Matayo 24
24
Lambaka la wɛlï—Boimo wa Yesu
1Yesu lokuswa nda Ndakɔ ya Mungu limɔ a kɛndɛk’Inde, baeki bande loyaɛnɛs’Inde bosweli wa Ndakɔ, 2nde Yesu loonga lau mbo— ¿Osɔɛnɛ to bitotina-bi? Isoonga lanu wewe mbo angwɛnɛ litalɛ ango limɔi lilamachomoko likolo lia liasi nde batotina belaukolomoko.
3Ayaläk’Inde se nda löngo loa Elaya baeki bayäkä end’Inde wisakumbo, iyo mbo— Kambesaka to iso mbile eyekayeke njasɔ-bi la eni ndembe yolembeela mbo osamboya la ya basilelo ba wenda-bo? 4Yesu lomutoel’iyo mbo— Lambaka la wɛlï mbo boto atalimb’ino, 5eoka wike batoya nda lina liami ani batoonga mbo— Imi yende Masiya la batoengolaka basi wike. 6Bolaokaka mboli ya bita la iwaesa sha bita; owangëke, eoka bilayaka nde, kongo ko losilo lokayi kɔni. 7Yese la yese bitowesana, la bɔkɔta la bɔkɔta batowesana, fondo la lotukeso loa nyɛlɛ bilayaka la elela la elela. 8Nde bitotina-bi bile ko liakoli lia ielo.
9Lamao bɛkɛsɛkɛ ino ende ebatokuchak’ino la batool’ino la boiyanomoko l’eoka ya lina liami nda tukela bitotina.
10Wike bekwaka se, la boto atowamba wina lande, la beiyanaka 11la batɔndɔli ba nanga wike beyaka nde, limɔ iyo belimbaka basi wike. 12Limɔ eoka mbo litefoli litokonda finɛ, basi wike batotɛkwa, samɔ ya beoto bitosaa; 13kongo ko oyatokɔkɔmɔ ko nda liko, ambo inde elauwesomoko. 14Mboli Ilau-bi bilanangolomoko nda wenda bototina kwa boekï wotomo ende bato ba tukela bitotina. Lamao basilelo belayaka.
15Eokao, akɛnɛk’ino wɛnɛ bɔlɛlɔ wa lioma, eliaongomökö la Danyɛlɛ ewa bɔtɔndɔli, bosoyala nda Elela eyuchomo (oyatotanga aluweke litina) 16kwaamao eba Yudea bakweke mangu konda föngo. 17Boto eyala olikolo lia ndakɔ yande, angotasulwaka se okaluke biengo nda ndakɔ; 18boto eyala nda elanga angoinywa imɔ okenge okɔsɔ esinda yande. 19Aeko wale ende batomali ba lieme la ebatomwesa bana baɛlɛ nda bacho ana. 20Sombolaka mbo botili ebokakwek’ino botaya nda bɔtɔkɔ kwa nda bɔfɛfyɔ, kwa la lise lia yenga, 21eoka nda bacho ana bifembi belayaka kwa ebitiayäkä oso, ango ko nda baakoelo ba wenda konda kwani la botilayek’imɔ ongoma liasi. 22Aenaka mbo bacho bana betungesomoko, ani angwɛnɛ angɔmwito angouwa, kongo ko bacho bana belatungesomoko ko l’eoka ya ebaaomökö.
23Nda mbile ena eyambo boto eonga lanu mbo— Tɛnɛ Masiya eyamaya; Tɛnɛ ale onamona, wimelëke, 24Eoka BaMasiya ba nanga la bɛtɔndɔli ba nanga beyaka nde la tokesa la ndembe ya isosha mbo bekɔkɔlɔ ndolimbaka ango ebasoaaomo angɛnɛ. 25Tɛnɛngɔ, isotäkambes’ino loao oso. 26Eokao beonga lanu mbo— Tɛnɛ, ale nda liɔmbɛlɛ, otakuswëke okɛnɛ, beonga mbo— Tɛnɛ, ale nda kuku ya ndakɔ, wimelëke. 27Eoka kwa atokuswa ibalibali fangi ya ɛsɔswɛlɔ ya bonyanya okɛnɛlɛ fangi ya baɔndwɛlɔ, bayelo ba Wana wa Boto beyalaka ko ongoma. 28Eoka olo akayaleke bolyo, ambo toyoiyoli kosɔngɔmɔ ngo ko omao.
