Matayo 22
22
Bombila wa Elambɔ ya Lisɔngɔni
1Yesu loongana lau liasi ko la bembila, mbo— 2Bɔkɔta wa Use bole kwa bɔkɔta wa yese oyakenjäka elambɔ ya lisɔngi lia wana wande, 3inde lɔkɛsɛ bɛkɔwa yande ɔkɔsɔ ebatomökö lioi nda elambɔ ya lisɔngi; nde iyo lofeka ndoya. 4Limɔ inde lotoma bɛkɔwa yasi, inde mbo— Kambesaka ebatomökö lioi mbo— Tɛnɛ ngo, bieka ya elambɔ bisoela, mbolo yami la bana ba mbolo ya bonuku bisoolomo, bitotina bisoengana, yauku nda elambɔ ya lisɔngi. 5Nde iyo lolemola loasɔ, iyo lɔkɛndɛ, ɔmɔi nda elanga yande, ɔmɔi nda bokalala wande; 6ebamɔi loundesa bɛkɔwa, iyo lokeelak’iyo sɔni, iyo lool’iyo. 7Okäkä bɔkɔta ongoma, inde losoma la bolengi, inde lotomaka basilikani bande okasɛɛsɛlɛsɛ baoli ba bato bana, iyo lofechaka okenge wau la ösä. 8Limɔ inde loonga la bɛkɔwa yande mbo— Elambɔ ya lisɔngi esotonjomo, nde ebatomökö lioi batiengane, 9eokao kɛndɛkɛ to nda bau ba balabala la eshaka ono nda elambɔ bato ebakoshek’ino omao. 10Bɛkɔwa ina lɔkɛ nda balabala; iyo losɔngɔmɛsɛ batotina eboshak’iyo, bato babe l’ebalau lisanga, ongoma elambɔ lotumaka l’ato.
11Nde aɔtɔ̈kɔ̈ bɔkɔta otichak’iyo ebatola bieka, inde lɔɛnɛ boto omao oyatiwate esinda yoengana elambɔ ya lisɔngɔni. 12Bɔkɔta loonga lande mbo— ¿Wina, osɔɔtɔ ono ani otiwate esinda ya elambɔ ya lisɔngi moni? Nde boto angomutola ango lioi. 13Limɔ bɔkɔta loonga la basali mbo— Kandak’inde la besamba la bakolo, umbolak’inde lousa nda bounduundu wa mbi; omao bitookana la bileli la ngɛlɛtɛ ya bainyo. 14Eoka bato wike nd’asotomo lioi, nde ko bamyo kongo basoaomo.
Bɔsɔmbi wa Kaisala
15Lamao BaFalusi lɔkɛ okɔtɔ ikumbɛ sha loasɔ lokwes’Inde nda liekesi liande. 16Iyo lotoma baeki bau amamwito l’eba Helodi ende Yesu, iyo mbo— Boekesi, tosolüwa mbo wende wewe, la mbo otoekekesa mboka ya Mungu la wewe, la mbo oitowänga oto la oitotichaka bɔmbɔ wa bato; 17Kambesaka to iso kwa atoenyel’Aɛ; ¿Mbo losoengana ofaefa Kaisala bɔsɔmbi, kwa angofa? 18Kongo ko Yesu lolembeela bobe wau, Inde mbo— ¿Otokotela’mi eoka iye, ino balimbaki? 19Tambaka’mi bieto yokamba bɔsɔmbi. Iyo loeshel’Inde lofalanga. 20Limɔ Yesu loonga lau mbo— ¿Bolendela-bo la lisɔni-li bile ya ndai? 21Iyo mbo— Ya Kaisala. Lamao Inde loonga lau mbo— Inolaka to ende Kaisala ko eya Kaisala la inolaka ende Mungu ko eya Mungu. 22Okäkä bato ongoma, iyo lomwaala, iyo lomach’Inde, iyo lɔkɛ eyau.
Litɛmwi nda Liwa
23La lise-ao BaSadoke bamɔi loya ende Inde, ebaimeläkä mbo angwɛnɛ imɔ litɛmwi nda liwa; iyo lofela Yesu mbo— 24Boekesi, Mose mbo boto ewa, angoota wana, limɔ etungani yande atosɔngɔ lotika loa boloo mbo aoteleke boloo wana. 25Toka, eyasu tole la bana batolome bosambale ba sango ɔmɔi; boloo losɔngɔ wali la inde lowa, nde atimache wana, etungani yande losangola wali. 26Ewa ambale ko ongoma; imɔ ko ewa asatɔ, ko ewa osambale, batotina ko ongoma. 27Mbisa, otomali imɔ lowa liili. 28Eokao nda litɛmwi nda liwa, otomali atoyala wali wa ndai wau osambale, eoka iyo batotina basɔngɔ̈kɔ̈ ko inde. 29Yesu lomutoel’iyo mbo— Osotwanelo, eoka otilüwe Kasa ya Mungu la bofoka wande imɔ. 30Eoka nda litɛmwi nda liwa, batolome angosɔngɔ, la batomali angosɔngɔmɔ imɔ, nde beyalaka kwa bakitomo nda use. 31Nde loasɔ loa litɛmwi lia ebawi, okatangi kɔni eloaongäkä Mungu lanu, mbo— 32Imi yende Mungu wa Abalayama, Mungu wa Isaka, Mungu wa Yakobo, otitange ongoma? Mungu ati Mungu wa ebawi, kangä wa ebale la liwawi. 33Okäkä eba bikuke ongoma iyo lomwaala liekesi liande.
