Yoane 1
1
1Nda baakoelo Lioi liayaläkä. Lioi liaäkä nde amamwito la Mungu, la lioi liäkä ngo nde Mungu. 2Inde ayaläkä la Mungu nda baakoelo. 3Bitotina biakelomöko ko lande, aenaka Inde, ani angɔɛnɛ yeka yakelomökö. 4Eyakelomökö end’Inde, yaäkä nde liwawi; la liwawi-ao liaäkä Löwa loa bato. 5E-Löwa-lo lotoanganga nda lilima, la lilima angotiamesa Loao. 6Boto ayäkä oyatomomökö la Mungu; lina liande liko Yoane. 7Inde loya oyayala boongeli woongela Löwa, mbo bato batotina bimeleke ko l’eoka yande. 8Boto ona atiäkä Löwa, nde ayäkä mbo aongeleke Löwa.
9Loäkä nde Löwa loa wewe elotoangangela bato batoti ani atoyaka Loao nda wenda. 10Ayaläkä nde nda wenda, la wenda wayalesomökö lande, nde wenda botialuwäk’Inde. 11Inde loya eyande, nde ebande batianyangeläk’Inde. 12Kongo ko Inde lofaef’iyo ebanyangeläk’Inde, bako ebalendelökö lina liande, isosha shoyalesomo bana ba Mungu; 13iyo ana baotomöko, inga la bakila, inga la yɛmɛ ya bindo, inga la yɛmɛ ya botolome, kangä la Mungu.
14La Lioi lokinjwa bindo, la Inde loyalana lasu; twɛnɛ̈kɛ tala yande tala kwa eya wana ɔmwitoto wa Sango; atumäkä la booto la wewe. 15Yoane loonga loaso loande, inde lota boekï mbo— Oyo ende Inde oyaongeläkä’mi Inde mbo, Inde oyatoya mbisa yami, nd’asɛlɔmu oso wami, eoka Inde nd’ayali oso wami, 16eoka iso yatotina tosɔɔlɔ booto la booto ko la lifafu liande. 17Eoka Bikela yafomökö la Mɔsɛ, nde booto la wewe biyi ko la Yesu Masiya.
18Angɔɛnɛ boto angɔmɔi nd’ɛnɛkɛ Mungu lise angɔ limɔi, wana ɔmwitoto, Mungu imɔ, oyayali bosamomu wa Sango, inde nd’asosanoel’iso Inde.
Boeki ewatäkä Yoane Bolufi eoka ya Yesu
19Liao to lile lioi eliaongäkä Yoane Bolufi liomutoela BaYuda nda mbile eyatomäk’iyo kanga la BaLewi ba Yelusaleme oyafel’inde mbo— ¿Aɛ wende to ndai? 20Inde loaola, atiaanganäkä, inde loaola mbo— Imi, iti ango Masiya. 21Limɔ iyo lofel’inde mbo— ¿Ndai to, wende Eliya? Inde mbo— Im’iti inde. Iyo mbo— ¿Wende Bɔtɔndɔli oyaluwani? Inde lomutola mbo— Mbayo. 22Eokao, iyo loonga lande mbo— ¿Wende ndai to? Eoka tofeke limutoli ende ebatomäk’iso; ¿Otoonga nde moni loasɔ loaɛ angɛnɛ? 23Inde mbo— Imi yende limiki elitoamama nda liɔmbɛlɛ mbo— Komyaka mboka ya Ngɛnɛ; kwa aongäkä Bɔtɔndɔli Yesaya.
24Ebatomomökö baaka nde BaFalusi. 25Iyo lofelak’inde mbo— ¿Eya to mbo aɛ oti Masiya, ango ko Eliya, ango ko Bɔtɔndɔli oyaluwani, otolufia bato eoka iye to? 26Yoane lomutoel’iyo mbo— Imi nd’atolufia la balia; ɔmɔi aemali sisi yanu oyatiluw’ino oluw’Inde, 27ko Inde oyatoya liili liami, imi itiengane ndofaikola ikulu sha ikwaka shande. 28Loasɔ-lo loaaka nda Betania, fangi yasi ya Yaladane, olo alufieläkä Yoane.
