Chivkeeb 11
11
Tus Pejthuam Npanpees
1Thaum ntawd tagnrho neeg ntiajteb tsuas muaj tibyam lus thiab siv tibyam lus ntawd xwb. 2Thaum lawv khiav mus rau sab hnubtuaj, lawv mus txog rau ntawm lub tiajnrag Npanpiloos thiab lawv txawm mus nyob ua zej ua zos rau ntawd. 3Lawv sibtham hais tias, “Ciali tuaj! Peb yuav puab thwvcib thiab coj mus hlawv kom tawv.” Yogli ntawd, lawv thiaj muab cov thwvcib ntawd thiab roj av nplaum los lo uake kom sib tuav. 4Lawv hais tias, “Zaumno peb ciali tsim ib lub nroog uas muaj ib tug pejthuam siab nto ntuj, kom peb thiaj muaj koob muaj npe thiab tsis tawg khiav mus nyob uasab uasua thoob ntiajteb.”
5Tus TSWV txawm nqis los saib lub nroog thiab tus pejthuam uas lawv tsim, 6thiab Nws hais tias, “Nimno cov tibneeg no yog ib pab thiab lawv hais ib yam lus; qhov no yog tej uas lawv nyuamqhuav pib ua xwb. Tsis ntev ntshe lawv yuav muaj peevxwm ua tau txhua yam rawsli lawv xav ua! 7Peb ciali mus muab lawv cov lus sib do kom lawv ib leeg thiaj yuav tsis totaub ib leeg.” 8Yogli ntawd, tus TSWV thiaj los ua rau lawv tawg mus nyob uasab uasua thoobplaws lub ntiajteb, lawv thiaj tsotseg tsis tsim lub nroog ntawd ntxiv lawm. 9Yogli ntawd, thiaj muab lub nroog ntawd hu ua Npanpees,#11:9: Npanpees: Lub npe no hais muaj ntsis thooj li lolus Henplais uas hais tias “sib do.” rauqhov tus TSWV ua rau txhua tus tibneeg ntawd nyias hais nyias ib yam lus, thiab Nws ua rau lawv tawg uasab uasua ntawm qhov chaw ntawd mus nyob thoobplaws ntiajteb.
Sees Cajces
(1 Xwmtxheej Vajntxwv 1:24-27)
10No yog Sees li cajces. Ob xyoos tomqab uas dej nyab ntiajteb, Sees muaj hnubnyoog 100 xyoo, nws muaj ib tug tub hu ua Apakesas. 11Dhau ntawd, nws tseem ua neej nyob tau 500 xyoo thiab muaj tub ntxhais coob leej ntxiv.
12Thaum Apakesas muaj hnubnyoog 35 xyoos, nws muaj ib tug tub hu ua Selas; 13dhau ntawd, nws tseem ua neej nyob tau 403 xyoos thiab muaj tub ntxhais coob leej ntxiv.
14Thaum Selas muaj hnubnyoog 30 xyoo, nws muaj ib tug tub hu ua Enpaws; 15dhau ntawd, nws tseem ua neej nyob tau 403 xyoos thiab muaj tub ntxhais coob leej ntxiv.
16Thaum Enpaws muaj hnubnyoog 34 xyoos, nws muaj ib tug tub hu ua Pelej; 17dhau ntawd, nws tseem ua neej nyob tau 430 xyoo thiab muaj tub ntxhais coob leej ntxiv.
18Thaum Pelej muaj hnubnyoog 30 xyoo, nws muaj ib tug tub hu ua Le-us; 19dhau ntawd, nws tseem ua neej nyob tau 209 xyoos thiab muaj tub ntxhais coob leej ntxiv.
20Thaum Le-us muaj hnubnyoog 32 xyoos, nws muaj ib tug tub hu ua Xelus; 21dhau ntawd, nws tseem ua neej nyob tau 207 xyoo thiab muaj tub ntxhais coob leej ntxiv.
22Thaum Xelus muaj hnubnyoog 30 xyoo, nws muaj ib tug tub hu ua Nahaus; 23dhau ntawd, nws tseem ua neej nyob tau 200 xyoo thiab muaj tub ntxhais coob leej ntxiv.
24Thaum Nahaus muaj hnubnyoog 29 xyoos, nws muaj ib tug tub hu ua Telas; 25dhau ntawd, nws tseem ua neej nyob tau 119 xyoos thiab muaj tub ntxhais coob leej ntxiv.
26Tomqab Telas muaj hnubnyoog 70 xyoo, nws mamli muaj peb tug tub uas yog: Anplas, Nahaus thiab Halas.
Telas Cajces
27No yog Telas uas yog Anplas, Nahaus, thiab Halas txiv li cajces. Halas yog Lauj txiv; 28Halas tuag nyob hauv lub nroog Aws tebchaws Npanpiloos, thaum ntawd nws txiv tseem ua neej nyob. 29Anplas yuav Xalais ua pojniam, thiab Nahaus yuav Halas uas yog Ixakhas txiv tus ntxhais Milekas los ua pojniam. 30Xalais xeeb tsis taus tub.
31Telas coj nws tus tub Anplas, nws tus xeebntxwv Lauj uas yog Halas tus tub, thiab nws tus nyab Xalais uas yog Anplas tus pojniam, tawm hauv lub nroog Aws, tebchaws Npanpiloos mus rau tebchaws Kana-as. Tiamsis thaum lawv los txog ntawm Halas, ces lawv txawm los nyob rau ntawd lawm. 32Telas tuag rau qhov chaw ntawd, thaum nws hnubnyoog muaj 205 xyoos.
© 2022 United Bible Societies. All rights reserved.