Bikela Bieti
34Nde okäkä BaFalusi mbo Yesu akandiki bɛnɔkɔ ya BaSadoke, iyo losɔngɔmɔ nda loasɔ-lo, 35la ɔmɔi wau ako bosanokoli wa Bikela lofel’Inde lofelo lokotel’Inde, inde mbo— 36¿Boekesi, nda Bikela, eni ekela eyeti fafo? 37Yesu loonga lande mbo— Samaka Bɔkɔta Mungu waɛ la botema bototina, la bolimo waɛ bototina, la baenyeli baɛ batotina. 38Eyele ekela ya oso la eyeti fafo, 39la eya imbale eyengani la yao eko mbo— Samaka boyalani laɛ kwa ani otosama aɛ angɛnɛ. 40Bikela bitotina la Baoi ba Batɔndɔli basoomana la bikelabi bimbale.
41Asɔngɔmɔ̈kɔ̈ BaFalusi ongoma, Yesu lofel’imɔ ko iyo lofelo, mbo— 42¿Otoenyela iye loasɔ loa Masiya, mbo ende wana wa ndai? Iyo mbo— Wana wa Dawidi. 43Yesu loonga lau mbo— ¿Eya ongoma, monito Dawidi kotang’Inde mbo Ngɛnɛ ko la Bolimo, ani Dawidi mbo— 44Ngɛnɛ loonga la Ngɛnɛ wami mbo—
Yalaka se nda bosamba wami wa olome,
Kond’atɔsɛlɛ’mi baiyani baɛ ose ya batindi baɛ?
45¿Eya to mbo Dawidi atangäk’Inde mbo Ngɛnɛ, Ale to wana wande imɔ la moni? 46Angwɛnɛ boto wokɔkɔlɔ ndomutoel’Inde lioi ango limɔi, la mbisa ya lise-ao, oto angɔmɔi angotendela imɔ ofela Inde felo.
Le Nouveau Testament in Kele (Lokele) © British and Foreign Bible Society, 1958, 2019.
Matayo 22
22
Bombila wa Elambɔ ya Lisɔngɔni
1Yesu loongana lau liasi ko la bembila, mbo— 2Bɔkɔta wa Use bole kwa bɔkɔta wa yese oyakenjäka elambɔ ya lisɔngi lia wana wande, 3inde lɔkɛsɛ bɛkɔwa yande ɔkɔsɔ ebatomökö lioi nda elambɔ ya lisɔngi; nde iyo lofeka ndoya. 4Limɔ inde lotoma bɛkɔwa yasi, inde mbo— Kambesaka ebatomökö lioi mbo— Tɛnɛ ngo, bieka ya elambɔ bisoela, mbolo yami la bana ba mbolo ya bonuku bisoolomo, bitotina bisoengana, yauku nda elambɔ ya lisɔngi. 5Nde iyo lolemola loasɔ, iyo lɔkɛndɛ, ɔmɔi nda elanga yande, ɔmɔi nda bokalala wande; 6ebamɔi loundesa bɛkɔwa, iyo lokeelak’iyo sɔni, iyo lool’iyo. 7Okäkä bɔkɔta ongoma, inde losoma la bolengi, inde lotomaka basilikani bande okasɛɛsɛlɛsɛ baoli ba bato bana, iyo lofechaka okenge wau la ösä. 8Limɔ inde loonga la bɛkɔwa yande mbo— Elambɔ ya lisɔngi esotonjomo, nde ebatomökö lioi batiengane, 9eokao kɛndɛkɛ to nda bau ba balabala la eshaka ono nda elambɔ bato ebakoshek’ino omao. 10Bɛkɔwa ina lɔkɛ nda balabala; iyo losɔngɔmɛsɛ batotina eboshak’iyo, bato babe l’ebalau lisanga, ongoma elambɔ lotumaka l’ato.
11Nde aɔtɔ̈kɔ̈ bɔkɔta otichak’iyo ebatola bieka, inde lɔɛnɛ boto omao oyatiwate esinda yoengana elambɔ ya lisɔngɔni. 12Bɔkɔta loonga lande mbo— ¿Wina, osɔɔtɔ ono ani otiwate esinda ya elambɔ ya lisɔngi moni? Nde boto angomutola ango lioi. 13Limɔ bɔkɔta loonga la basali mbo— Kandak’inde la besamba la bakolo, umbolak’inde lousa nda bounduundu wa mbi; omao bitookana la bileli la ngɛlɛtɛ ya bainyo. 14Eoka bato wike nd’asotomo lioi, nde ko bamyo kongo basoaomo.
