Yauhas 4
4
Yexus Thiab Tus Pojniam Xamalis
1Cov Falixais hnov tias Yexus muaj thwjtim thiab muab neeg ua kevcai rausdej coob dua Yauhas. ( 2Qhov tseeb tiag, Yexus yeej tsis tau muab leejtwg ua kevcai rausdej, tsuas yog Nws cov thwjtim muab xwb.) 3Thaum Yexus hnov li ntawd, Nws txawm tawm hauv xeev Yudas thiab rovqab mus rau pem xeev Kalilais; 4Txojkev uas Nws yuav taug yuavtsum tau hla lub xeev Xamalis mus.
5Yexus mus txog ntawm ib lub nroog hauv xeev Xamalis uas hu ua Xikhas, lub nroog ntawd nyob ze ntawm thaj av uas Yakhauj muab rau nws tus tub Yauxej. #Chiv 33:19; Yaus 24:32 6Yakhauj lub qhovdej kuj nyob rau ntawd, thaum Yexus taug kev los Nws lim heev, Nws thiaj zaum ntawm lub qhovdej ntawd. Lub sijhawm ntawd yog thaum tavsu.
7Muaj ib tug pojniam Xamalis tuaj nqa dej, Yexus hais rau tus pojniam ntawd tias, “Thov koj muab ib qhov dej rau Kuv haus.” ( 8Yexus cov thwjtim mus yuav zaub-mov rau tom nroog lawm.)
9Tus pojniam ntawd teb Yexus hais tias, “Koj yog neeg Yudais, thiab kuv yog neeg Xamalis, uacas Koj lam thov dej ntawm kuv haus?” (Cov Yudais yeej tsis lam siv tej khob thiab tej tais uas cov Xamalis siv li.)#4:9: Cov Yudais yeej tsis lam siv tej khob thiab tej tais uas cov Xamalis siv li; lossis Cov Yudais yeej tsis koom ib yam dabtsi nrog cov Xamalis li. #Exala 4:1-5; Nehemi 4:1-2
10Yexus teb nws hais tias, “Yog koj paub yam uas Vajtswv pub, thiab paub tus uas tabtom thov dej ntawm koj haus, ces koj yeej yuav thov ntawm Nws, thiab Nws yuav muab cov dej uas muaj txojsia rau koj haus.”
11Tus pojniam ntawd hais tias, “Koj twb tsis muaj lub thoob ntaus dej, thiab lub qhovdej no tob heev. Koj yuav muab cov dej uas muaj txojsia qhovtwg los? 12Peb yawgkoob Yakhauj yog tus uas muab lub qhovdej no rau peb; nws thiab nws cov tub thiab nws tej tsiaj puavleej haus dej hauv lub qhovdej no. Koj tseem loj dua peb yawgkoob Yakhauj thiab lov?”
13Yexus teb tias, “Txhua tus uas haus cov dej no tseem yuav rov nqhis dua, 14tiamsis tus uas haus cov dej uas Kuv yuav muab rau nws, nws yuav tsis rov nqhis dua ib zaug li lawm. Cov dej uas Kuv muab rau nws yuav dhau mus ua cov dej cawmsiav txhawv hauv nws lub siab thiab muab tau txojsia mus ibtxhis rau nws.”
15Tus pojniam hais rau Yexus hais tias, “Thov Koj muab cov dej uas Koj hais ko rau kuv! Xwv kuv thiaj yuav tsis rov nqhis ib zaug ntxiv li lawm thiab thiaj tsis tau rov tuaj nqa dej hauv lub qhovdej no.”
16Yexus hais rau nws tias, “Koj ciali mus hu koj tus txiv thiab rov tuaj ntawm no.”
17Tus pojniam teb tias, “Kuv tsis muaj txiv.”
Yexus hais tias, “Qhov uas koj hais tias koj tsis muaj txiv, koj hais yog lawm. 18Koj twb yuav tsib tug txiv los lawm, tus uas tamsim no koj nrog nyob ntawd yeej tsis yog koj tus txiv thiab. Tej uas koj qhia rau Kuv ntawd, koj hais tseeb lawm.”