Chivkeeb 11
11
Tus Pejthuam Npanpees
1Thaum ntawd tagnrho neeg ntiajteb tsuas muaj tibyam lus thiab siv tibyam lus ntawd xwb. 2Thaum lawv khiav mus rau sab hnubtuaj, lawv mus txog rau ntawm lub tiajnrag Npanpiloos thiab lawv txawm mus nyob ua zej ua zos rau ntawd. 3Lawv sibtham hais tias, “Ciali tuaj! Peb yuav puab thwvcib thiab coj mus hlawv kom tawv.” Yogli ntawd, lawv thiaj muab cov thwvcib ntawd thiab roj av nplaum los lo uake kom sib tuav. 4Lawv hais tias, “Zaumno peb ciali tsim ib lub nroog uas muaj ib tug pejthuam siab nto ntuj, kom peb thiaj muaj koob muaj npe thiab tsis tawg khiav mus nyob uasab uasua thoob ntiajteb.”
5Tus TSWV txawm nqis los saib lub nroog thiab tus pejthuam uas lawv tsim, 6thiab Nws hais tias, “Nimno cov tibneeg no yog ib pab thiab lawv hais ib yam lus; qhov no yog tej uas lawv nyuamqhuav pib ua xwb. Tsis ntev ntshe lawv yuav muaj peevxwm ua tau txhua yam rawsli lawv xav ua! 7Peb ciali mus muab lawv cov lus sib do kom lawv ib leeg thiaj yuav tsis totaub ib leeg.” 8Yogli ntawd, tus TSWV thiaj los ua rau lawv tawg mus nyob uasab uasua thoobplaws lub ntiajteb, lawv thiaj tsotseg tsis tsim lub nroog ntawd ntxiv lawm. 9Yogli ntawd, thiaj muab lub nroog ntawd hu ua Npanpees,#11:9: Npanpees: Lub npe no hais muaj ntsis thooj li lolus Henplais uas hais tias “sib do.” rauqhov tus TSWV ua rau txhua tus tibneeg ntawd nyias hais nyias ib yam lus, thiab Nws ua rau lawv tawg uasab uasua ntawm qhov chaw ntawd mus nyob thoobplaws ntiajteb.
Sees Cajces
(1 Xwmtxheej Vajntxwv 1:24-27)
10No yog Sees li cajces. Ob xyoos tomqab uas dej nyab ntiajteb, Sees muaj hnubnyoog 100 xyoo, nws muaj ib tug tub hu ua Apakesas. 11Dhau ntawd, nws tseem ua neej nyob tau 500 xyoo thiab muaj tub ntxhais coob leej ntxiv.
12Thaum Apakesas muaj hnubnyoog 35 xyoos, nws muaj ib tug tub hu ua Selas; 13dhau ntawd, nws tseem ua neej nyob tau 403 xyoos thiab muaj tub ntxhais coob leej ntxiv.
14Thaum Selas muaj hnubnyoog 30 xyoo, nws muaj ib tug tub hu ua Enpaws; 15dhau ntawd, nws tseem ua neej nyob tau 403 xyoos thiab muaj tub ntxhais coob leej ntxiv.
16Thaum Enpaws muaj hnubnyoog 34 xyoos, nws muaj ib tug tub hu ua Pelej; 17dhau ntawd, nws tseem ua neej nyob tau 430 xyoo thiab muaj tub ntxhais coob leej ntxiv.
18Thaum Pelej muaj hnubnyoog 30 xyoo, nws muaj ib tug tub hu ua Le-us; 19dhau ntawd, nws tseem ua neej nyob tau 209 xyoos thiab muaj tub ntxhais coob leej ntxiv.
20Thaum Le-us muaj hnubnyoog 32 xyoos, nws muaj ib tug tub hu ua Xelus; 21dhau ntawd, nws tseem ua neej nyob tau 207 xyoo thiab muaj tub ntxhais coob leej ntxiv.
22Thaum Xelus muaj hnubnyoog 30 xyoo, nws muaj ib tug tub hu ua Nahaus; 23dhau ntawd, nws tseem ua neej nyob tau 200 xyoo thiab muaj tub ntxhais coob leej ntxiv.
24Thaum Nahaus muaj hnubnyoog 29 xyoos, nws muaj ib tug tub hu ua Telas; 25dhau ntawd, nws tseem ua neej nyob tau 119 xyoos thiab muaj tub ntxhais coob leej ntxiv.
26Tomqab Telas muaj hnubnyoog 70 xyoo, nws mamli muaj peb tug tub uas yog: Anplas, Nahaus thiab Halas.
Telas Cajces
27No yog Telas uas yog Anplas, Nahaus, thiab Halas txiv li cajces. Halas yog Lauj txiv; 28Halas tuag nyob hauv lub nroog Aws tebchaws Npanpiloos, thaum ntawd nws txiv tseem ua neej nyob. 29Anplas yuav Xalais ua pojniam, thiab Nahaus yuav Halas uas yog Ixakhas txiv tus ntxhais Milekas los ua pojniam. 30Xalais xeeb tsis taus tub.
31Telas coj nws tus tub Anplas, nws tus xeebntxwv Lauj uas yog Halas tus tub, thiab nws tus nyab Xalais uas yog Anplas tus pojniam, tawm hauv lub nroog Aws, tebchaws Npanpiloos mus rau tebchaws Kana-as. Tiamsis thaum lawv los txog ntawm Halas, ces lawv txawm los nyob rau ntawd lawm. 32Telas tuag rau qhov chaw ntawd, thaum nws hnubnyoog muaj 205 xyoos.
© 2022 United Bible Societies. All rights reserved.