Malako 2
2
Boto wa Lonyango
1Mbisa ya becho bimɔi, Inde loinwa nda Kafenauma liasi la mboli lookana mbo ale nda ndakɔ. 2Bato wike losɔngɔmɔ, eokao angwɛnɛ elela ango nda bome. Anangoelaka’iyo wɛndi. 3Lamao iyo loyaeshel’Inde oto wa lonyango oyatolomoko la bato banɛi. 4Batiakɔkɔlɔkɔ ndoya tina lande eoka ya bokamu, eokao iyo lofandola losambɔ loa ndakɔ olo ayalaka Yesu. Afindolaka iyo losambɔ, iyo losulola tange eyaingaelaka boto wa lonyango. 5Ɛnɛkɛ Yesu liimeli liau Inde loonga la boto wa lonyango mbo— Wana, njasɔ ibe yaɛ bisomɛsɛlɔmɔ. 6Batikasa bamɔi bayalaka se omao, iyo lota fee nda betema mbo— 7¿Monito boto-yo asoonga ani? Asosɛɔlɔ Mungu. Ndai atokɔkɔlɔ ndomɛsɛlɛ njasɔ ibe sakolo ko Mungu angɛnɛ?
8Limɔ, aluwaka Yesu nda botema wande mbo basotana fee ongoma, Inde loonga lau mbo— Osota fee nda betema yanu eoka ya njasɔ-bi monito? 9Loni losoeta la ɔlɛmbu, kwa ndoonga la oto wa lonyango mbo— Njasɔ ibe yaɛ bisomɛsɛlɔmɔ; kwa ndoonga lande mbo— Emalaka, ilaka tange yaɛ, la tangwaka? 10Kongo ko mbo boluweke mbo Wana wa Boto ende la isosha shomɛsɛlɛ njasɔ ibe ono se, Inde loonga la oto wa lonyango mbo— 11Itoonga laɛ, Emalaka, ilaka tange yaɛ, kɛndɛkɛ nda ndakɔ yaɛ. 12Inde loemala lisasaya, inde loila tange yande, inde lokuswa oso wa batotina la iyo lomwaala, iyo loinela Mungu. Iyo mbo— Oso tokɛni ani.
Lotomo-lioi lia Lewi
13Inde lɔkɛ liasi nda ngɔngɛ ya liyande la bitanda ya bato losɔngɔmɛlɛ Inde la Inde loekes’iyo. 14Etaka Inde nda mboka Yesu lɔɛnɛ Lewi, wana wa Alafaya ani ayalaka nda ɛsɔnjɛlɔ ya bɔsɔmbi, la Inde loonga lande mbo— Tutaka’mi. Inde loemala la inde lotuta Yesu. 15Lamao ayalaka Yesu nda mɛsa nda ndakɔ ya Lewi, amamwito la baeki bande, bɛsɔmbɛsi la bato ba njasɔ ibe bayalaka se lau, eoka baaka wike ebatutak’Inde. 16Nde ɛnɛkɛ Batikasa la BaFalusi ani atolaka bieka amamwito la bato abe la bɛsɔmbɛsi, iyo loonga la baeki bande mbo— ¿Atola bieka amamwito la bɛsɔmbɛsi la bato abe eoka iye? 17Okaka Yesu ongoma Inde loonga lau mbo— Ebale la bosasu baitolüka bonganga, kangä eba kambo. Imi itiye oyata eba liengani lioi, kangä bato ba njasɔ ibe.
18Baeki ba Yoane la BaFalusi bakilaka bieka, limɔ bato loya la iyo lofela Yesu mbo— ¿Baeki ba Yoane la eba BaFalusi imɔ batokilaka bieka, kongo ko baeki baɛ batikile eoka iye? 19Yesu loonga lau mbo— ¿Atoyala tolesani amamwito la oyatosɔngɔ, batokɔkɔlɔ ndokila bieka? Atoyala bɔsɔngi amamwito lau, baitokɔkɔlɔ ndokila bieka. 20Nde bacho beyaka ani bɔsɔngi atoɔnɔkɔlɔmɔ end’iyo, limɔ nda lise lina iyo kokila bieka. 21Boto aitowamba esinda ya liɔmbɔ la yaki ya esinda eyai, eoka mbamba ya esinda eyai etosalaka esinda ya liɔmbɔ, limɔ lifola litofalwa. 22Boto aitoangola bänä bayai nda biuku ebisoumwa eoka mbo bänä bataata biuku, limɔ bänä batowɛlɛkɛmɛ se, la bao la biuku imɔ kowa. Bänä bayai batowɛlɔmɔ nda biuku biyai.
Lise lia Yenga
23Etaka Yesu la lise lia Yenga nda bilanga ya bangwindi, baeki bande loakola ndotwa bangwindi ani batokɛndɛ. 24Limɔ BaFalusi loonga lande mbo— Tɛnɛngɔ, basotefola liti lia Yenga monito? 25Yesu loonga lau mbo— Okatangi nde lona eloakelaka Dawidi, inde la ebaaka lande, nda lise eliayalaka iyo la boeno la isiye— 26mbo inde lɔɔtɛlɛ ndakɔ ya Mungu, nda mbile ya Abiatala Kanga-eyeti, inde lola lituma eliatambomökö nda mɛsa ya Mungu, elitiaaka liolaka sakolo ko la kanga angɛnɛ, inde lofaefa ebayalaka amamwito lande? 27La Yesu loonga lau mbo— Lise lia Yenga liakelomökö eoka ya bato; bato batiakelomökö eoka ya Yenga, 28ongoma Wana-wa-Boto nd’ayali Bɔkɔta wa Yenga.
Le Nouveau Testament in Kele (Lokele) © British and Foreign Bible Society, 1958, 2019.