19Tus pojniam ntawd hais tias, “Kuv pom tias Koj yog ib tug xibhwb cev Vajtswv lus. 20Peb cov neeg Xamalis cov yawgkoob ibtxwm pehawm Vajtswv saum lub roob no, tiamsis nej cov neeg Yudais hais tias hauv lub nroog Yeluxalees thiaj yog lub chaw uas sawvdaws mus pehawm Vajtswv.”
21Yexus hais rau nws tias, “Koj ciali ntseeg Kuv tej lus, twb yuav txog lub sijhawm uas neeg yuav tsis pehawm Leejtxiv saum lub roob no lossis nram lub nroog Yeluxalees lawm. 22Nej cov neeg Xamalis, nej tsis paub tias tus uas nej pehawm ntawd yog leejtwg; tiamsis peb cov neeg Yudais, peb paub tias tus uas peb pehawm ntawd yog leejtwg, rauqhov txoj kev cawmdim yog los ntawm haivneeg Yudais los. 23Tiamsis lub sijhawm ntawd tabtom los thiab twb los txog ntawm no lawm, los ntawm Vajtswv tus Ntsujplig, neeg yuav pehawm Leejtxiv ntawm sab ntsujplig thiab qhov tseeb, rauqhov Leejtxiv xav kom sawvdaws muaj nploojsiab dawbpaug pehawm nws tiag. 24Vajtswv yog Ntsujplig, cov uas pehawm Vajtswv yuavtsum pehawm ntawm sab ntsujplig thiab qhov tseeb.”
25Tus pojniam ntawd hais rau Yexus hais tias, “Kuv paub tias tus Mexiyas yuav los, thiab thaum Nws los lawm, Nws yuav qhia txhua yam rau peb.”
26Yexus teb tias, “Kuv tus uas tabtom nrog koj tham no yog tus ntawd ntag.”
27Tamsim ntawd Yexus cov thwjtim txawm los txog, lawv pom Yexus nrog tus pojniam ntawd tham, lawv xav tsis thoob li. Tiamsis tsis muaj ib tug nug hais tias, “Koj xav tau dabtsi?” Lossis, “Uacas Koj nrog tus pojniam ntawd tham?”
28Ces tus pojniam ntawd txawm muab nws lub hub dej tso plhuav tseg, nws rovqab mus rau tom nroog thiab hais rau cov neeg tod hais tias, 29“Nej ciali mus saib ib tug txivneej uas nws qhia txog txhua yam uas kuv tau ua tas los lawm huv tibsi! Seb Nws puas yog tus Mexiyas?” 30Ces sawvdaws txawm tawm zomzaws hauv nroog tuaj saib Yexus.
31Thaum ntawd cov thwjtim hais rau Yexus hais tias, “Xibhwb, ciali los noj mov tso!”
32Tiamsis Yexus teb tias, “Kuv twb muaj mov noj lawm, tej ntawd nej yeej tsis paub txog kiag li.”
33Yogli ntawd, cov thwjtim thiaj sibnug hais tias, “Puas yog leejtwg twb nqa mov tuaj rau Nws noj lawm?”
34Yexus hais rau lawv hais tias, “Kuv tej mov yog ua rawsli tus uas txib Kuv los lub siab nyiam, thiab ua tes haujlwm uas nws muab rau Kuv ua kom tiav. 35Muaj ib lolus uas nej txeev hais tias, ‘Tshuav plaub hlis ntxiv mamli txog caij hlais nplej.’ Tiamsis Kuv qhia rau nej hais tias, nej ua tibzoo tsa qhovmuag saib tej teb; nplej twb siav qas ziab thiab zoo hlais lawm! 36Tus uas hlais nplej twb tau nqizog lawm, thiab tej uas nws sau los twb tau txojsia ntev dhawv mus ibtxhis lawm; yog li, tus uas cog thiab tus uas hlais nkawd yuav zoosiab kawg li. 37Lolus uas txeev hais tias, ‘Muaj ib tug cog, thiab muaj dua ib tug hlais,’ lolus ntawd yeej muaj tseeb tiag! 38Kuv tau txib nej mus hlais cov nplej hauv daim teb uas tsis yog nej lub zog ua; daim teb ntawd yog lwmtus ua, tiamsis nej tau sau tej uas yog lwmtus nqis zog ua.”
