Bɩgabaazɩya Naanɩ́ na ɖɩbáázɩ nɛ́
Naanɩ́ na ɖɩbáázɩ nɛ́
Keɖiyá kɩ́bɩńga-dɛ́ɛ tákaraɖáwá-daá, tákaraɖáwá natʊ́nʊ́wá kaɖaa ńdɩ kɛ́ɛ bɔwʊ́ɖɛ kʊ́ɖʊńɖɛ gɛ. Bɔwʊ́ɖɛ ɖɩḿ gɛ Yahúúɖuwá wánÿaá sɩsɩ «Mará-dɛ́ɛ tákaraɖáwá» yáá «Tawʊráatɩ». Ɖɩdanáábɩ́lɛ́ bánÿaá ɖʊɖɔ sɩsɩ anɖébi Múúsá-dɛ́ɛ tákaraɖáwá nʊʊwáánɩ́. Bɔwʊ́ɖɛ ɖɩḿ ɖɩdɛ́ɛ tákaraɖá kaɖaa ńgɩ gɛ bánÿaá sɩsɩ Bɩgabaazɩya, sɩɩlɛ ńgɩ gɛ Israyɛ́ɛlɩ bíya-dɛ́ɛ Lɩ́ɩ́dɩ, toozo ńgɩ gɛ Léévi-bíya-dɛ́ɛ sɔ́ɔ́zɩ lám tákaraɖá, naaza ńgɩ gɛ Israyɛ́ɛlɩ bíya Kalɩ́tɩ-dɛ́ɛ tákaraɖá, bɩka nʊʊwa ńgɩ gɛ Mará tɔɔzɩ́-dɛ́ɛ tákaraɖá. Tákaraɖá kaɖaa ńgɩ kɩna bánÿaá kɩ sɩsɩ Bɩgabaazɩya ɖɔ́ nɛ́, kɩ́nŋmatɩ́ ɖáa bɩrɩ́ŋa‑bɩrɩ́ŋa bɩdɛ́ɛ kabaazɩya-dɛ́ɛ tɔ́m gɛ: ɖúúlínya bánnáa kɩ na bádánnáa kɩ nɛ́-dɛ́ɛ kabaazɩya, Ɩrʊ́ igunááɖam-dɛ́ɛ kabaazɩya, na zamɔ́ɔ Ɩsɔ́ɔ waalɩzɩ́ kɩ ɩsɩ́ɩ ɩdɩ, bánÿaá kɩ Israyɛ́ɛlɩ nɛ́-dɛ́ɛ kabaazɩya. A ɖɛ́ɛ́bɛ́ɛ́ŋná wenbí bʊwɛ kɩdaá nɛ́, ɖánbɩɩzɩ́ ɖɩtára kɩ nabʊ́lɛ.
Fɔɔlʊʊ́ kaɖaa ńgɩ, kpɔɔ kʊjʊʊ́ 1 ńgɩ hálɩ 11 ńgɩ, wánwɩlɩ́ɩ ɖáa nŋɩ́nɩ́ na nŋɩ́nɩ́ biibó hálɩ Ɩsɔ́ɔ ɩlá alʊ́ na abaalʊ́ nɛ́; nŋɩ́nɩ́ bɩɩlá hálɩ bɩtára ɩráa bɛḿ bɛlɛ́ɛ́nɩ́ bána Ɩsɔ́ɔ bɔlɔwʊtáá nɛ́; bíya kaɖaa ńba baalʊ́rʊ wɛ nɛ́ (Kááyinu na Abíilu) bɛdɛ́ɛ tɔ́m; anɖébi Núhum na tɛ́ɛ́wʊ kʊ́bɔńgɩ kɩɩnɩ́ɩ bɩwáálɩ ɖúúlínya-rɔ nɛ́-dɛ́ɛ tɔ́m; ngɛ kɩɩdɛɛzɩná ɖaḿ kʊ́bɔńgɩ ɩráa waama kɩ na bakádála Ɩsɔ́ɔ nɛ́ kɩdɛ́ɛ tɔ́m.
