Piilimka 11
11
1Yɔgyɔgla de tɛŋka meena a jam ta ka bi yeŋ ale a biisi bi yeŋ. 2Ase nuruma ale jam torisi a cheŋ kori geŋ la, ba yaa nya jigi nna jassi Sinar a yaa kali dula.
3Ba yaa weeni chaab ayen, <<Ni jam ate ti nak peela a ju ŋa nalimnyiini.>> Ba jam pai ka peela daa tana ale kotaali a chim tanta. 4Ba yaa weeni chaab ayen, <<Ni jam, ate ti sɛ tɛŋ a te tidek ate ka ta kiari a jueli wenŋmazuk. Ate ti nye yuei a te tidek ate ti kan waaŋ tɛŋka meena zuwa.>>
5Alege Naawen a yaa siŋ nya tɛŋ nummu ale kiani ate saalɔ bisaŋa a sɛ la. 6Naawen a yaa weeni ayen, <<Ba dan chim nuru yeŋsa a biisi bi yeŋ a yaa piilim a nye nna, wari ka ate ba dan zɔk ayen ba nye di tua te ba. 7Ni jam, ate ti siŋ tɛŋ a butim ba biika ate ba kaa miŋ chaaba.
8Dila nyiŋ Naawen a yaa basi ate ba waaŋ chaab tɛŋka meena zuk ate ba basi tɛŋka sɛka. 9Dila ale soa ate ba jam a wi ka ayen Babel la. Ku kiri ale Naawen a butim tɛŋka meena biika. A nyini dula jigini Naawen a basi ate ba waaŋ tɛŋka meena zuk.
10Sɛm wie ale nna. Nyiamu ale jam lik tɛŋka la ku bena ŋaye ŋaaŋnyiŋ Sɛm yaa jam ka bena kook. Wa jam biak Afakasad. 11Wa le biak Afakasad la ŋaaŋnyiŋ wa nya ka bena kobsinu. Wa ŋman jam biak ka nidoabilisa ale lieba.
12Afakasad nya ka bena pisita ale ŋanu ale biak Sɛla. 13Wa le biak Sɛla la ŋaaŋnyiŋ, wa nya ka bena kobsinaansi ale ŋata. Wa jam biak ka nidoabilisa ba chaab ale lieba.
14Sɛla ale nya bena pisita la wa yaa biak Eber. 15Wa le biak Eber la wa goa ka bena kobsinaansi ale ŋata. Wa jam biak ka nidoabilisa ba chaab ale lieba.
16Eber ale nya bena pisita ale ŋanaansi la wa yaa biak Peleg. 17Wa le biak Peleg la wa goa ka bena kobsinaansi ale pisita. Wa jam biak ka nidoabilisa ba chaab ale lieba.
18Peleg ale nya bena pisita la wa yaa biak Areu. 19Peleg ale biak Areu la wa goa ka bena kobsiye ale neok. Wa jam biak ka nidoabilisa ba chaab ale lieba.
20Areu ale nya bena pisita ale ŋaye la wa yaa biak Serug. 21Wa le biak Serug la wa goa ka bena kobsiye ale ŋayopɔi. Wa jam biak nidoabilisa ba chaab kama ale lieba.
22Serug ale nya bena pisita la, wa yaa biak Nayo. 23Wa le biak Nayo la wa goa ka bena kobsiye. Wa jam biak nidoabilisa ba chaab kama ale lieba.
24Nayo ale nya bena pisiye ale neok la wa yaa biak Tɛra. 25Wa le biak Tɛra la wa goa ka bena kook ale pi ale neok. Wa jam biak nidoabilisa ba chaab kama ale lieba.
26Tɛra ale nya bena pisiyopɔi la wa yaa biak Abram ale Nayo ale Yaran.
27Tɛra wie ale nna. Tɛra jam ka Abram ale Nayo ale Yaran ko. Ate Yaran a jam chim Lɔti ko. 28Ba kowa Tɛra a jam diem boro kama alege ate Yaran a kpi Ur ale bo Kaldiya po la ate ba biak wa. 29Abram ale Nayo meena jam faari nipooba kama. Abram powa yuei jam le Sarai. Nayo powa mɛ yuei jam le Milka. Wa jam ka Yaran lie. Yaran jam ka Milka ale Iska ko. 30Sarai abe jam ka kirik. Wa jam ka bisa.
31Tɛra yaa pai wa nidoabinni Abram ale wa ŋaaŋka Lɔti, Yaran nidoabinni ale wa sampowa Sarai, Abram powa. Ba meena yaa basi Ur ale bo Kaldiya po la ayen ba cheŋ Keenan. Alege ba le jam paari Yaran la, ba yaa kali dula.
32Tɛra a goa ka bena kobsiye ale ŋanu alege kpi Yaran tɛŋka.