39Cov neeg Xamalis uas nyob hauv lub nroog ntawd los ntseeg Yexus coob heev, vim tus pojniam ntawd ua timkhawv hais tias, “Nws qhia kuv txog txhua yam uas kuv tau ua tas los lawm huv tibsi.” 40Yogli ntawd, thaum cov neeg Xamalis tuaj cuag Yexus, lawv cheem kom Nws nrog lawv nyob, ces Yexus txawm nyob ntawd tau ob hnub.
41Muaj coob leej los ntseeg Yexus ntxiv, vim Nws tej lus qhia, 42thiab lawv hais rau tus pojniam ntawd tias, “Nimno peb ntseeg, tsis yog vim tej lus uas koj hais, tiamsis vim peb tau hnov Nws tej lus, thiab peb paub tias Nws yog neeg ntiajteb tus Cawmseej tiag.”
Yexus Kho Tus Thawj Tubrog Tus Tub
43Tomqab uas Yexus nyob ntawd tau ob hnub, Nws txawm tawm mus rau pem lub xeev Kalilais lawm. 44Yexus tau hais tias, “Cov xibhwb cev Vajtswv lus yeej tsis raug hwm nyob rau hauv nws lub tebchaws.” #Math 13:57; Malak 6:4; Lukas 4:24 45Thaum Yexus mus txog pem xeev Kalilais, sawvdaws tuaj tostxais Nws, rauqhov lawv tau mus ua kevcai Hla Dhau nram lub nroog Yeluxalees, lawv tau pom txhua yam uas Nws ua nyob rau nrad. #Yauh 2:23
46Ces Yexus txawm rovqab mus rau hauv lub zos Kanas, xeev Kalilais uas thaum Yexus muab dej txia ua cawv txivhmab. Muaj ib tug nomtswv nyob hauv lub nroog Kapena-us, nws tus tub tau mob. #Yauh 2:1-11 47Thaum nws hnov tias Yexus rovqab nram xeev Yudas los txog rau hauv xeev Kalilais lawm, nws thiaj mus cuag Yexus thiab thov kom Yexus mus rau Kapena-us thiab mus kho nws tus tub uas tabtom mob heev twb yuav tuag. 48Yexus hais rau nws tias “Yog nej tsis pom tej txujci tseemceeb, mas nej yeej tsis muaj ib tug uas yuav ntseeg li.”
49Tus nomtswv ntawd hais rau Yexus tias, “Tus tswv, cheem kuv tus tub tseem tsis tau tuag, thov Koj ciali nrog kuv mus!”
50Yexus hais rau nws tias, “Koj ciali rov mus tsev, koj tus tub yuav tsis tuag!”
Tus txivneej ntawd ntseeg Yexus tej lus, nws txawm rovqab mus tsev lawm. 51Thaum nws tabtom taug kev mus tsev, nws cov tubqhe tuaj tos nws thiab qhia rau nws hais tias, “Koj tus tub twb zoo lawm.”
52Nws nug lawv hais tias thaum twg nws tus tub pib zoo zujzus tuaj? Lawv teb tias, “Naghmo thaum ib teev yav tavsu dua, ces nws tus npaws txawm tu lawm.” 53Ces leejtxiv nco tau hais tias, thaum ntawd yog lub sijhawm uas Yexus hais rau nws tias, “Koj tus tub yuav tsis tuag.” Yogli ntawd, nws thiab nws tsev neeg thiaj los ntseeg Yexus.
54Txij thaum Yexus rov nram xeev Yudas los txog rau hauv xeev Kalilais, Nws ua txujci tseemceeb ob zaug rau zaum no.
© 2022 United Bible Societies. All rights reserved.