Lolembeelesomo loa Yesu
29Lɛlɛngɔ Yoane lɔɛnɛ Yesu ani atoya end’inde la inde loonga mbo— Tɛnɛ Bɔkɔkɔ wa Mungu oyatotolaka bobe wa wenda! 30Oyo end’Inde oyaongelaka’mi mbo— Mbisa yami atoya Boto oyasɛlɔmu oso wami, eoka Inde nd’ayali oso wami. 31Nde Imi angɛnɛ itiluwek’Inde, kongo ko im’isoya oyalufia la balia mbo ɛnɛlɛkɛ fololo ende BaIsalaele. 32La Yoane loonga la wewe mbo— Yɛnɛkɛ̈ Bolimo botoaa se kwa ekükü esokwi nda use, bosotalema end’Inde. 33Nde Imi angɛnɛ itiluwek’Inde, kongo ko oyatomäkä’mi oyalufia la balia, Inde nd’aongäkä lami mbo— Oyatoɛnɛ aɛ wɛnɛ ani Bolimo botoa se la ndotikala lande, ambo ende Inde oyatolufia la Bolimo Botanu. 34La yɛnɛkɛ̈ la isoongaka wewe mbo Inde ende Wana wa Mungu.
Baeki ba Oso
35Limɔ lɛlɛngɔ aemaläkä Yoane la baeki bande bambale, inde loticha Yesu ani atoeta, Yoane mbo— Tɛnɛ, Bɔkɔkɔ wa Mungu! 37Baeki bambale bande looka ani aongi Yoane la iyo lotuta Yesu. 38Limɔ Yesu lokikwa, la ɛnɛkɛ̈ Inde ani iyo batotuta, Inde loonga lau mbo— ¿Otolukä iye? Limɔ iyo loonga lande mbo— ¿Labi, (litina mbo— Boekesi) otoingala kw’anima? 39Inde loonga lau mbo— Yauku oyɛnɛ! Eokao iyo lɔkɛ la iyo lɔɛnɛ olo aingal’Inde, iyo loyala kɔni lande lise-ao, konda mbile ya lilöngolöngo.
40Andelo etungani ya Simona Petelo aaka ɔmɔi w’ebambale ebokakä kwa aongäkä Yoane la ebatutäkä Yesu; 41inde lokosha oso boloo wande angɛnɛ ako Simona la inde loonga lande mbo— Tosoosha Masiya (litina mbo— Oy’üchomu). 42Inde loesha Simona ende Yesu. Yesu lɔwɛl’inde baiso, Inde mbo— Aɛ wende Simona, wana wa Yona, botangomoko mbo Kefa (litina mbo— Petelo ako Litalɛ).
43Lɛlɛngɔ Inde losanga oketa nda Ngalilai, la Inde loosha Filipo nda mboka; Yesu loonga lande mbo— Tutaka’mi! 44Filipo aäkä nde boto wa Betesaida, bokenge wa Andelo la Petelo. 45Filipo lokosha Natanaele la inde loonga lande mbo— Tosooshana la Inde oyatelomoko la Mɔsɛ nda Bikela la oyatelomoko la Batɔndɔli, ako Yesu wana wa Yosefa, boto wa Nasaleta. 46Natanaele loonga lande mbo— ¿Bolau botokɔkɔlɔ nde osokwa nda Nasaleta? Filipo loonga lande mbo— Yauku la wɛnɛkɛ! 47Yesu lɔɛnɛ Natanaele atoya end’Inde, Inde loonga loasɔ loande mbo— Tɛnɛ, WaIsalaele wa wewe oyati la bolimbake! 48Natanaele loonga lande mbo— ¿Oluwi nde’mi la moni? Yesu lomutola lande mbo— Oso ani Filipo atitateke aɛ lioi, ani okoyali ose ya bosau, yɛniki nde aɛ. 49Natanaele lomutola lande mbo— Labi, Aɛ wende Wana wa Mungu, Aɛ wende Bɔkɔta wa Isalaele! 50Yesu lomutola lande mbo— ¿Ko l’eoka mbo isoonga mbo yɛniki aɛ ose ya bosau, ambo osoimela? Wɛnɛkɛ nde yao yolongela ebi. 51Inde loonga imɔ mbo— Wewe, wewe, Imi mbo ino wɛnɛkɛ nde buse boliolomu la bakitomo ba Mungu batolila la batosulwa se ko ende Wana wa Boto.
Le Nouveau Testament in Kele (Lokele) © British and Foreign Bible Society, 1958, 2019.