© 2023, Ghana Institute of Linguistics, Literacy and Bible Translation
Piilimka 11
11
1Yɔgyɔgla de tɛŋka meena a jam ta ka bi yeŋ ale a biisi bi yeŋ. 2Ase nuruma ale jam torisi a cheŋ kori geŋ la, ba yaa nya jigi nna jassi Sinar a yaa kali dula.
3Ba yaa weeni chaab ayen, <<Ni jam ate ti nak peela a ju ŋa nalimnyiini.>> Ba jam pai ka peela daa tana ale kotaali a chim tanta. 4Ba yaa weeni chaab ayen, <<Ni jam, ate ti sɛ tɛŋ a te tidek ate ka ta kiari a jueli wenŋmazuk. Ate ti nye yuei a te tidek ate ti kan waaŋ tɛŋka meena zuwa.>>
5Alege Naawen a yaa siŋ nya tɛŋ nummu ale kiani ate saalɔ bisaŋa a sɛ la. 6Naawen a yaa weeni ayen, <<Ba dan chim nuru yeŋsa a biisi bi yeŋ a yaa piilim a nye nna, wari ka ate ba dan zɔk ayen ba nye di tua te ba. 7Ni jam, ate ti siŋ tɛŋ a butim ba biika ate ba kaa miŋ chaaba.
8Dila nyiŋ Naawen a yaa basi ate ba waaŋ chaab tɛŋka meena zuk ate ba basi tɛŋka sɛka. 9Dila ale soa ate ba jam a wi ka ayen Babel la. Ku kiri ale Naawen a butim tɛŋka meena biika. A nyini dula jigini Naawen a basi ate ba waaŋ tɛŋka meena zuk.
10Sɛm wie ale nna. Nyiamu ale jam lik tɛŋka la ku bena ŋaye ŋaaŋnyiŋ Sɛm yaa jam ka bena kook. Wa jam biak Afakasad. 11Wa le biak Afakasad la ŋaaŋnyiŋ wa nya ka bena kobsinu. Wa ŋman jam biak ka nidoabilisa ale lieba.
12Afakasad nya ka bena pisita ale ŋanu ale biak Sɛla. 13Wa le biak Sɛla la ŋaaŋnyiŋ, wa nya ka bena kobsinaansi ale ŋata. Wa jam biak ka nidoabilisa ba chaab ale lieba.
14Sɛla ale nya bena pisita la wa yaa biak Eber. 15Wa le biak Eber la wa goa ka bena kobsinaansi ale ŋata. Wa jam biak ka nidoabilisa ba chaab ale lieba.
16Eber ale nya bena pisita ale ŋanaansi la wa yaa biak Peleg. 17Wa le biak Peleg la wa goa ka bena kobsinaansi ale pisita. Wa jam biak ka nidoabilisa ba chaab ale lieba.
18Peleg ale nya bena pisita la wa yaa biak Areu. 19Peleg ale biak Areu la wa goa ka bena kobsiye ale neok. Wa jam biak ka nidoabilisa ba chaab ale lieba.
20Areu ale nya bena pisita ale ŋaye la wa yaa biak Serug. 21Wa le biak Serug la wa goa ka bena kobsiye ale ŋayopɔi. Wa jam biak nidoabilisa ba chaab kama ale lieba.
22Serug ale nya bena pisita la, wa yaa biak Nayo. 23Wa le biak Nayo la wa goa ka bena kobsiye. Wa jam biak nidoabilisa ba chaab kama ale lieba.
24Nayo ale nya bena pisiye ale neok la wa yaa biak Tɛra. 25Wa le biak Tɛra la wa goa ka bena kook ale pi ale neok. Wa jam biak nidoabilisa ba chaab kama ale lieba.
26Tɛra ale nya bena pisiyopɔi la wa yaa biak Abram ale Nayo ale Yaran.
27Tɛra wie ale nna. Tɛra jam ka Abram ale Nayo ale Yaran ko. Ate Yaran a jam chim Lɔti ko. 28Ba kowa Tɛra a jam diem boro kama alege ate Yaran a kpi Ur ale bo Kaldiya po la ate ba biak wa. 29Abram ale Nayo meena jam faari nipooba kama. Abram powa yuei jam le Sarai. Nayo powa mɛ yuei jam le Milka. Wa jam ka Yaran lie. Yaran jam ka Milka ale Iska ko. 30Sarai abe jam ka kirik. Wa jam ka bisa.
31Tɛra yaa pai wa nidoabinni Abram ale wa ŋaaŋka Lɔti, Yaran nidoabinni ale wa sampowa Sarai, Abram powa. Ba meena yaa basi Ur ale bo Kaldiya po la ayen ba cheŋ Keenan. Alege ba le jam paari Yaran la, ba yaa kali dula.
32Tɛra a goa ka bena kobsiye ale ŋanu alege kpi Yaran tɛŋka.
© 2023, Ghana Institute of Linguistics, Literacy and Bible Translation