Fɔɔlʊʊ́ sɩɩlɛ ńgɩ waaba ná kɩɖɔ́ɔ, kpɔɔ kʊjʊʊ́ 12 ńgɩ hálɩ 50 ńgɩ. Kɩ́nŋmatɩ́ ɖáa Israyɛ́ɛlɩ caájaanáa-dɛ́ɛ tɔ́m. Kɔgbɔɔ anɖébi Ibrahím hálɩ ngɔ́nɩ anɖébi Ísifu. Kɩ́nwɩlɩ́ɩ ɖáa nŋɩ́nɩ́ bɩɩlá gɛ anɖébi Ibrahím waabɩ́sɩ wenbá barɩ́ŋa baava Ɩsɔ́ɔ toovonúm nɛ́ bajaájaa nɛ́ bɩdɛ́ɛ tɔ́m (kpɔɔ kʊjʊʊ́ 12 ńgɩ hálɩ 25 ńgɩ). Kɩ́nŋmatɩ́ ɖáa ɖʊɖɔ Ibrahím biyaalʊ́ Ɩsaáka, na ɩlɛ́ ibiyaalʊ́ Yaakúbu bándayaá yɩ ɖʊɖɔ sɩsɩ Israyɛ́ɛlɩ nɛ́ bɛdɛ́ɛ tɔ́m, na nŋɩ́nɩ́ bɩɩlá gɛ Yaakúbu-dɛ́ɛ yɩ́ɖɛ Israyɛ́ɛlɩ waabɩ́sɩ Yahúúɖuwá-dɛ́ɛ laadɔ́ɔ-dɛ́ɛ yɩ́ɖɛ nɛ́ (kpɔɔ kʊjʊʊ́ 25 ńgɩ hálɩ 36 ńgɩ). Fɔɔlʊʊ́ kɩḿ kɩ́ndɛɛzɩnáa anɖébi Yaakúbu Israyɛ́ɛlɩ biyaalʊ́ Ísifu-dɛ́ɛ wenbí wɔɔjɔɔná bɩ Mɩ́sɩra laadɔ́ɔ-daá (kpɔɔ kʊjʊʊ́ 37 ńgɩ hálɩ 50 ńgɩ) nɛ́-dɛ́ɛ tɔ́m gɛ.
ハイライト
シェア
コピー
すべてのデバイスで、ハイライト箇所を保存したいですか？ サインアップまたはサインインしてください。
© 2019, ABTem. All rights reserved.
Bɩgabaazɩya Naanɩ́ na ɖɩbáázɩ nɛ́
Naanɩ́ na ɖɩbáázɩ nɛ́
Keɖiyá kɩ́bɩńga-dɛ́ɛ tákaraɖáwá-daá, tákaraɖáwá natʊ́nʊ́wá kaɖaa ńdɩ kɛ́ɛ bɔwʊ́ɖɛ kʊ́ɖʊńɖɛ gɛ. Bɔwʊ́ɖɛ ɖɩḿ gɛ Yahúúɖuwá wánÿaá sɩsɩ «Mará-dɛ́ɛ tákaraɖáwá» yáá «Tawʊráatɩ». Ɖɩdanáábɩ́lɛ́ bánÿaá ɖʊɖɔ sɩsɩ anɖébi Múúsá-dɛ́ɛ tákaraɖáwá nʊʊwáánɩ́. Bɔwʊ́ɖɛ ɖɩḿ ɖɩdɛ́ɛ tákaraɖá kaɖaa ńgɩ gɛ bánÿaá sɩsɩ Bɩgabaazɩya, sɩɩlɛ ńgɩ gɛ Israyɛ́ɛlɩ bíya-dɛ́ɛ Lɩ́ɩ́dɩ, toozo ńgɩ gɛ Léévi-bíya-dɛ́ɛ sɔ́ɔ́zɩ lám tákaraɖá, naaza ńgɩ gɛ Israyɛ́ɛlɩ bíya Kalɩ́tɩ-dɛ́ɛ tákaraɖá, bɩka nʊʊwa ńgɩ gɛ Mará tɔɔzɩ́-dɛ́ɛ tákaraɖá. Tákaraɖá kaɖaa ńgɩ kɩna bánÿaá kɩ sɩsɩ Bɩgabaazɩya ɖɔ́ nɛ́, kɩ́nŋmatɩ́ ɖáa bɩrɩ́ŋa‑bɩrɩ́ŋa bɩdɛ́ɛ kabaazɩya-dɛ́ɛ tɔ́m gɛ: ɖúúlínya bánnáa kɩ na bádánnáa kɩ nɛ́-dɛ́ɛ kabaazɩya, Ɩrʊ́ igunááɖam-dɛ́ɛ kabaazɩya, na zamɔ́ɔ Ɩsɔ́ɔ waalɩzɩ́ kɩ ɩsɩ́ɩ ɩdɩ, bánÿaá kɩ Israyɛ́ɛlɩ nɛ́-dɛ́ɛ kabaazɩya. A ɖɛ́ɛ́bɛ́ɛ́ŋná wenbí bʊwɛ kɩdaá nɛ́, ɖánbɩɩzɩ́ ɖɩtára kɩ nabʊ́lɛ.
Fɔɔlʊʊ́ kaɖaa ńgɩ, kpɔɔ kʊjʊʊ́ 1 ńgɩ hálɩ 11 ńgɩ, wánwɩlɩ́ɩ ɖáa nŋɩ́nɩ́ na nŋɩ́nɩ́ biibó hálɩ Ɩsɔ́ɔ ɩlá alʊ́ na abaalʊ́ nɛ́; nŋɩ́nɩ́ bɩɩlá hálɩ bɩtára ɩráa bɛḿ bɛlɛ́ɛ́nɩ́ bána Ɩsɔ́ɔ bɔlɔwʊtáá nɛ́; bíya kaɖaa ńba baalʊ́rʊ wɛ nɛ́ (Kááyinu na Abíilu) bɛdɛ́ɛ tɔ́m; anɖébi Núhum na tɛ́ɛ́wʊ kʊ́bɔńgɩ kɩɩnɩ́ɩ bɩwáálɩ ɖúúlínya-rɔ nɛ́-dɛ́ɛ tɔ́m; ngɛ kɩɩdɛɛzɩná ɖaḿ kʊ́bɔńgɩ ɩráa waama kɩ na bakádála Ɩsɔ́ɔ nɛ́ kɩdɛ́ɛ tɔ́m.
Fɔɔlʊʊ́ sɩɩlɛ ńgɩ waaba ná kɩɖɔ́ɔ, kpɔɔ kʊjʊʊ́ 12 ńgɩ hálɩ 50 ńgɩ. Kɩ́nŋmatɩ́ ɖáa Israyɛ́ɛlɩ caájaanáa-dɛ́ɛ tɔ́m. Kɔgbɔɔ anɖébi Ibrahím hálɩ ngɔ́nɩ anɖébi Ísifu. Kɩ́nwɩlɩ́ɩ ɖáa nŋɩ́nɩ́ bɩɩlá gɛ anɖébi Ibrahím waabɩ́sɩ wenbá barɩ́ŋa baava Ɩsɔ́ɔ toovonúm nɛ́ bajaájaa nɛ́ bɩdɛ́ɛ tɔ́m (kpɔɔ kʊjʊʊ́ 12 ńgɩ hálɩ 25 ńgɩ). Kɩ́nŋmatɩ́ ɖáa ɖʊɖɔ Ibrahím biyaalʊ́ Ɩsaáka, na ɩlɛ́ ibiyaalʊ́ Yaakúbu bándayaá yɩ ɖʊɖɔ sɩsɩ Israyɛ́ɛlɩ nɛ́ bɛdɛ́ɛ tɔ́m, na nŋɩ́nɩ́ bɩɩlá gɛ Yaakúbu-dɛ́ɛ yɩ́ɖɛ Israyɛ́ɛlɩ waabɩ́sɩ Yahúúɖuwá-dɛ́ɛ laadɔ́ɔ-dɛ́ɛ yɩ́ɖɛ nɛ́ (kpɔɔ kʊjʊʊ́ 25 ńgɩ hálɩ 36 ńgɩ). Fɔɔlʊʊ́ kɩḿ kɩ́ndɛɛzɩnáa anɖébi Yaakúbu Israyɛ́ɛlɩ biyaalʊ́ Ísifu-dɛ́ɛ wenbí wɔɔjɔɔná bɩ Mɩ́sɩra laadɔ́ɔ-daá (kpɔɔ kʊjʊʊ́ 37 ńgɩ hálɩ 50 ńgɩ) nɛ́-dɛ́ɛ tɔ́m gɛ.
© 2019, ABTem. All rights reserved.