Yoane 1
1
1Nda baakoelo Lioi liayaläkä. Lioi liaäkä nde amamwito la Mungu, la lioi liäkä ngo nde Mungu. 2Inde ayaläkä la Mungu nda baakoelo. 3Bitotina biakelomöko ko lande, aenaka Inde, ani angɔɛnɛ yeka yakelomökö. 4Eyakelomökö end’Inde, yaäkä nde liwawi; la liwawi-ao liaäkä Löwa loa bato. 5E-Löwa-lo lotoanganga nda lilima, la lilima angotiamesa Loao. 6Boto ayäkä oyatomomökö la Mungu; lina liande liko Yoane. 7Inde loya oyayala boongeli woongela Löwa, mbo bato batotina bimeleke ko l’eoka yande. 8Boto ona atiäkä Löwa, nde ayäkä mbo aongeleke Löwa.
9Loäkä nde Löwa loa wewe elotoangangela bato batoti ani atoyaka Loao nda wenda. 10Ayaläkä nde nda wenda, la wenda wayalesomökö lande, nde wenda botialuwäk’Inde. 11Inde loya eyande, nde ebande batianyangeläk’Inde. 12Kongo ko Inde lofaef’iyo ebanyangeläk’Inde, bako ebalendelökö lina liande, isosha shoyalesomo bana ba Mungu; 13iyo ana baotomöko, inga la bakila, inga la yɛmɛ ya bindo, inga la yɛmɛ ya botolome, kangä la Mungu.
14La Lioi lokinjwa bindo, la Inde loyalana lasu; twɛnɛ̈kɛ tala yande tala kwa eya wana ɔmwitoto wa Sango; atumäkä la booto la wewe. 15Yoane loonga loaso loande, inde lota boekï mbo— Oyo ende Inde oyaongeläkä’mi Inde mbo, Inde oyatoya mbisa yami, nd’asɛlɔmu oso wami, eoka Inde nd’ayali oso wami, 16eoka iso yatotina tosɔɔlɔ booto la booto ko la lifafu liande. 17Eoka Bikela yafomökö la Mɔsɛ, nde booto la wewe biyi ko la Yesu Masiya.
18Angɔɛnɛ boto angɔmɔi nd’ɛnɛkɛ Mungu lise angɔ limɔi, wana ɔmwitoto, Mungu imɔ, oyayali bosamomu wa Sango, inde nd’asosanoel’iso Inde.
Boeki ewatäkä Yoane Bolufi eoka ya Yesu
19Liao to lile lioi eliaongäkä Yoane Bolufi liomutoela BaYuda nda mbile eyatomäk’iyo kanga la BaLewi ba Yelusaleme oyafel’inde mbo— ¿Aɛ wende to ndai? 20Inde loaola, atiaanganäkä, inde loaola mbo— Imi, iti ango Masiya. 21Limɔ iyo lofel’inde mbo— ¿Ndai to, wende Eliya? Inde mbo— Im’iti inde. Iyo mbo— ¿Wende Bɔtɔndɔli oyaluwani? Inde lomutola mbo— Mbayo. 22Eokao, iyo loonga lande mbo— ¿Wende ndai to? Eoka tofeke limutoli ende ebatomäk’iso; ¿Otoonga nde moni loasɔ loaɛ angɛnɛ? 23Inde mbo— Imi yende limiki elitoamama nda liɔmbɛlɛ mbo— Komyaka mboka ya Ngɛnɛ; kwa aongäkä Bɔtɔndɔli Yesaya.
24Ebatomomökö baaka nde BaFalusi. 25Iyo lofelak’inde mbo— ¿Eya to mbo aɛ oti Masiya, ango ko Eliya, ango ko Bɔtɔndɔli oyaluwani, otolufia bato eoka iye to? 26Yoane lomutoel’iyo mbo— Imi nd’atolufia la balia; ɔmɔi aemali sisi yanu oyatiluw’ino oluw’Inde, 27ko Inde oyatoya liili liami, imi itiengane ndofaikola ikulu sha ikwaka shande. 28Loasɔ-lo loaaka nda Betania, fangi yasi ya Yaladane, olo alufieläkä Yoane.