29Lisasaya mbisa ya bifembi ya bacho bana, liso lia use litotufatufa la tengai angoanyemaka imɔ, la tolonge totokwaka se la befoka ya use betotukatuka. 30Limɔ ndembe ya Wana wa Boto elaɛnɛlɛkɛ nda use, la tukela bitotina ya wenda belalelaka ndeli, limɔ belɛnɛkɛ Wana wa Boto atoya nda bafita ba use la bofoka la bɔfɛkɔ finɛ. 31Limɔ atotoma bakitomo bande ebatooma ifonge sifi la batosɔnjak’iyo ebasoaaomo l’olo l’olo fangi bitotina konda liko lia use konda liko elimɔi lia use.
32Lüwaka loasɔ elosokwelomo la bokumo; atofɛtɛ wao la atɔ̈tɛkɛ batombɔ ba wao, ongoma otolüwa mbo eula esamboya. 33Ongoma akɛnɛkɛ ino wɛnɛ njasɔ-bi bitotina, lüwaka mbo Inde asoya tina, ango nda bome. 34Itoonga lanu wewe mbo— E-fɛtɔ-ye eitosila oso ani e-njasɔ-bi bitotina bikayi. 35Use la se bilawanjwaka bao, kongo ko baoi bami batilawanjweke imɔ.
36Nde angwɛnɛ oto angɔmwito nd’alüwi lise lina, kwa saa ena, bakitomo angolüwa, Wana angolüwa, sakolo ko Sango Inde nd’alüwi. 37Nde kwa ayaläkä bato nda mbile ya Noa, belayalaka nda bayelo ba Wana wa Boto. 38Eoka nda bacho oso wa fela efi, bato balakäkä bieka la bamwäkä, basɔngɔ̈kɔ̈ la basɔngɛsɔmɔ̈kɔ̈, konda lise eliaɔtɔkɔ Noa nda ndakɔ ya watɔ, 39la batialüwäkä ani ayäkä fela efi loyaɔmbes’iyo yaatotina hɔmbɛ; bayelo ba Wana wa Boto belayalaka ko ongoma. 40Lamao batolome bambale beyala nda elanga, ɔmɔi kosokolomo, ɔmɔi komachana. 41Batomali bambale beunda bosöngö wa lokulu lotwanga, ɔmɔi kosokolomo, oyo ɔmɔi komachana. 42Eokao lambaka la wɛlï, oitolüwa bocho ebokayeke la Ngɛnɛ wanu. 43Nde lüwaka mbo eya ngo mbo ngɛnɛ wa ndakɔ alüwäkä oso ko la mbile eyekayeke ewa wiya ani alambäkä la wɛlï l’ani atiamachäkä mbo ndakɔ yande efindolomoko la wiya. 44Eokao enganaka la yose, eoka Wana wa Boto eyaka nda mbile eyeitoenyela lanu.
45Ndai to atoyala bɔkɔwa wa likɔchi la wa wɛli ani ngɛnɛ wande oyasotalia inde bonyafala wa bato bande mbo akaelek’iyo bieka yau la lisho lioengana? 46Limɛngɔ la olau ende bɔkɔwa ona ani ngɛnɛ wande atoyaosh’inde nda likuwa. 47Itoonga lanu wewe mbo— Atotalia boto ona bonyafala wa yeka yande bitotina. 48Nde eya mbo bɔkɔwa ona obe, eonga nda botema mbo— Ngɛnɛ wami asoumwaka oya; 49lamao inde koakola oomaka bɛkɔwa ebamɔi, la ndolaka la ndowa bänä amamwito la basi ebatolɛwa bänä; 50limɔ ngɛnɛ wa bɔkɔwa ona eyaka nde la bocho ebotïlüwe inde, ebotiwɛlɛ inde ngɛnɛ baiso, 51atomumol’inde la fimbo la atosɛl’inde amamwito la ebalimbaki olo atookana bileli la ngɛlɛtɛ ya bainyo.
Le Nouveau Testament in Kele (Lokele) © British and Foreign Bible Society, 1958, 2019.
