Genesis 6
6
Ing Kasalanan na ning Meto Ketawan
1 # Job 1:6; 2:1. Kanitang megumpisa na lang merakal ding tau king yatu at mikayanak lang babai, 2ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti. 3Kanita ngana ning Ginu, E ku paintulut ing kumaba ya bie ing tau uling laman ya. E ya mie lagpus king dinalan at aduang pulung banua.
4 # Bilang 13:33; Sir 16:7; Bar 3:26. Karing aldong deta ating linto higanti#6:4 King Hebreo: Nebilim. king yatu; anak da la reti ding anak na ning Dios karing anak dang babai ding tau. Ila ding bayani na ning minunang panaun; tau lang pikabaluan.
5 # Mt 24:37; Lc 17:26; 1 Ped 3:20. Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na. 6Melungkut ya ing Dios uling lelangan ne ing tau. 7Inya sinabi na, Buran ke king yatu ing taung lelangan ku at pati na animal a malati't maragul ampon ding ayup. Malungkut ku uling lelangan ko pa. 8Oneng meging kalugud-lugud ya i Noe king Ginu.
I Noe
9 # Sir 44:17, 18; 2 Ped 2:5. Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios. 10Atlu la ding meging anak na: di Sem, Ham, at Jafet. 11E ya mayap ing yatu king akakit na ning Dios at mitmu yang dewakan. 12Linawe ne ning Dios ing yatu at ikit nang e ya meging mayap, uling mabibie la ngan ding sablang tau king e ustu.
Ing Pamagsadia ban Miligtas king Albug
13Ngana ning Dios kang Noe, Inari ku na king lub ku ing paten la ding heganaganang tau king yatu. Uli na ning tau kinatmu yang dewakan ing yatu; gisanan ku la ngan pati na ing heganaganang mabibie king yatu. 14Gawa kang barku#6:14 King Hebreo: daung; kalupa yang barku uli na ning sukad na. king sipres a karutungan. Dinan meng miyayaliwang partisyun at panapalan meng alketran kilual at kilub. 15Gawan meng apat a ralan limang pulung talampakan king kaba, pitung pulu't limang talampakan king lapad, at apat apulu't limang talampakan king katas. 16Atapan me at dinan awang king makapadurut, milakuan kang metung at kapitnang talampakan ibat king wakas ning bubungan. Gawan meng atlung patung ing barku, at dinan meng piluluban king metung nang dane. 17Malapit ku neng ipalbug ing yatu king danum ban paten ing sablang melalang a mabie king yatu; mate ing sablang atyu king yatu. 18Pero gawa kung metung a kasunduan keka. Ika, ing asawa mu, ding anak mung lalaki, at ding asawa ra; sake kayu king barku. 19Magdala kayung kaparis king barku karing miyayaliwang uring lelangan, metung a lalaki at metung a babai, at e mu la paintulutan mamamate. 20Misake ka namang kaparis karing miyayaliwang uring ayup, animal a maragul at gagapang ban e la mate. 21Magdala kang apangan yu at isinup iti bilang pagkabie yu. 22#Heb 11:7.Tiparan nang Noe ing heganaganang inutus na ning Dios.
Philippine Bible Society New Testament © 1981, Bible © 1994
Genesis 6
6
Ing Kasalanan na ning Meto Ketawan
1 # Job 1:6; 2:1. Kanitang megumpisa na lang merakal ding tau king yatu at mikayanak lang babai, 2ikit da ring anak na ning Dios king malagu la ding anak da ring tau. Inya, gewa da lang asawa da ring sablang apili ra kareti. 3Kanita ngana ning Ginu, E ku paintulut ing kumaba ya bie ing tau uling laman ya. E ya mie lagpus king dinalan at aduang pulung banua.
4 # Bilang 13:33; Sir 16:7; Bar 3:26. Karing aldong deta ating linto higanti#6:4 King Hebreo: Nebilim. king yatu; anak da la reti ding anak na ning Dios karing anak dang babai ding tau. Ila ding bayani na ning minunang panaun; tau lang pikabaluan.
5 # Mt 24:37; Lc 17:26; 1 Ped 3:20. Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na. 6Melungkut ya ing Dios uling lelangan ne ing tau. 7Inya sinabi na, Buran ke king yatu ing taung lelangan ku at pati na animal a malati't maragul ampon ding ayup. Malungkut ku uling lelangan ko pa. 8Oneng meging kalugud-lugud ya i Noe king Ginu.
I Noe
9 # Sir 44:17, 18; 2 Ped 2:5. Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios. 10Atlu la ding meging anak na: di Sem, Ham, at Jafet. 11E ya mayap ing yatu king akakit na ning Dios at mitmu yang dewakan. 12Linawe ne ning Dios ing yatu at ikit nang e ya meging mayap, uling mabibie la ngan ding sablang tau king e ustu.
Ing Pamagsadia ban Miligtas king Albug
13Ngana ning Dios kang Noe, Inari ku na king lub ku ing paten la ding heganaganang tau king yatu. Uli na ning tau kinatmu yang dewakan ing yatu; gisanan ku la ngan pati na ing heganaganang mabibie king yatu. 14Gawa kang barku#6:14 King Hebreo: daung; kalupa yang barku uli na ning sukad na. king sipres a karutungan. Dinan meng miyayaliwang partisyun at panapalan meng alketran kilual at kilub. 15Gawan meng apat a ralan limang pulung talampakan king kaba, pitung pulu't limang talampakan king lapad, at apat apulu't limang talampakan king katas. 16Atapan me at dinan awang king makapadurut, milakuan kang metung at kapitnang talampakan ibat king wakas ning bubungan. Gawan meng atlung patung ing barku, at dinan meng piluluban king metung nang dane. 17Malapit ku neng ipalbug ing yatu king danum ban paten ing sablang melalang a mabie king yatu; mate ing sablang atyu king yatu. 18Pero gawa kung metung a kasunduan keka. Ika, ing asawa mu, ding anak mung lalaki, at ding asawa ra; sake kayu king barku. 19Magdala kayung kaparis king barku karing miyayaliwang uring lelangan, metung a lalaki at metung a babai, at e mu la paintulutan mamamate. 20Misake ka namang kaparis karing miyayaliwang uring ayup, animal a maragul at gagapang ban e la mate. 21Magdala kang apangan yu at isinup iti bilang pagkabie yu. 22#Heb 11:7.Tiparan nang Noe ing heganaganang inutus na ning Dios.
Philippine Bible Society New Testament © 1981, Bible © 1994