San Juan 15
15
Lhpa yijô' ôtjayetayuc
1“Yivaatsha ya yijô' ti ya ôtjayetayuqu'esh, vooy ja Tata vatcôvjiyanjavat lhavoesh yitsha.*xy* 2Lhavaatsha yit'ovôsch'e java yit'oy nintô'lha pava lhay; lhan'e yitsha java yit'oy tô'lha pava lhay ti yisclanch'esha'ne, yit'ovôs'apee shta jaspa ya'shesh jayu jum ca nitaay. 3Vooy avaatsheelh apis ti aisiselhsha'ne, lhtôôlhshelha cava jayeetshelhaam. 4At'eshelh ca amônlhaaelhyitshi, lhech yijunashelh'ash yamônlhaelh'atshi. Sasjop ca nitaay lhavaatsha pa lht'oycha lhaôs ti tayesh lhpa lhtatsuc. Pa lhech ajunashelh vitsha tanca nicaajelh'am pava ayelh ca aytajelhyitshi. #15.1 Is 5.1-7.
5“Ya lhech yivaatsha ya lhtatsuqu'esh, lhan'e avaatsheelh pa c'at'oyshelh. Papu ca mônlhatajayitshi, pa yamônlhaashi yitsha, lhech jayu lhavaatsha ti taay jayu jum; pa nôque lhjunash sasjop pa ca asnatshelh avaatsheelh ca ya ama lhôn. 6Vooy yitsha japi ninteesh ca mônlhayitshi pa chicacha'yesh jayu jan lhanfanash java ôtjayetacuy lht'oy ti vafch'esha'ne, pa chint'ôqu'e pa chiyu'jamsha'ne pa itôj pa yichesh.
7“Ca eetajeshelh ca amônlhatajeelhyitshi, ca niantovaclutajaeshelhch'e cava qu'eyjatsjaneshelh'in, pa aalhshelhyi pa'na pa lhjunash pa lhenelh, pa chinajutelh'ay jayu. 8Chiyôclôjesh jayu ja Tata ca aclojtaja pava ayelh, ca lhech ajunashtajeelh ca yijô'tajeelh ca atônôclitajeshelh ti qu'eyjatsjanjaselh. 9Qu'enelh avaatsheelh, nan lhjunashyish ja Tata ti tsen; amônlhaaeshelh na yencheyashelh'ash. 10Ca anc'ashamtajeshelh cava yiyôjijates, pa lhôveelhshi jayu na yencheyashelh'ash, nan yijunashesh tsiqu'ishamesh cava lhayôjijates ja Tata jô'tajesh ti jôveelhshi ca lhencheyashyish.
11“Cavôque jayeetshelh'a, jaspa yielh'atshi na yishamitjayash, nôque ajunasheelh anamjatelhch'een pa ashamitjayashelh. 12Nôque yich'e' na yiyôjijat: Anenelhsha'ne pap'elh, nan yijunashelh'ash avaatsheelh ti qu'enelh.*xz* 13Ampapu ca na'sheshc'oya na lhech pa uj lhencheyash ti ve'lha ti yijutem pa lhamônlhajayash papi lhc'utsfas. 14A'lhechelh c'ac'utsfaseshelh jayu ca asnatajeshelh nava jayiyôjijanesh. 15Niyit'eshelh'a yicavos, lhayaash ti papi ti vatcavoesh tanca nitôôysha pa lhfanishlhavach pa lhanvacle. Jayeetshelh'a jô yic'utsfas, lhayaash ti janfaclelh'am lhacôm'a cava yit'eshyam ja Tata. 16Avaatsheelh naavoelhyishi; vooy yivaatsha javoelh'ayshi, c'ayôjeeshelh'a shita ca acloja pava ca ayeeshelh, jô'tajesh ti ya aj ca nitay pava lhech ayelh. Pa nôque lhjunash jaspa nijutelh'ay jayu ja Tata ca etôntajelhjop ca yey ca aalhtajelhey. 17Lhech côque c'ayôjeeshelh'a: Ca anenelhsha'ne pap'elh. #15.12 Jn 13.34; 15.17; 1 Jn 3.23; 2 Jn 5.