Matayo 24
24
Lambaka la wɛlï—Boimo wa Yesu
1Yesu lokuswa nda Ndakɔ ya Mungu limɔ a kɛndɛk’Inde, baeki bande loyaɛnɛs’Inde bosweli wa Ndakɔ, 2nde Yesu loonga lau mbo— ¿Osɔɛnɛ to bitotina-bi? Isoonga lanu wewe mbo angwɛnɛ litalɛ ango limɔi lilamachomoko likolo lia liasi nde batotina belaukolomoko.
3Ayaläk’Inde se nda löngo loa Elaya baeki bayäkä end’Inde wisakumbo, iyo mbo— Kambesaka to iso mbile eyekayeke njasɔ-bi la eni ndembe yolembeela mbo osamboya la ya basilelo ba wenda-bo? 4Yesu lomutoel’iyo mbo— Lambaka la wɛlï mbo boto atalimb’ino, 5eoka wike batoya nda lina liami ani batoonga mbo— Imi yende Masiya la batoengolaka basi wike. 6Bolaokaka mboli ya bita la iwaesa sha bita; owangëke, eoka bilayaka nde, kongo ko losilo lokayi kɔni. 7Yese la yese bitowesana, la bɔkɔta la bɔkɔta batowesana, fondo la lotukeso loa nyɛlɛ bilayaka la elela la elela. 8Nde bitotina-bi bile ko liakoli lia ielo.
9Lamao bɛkɛsɛkɛ ino ende ebatokuchak’ino la batool’ino la boiyanomoko l’eoka ya lina liami nda tukela bitotina.
10Wike bekwaka se, la boto atowamba wina lande, la beiyanaka 11la batɔndɔli ba nanga wike beyaka nde, limɔ iyo belimbaka basi wike. 12Limɔ eoka mbo litefoli litokonda finɛ, basi wike batotɛkwa, samɔ ya beoto bitosaa; 13kongo ko oyatokɔkɔmɔ ko nda liko, ambo inde elauwesomoko. 14Mboli Ilau-bi bilanangolomoko nda wenda bototina kwa boekï wotomo ende bato ba tukela bitotina. Lamao basilelo belayaka.
15Eokao, akɛnɛk’ino wɛnɛ bɔlɛlɔ wa lioma, eliaongomökö la Danyɛlɛ ewa bɔtɔndɔli, bosoyala nda Elela eyuchomo (oyatotanga aluweke litina) 16kwaamao eba Yudea bakweke mangu konda föngo. 17Boto eyala olikolo lia ndakɔ yande, angotasulwaka se okaluke biengo nda ndakɔ; 18boto eyala nda elanga angoinywa imɔ okenge okɔsɔ esinda yande. 19Aeko wale ende batomali ba lieme la ebatomwesa bana baɛlɛ nda bacho ana. 20Sombolaka mbo botili ebokakwek’ino botaya nda bɔtɔkɔ kwa nda bɔfɛfyɔ, kwa la lise lia yenga, 21eoka nda bacho ana bifembi belayaka kwa ebitiayäkä oso, ango ko nda baakoelo ba wenda konda kwani la botilayek’imɔ ongoma liasi. 22Aenaka mbo bacho bana betungesomoko, ani angwɛnɛ angɔmwito angouwa, kongo ko bacho bana belatungesomoko ko l’eoka ya ebaaomökö.
23Nda mbile ena eyambo boto eonga lanu mbo— Tɛnɛ Masiya eyamaya; Tɛnɛ ale onamona, wimelëke, 24Eoka BaMasiya ba nanga la bɛtɔndɔli ba nanga beyaka nde la tokesa la ndembe ya isosha mbo bekɔkɔlɔ ndolimbaka ango ebasoaaomo angɛnɛ. 25Tɛnɛngɔ, isotäkambes’ino loao oso. 26Eokao beonga lanu mbo— Tɛnɛ, ale nda liɔmbɛlɛ, otakuswëke okɛnɛ, beonga mbo— Tɛnɛ, ale nda kuku ya ndakɔ, wimelëke. 27Eoka kwa atokuswa ibalibali fangi ya ɛsɔswɛlɔ ya bonyanya okɛnɛlɛ fangi ya baɔndwɛlɔ, bayelo ba Wana wa Boto beyalaka ko ongoma. 28Eoka olo akayaleke bolyo, ambo toyoiyoli kosɔngɔmɔ ngo ko omao.
