BOTHUBO 8
8
Azuyimi keu Ashekha Shive
1Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve. 2Ayeghi qhou azupuki, atsutsulo akikighipeqo khave, atsutsu lono tsutsughu lakhave; 3eno ayeghi shouno azu isukitheve eno atsala 150 thiuye ti isutave. 4Aqhi akutsuniu, ghileqhi lo tsala chighi akutsuni nilo ashukakino Ararat naghutolo wo ngolue. 5Azuno hakithe iqive, eno aqhi achighiu, Luu-qhilo tsala atughuni lono naghuto kutsuqa ithulue.
6Atsala lhobidi thiu Noha no ashukaki kighipe lhaphe, puzuuno pano mulape puakeu hu, 7eno pano agha lakhi puwue. Tino ayeghi shou azu haumoke kuto yeiqhoiqi auve. 8Tile Noha no azu haiqive akemo kela juniye miqhedu lakhi puwue, 9ikemu azuno ayeghi nhape akehu miqheduye kiulo nepukumo puzu ashukakilo ideghive. Tithiu pano pau chhopuwo miqhedu kughaluve eno ashukaki alou sasu luve. 10Pano itaghi atsala tsuni ngo apuzu miqhedu pipe; 11miqheduno avelau pa lau ighi eno tipau hubo lo oliv nipa kughunu mighipe cheghi. Ikehu ayeghi shou azu hauvea kena pi Noha no ithive. 12Noha no itaghi atsala tsuni ngo apuzu miqhedu pipe, ikemu tiye pa lau ideghikithe move.
13Kughou Noha no apunu mipe 601 shi akeno, aqhi atughiu ghixuqhilo, atsala atughuni, ayeghi lono azu qhai hauve. Noha no ashukaki nhaqhikeu lhaveno jupuwo kelauye ayeghiqha qhaive aghikeu ithulue. 14Eno aqhi akiniu mozaqhilo atsala muku akutsuni nino ayeghi qhaive.
15Alhou no Noha putsaghi pi, 16“Onipu ngo onuliqo eno panongu nipuqo sasu ashukaki lono ipelo. 17Eno ogholo lhoxu akeqo kumtsu, aghau na, tikishi na tughashi na ayeghilo itikiche namu sasu ipeghivelo, tishianguno panonguno ati kughukono ayeghi shou nhakha wolu pelo.”
18Ikehu Noha no ashukaki lono pa nipu ngo, pa nuliqo eno panongu nipuqo sasu ipeghive. 19Tughashi, tikishi, aghau eno itikiche lhoxu kumtsu pututa jeli muqo shighi ashukaki lono ipeghive.
Noha no Alhou Mllae
20Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue. 21Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae. 22Ayeghi ake kutolo, ghixu tsala ngo ghile tsala eno akumko ngo akushu, mutsutsala ngo susutsala eno tsukuzu tsukuvu tsala ashekha shivemo nani.”
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
BOTHUBO 8
8
Azuyimi keu Ashekha Shive
1Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve. 2Ayeghi qhou azupuki, atsutsulo akikighipeqo khave, atsutsu lono tsutsughu lakhave; 3eno ayeghi shouno azu isukitheve eno atsala 150 thiuye ti isutave. 4Aqhi akutsuniu, ghileqhi lo tsala chighi akutsuni nilo ashukakino Ararat naghutolo wo ngolue. 5Azuno hakithe iqive, eno aqhi achighiu, Luu-qhilo tsala atughuni lono naghuto kutsuqa ithulue.
6Atsala lhobidi thiu Noha no ashukaki kighipe lhaphe, puzuuno pano mulape puakeu hu, 7eno pano agha lakhi puwue. Tino ayeghi shou azu haumoke kuto yeiqhoiqi auve. 8Tile Noha no azu haiqive akemo kela juniye miqhedu lakhi puwue, 9ikemu azuno ayeghi nhape akehu miqheduye kiulo nepukumo puzu ashukakilo ideghive. Tithiu pano pau chhopuwo miqhedu kughaluve eno ashukaki alou sasu luve. 10Pano itaghi atsala tsuni ngo apuzu miqhedu pipe; 11miqheduno avelau pa lau ighi eno tipau hubo lo oliv nipa kughunu mighipe cheghi. Ikehu ayeghi shou azu hauvea kena pi Noha no ithive. 12Noha no itaghi atsala tsuni ngo apuzu miqhedu pipe, ikemu tiye pa lau ideghikithe move.
13Kughou Noha no apunu mipe 601 shi akeno, aqhi atughiu ghixuqhilo, atsala atughuni, ayeghi lono azu qhai hauve. Noha no ashukaki nhaqhikeu lhaveno jupuwo kelauye ayeghiqha qhaive aghikeu ithulue. 14Eno aqhi akiniu mozaqhilo atsala muku akutsuni nino ayeghi qhaive.
15Alhou no Noha putsaghi pi, 16“Onipu ngo onuliqo eno panongu nipuqo sasu ashukaki lono ipelo. 17Eno ogholo lhoxu akeqo kumtsu, aghau na, tikishi na tughashi na ayeghilo itikiche namu sasu ipeghivelo, tishianguno panonguno ati kughukono ayeghi shou nhakha wolu pelo.”
18Ikehu Noha no ashukaki lono pa nipu ngo, pa nuliqo eno panongu nipuqo sasu ipeghive. 19Tughashi, tikishi, aghau eno itikiche lhoxu kumtsu pututa jeli muqo shighi ashukaki lono ipeghive.
Noha no Alhou Mllae
20Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue. 21Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae. 22Ayeghi ake kutolo, ghixu tsala ngo ghile tsala eno akumko ngo akushu, mutsutsala ngo susutsala eno tsukuzu tsukuvu tsala ashekha shivemo nani.”
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.