᔑᒋᑫᔭᓐ? ᐊᐌᓀᓐ ᑲᔦ ᑳᒦᓂᒃ ᐃᐃ ᑲᔥᑭᐁᐎᓯᐎᓐ?
3ᒋᓴᔅ ᑕᔥ ᐅᑮᐃᔑ ᓇᑴᑕᐙᐞ: ᐯᔑᒃ ᑕᔥ ᑫᑰᓐ ᑫᓃᓐ ᑭᐐ ᑲᑴᒋᒥᓂᓂᒻ᙮ ᓇᑴᑕᐎᔑᒃ ᐃᑕᔥ᙮ 4ᐋᑎ ᑳᐅᒌᓂᒃ ᐊᐊ ᒞᓐ John ᐅᓰᑲᐊᑖᑫᐎᓐ? ᑭᔐᒪᓂᑑᕽ ᐃᓇ ᑯᒫ ᑲᔦ ᐃᓂᓃᑳᕽ? ᐅᑮᐃᓈᐞ᙮
5ᒦᑕᔥ ᑳᐃᔑ ᒫᒌ ᑲᑲᓅᓂᑎᓂᒡ ᐁᑮ ᑕᔑᑕᒫᑎᓂᒡ ᐁᑮᐃᑭᑐᓂᒡ: ᑮᔥᐱᓐ ᐃᑭᑐᔭᕽ ᑭᔐᒪᓂᑑᕽ, ᑭᑲᐃᑯᓈᓐ ᑕᔥ ᐌᑯᓀᓐ ᑕᔥ ᑳᐅᒋ ᑌᐺᑕᐙᓯᐌᒃ ᐊᐊ ᒞᓐ? 6ᑮᔥᐱᓐ ᑕᔥ ᐃᑭᑐᔭᕽ ᐃᓂᓃᑳᕽ, ᑲᑭᓇ ᐃᑭ ᑳᐹᑏᓄᐙᒡ ᑭᑲ ᐸᐲᒶᓯᓇᐃᑯᓈᓂᒃ ᐋᓃᔥ ᑲᑭᓇ ᐅᑎᓇᑭᒫᐙᓐ ᐃᓂ ᒞᓇᓐ ᑭᔐᒪᓂᑑᓐ ᑳᑲᓅᑕᒪᐙᓂᒡ᙮ 7ᒦᑕᔥ ᑳᐃᑯᒡ: ᑳᐐᓐ ᓂᑭᑫᑕᓰᒥᓐ ᐋᑎ ᐌᒌᒪᑲᓄᑴᓐ᙮
8ᒦᑕᔥ ᑳᐃᓈᒡ: ᑳᐐᓐ ᑕᔥ ᑫᓃᓐ ᑭᑲ ᐐᑕᒪᐎᓯᓅᓂᓂᒻ ᐌᑯᓀᓐ ᑎᓄ ᑲᔥᑭᐁᐎᓯᐎᓐ ᑳᐋᐸᒋᑑᔮᓐ ᐅᐅ ᑳᐃᔑᒋᑫᔮᓐ᙮
ᐁᐊᐌᒋᑳᑫᒡ ᑭᑎᑫᐎᓂᓂᐗᓐ
(Matthew 21.33-46; Mark 12.1-12)
9 # Isa 5.1. ᒋᓴᔅ ᑕᔥ ᐅᑮᐐᑕᒪᐙᐞ ᐯᒫᑎᓯᓂᒡ ᐅᐅ ᐊᐌᒋᑫᐎᓐ: ᑮᐊᔮ ᐯᔑᒃ ᐃᓂᓂ ᐁᑮ ᑭᑎᑳᑕᕽ ᔔᒥᓂᑭᑎᑫᐎᓐ᙮ ᒦᔥ ᑳᐃᔑ ᐊᐎᐋᒡ ᑯᑕᒃ ᑭᑎᑫᐎᓂᓂᐗᐞ᙮ ᒦᑕᔥ ᑳᐃᔑ ᒫᒑᒡ ᑭᓉᔥ ᐁᑮᐃᓀᑎᒡ᙮ 10ᐊᐲ ᑕᔥ ᐁᐅᒋᒋᓭᓂᒃ ᒋᒪᐎᔂᓱᓂᒡ ᐃᐃ ᔔᒥᓇᐞ, ᐅᑮᐃᔑᓂᔕᐙᓐ ᐃᓴ ᐅᑕᓄᑮᐋᑲᓇᐞ ᐃᐃᒫ ᑳᐃᔑ ᑭᑎᑳᓱᓂᒡ ᔔᒥᓇᐞ ᑫᐐᓐ ᐃᐃᒫ ᐁᐐᐅᑎᓯᒡ ᒥᓂᒃ ᑫᑮᐅᑎᓯᐸᓐ᙮ ᑳᑮᐊᐎᐃᑣ ᑕᔥ ᐅᑮ ᐸᐸᑭᑌᐙᐙᓐ ᐃᓂ ᐊᓄᑮᐋᑲᓇᓐ, ᑫᑰᓐ ᐋᐲᓐᒡ ᐁᑮᒫᒌᑑᓯᓂᒃ᙮ 11ᒦᓇᐙ ᑕᔥ ᐊᐊ ᑭᑎᑫᐎᑭᒫ ᐅᑮᐃᔑᓂᔕᐙᓐ ᑯᑕᒃ ᐅᑕᓄᑮᐋᑲᓇᓐ, ᒦᑕᔥ ᑳᑮᐊᐎᐃᑣ ᐯᔑᑾᓐ ᑳᐃᔑ ᐸᐸᑭᑌᐙᐙᒡ, ᐁᑮᒫᔑ ᑑᑕᐙᐙᒡ ᑲᔦ, ᑫᑰᓐ ᐋᐲᓐᒡ ᐁᑮᒫᒌᑑᓯᓂᒃ᙮ 12ᒦᓇᐙ ᑯᑕᒃ ᐅᑕᓄᑮᐋᑲᓇᓐ ᐅᑮᐃᔑᓂᔕᐙᓐ, ᒦᔥ ᑳᐃᔑ ᒫᑭ ᑑᑕᐎᒥᓐᒡ ᐁᑮ ᓵᑭᒋ ᐌᐱᓂᑲᓂᐎᓂᒡ ᑲᔦ᙮ 13ᒦᑕᔥ ᐊᐊ ᑭᑎᑫᐎᑭᒫ ᑳᐃᑭᑐᒡ: ᐋᓃᓐ ᑕᔥ ᐃᓈ ᑫᐃᔑᒋᑫᔮᓐ? ᓂᑯᓯᓴᓐ ᓂᑲ ᐃᔑᓂᔕᐅᒫᓐ ᑳᓵᑭᐃᒪᒃ, ᒫᑭᔖ ᑕᔥ ᐅᑲ ᑭᑌᓂᒫᐙᓐ᙮ 14ᐊᐲ ᑕᔥ ᑳᑮᐊᐎᐃᑣ ᐁᐙᐸᒫᐙᒡ ᐃᓂ ᐅᑯᓯᓯᒫᓐ, ᒦᑕᔥ ᑳᐃᑭᑐᐙᒡ: ᒦ ᓴ ᐃᓂ ᑭᑎᑫᐎᑭᒫ ᐅᑯᓯᓴᓐ᙮ ᐊᐯᔪᒃ ᑕᑲ ᓂᓯᒫᑖᓂᓐ, ᒋᐊᔮᐗᕽ ᐃᐃ ᑳᐐ ᑎᐱᓇᐌᐎᓯᓂᒡ! 15ᒦᑕᔥ ᑳᑮᐅᑎᑎᓈᐙᒡ ᐁᑮ ᓵᑭᒋ ᐌᐱᓈᐙᒡ ᐃᐃᒫ ᔔᒥᓂᐎ ᑭᑎᑳᓂᕽ, ᐁᑮᓂᓵᐙᒡ ᑲᔦ᙮
ᐋᓃᓐ ᑕᔥ ᑫᑑᑕᐙᒡ ᐊᐊ ᑭᑎᑫᐎᑭᒫ ᑳᑎᐯᑕᕽ ᔔᒥᓂ ᑭᑎᑫᐎᓐ ᐃᐃ ᑳᑮᐊᐎᐋᒡ? 16ᑕᐱ ᑕᑯᔑᓐ ᐄᑐᒃ ᒋᐱ ᓂᓵᒡ ᐃᐃ ᑳᑮᐊᐎᐋᐸᓐ ᔔᒥᓂᐎ ᑭᑎᑫᐎᓐ, ᑯᑕᒃ ᐊᐎᔭᐞ ᒋᒦᓈᒡ, ᐅᑮᐃᓈᐞ᙮
ᐁᓅᑖᑯᒡ ᐃᑕᔥ ᐯᒫᑎᓯᓂᒡ ᐅᐅ ᑮᐃᑭᑐᐗᐞ: ᑕᑲ ᑳᐐᓐ ᐐᑳ ᐃᐃ ᑕᐃᔑᓭᓯᓅᓐ!