29Lisasaya mbisa ya bifembi ya bacho bana, liso lia use litotufatufa la tengai angoanyemaka imɔ, la tolonge totokwaka se la befoka ya use betotukatuka. 30Limɔ ndembe ya Wana wa Boto elaɛnɛlɛkɛ nda use, la tukela bitotina ya wenda belalelaka ndeli, limɔ belɛnɛkɛ Wana wa Boto atoya nda bafita ba use la bofoka la bɔfɛkɔ finɛ. 31Limɔ atotoma bakitomo bande ebatooma ifonge sifi la batosɔnjak’iyo ebasoaaomo l’olo l’olo fangi bitotina konda liko lia use konda liko elimɔi lia use.
32Lüwaka loasɔ elosokwelomo la bokumo; atofɛtɛ wao la atɔ̈tɛkɛ batombɔ ba wao, ongoma otolüwa mbo eula esamboya. 33Ongoma akɛnɛkɛ ino wɛnɛ njasɔ-bi bitotina, lüwaka mbo Inde asoya tina, ango nda bome. 34Itoonga lanu wewe mbo— E-fɛtɔ-ye eitosila oso ani e-njasɔ-bi bitotina bikayi. 35Use la se bilawanjwaka bao, kongo ko baoi bami batilawanjweke imɔ.
36Nde angwɛnɛ oto angɔmwito nd’alüwi lise lina, kwa saa ena, bakitomo angolüwa, Wana angolüwa, sakolo ko Sango Inde nd’alüwi. 37Nde kwa ayaläkä bato nda mbile ya Noa, belayalaka nda bayelo ba Wana wa Boto. 38Eoka nda bacho oso wa fela efi, bato balakäkä bieka la bamwäkä, basɔngɔ̈kɔ̈ la basɔngɛsɔmɔ̈kɔ̈, konda lise eliaɔtɔkɔ Noa nda ndakɔ ya watɔ, 39la batialüwäkä ani ayäkä fela efi loyaɔmbes’iyo yaatotina hɔmbɛ; bayelo ba Wana wa Boto belayalaka ko ongoma. 40Lamao batolome bambale beyala nda elanga, ɔmɔi kosokolomo, ɔmɔi komachana. 41Batomali bambale beunda bosöngö wa lokulu lotwanga, ɔmɔi kosokolomo, oyo ɔmɔi komachana. 42Eokao lambaka la wɛlï, oitolüwa bocho ebokayeke la Ngɛnɛ wanu. 43Nde lüwaka mbo eya ngo mbo ngɛnɛ wa ndakɔ alüwäkä oso ko la mbile eyekayeke ewa wiya ani alambäkä la wɛlï l’ani atiamachäkä mbo ndakɔ yande efindolomoko la wiya. 44Eokao enganaka la yose, eoka Wana wa Boto eyaka nda mbile eyeitoenyela lanu.
45Ndai to atoyala bɔkɔwa wa likɔchi la wa wɛli ani ngɛnɛ wande oyasotalia inde bonyafala wa bato bande mbo akaelek’iyo bieka yau la lisho lioengana? 46Limɛngɔ la olau ende bɔkɔwa ona ani ngɛnɛ wande atoyaosh’inde nda likuwa. 47Itoonga lanu wewe mbo— Atotalia boto ona bonyafala wa yeka yande bitotina. 48Nde eya mbo bɔkɔwa ona obe, eonga nda botema mbo— Ngɛnɛ wami asoumwaka oya; 49lamao inde koakola oomaka bɛkɔwa ebamɔi, la ndolaka la ndowa bänä amamwito la basi ebatolɛwa bänä; 50limɔ ngɛnɛ wa bɔkɔwa ona eyaka nde la bocho ebotïlüwe inde, ebotiwɛlɛ inde ngɛnɛ baiso, 51atomumol’inde la fimbo la atosɛl’inde amamwito la ebalimbaki olo atookana bileli la ngɛlɛtɛ ya bainyo.
Le Nouveau Testament in Kele (Lokele) © British and Foreign Bible Society, 1958, 2019.