Yauhas 4
4
Yexus Thiab Tus Pojniam Xamalis
1Cov Falixais hnov tias Yexus muaj thwjtim thiab muab neeg ua kevcai rausdej coob dua Yauhas. ( 2Qhov tseeb tiag, Yexus yeej tsis tau muab leejtwg ua kevcai rausdej, tsuas yog Nws cov thwjtim muab xwb.) 3Thaum Yexus hnov li ntawd, Nws txawm tawm hauv xeev Yudas thiab rovqab mus rau pem xeev Kalilais; 4Txojkev uas Nws yuav taug yuavtsum tau hla lub xeev Xamalis mus.
5Yexus mus txog ntawm ib lub nroog hauv xeev Xamalis uas hu ua Xikhas, lub nroog ntawd nyob ze ntawm thaj av uas Yakhauj muab rau nws tus tub Yauxej. #Chiv 33:19; Yaus 24:32 6Yakhauj lub qhovdej kuj nyob rau ntawd, thaum Yexus taug kev los Nws lim heev, Nws thiaj zaum ntawm lub qhovdej ntawd. Lub sijhawm ntawd yog thaum tavsu.
7Muaj ib tug pojniam Xamalis tuaj nqa dej, Yexus hais rau tus pojniam ntawd tias, “Thov koj muab ib qhov dej rau Kuv haus.” ( 8Yexus cov thwjtim mus yuav zaub-mov rau tom nroog lawm.)
9Tus pojniam ntawd teb Yexus hais tias, “Koj yog neeg Yudais, thiab kuv yog neeg Xamalis, uacas Koj lam thov dej ntawm kuv haus?” (Cov Yudais yeej tsis lam siv tej khob thiab tej tais uas cov Xamalis siv li.)#4:9: Cov Yudais yeej tsis lam siv tej khob thiab tej tais uas cov Xamalis siv li; lossis Cov Yudais yeej tsis koom ib yam dabtsi nrog cov Xamalis li. #Exala 4:1-5; Nehemi 4:1-2
10Yexus teb nws hais tias, “Yog koj paub yam uas Vajtswv pub, thiab paub tus uas tabtom thov dej ntawm koj haus, ces koj yeej yuav thov ntawm Nws, thiab Nws yuav muab cov dej uas muaj txojsia rau koj haus.”
11Tus pojniam ntawd hais tias, “Koj twb tsis muaj lub thoob ntaus dej, thiab lub qhovdej no tob heev. Koj yuav muab cov dej uas muaj txojsia qhovtwg los? 12Peb yawgkoob Yakhauj yog tus uas muab lub qhovdej no rau peb; nws thiab nws cov tub thiab nws tej tsiaj puavleej haus dej hauv lub qhovdej no. Koj tseem loj dua peb yawgkoob Yakhauj thiab lov?”
13Yexus teb tias, “Txhua tus uas haus cov dej no tseem yuav rov nqhis dua, 14tiamsis tus uas haus cov dej uas Kuv yuav muab rau nws, nws yuav tsis rov nqhis dua ib zaug li lawm. Cov dej uas Kuv muab rau nws yuav dhau mus ua cov dej cawmsiav txhawv hauv nws lub siab thiab muab tau txojsia mus ibtxhis rau nws.”
15Tus pojniam hais rau Yexus hais tias, “Thov Koj muab cov dej uas Koj hais ko rau kuv! Xwv kuv thiaj yuav tsis rov nqhis ib zaug ntxiv li lawm thiab thiaj tsis tau rov tuaj nqa dej hauv lub qhovdej no.”
16Yexus hais rau nws tias, “Koj ciali mus hu koj tus txiv thiab rov tuaj ntawm no.”
17Tus pojniam teb tias, “Kuv tsis muaj txiv.”
Yexus hais tias, “Qhov uas koj hais tias koj tsis muaj txiv, koj hais yog lawm. 18Koj twb yuav tsib tug txiv los lawm, tus uas tamsim no koj nrog nyob ntawd yeej tsis yog koj tus txiv thiab. Tej uas koj qhia rau Kuv ntawd, koj hais tseeb lawm.”