Lolembeelesomo loa Yesu
29Lɛlɛngɔ Yoane lɔɛnɛ Yesu ani atoya end’inde la inde loonga mbo— Tɛnɛ Bɔkɔkɔ wa Mungu oyatotolaka bobe wa wenda! 30Oyo end’Inde oyaongelaka’mi mbo— Mbisa yami atoya Boto oyasɛlɔmu oso wami, eoka Inde nd’ayali oso wami. 31Nde Imi angɛnɛ itiluwek’Inde, kongo ko im’isoya oyalufia la balia mbo ɛnɛlɛkɛ fololo ende BaIsalaele. 32La Yoane loonga la wewe mbo— Yɛnɛkɛ̈ Bolimo botoaa se kwa ekükü esokwi nda use, bosotalema end’Inde. 33Nde Imi angɛnɛ itiluwek’Inde, kongo ko oyatomäkä’mi oyalufia la balia, Inde nd’aongäkä lami mbo— Oyatoɛnɛ aɛ wɛnɛ ani Bolimo botoa se la ndotikala lande, ambo ende Inde oyatolufia la Bolimo Botanu. 34La yɛnɛkɛ̈ la isoongaka wewe mbo Inde ende Wana wa Mungu.
Baeki ba Oso
35Limɔ lɛlɛngɔ aemaläkä Yoane la baeki bande bambale, inde loticha Yesu ani atoeta, Yoane mbo— Tɛnɛ, Bɔkɔkɔ wa Mungu! 37Baeki bambale bande looka ani aongi Yoane la iyo lotuta Yesu. 38Limɔ Yesu lokikwa, la ɛnɛkɛ̈ Inde ani iyo batotuta, Inde loonga lau mbo— ¿Otolukä iye? Limɔ iyo loonga lande mbo— ¿Labi, (litina mbo— Boekesi) otoingala kw’anima? 39Inde loonga lau mbo— Yauku oyɛnɛ! Eokao iyo lɔkɛ la iyo lɔɛnɛ olo aingal’Inde, iyo loyala kɔni lande lise-ao, konda mbile ya lilöngolöngo.
40Andelo etungani ya Simona Petelo aaka ɔmɔi w’ebambale ebokakä kwa aongäkä Yoane la ebatutäkä Yesu; 41inde lokosha oso boloo wande angɛnɛ ako Simona la inde loonga lande mbo— Tosoosha Masiya (litina mbo— Oy’üchomu). 42Inde loesha Simona ende Yesu. Yesu lɔwɛl’inde baiso, Inde mbo— Aɛ wende Simona, wana wa Yona, botangomoko mbo Kefa (litina mbo— Petelo ako Litalɛ).
43Lɛlɛngɔ Inde losanga oketa nda Ngalilai, la Inde loosha Filipo nda mboka; Yesu loonga lande mbo— Tutaka’mi! 44Filipo aäkä nde boto wa Betesaida, bokenge wa Andelo la Petelo. 45Filipo lokosha Natanaele la inde loonga lande mbo— Tosooshana la Inde oyatelomoko la Mɔsɛ nda Bikela la oyatelomoko la Batɔndɔli, ako Yesu wana wa Yosefa, boto wa Nasaleta. 46Natanaele loonga lande mbo— ¿Bolau botokɔkɔlɔ nde osokwa nda Nasaleta? Filipo loonga lande mbo— Yauku la wɛnɛkɛ! 47Yesu lɔɛnɛ Natanaele atoya end’Inde, Inde loonga loasɔ loande mbo— Tɛnɛ, WaIsalaele wa wewe oyati la bolimbake! 48Natanaele loonga lande mbo— ¿Oluwi nde’mi la moni? Yesu lomutola lande mbo— Oso ani Filipo atitateke aɛ lioi, ani okoyali ose ya bosau, yɛniki nde aɛ. 49Natanaele lomutola lande mbo— Labi, Aɛ wende Wana wa Mungu, Aɛ wende Bɔkɔta wa Isalaele! 50Yesu lomutola lande mbo— ¿Ko l’eoka mbo isoonga mbo yɛniki aɛ ose ya bosau, ambo osoimela? Wɛnɛkɛ nde yao yolongela ebi. 51Inde loonga imɔ mbo— Wewe, wewe, Imi mbo ino wɛnɛkɛ nde buse boliolomu la bakitomo ba Mungu batolila la batosulwa se ko ende Wana wa Boto.
Le Nouveau Testament in Kele (Lokele) © British and Foreign Bible Society, 1958, 2019.