Bɔsɔmbi wa Kaisala
15Lamao BaFalusi lɔkɛ okɔtɔ ikumbɛ sha loasɔ lokwes’Inde nda liekesi liande. 16Iyo lotoma baeki bau amamwito l’eba Helodi ende Yesu, iyo mbo— Boekesi, tosolüwa mbo wende wewe, la mbo otoekekesa mboka ya Mungu la wewe, la mbo oitowänga oto la oitotichaka bɔmbɔ wa bato; 17Kambesaka to iso kwa atoenyel’Aɛ; ¿Mbo losoengana ofaefa Kaisala bɔsɔmbi, kwa angofa? 18Kongo ko Yesu lolembeela bobe wau, Inde mbo— ¿Otokotela’mi eoka iye, ino balimbaki? 19Tambaka’mi bieto yokamba bɔsɔmbi. Iyo loeshel’Inde lofalanga. 20Limɔ Yesu loonga lau mbo— ¿Bolendela-bo la lisɔni-li bile ya ndai? 21Iyo mbo— Ya Kaisala. Lamao Inde loonga lau mbo— Inolaka to ende Kaisala ko eya Kaisala la inolaka ende Mungu ko eya Mungu. 22Okäkä bato ongoma, iyo lomwaala, iyo lomach’Inde, iyo lɔkɛ eyau.
Litɛmwi nda Liwa
23La lise-ao BaSadoke bamɔi loya ende Inde, ebaimeläkä mbo angwɛnɛ imɔ litɛmwi nda liwa; iyo lofela Yesu mbo— 24Boekesi, Mose mbo boto ewa, angoota wana, limɔ etungani yande atosɔngɔ lotika loa boloo mbo aoteleke boloo wana. 25Toka, eyasu tole la bana batolome bosambale ba sango ɔmɔi; boloo losɔngɔ wali la inde lowa, nde atimache wana, etungani yande losangola wali. 26Ewa ambale ko ongoma; imɔ ko ewa asatɔ, ko ewa osambale, batotina ko ongoma. 27Mbisa, otomali imɔ lowa liili. 28Eokao nda litɛmwi nda liwa, otomali atoyala wali wa ndai wau osambale, eoka iyo batotina basɔngɔ̈kɔ̈ ko inde. 29Yesu lomutoel’iyo mbo— Osotwanelo, eoka otilüwe Kasa ya Mungu la bofoka wande imɔ. 30Eoka nda litɛmwi nda liwa, batolome angosɔngɔ, la batomali angosɔngɔmɔ imɔ, nde beyalaka kwa bakitomo nda use. 31Nde loasɔ loa litɛmwi lia ebawi, okatangi kɔni eloaongäkä Mungu lanu, mbo— 32Imi yende Mungu wa Abalayama, Mungu wa Isaka, Mungu wa Yakobo, otitange ongoma? Mungu ati Mungu wa ebawi, kangä wa ebale la liwawi. 33Okäkä eba bikuke ongoma iyo lomwaala liekesi liande.
Bikela Bieti
34Nde okäkä BaFalusi mbo Yesu akandiki bɛnɔkɔ ya BaSadoke, iyo losɔngɔmɔ nda loasɔ-lo, 35la ɔmɔi wau ako bosanokoli wa Bikela lofel’Inde lofelo lokotel’Inde, inde mbo— 36¿Boekesi, nda Bikela, eni ekela eyeti fafo? 37Yesu loonga lande mbo— Samaka Bɔkɔta Mungu waɛ la botema bototina, la bolimo waɛ bototina, la baenyeli baɛ batotina. 38Eyele ekela ya oso la eyeti fafo, 39la eya imbale eyengani la yao eko mbo— Samaka boyalani laɛ kwa ani otosama aɛ angɛnɛ. 40Bikela bitotina la Baoi ba Batɔndɔli basoomana la bikelabi bimbale.
41Asɔngɔmɔ̈kɔ̈ BaFalusi ongoma, Yesu lofel’imɔ ko iyo lofelo, mbo— 42¿Otoenyela iye loasɔ loa Masiya, mbo ende wana wa ndai? Iyo mbo— Wana wa Dawidi. 43Yesu loonga lau mbo— ¿Eya ongoma, monito Dawidi kotang’Inde mbo Ngɛnɛ ko la Bolimo, ani Dawidi mbo— 44Ngɛnɛ loonga la Ngɛnɛ wami mbo—
Yalaka se nda bosamba wami wa olome,
Kond’atɔsɛlɛ’mi baiyani baɛ ose ya batindi baɛ?
45¿Eya to mbo Dawidi atangäk’Inde mbo Ngɛnɛ, Ale to wana wande imɔ la moni? 46Angwɛnɛ boto wokɔkɔlɔ ndomutoel’Inde lioi ango limɔi, la mbisa ya lise-ao, oto angɔmɔi angotendela imɔ ofela Inde felo.
Le Nouveau Testament in Kele (Lokele) © British and Foreign Bible Society, 1958, 2019.