Napi yie' na cotsjaat yicônitshi pa Jesús shi' papi yitsôt'ajesh
18“Ca nacônitshitajelh napi yiey na cotsjaat, pa natô'yelha ti apis ti lhech lhjunashyish ti tsicônitshi. 19Ca atanuelhch'e lhôn napi yiey na cotsjaat, pa jaspa nenelh jayu nan lhjunashesh napi yitsôt'ajesh. Taj ti c'anjôcleshelhey napi lhech napi yiey na cotsjaat, pa lhe'naa ca nacônitshielh, lhayaash ti nintsôt'ajelh'ash.*xa* 20Aychavalhelhch'e cava jayeetshelh'a lhapesh: “Ca nôv'e' pa vatcavo ca nash'apee pa lhanvacle.” Lhavaatsha ts'ivee apis ti tsicôvfachi, pa nacôvfachielh jayu vitsha; ca nanc'ashamtajesh cava yiyôjijates, pa niqu'ishamelh'am jayu vitsha.*xb* 21Cavôque lhech lhfanishelh'ash jayu; lhayaash ti ninantôfa'clesh jan tsichenshicham. #15.18-19 Jn 17.14-18.,#15.20 Mt 10.24; Lc 6.40; Jn 13.16.
22“Lhavaatsha amtajeem pa lhsasch'e ca ninameey lhôn ti jasinôquiem. Taj ti vooy nôqueesh sasemjop ca nôôlhjônyam'in pava lhfanishlhavach ts'ivee; 23Japi tsicônitshi, tsaclôfjaneshch'e ja Tata ti yicônitshi. 24Tanca ninôôctajem pa lhsasch'e ca niyvanjayineesh java nimatasa papu ca nitô'yish nava jasnatesh; ca tin'e tsivantajesh ts'ivee ti lhe ti pa ti tsicônitshi, pa tsaclôfjaneshch'e ja Tata ti yicônitshi. 25Côque vaclan yôfisch'e ti apis ti vani'sesh'e java lhanyôjijates ts'ivee ti yit'esh: “Ampa ca nitôôlhtajeyjop ti tsicônitshi ts'ivee.”#15.25 Sal 35.19; 69.4.
26Taj ti nam jayu jan nefenelh pa nashantelh jayu, jan lhey Espíritu tô'lha pa yijô'. Jan jatôôlhsha jayu ja Tata ca janchenelh'ay, jô lhech tsasinôquielh'ac'oya jayu. 27Avaatsheelh shta lhtsasinôquielh jayu, lhayaash ti lhtôlhjateshelh'e ti lhôvelhyijop'in ti nich'a.
Nivacle Bible © Sociedades Bíblicas Unidas, 1994.
San Juan 15
15
Lhpa yijô' ôtjayetayuc
1“Yivaatsha ya yijô' ti ya ôtjayetayuqu'esh, vooy ja Tata vatcôvjiyanjavat lhavoesh yitsha.*xy* 2Lhavaatsha yit'ovôsch'e java yit'oy nintô'lha pava lhay; lhan'e yitsha java yit'oy tô'lha pava lhay ti yisclanch'esha'ne, yit'ovôs'apee shta jaspa ya'shesh jayu jum ca nitaay. 3Vooy avaatsheelh apis ti aisiselhsha'ne, lhtôôlhshelha cava jayeetshelhaam. 4At'eshelh ca amônlhaaelhyitshi, lhech yijunashelh'ash yamônlhaelh'atshi. Sasjop ca nitaay lhavaatsha pa lht'oycha lhaôs ti tayesh lhpa lhtatsuc. Pa lhech ajunashelh vitsha tanca nicaajelh'am pava ayelh ca aytajelhyitshi. #15.1 Is 5.1-7.
5“Ya lhech yivaatsha ya lhtatsuqu'esh, lhan'e avaatsheelh pa c'at'oyshelh. Papu ca mônlhatajayitshi, pa yamônlhaashi yitsha, lhech jayu lhavaatsha ti taay jayu jum; pa nôque lhjunash sasjop pa ca asnatshelh avaatsheelh ca ya ama lhôn. 6Vooy yitsha japi ninteesh ca mônlhayitshi pa chicacha'yesh jayu jan lhanfanash java ôtjayetacuy lht'oy ti vafch'esha'ne, pa chint'ôqu'e pa chiyu'jamsha'ne pa itôj pa yichesh.
7“Ca eetajeshelh ca amônlhatajeelhyitshi, ca niantovaclutajaeshelhch'e cava qu'eyjatsjaneshelh'in, pa aalhshelhyi pa'na pa lhjunash pa lhenelh, pa chinajutelh'ay jayu. 8Chiyôclôjesh jayu ja Tata ca aclojtaja pava ayelh, ca lhech ajunashtajeelh ca yijô'tajeelh ca atônôclitajeshelh ti qu'eyjatsjanjaselh. 9Qu'enelh avaatsheelh, nan lhjunashyish ja Tata ti tsen; amônlhaaeshelh na yencheyashelh'ash. 10Ca anc'ashamtajeshelh cava yiyôjijates, pa lhôveelhshi jayu na yencheyashelh'ash, nan yijunashesh tsiqu'ishamesh cava lhayôjijates ja Tata jô'tajesh ti jôveelhshi ca lhencheyashyish.
