JOHN 14
14
1“Lungrethei in um hlah u, Pathian nan zumh khah, keizong ka zum ve u. 2Ka Pa inah dal tampi a um, a um lo ahcun kan chimh cang hna lai, nan caah hmun timhlamh awkah ka kal lai. 3Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga. 4Ka kalnâk ding nan hngalh i a lam zong nan hngalh,” tiah a ti. 5Thomas nih, “Bawipa, na kalnâk ding kan hngal lo, zeitindah a lam kan hngalh lai?” tiah a ti. 6Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo. 7Keimah ka hngal ulaw, Pa zong nan hngalh cang hnga, atu thawkin Amah nan hngalh i nan hmuh,” tiah a ti. 8Filip nih, “Bawipa, Pa cu kan hmuhter law, kan caah â za lai,” tiah a ti. 9Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh? 10Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si. 11Kei Pa i ka um le Pa keimah i a um hi zum u, asilole tuahmi thil ruang tal ah hin zum u. 12Biataktein, biataktein, kan chimh hna, Aka zumtu nih cun ka tuahmi thil hi a tuah ve lai; Ka Pa sinah ka kal lai caah hi nâk ngan zong a tuah te lai. 13Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga. 14Ka min in nan halmi pauh ka tuah lai. 15Nanka dawt ahcun, ka nawlpêkmi nan zulh lai. 16Cun Pa ka hal lai i Amah nih Bawmtu dang zungzal i umpitu an pêk hna lai, 17Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai. 18Ngakṭah in kan kaltak hna lai lo, nan sinah ka ra ṭhân lai. 19“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai. 20Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai. 21Ka nawlpêk kha a pom i a nunpitu cu aka dawtu a si. Aka dawtu cu ka Pa nih a dawt lai, kei zong nih ka dawt ve lai i a sinah kâ lang lai,” tiah a ti. 22Judah (Iskoriot a si lomi) nih a sinah, “Bawipa, vawlei sinah i langh loin zeitindah kan sin tu ah nâ langh lai?” tiah a ti. 23Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai. 24Aka daw lomi nih ka bia zong a nunpi lo; hi bia nan theihmi hna hi keimah ta a si lo i aka thlahtu Pa ta a si. 25Nan sin i ka um lio ah hi bia hi kan chimh hna. 26Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai. 27“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u. 28Nan sin i ka chim nan theih cang bangin, “Lo diam ka kal lai i nan sinah ka rak kir ṭhân lai. ‘Nannih nih ka daw u law, Pa sin i ka kal lai ah hin nan i lawmdeuh hnga; Pa cu keimah nâk in a ngan deuh. 29Cun atu ah cân a tlin hlanah kan chimh chung hna, a tlin tikah nan zumh khawh nâkhnga. 30Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo. 31Asinain keinih Pa ka dawt le Pa nih nawl aka pêk bantukin thil ka tuah tawn ti hi vawlei nih a hngalh khawh nâkhnga caah a si. Tho tuah u, hi ka hin kal tuah u sih.
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.
JOHN 14
14
1“Lungrethei in um hlah u, Pathian nan zumh khah, keizong ka zum ve u. 2Ka Pa inah dal tampi a um, a um lo ahcun kan chimh cang hna lai, nan caah hmun timhlamh awkah ka kal lai. 3Cun nan ca i hmun ka timhlamh hnu ah ka rak kir ṭhân lai i ka sinah kan lâk hna lai. Ka umnâk ah nannih zong nan um ve nâkhnga. 4Ka kalnâk ding nan hngalh i a lam zong nan hngalh,” tiah a ti. 5Thomas nih, “Bawipa, na kalnâk ding kan hngal lo, zeitindah a lam kan hngalh lai?” tiah a ti. 6Jesuh nih, “Keimah hi lam le, biatak le, nunnâk ka si. Keimah in dah ti lo cun ahohmanh Pa sin ah an phân bal lo. 7Keimah ka hngal ulaw, Pa zong nan hngalh cang hnga, atu thawkin Amah nan hngalh i nan hmuh,” tiah a ti. 8Filip nih, “Bawipa, Pa cu kan hmuhter law, kan caah â za lai,” tiah a ti. 9Jesuh nih, “Filip, hitluk sau nan sinah ka um nain nanka hngal lo maw? A ka hmumi pauh Pa a hmumi a si, zeitindah Pa kan hmuhter na ti khawh? 10Pa i ka um le, keimah i Pa a um hi na zum lo maw? Nan sin i ka chimmi bia hna hi keimah nawlngeihnâk in ka chim lo, keimah i a ummi Pa rianṭuan a si. 11Kei Pa i ka um le Pa keimah i a um hi zum u, asilole tuahmi thil ruang tal ah hin zum u. 12Biataktein, biataktein, kan chimh hna, Aka zumtu nih cun ka tuahmi thil hi a tuah ve lai; Ka Pa sinah ka kal lai caah hi nâk ngan zong a tuah te lai. 13Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga. 14Ka min in nan halmi pauh ka tuah lai. 15Nanka dawt ahcun, ka nawlpêkmi nan zulh lai. 16Cun Pa ka hal lai i Amah nih Bawmtu dang zungzal i umpitu an pêk hna lai, 17Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai. 18Ngakṭah in kan kaltak hna lai lo, nan sinah ka ra ṭhân lai. 19“A rauh hlan ah vawlei nih anka hmu ti lai lo, asinain nannih nih cun nan ka hmuh lai, ka nun ruangah nan nih zong nan nung ve lai. 20Cuniah cun kei Pa i ka um le, nannih keimah i nan um le, kei nanmah i ka um kha nan hngalh lai. 21Ka nawlpêk kha a pom i a nunpitu cu aka dawtu a si. Aka dawtu cu ka Pa nih a dawt lai, kei zong nih ka dawt ve lai i a sinah kâ lang lai,” tiah a ti. 22Judah (Iskoriot a si lomi) nih a sinah, “Bawipa, vawlei sinah i langh loin zeitindah kan sin tu ah nâ langh lai?” tiah a ti. 23Jesuh nih, “Minih aka dawt ahcun, ka bia â nunpi lai; ka Pa nih a dawt lai, a sinah kan ra lai i amah cu umnâk innah kan ser lai. 24Aka daw lomi nih ka bia zong a nunpi lo; hi bia nan theihmi hna hi keimah ta a si lo i aka thlahtu Pa ta a si. 25Nan sin i ka um lio ah hi bia hi kan chimh hna. 26Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai. 27“Daihnâk kan chiahta hna, keimah daihnâk kan pêk hna, vawlei pêkmi bangin kan pek hna lo. Nan khuaruah har hlah seh, ṭih zong ṭih hlah u. 28Nan sin i ka chim nan theih cang bangin, “Lo diam ka kal lai i nan sinah ka rak kir ṭhân lai. ‘Nannih nih ka daw u law, Pa sin i ka kal lai ah hin nan i lawmdeuh hnga; Pa cu keimah nâk in a ngan deuh. 29Cun atu ah cân a tlin hlanah kan chimh chung hna, a tlin tikah nan zumh khawh nâkhnga. 30Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo. 31Asinain keinih Pa ka dawt le Pa nih nawl aka pêk bantukin thil ka tuah tawn ti hi vawlei nih a hngalh khawh nâkhnga caah a si. Tho tuah u, hi ka hin kal tuah u sih.
Haka Chin NT with PSA and PRO - Laibaibal Thiang
Copyright © Bible Society of India, 2015.
Used by permission. All rights reserved worldwide.