19Tus pojniam ntawd hais tias, “Kuv pom tias Koj yog ib tug xibhwb cev Vajtswv lus. 20Peb cov neeg Xamalis cov yawgkoob ibtxwm pehawm Vajtswv saum lub roob no, tiamsis nej cov neeg Yudais hais tias hauv lub nroog Yeluxalees thiaj yog lub chaw uas sawvdaws mus pehawm Vajtswv.”
21Yexus hais rau nws tias, “Koj ciali ntseeg Kuv tej lus, twb yuav txog lub sijhawm uas neeg yuav tsis pehawm Leejtxiv saum lub roob no lossis nram lub nroog Yeluxalees lawm. 22Nej cov neeg Xamalis, nej tsis paub tias tus uas nej pehawm ntawd yog leejtwg; tiamsis peb cov neeg Yudais, peb paub tias tus uas peb pehawm ntawd yog leejtwg, rauqhov txoj kev cawmdim yog los ntawm haivneeg Yudais los. 23Tiamsis lub sijhawm ntawd tabtom los thiab twb los txog ntawm no lawm, los ntawm Vajtswv tus Ntsujplig, neeg yuav pehawm Leejtxiv ntawm sab ntsujplig thiab qhov tseeb, rauqhov Leejtxiv xav kom sawvdaws muaj nploojsiab dawbpaug pehawm nws tiag. 24Vajtswv yog Ntsujplig, cov uas pehawm Vajtswv yuavtsum pehawm ntawm sab ntsujplig thiab qhov tseeb.”
25Tus pojniam ntawd hais rau Yexus hais tias, “Kuv paub tias tus Mexiyas yuav los, thiab thaum Nws los lawm, Nws yuav qhia txhua yam rau peb.”
26Yexus teb tias, “Kuv tus uas tabtom nrog koj tham no yog tus ntawd ntag.”
27Tamsim ntawd Yexus cov thwjtim txawm los txog, lawv pom Yexus nrog tus pojniam ntawd tham, lawv xav tsis thoob li. Tiamsis tsis muaj ib tug nug hais tias, “Koj xav tau dabtsi?” Lossis, “Uacas Koj nrog tus pojniam ntawd tham?”
28Ces tus pojniam ntawd txawm muab nws lub hub dej tso plhuav tseg, nws rovqab mus rau tom nroog thiab hais rau cov neeg tod hais tias, 29“Nej ciali mus saib ib tug txivneej uas nws qhia txog txhua yam uas kuv tau ua tas los lawm huv tibsi! Seb Nws puas yog tus Mexiyas?” 30Ces sawvdaws txawm tawm zomzaws hauv nroog tuaj saib Yexus.
31Thaum ntawd cov thwjtim hais rau Yexus hais tias, “Xibhwb, ciali los noj mov tso!”
32Tiamsis Yexus teb tias, “Kuv twb muaj mov noj lawm, tej ntawd nej yeej tsis paub txog kiag li.”
33Yogli ntawd, cov thwjtim thiaj sibnug hais tias, “Puas yog leejtwg twb nqa mov tuaj rau Nws noj lawm?”
34Yexus hais rau lawv hais tias, “Kuv tej mov yog ua rawsli tus uas txib Kuv los lub siab nyiam, thiab ua tes haujlwm uas nws muab rau Kuv ua kom tiav. 35Muaj ib lolus uas nej txeev hais tias, ‘Tshuav plaub hlis ntxiv mamli txog caij hlais nplej.’ Tiamsis Kuv qhia rau nej hais tias, nej ua tibzoo tsa qhovmuag saib tej teb; nplej twb siav qas ziab thiab zoo hlais lawm! 36Tus uas hlais nplej twb tau nqizog lawm, thiab tej uas nws sau los twb tau txojsia ntev dhawv mus ibtxhis lawm; yog li, tus uas cog thiab tus uas hlais nkawd yuav zoosiab kawg li. 37Lolus uas txeev hais tias, ‘Muaj ib tug cog, thiab muaj dua ib tug hlais,’ lolus ntawd yeej muaj tseeb tiag! 38Kuv tau txib nej mus hlais cov nplej hauv daim teb uas tsis yog nej lub zog ua; daim teb ntawd yog lwmtus ua, tiamsis nej tau sau tej uas yog lwmtus nqis zog ua.”