17 # Psa 118.22. ᒋᓴᔅ ᑕᔥ ᐅᑮ ᑲᓇᐙᐸᒫᐞ ᐁᑮ ᑲᑴᒋᒫᒡ: ᐋᓃᓐ ᑕᔥ ᐁᑭᑑᒪᑲᒃ ᐅᐅ ᑳᐃᔑᐲᐃᑳᑌᒃ ᑫᑌᒪᓯᓇᐃᑲᓂᕽ?
ᐃᓂ ᓴ ᐊᓯᓃᓐ ᑳᐙᑳᐃᑫᐙᒡ ᑳᐋᓇᐌᓂᒫᐙᒡ,
ᒦᐗᓐ ᐃᓴ ᐃᓂ ᒫᐗᒡ ᑳᓃᑳᓀᑖᑯᓯᓂᒡ ᐊᓯᓃᓐ᙮
18ᐊᐌᓀᓐ ᐃᑕᔥ ᐃᑯ ᐃᒫ ᑫᔑ ᐸᑭᔑᕽ ᐊᓯᓃᕽ, ᑕᐲᓯᔑᓐ᙮ ᐊᐊ ᑕᔥ ᑲᔦ ᑫᐱᓯᑰᓱᒡ ᐃᓂ ᐊᓯᓃᓐ ᑕᔑᑯᒌᔥᑰᓱ᙮
ᐁᑲᑴᒋᒥᓐᒡ ᑕᑲ ᒋᑎᐸᐃᑳᑌᑭᐸᓐ ᑖᑭᔅ
(Matthew 22.15-22; Mark 12.13-17)
19ᐃᑭ ᑕᔥ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ, ᐃᑭ ᑲᔦ ᑭᒋᐊᓇᒥᐁᐎᑭᒫᒃ ᔐᒫᒃ ᐅᑮᑲᑴ ᑳᒋᑎᓈᐙᓐ ᒋᓴᓲᓐ ᐊᓃᔥ ᐅᑮ ᑭᑫᑖᓈᐙ ᐐᓇᐙ ᐁᑕᔑᒥᑯᐙᒡ ᑮᐊᐌᒋᑫᓂᒡ᙮ ᐅᑮ ᑯᓵᐙᐞ ᐃᑕᔥ ᐯᒫᑎᓯᓂᒡ᙮ 20ᐐᑫ ᑕᔥ ᐅᑮᓈᑲᒋᐋᐙᓐ ᐁᑮᐃᔑᓂᔕᐙᐙᒡ ᑲᔦ ᐊᐎᔭᐞ ᒌᓍᓂᑎᓱᓂᒡ ᑾᔭᒃ ᑎᓄ ᐁᓈᑎᓯᓂᒡ ᑫᑮᒨᒋ ᓈᑲᒋᐋᓂᒡ ᒋᓴᓲᓐ᙮ ᐅᑮᐃᔑ ᐊᑕᐌᑖᓈᐙ ᐁᐐ ᑳᒋᒋᐋᐙᒡ ᑫᑰᓐ ᐃᑭᑐᓂᒡ, ᐁᐐᐃᔑ ᐸᑭᑎᓈᐙᒡ ᐃᑕᔥ ᒋᐅᓈᑯᓂᑯᓂᒡ ᑫᔥᑭᐁᐎᓯᓂᒡ, ᒣᔥᑲᐎᓰᓂᒡ ᑲᔦ ᑭᒋ ᐅᓇᔓᐌᐎᓂᓂᐗᓐ ᐅᕒᐆᒥᕽ Rome ᐌᒌᓂᒡ᙮ 21ᐃᑭ ᑕᔥ ᑳᑮᐃᔑᓂᔕᐅᑣ ᐅᑮᒨᒋ ᓈᓈᑲᑎᓰᒃ ᐅᐅ ᐅᑮᐃᔑ ᑲᑴᒋᒫᐙᓐ ᒋᓴᓲᓐ: ᐅᑭᑭᓄᐊᒫᑫ, ᑭᑭᑫᓂᒥᑰ ᑾᔭᒃ ᐁᐃᑭᑐᔭᓐ, ᑾᔭᒃ ᑲᔦ ᐁᐃᔑ ᑭᑭᓄᐊᒫᑫᔭᓐ᙮ ᑭᑭᑫᓂᒥᑰ ᑲᔦ ᑲᑭᓇ ᐊᐎᔭ ᐯᔑᑾᓐ ᐁᑑᑕᐗᒡ ᑳᑑᑕᐗᒡ ᐊᐊ ᐯᔑᒃ ᐊᐎᔭ᙮ ᑌᐺᐎᓐ ᑲᔦ ᐁᑭᑭᓄᐊᒫᑫᔭᓐ ᐋᓃᓐ ᑭᔐᒪᓂᑑ ᑳᔑ ᐊᑕᐌᓂᒫᒡ ᐊᐎᔭᓐ ᒋᐃᔑ ᐱᒫᑎᓯᓂᒡ᙮ 22ᐐᑕᒪᐎᔑᓈᒻ ᑕᔥ ᐋᓃᓐ ᐁᓀᑕᒪᓐ: ᑫᑮᓇᐎᓐᑦ ᐃᓇ ᐃᔑᓈᑾᓐ ᒋᑎᐸᐊᒪᕽ ᐃᐃ ᑖᑭᔅ tax ᑳᑎᐸᐃᑫᐃᐌᒡ ᐊᐊ ᒫᐗᒡ ᐃᑯ ᑭᒋᐅᑭᒫ ᐌᑎ ᐅᕒᐆᒥᕽ ᑳᐊᔮᒡ, ᑯᒫ ᑲᔦ ᑳᐐᓐ ᓂᑖ ᑎᐸᐊᓰᒥᓐ? ᐅᑮᐃᓈᐙᓐ᙮
23ᒋᓴᔅ ᑕᔥ ᐅᑮ ᑭᑫᓂᒫᐞ ᐁᑮᒪᒋ ᐃᓀᑕᒥᓂᒡ, ᒦᑕᔥ ᑳᐃᓈᒡ: 24ᐙᐸᑕᐃᔑᓐ ᐊᐊ ᐙᐹᐱᑯ ᔔᓂᔮᔅ᙮ ᐊᐌᓀᓐ ᐗᐊ ᑳᒪᓯᓂᔑᕽ? ᐊᐌᓀᓐ ᐅᐅᐌᓂ ᐅᐐᓱᐎᓐ ᑳᐅᔑᐲᐃᑳᑌᓂᒃ? ᐅᑮᐃᓈᐞ᙮
ᒫᐗᒡ ᐃᑯ ᑭᒋᐅᑭᒫ, ᐅᑮᐃᑰᐞ᙮
25ᒦᑕᔥ ᑳᐃᓈᒡ: ᒦᓂᒃ ᓴ ᐊᐊ ᒫᐗᒡ ᐃᑯ ᑭᒋᐅᑭᒫ ᑳᑎᐯᑕᕽ, ᒦᓂᒃ ᐃᑕᔥ ᑲᔦ ᐐᓐ ᑭᔐᒪᓂᑑ ᑳᑎᐯᑕᕽ, ᐅᑮᐃᓈᐞ᙮
26ᑳᐐᓐ ᑕᔥ ᐅᑮ ᑲᔥᑭᑑᓰᓈᐙ ᒋᐅᒋ ᑳᒋᒋᐋᐙᒡ ᐋᓃᓐ ᑫᐃᑭᑐᓂᒡ᙮ ᐐᑫ ᑮᑭᒋ ᒫᒪᑳᑌᑕᒨᒃ ᑳᑮᐃᔑ ᓇᑴᑖᑯᐙᒡ, ᑳᐐᓐ ᑕᔥ ᒋᑮᓅᑖᑎᐙᒡ᙮
ᐁᑲᑴᒋᒥᓐᒡ ᒋᑕᔑᑕᕽ ᑮᐌᐱᒫᑎᓯᐎᓐ
(Matthew 22.23-33; Mark 12.18-27)