Malako 2
2
Boto wa Lonyango
1Mbisa ya becho bimɔi, Inde loinwa nda Kafenauma liasi la mboli lookana mbo ale nda ndakɔ. 2Bato wike losɔngɔmɔ, eokao angwɛnɛ elela ango nda bome. Anangoelaka’iyo wɛndi. 3Lamao iyo loyaeshel’Inde oto wa lonyango oyatolomoko la bato banɛi. 4Batiakɔkɔlɔkɔ ndoya tina lande eoka ya bokamu, eokao iyo lofandola losambɔ loa ndakɔ olo ayalaka Yesu. Afindolaka iyo losambɔ, iyo losulola tange eyaingaelaka boto wa lonyango. 5Ɛnɛkɛ Yesu liimeli liau Inde loonga la boto wa lonyango mbo— Wana, njasɔ ibe yaɛ bisomɛsɛlɔmɔ. 6Batikasa bamɔi bayalaka se omao, iyo lota fee nda betema mbo— 7¿Monito boto-yo asoonga ani? Asosɛɔlɔ Mungu. Ndai atokɔkɔlɔ ndomɛsɛlɛ njasɔ ibe sakolo ko Mungu angɛnɛ?
8Limɔ, aluwaka Yesu nda botema wande mbo basotana fee ongoma, Inde loonga lau mbo— Osota fee nda betema yanu eoka ya njasɔ-bi monito? 9Loni losoeta la ɔlɛmbu, kwa ndoonga la oto wa lonyango mbo— Njasɔ ibe yaɛ bisomɛsɛlɔmɔ; kwa ndoonga lande mbo— Emalaka, ilaka tange yaɛ, la tangwaka? 10Kongo ko mbo boluweke mbo Wana wa Boto ende la isosha shomɛsɛlɛ njasɔ ibe ono se, Inde loonga la oto wa lonyango mbo— 11Itoonga laɛ, Emalaka, ilaka tange yaɛ, kɛndɛkɛ nda ndakɔ yaɛ. 12Inde loemala lisasaya, inde loila tange yande, inde lokuswa oso wa batotina la iyo lomwaala, iyo loinela Mungu. Iyo mbo— Oso tokɛni ani.
Lotomo-lioi lia Lewi
13Inde lɔkɛ liasi nda ngɔngɛ ya liyande la bitanda ya bato losɔngɔmɛlɛ Inde la Inde loekes’iyo. 14Etaka Inde nda mboka Yesu lɔɛnɛ Lewi, wana wa Alafaya ani ayalaka nda ɛsɔnjɛlɔ ya bɔsɔmbi, la Inde loonga lande mbo— Tutaka’mi. Inde loemala la inde lotuta Yesu. 15Lamao ayalaka Yesu nda mɛsa nda ndakɔ ya Lewi, amamwito la baeki bande, bɛsɔmbɛsi la bato ba njasɔ ibe bayalaka se lau, eoka baaka wike ebatutak’Inde. 16Nde ɛnɛkɛ Batikasa la BaFalusi ani atolaka bieka amamwito la bato abe la bɛsɔmbɛsi, iyo loonga la baeki bande mbo— ¿Atola bieka amamwito la bɛsɔmbɛsi la bato abe eoka iye? 17Okaka Yesu ongoma Inde loonga lau mbo— Ebale la bosasu baitolüka bonganga, kangä eba kambo. Imi itiye oyata eba liengani lioi, kangä bato ba njasɔ ibe.
18Baeki ba Yoane la BaFalusi bakilaka bieka, limɔ bato loya la iyo lofela Yesu mbo— ¿Baeki ba Yoane la eba BaFalusi imɔ batokilaka bieka, kongo ko baeki baɛ batikile eoka iye? 19Yesu loonga lau mbo— ¿Atoyala tolesani amamwito la oyatosɔngɔ, batokɔkɔlɔ ndokila bieka? Atoyala bɔsɔngi amamwito lau, baitokɔkɔlɔ ndokila bieka. 20Nde bacho beyaka ani bɔsɔngi atoɔnɔkɔlɔmɔ end’iyo, limɔ nda lise lina iyo kokila bieka. 21Boto aitowamba esinda ya liɔmbɔ la yaki ya esinda eyai, eoka mbamba ya esinda eyai etosalaka esinda ya liɔmbɔ, limɔ lifola litofalwa. 22Boto aitoangola bänä bayai nda biuku ebisoumwa eoka mbo bänä bataata biuku, limɔ bänä batowɛlɛkɛmɛ se, la bao la biuku imɔ kowa. Bänä bayai batowɛlɔmɔ nda biuku biyai.
Lise lia Yenga
23Etaka Yesu la lise lia Yenga nda bilanga ya bangwindi, baeki bande loakola ndotwa bangwindi ani batokɛndɛ. 24Limɔ BaFalusi loonga lande mbo— Tɛnɛngɔ, basotefola liti lia Yenga monito? 25Yesu loonga lau mbo— Okatangi nde lona eloakelaka Dawidi, inde la ebaaka lande, nda lise eliayalaka iyo la boeno la isiye— 26mbo inde lɔɔtɛlɛ ndakɔ ya Mungu, nda mbile ya Abiatala Kanga-eyeti, inde lola lituma eliatambomökö nda mɛsa ya Mungu, elitiaaka liolaka sakolo ko la kanga angɛnɛ, inde lofaefa ebayalaka amamwito lande? 27La Yesu loonga lau mbo— Lise lia Yenga liakelomökö eoka ya bato; bato batiakelomökö eoka ya Yenga, 28ongoma Wana-wa-Boto nd’ayali Bɔkɔta wa Yenga.
Le Nouveau Testament in Kele (Lokele) © British and Foreign Bible Society, 1958, 2019.