11“Cavôque jayeetshelh'a, jaspa yielh'atshi na yishamitjayash, nôque ajunasheelh anamjatelhch'een pa ashamitjayashelh. 12Nôque yich'e' na yiyôjijat: Anenelhsha'ne pap'elh, nan yijunashelh'ash avaatsheelh ti qu'enelh.*xz* 13Ampapu ca na'sheshc'oya na lhech pa uj lhencheyash ti ve'lha ti yijutem pa lhamônlhajayash papi lhc'utsfas. 14A'lhechelh c'ac'utsfaseshelh jayu ca asnatajeshelh nava jayiyôjijanesh. 15Niyit'eshelh'a yicavos, lhayaash ti papi ti vatcavoesh tanca nitôôysha pa lhfanishlhavach pa lhanvacle. Jayeetshelh'a jô yic'utsfas, lhayaash ti janfaclelh'am lhacôm'a cava yit'eshyam ja Tata. 16Avaatsheelh naavoelhyishi; vooy yivaatsha javoelh'ayshi, c'ayôjeeshelh'a shita ca acloja pava ca ayeeshelh, jô'tajesh ti ya aj ca nitay pava lhech ayelh. Pa nôque lhjunash jaspa nijutelh'ay jayu ja Tata ca etôntajelhjop ca yey ca aalhtajelhey. 17Lhech côque c'ayôjeeshelh'a: Ca anenelhsha'ne pap'elh. #15.12 Jn 13.34; 15.17; 1 Jn 3.23; 2 Jn 5.
Napi yie' na cotsjaat yicônitshi pa Jesús shi' papi yitsôt'ajesh
18“Ca nacônitshitajelh napi yiey na cotsjaat, pa natô'yelha ti apis ti lhech lhjunashyish ti tsicônitshi. 19Ca atanuelhch'e lhôn napi yiey na cotsjaat, pa jaspa nenelh jayu nan lhjunashesh napi yitsôt'ajesh. Taj ti c'anjôcleshelhey napi lhech napi yiey na cotsjaat, pa lhe'naa ca nacônitshielh, lhayaash ti nintsôt'ajelh'ash.*xa* 20Aychavalhelhch'e cava jayeetshelh'a lhapesh: “Ca nôv'e' pa vatcavo ca nash'apee pa lhanvacle.” Lhavaatsha ts'ivee apis ti tsicôvfachi, pa nacôvfachielh jayu vitsha; ca nanc'ashamtajesh cava yiyôjijates, pa niqu'ishamelh'am jayu vitsha.*xb* 21Cavôque lhech lhfanishelh'ash jayu; lhayaash ti ninantôfa'clesh jan tsichenshicham. #15.18-19 Jn 17.14-18.,#15.20 Mt 10.24; Lc 6.40; Jn 13.16.
22“Lhavaatsha amtajeem pa lhsasch'e ca ninameey lhôn ti jasinôquiem. Taj ti vooy nôqueesh sasemjop ca nôôlhjônyam'in pava lhfanishlhavach ts'ivee; 23Japi tsicônitshi, tsaclôfjaneshch'e ja Tata ti yicônitshi. 24Tanca ninôôctajem pa lhsasch'e ca niyvanjayineesh java nimatasa papu ca nitô'yish nava jasnatesh; ca tin'e tsivantajesh ts'ivee ti lhe ti pa ti tsicônitshi, pa tsaclôfjaneshch'e ja Tata ti yicônitshi. 25Côque vaclan yôfisch'e ti apis ti vani'sesh'e java lhanyôjijates ts'ivee ti yit'esh: “Ampa ca nitôôlhtajeyjop ti tsicônitshi ts'ivee.”#15.25 Sal 35.19; 69.4.
26Taj ti nam jayu jan nefenelh pa nashantelh jayu, jan lhey Espíritu tô'lha pa yijô'. Jan jatôôlhsha jayu ja Tata ca janchenelh'ay, jô lhech tsasinôquielh'ac'oya jayu. 27Avaatsheelh shta lhtsasinôquielh jayu, lhayaash ti lhtôlhjateshelh'e ti lhôvelhyijop'in ti nich'a.
Nivacle Bible © Sociedades Bíblicas Unidas, 1994.