27 # Acts 23.8. ᐋᓂᑕ ᓵᒐᓰᒃ Sadducees ᐅᑮᐱ ᐊᑕ ᐙᐸᒫᐙᓐ ᒋᓴᓲᓐ᙮ ᒦᐗᒃ ᐅᑯᐌᓂᐗᒃ ᑳᐃᔑ ᑭᑭᓄᐃᑫᐙᒡ: ᑳᐐᓐ ᐊᐎᔭ ᒦᓇᐙ ᑕᑮᐌ ᐱᒫᑎᓯᓰ ᐃᔥᒀ ᐱᒫᑎᓯᒡ᙮ 28#Deut 25.5. ᐅᑮ ᑲᑴᒋᒫᐙᓐ: ᐅᑭᑭᓄᐊᒫᑫ, ᒨᓯᔅ Moses ᑕᔥ ᑮᐃᔑᐲᐃᑫ ᐅᑑᓇᔓᐌᐎᓂᕽ, ᑮᔥᐱᓐ ᐃᓂᓂ ᓂᐳᒡ ᐁᓇᑲᓈᒡ ᐃᓂ ᐐᐗᓐ, ᐁᑮᐊᔮᐙᓯᒀ ᐊᐱᓅᒌᔕᐞ, ᐐᒋᑭᐌᔭᓐ ᓴ ᐅᑲ ᐐᑎᑫᒫᓂ ᐃᓂ ᐐᐗᓐ ᒋᐊᔮᑕᒫᑯᒡ ᐊᐱᓅᒌᔕᐞ᙮ 29ᐃᓇᔥᑫ ᑕᔥ ᑮᓃᔣᒋᐗᒃ ᐃᑭ ᐃᓂᓂᐗᒃ ᐁᑮᐐᒋᑭᐌᑎᐙᒡ᙮ ᑳᓴᓰᑭᓯᒡ ᑕᔥ ᓂᑕᒻ ᑮᐐᐎ, ᐁᑮᓂᐳᒡ ᑕᔥ ᐁᑮᐊᔮᐙᓯᒃ ᐊᐱᓅᒌᔕᐞ᙮ 30ᐊᐊ ᑕᔥ ᐁᓂᐅᔒᒣᔑᒫᐎᒡ ᑫᐐᓐ ᑮᐊᓂ ᐐᐎ ᐃᓂ ᐃᑴᐗᓐ᙮ 31ᒦᑕᔥ ᐯᔑᑾᓐ ᐊᐊ ᐊᓂ ᐋᓂᑫ ᐅᔒᒣᔑᒫ ᑳᐃᔑᓭᒡ᙮ ᑲᑭᓇ ᐃᑭ ᑳᑮᓃᔣᒋᐙᒡ ᑳᑮᐐᒋᑭᐌᑎᐙᒡ ᐯᔑᑾᓐ ᑮᐃᔑᓭᐗᒃ ᐁᑮᓂᐳᐙᒡ, ᐁᑮᐅᒋ ᐊᔮᐙᓯᒀ ᑕᔥ ᐊᐱᓅᒌᔕᐞ᙮ 32ᐊᐊ ᑕᔥ ᐃᑴ ᐃᔥᒀᒡ ᑮᓂᐳ᙮ 33ᐊᐲ ᑕᔥ ᑮᐌ ᐱᒫᑎᓯᓈᓂᐗᕽ, ᐊᐌᓀᓐ ᑕᔥ ᐊᐊ ᒪᔮ ᑫᐐᐎᒡ ᐃᓂ ᐃᑴᐗᓐ? ᐋᓃᔥ ᒥᒋᓃᔣᓱ ᐅᑮᐐᑎᑫᒫᐙᓐ᙮
34ᐅᐅ ᑕᔥ ᒋᓴᔅ ᐅᑮᐃᓈᐞ: ᐃᓂᓂᐗᒃ, ᐃᑴᐗᒃ ᑲᔦ ᐙᐐᑎᑫᑎᐗᒃ ᐅᐅ ᓅᑯᒻ ᑳᐱᒥᓭᒃ ᐊᑭ᙮ 35ᐃᑭ ᑕᔥ ᐃᓂᓂᐗᒃ, ᐃᑭ ᑲᔦ ᐃᑴᐗᒃ ᑳᑌᐸᑫᑖᑯᓯᐙᒡ ᑕᑮᐌ ᐱᒫᑎᓯᐗᒃ᙮ ᑕᐊᓂ ᐱᒫᑎᓯᐗᒃ ᑲᔦ ᐌᑎ ᓃᑳᓇᔭᐄ ᑫᓂ ᐱᒥᓭᓂᒃ ᑳᐐᓐ ᐄᑐᒃ ᑕᐐᑎᑫᓈᓂᐗᓯᓅᓐ᙮ 36ᒦᑕᔥ ᐁᒐᓬᐃᕽ ᒋᑎᓄᐎᐙᒡ, ᑳᐐᓐ ᐐᑳ ᑕᓂᐳᓰᐗᒃ᙮ ᑭᔐᒪᓂᑑᓐ ᐅᑑᓃᒑᓂᓯᒥᑯᐙᓐ, ᐋᓃᔥ ᓂᐳᐎᓂᕽ ᑮᐅᒋ ᑮᐌ ᐱᒫᑎᓯᐗᒃ᙮ 37#Ex 3.6. ᐃᐃᒫ ᓴ ᑳᔑ ᑕᔑᑌᒃ ᐃᐃ ᑳᑮ ᐱᔅᑲᓀᒃ ᐁᔑ ᐱᑾᑯᐹᒃ, ᒦ ᐃᒫ ᒨᓯᔅ ᐁᔑ ᐯᑌᓈᑯᑑᒡ ᐃᑭ ᑳᓂᐳᐙᐸᓐ ᐁᑮᐌ ᐱᒫᑎᓯᐙᒡ᙮ ᒨᓯᔅ ᑮᐃᑭᑐᑯᐸᓐ: ᑳᑎᐯᒋᑫᓂᒡ ᓴ ᐅᑭᔐᒪᓂᑑᒥ ᐁᐸᕒᐊᐋᒻ Abraham, ᐋᐃᓯᒃ Isaac ᑲᔦ, ᐊᐊ ᑲᔦ ᒉᑲᑉ Jacob᙮ 38ᑳᐱᒫᑎᓯᓂᒡ ᐃᓴ ᐅᑑᑭᔐᒪᓂᑑᒥᑰᐞ, ᑳᐐᓐ ᐐᓐ ᐃᐃ ᑳᓂᐳᓂᒡ᙮ ᐐᓐ ᐄᑐᒃ ᑲᑭᓇ ᐊᐎᔭᓐ ᑳᐅᒋ ᐱᒫᑎᓯᓂᒡ, ᑮᐃᑭᑐ᙮ 39ᐋᓂᑕ ᑕᔥ ᑫᑭᓄᐊᒫᑫᓂᒡ ᐅᓇᔓᐌᐎᓐ ᐅᑮᐃᑰᐞ: ᐅᑭᑭᓄᐊᒫᑫ, ᑾᔭᒃ ᐃᐃ ᑳᐃᑭᑐᔭᓐ᙮ 40ᑳᐐᓐ ᑕᔥ ᑮᑲᔥᑭᑌᐁᓰᐗᐞ ᐊᐗᔑᒣ ᑫᑰᓐ ᒋᑲᑴᒋᒥᑯᒡ᙮
ᐋᓃᓐ ᑫᐃᓂᓐᒡ ᐊᐊ ᑭᔐᒪᓂᑑᓐ ᑳᑮᐅᓈᐸᒥᑯᒡ
(Matthew 22.41-46; Mark 12.35-37)
41ᒦᑕᔥ ᒋᓴᔅ ᑳᐃᓈᒡ: ᐋᓃᓐ ᑕᔥ ᐌᒋ ᐃᑭᑐᓈᓂᐗᕽ ᑭᔐᒪᓂᑑ ᑳᐅᓈᐸᒫᒡ ᐁᐅᑯᓯᓯᒥᑯᓂᒡ ᑌᐱᑕᓐ David? 42#Psa 110.1. ᐐᓐ ᐄᑐᒃ ᐃᑯ ᑌᐱᑦ ᐃᑭᑐ ᐃᐃᒫ ᓂᑲᒧᓂᕽ ᑫᑌ ᒪᓯᓇᐃᑲᓂᕽ:
ᑳᑎᐯᒋᑫᒡ ᐅᑮᐃᓈᓐ ᐃᓂ ᑳᑎᐯᓂᒥᒥᒡ:
ᐃᐃᒫ ᐃᔑᓇᒪᑕᐱᓐ ᓂᑭᒋᓂᑭᕽ ᐃᓇᑫ,
43ᐹᓂᒫ ᓴ ᑭᑲᐃᔑᐃᓐ ᒋᔖᑰᒋᐊᑣ ᑳᓂᔥᑫᓂᒥᒀ᙮
44ᑌᐱᑦ ᑕᔥ ᐁᑮᐃᔑᓂᑳᓈᒡ: ᑳᑎᐯᒋᑫᒡ᙮ ᐋᓃᓐ ᑕᔥ ᐃᓈ ᑭᔐᒪᓂᑑᓐ ᑳᑮᐅᓈᐸᒥᑯᒡ ᑫᔑ ᐅᑯᓯᓯᒥᑯᐸᓐ ᑌᐱᑕᓐ?
ᒋᐊᔓᐎᓂᑣ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ
(Matthew 23.1-36; Mark 12.38-40)
45ᒣᒀ ᑕᔥ ᑲᑭᓇ ᐯᒫᑎᓯᓂᒡ ᐁᐱᓯᑖᑯᒡ ᒋᓴᔅ ᐅᑮᐃᓈᐞ ᐅᑭᑭᓄᐊᒪᐙᑲᓇᐞ: 46ᐊᔮᒀᒥᓰᑕᐎᑾᒃ ᐃᑭ ᑳᑭᑭᓄᐊᒫᑫᐙᒡ ᐅᓇᔓᐌᐎᓐ᙮ ᐅᒥᓉᑖᓈᐙ ᐁᐸᐹᒧᓭᐙᒡ ᐁᑭᑭᔥᑲᒧᐙᒡ ᑫᓍᐲᑲᓂᓂᑭᓐ ᑲᔥᑮᑮᐎᓇᓐ᙮ ᐅᒥᓉᑖᓈᐙ ᑲᔦ ᐁᐴᔓᐃᑣ ᐊᑾᒌᕽ ᑳᑕᓇᑖᐌᕽ᙮ ᑲᔦ ᑕᔥ ᐁᐃᔑ ᐊᐱᐙᒡ ᒫᐗᒡ ᑫᒋ ᐃᓀᑖᑾᓂᓂᑭᓐ ᐊᐱᐎᓇᓐ ᐃᐃᒫ ᒎᐎ ᐊᓇᒥᐁᐎᑲᒥᑯᕽ, ᐃᐃᒫ ᑲᔦ ᑳᑕᔑ ᐐᑾᑎᐎᓐᒡ᙮ 47ᒦᐗᒃ ᐄᑐᒃ ᐃᑭ ᑳᐌᓵᓂᐋᐙᒡ ᑮᐙᒋᑴᐗᐞ ᐁᑭᒨᑎᒫᐙᒡ ᐅᑕᔮᐎᓂᓂ, ᑲᔦ ᑕᔥ ᑭᓉᔥ ᐁᐊᓇᒥᐋᐙᒡ ᒋᐙᐸᒥᑣ᙮ ᐊᐗᔑᒣ ᑕᔥ ᐐᓇᐙ ᐅᑲ ᐅᒋ ᐊᔮᓈᐙ ᑲᒀᑕᑭᐃᑰᐎᓐ, ᑮᐃᑭᑐ᙮
Ojibwe Shorter Bible (Syllabic Script) © 2008 Canadian Bible Society