39Cov neeg Xamalis uas nyob hauv lub nroog ntawd los ntseeg Yexus coob heev, vim tus pojniam ntawd ua timkhawv hais tias, “Nws qhia kuv txog txhua yam uas kuv tau ua tas los lawm huv tibsi.” 40Yogli ntawd, thaum cov neeg Xamalis tuaj cuag Yexus, lawv cheem kom Nws nrog lawv nyob, ces Yexus txawm nyob ntawd tau ob hnub.
41Muaj coob leej los ntseeg Yexus ntxiv, vim Nws tej lus qhia, 42thiab lawv hais rau tus pojniam ntawd tias, “Nimno peb ntseeg, tsis yog vim tej lus uas koj hais, tiamsis vim peb tau hnov Nws tej lus, thiab peb paub tias Nws yog neeg ntiajteb tus Cawmseej tiag.”
Yexus Kho Tus Thawj Tubrog Tus Tub
43Tomqab uas Yexus nyob ntawd tau ob hnub, Nws txawm tawm mus rau pem lub xeev Kalilais lawm. 44Yexus tau hais tias, “Cov xibhwb cev Vajtswv lus yeej tsis raug hwm nyob rau hauv nws lub tebchaws.” #Math 13:57; Malak 6:4; Lukas 4:24 45Thaum Yexus mus txog pem xeev Kalilais, sawvdaws tuaj tostxais Nws, rauqhov lawv tau mus ua kevcai Hla Dhau nram lub nroog Yeluxalees, lawv tau pom txhua yam uas Nws ua nyob rau nrad. #Yauh 2:23
46Ces Yexus txawm rovqab mus rau hauv lub zos Kanas, xeev Kalilais uas thaum Yexus muab dej txia ua cawv txivhmab. Muaj ib tug nomtswv nyob hauv lub nroog Kapena-us, nws tus tub tau mob. #Yauh 2:1-11 47Thaum nws hnov tias Yexus rovqab nram xeev Yudas los txog rau hauv xeev Kalilais lawm, nws thiaj mus cuag Yexus thiab thov kom Yexus mus rau Kapena-us thiab mus kho nws tus tub uas tabtom mob heev twb yuav tuag. 48Yexus hais rau nws tias “Yog nej tsis pom tej txujci tseemceeb, mas nej yeej tsis muaj ib tug uas yuav ntseeg li.”
49Tus nomtswv ntawd hais rau Yexus tias, “Tus tswv, cheem kuv tus tub tseem tsis tau tuag, thov Koj ciali nrog kuv mus!”
50Yexus hais rau nws tias, “Koj ciali rov mus tsev, koj tus tub yuav tsis tuag!”
Tus txivneej ntawd ntseeg Yexus tej lus, nws txawm rovqab mus tsev lawm. 51Thaum nws tabtom taug kev mus tsev, nws cov tubqhe tuaj tos nws thiab qhia rau nws hais tias, “Koj tus tub twb zoo lawm.”
52Nws nug lawv hais tias thaum twg nws tus tub pib zoo zujzus tuaj? Lawv teb tias, “Naghmo thaum ib teev yav tavsu dua, ces nws tus npaws txawm tu lawm.” 53Ces leejtxiv nco tau hais tias, thaum ntawd yog lub sijhawm uas Yexus hais rau nws tias, “Koj tus tub yuav tsis tuag.” Yogli ntawd, nws thiab nws tsev neeg thiaj los ntseeg Yexus.
54Txij thaum Yexus rov nram xeev Yudas los txog rau hauv xeev Kalilais, Nws ua txujci tseemceeb ob zaug rau zaum no.
© 2022 United Bible Societies. All rights reserved.