Piilimka 9
9
1Dila Wen yaa niak Nowa ale wa nidoabilisaŋa, ale weeni ayen, <<Ni biak a piisi a sueri tɛŋka. 2Fi yɔgsum popola ale jam ka duŋsa ale wenzuk nuinsa zuk, ale ŋan baai meena ale vuuri a cheŋ la zuk, ale jumaŋa ale bo nyiam po la. M pai ba nyo fi nisa po. 3Jaab meena ale boro a cheŋ la, m pai te fu ayen ba chim ŋandiinta. Ase m le pai jaab meena ale ta vaata a te fu la, m yaa pai jaab meena a te fu. 4Alege m kan yaali ayen waai ŋɔbi jaab ate ziim wari wa po. 5Waai abe dan ko fu ate ziim nyini m le bek bu wari. M le bek nyini duŋ meena jigi. Nuru meena mɛ m le bek nyini wa jigi wa nin ko wa choa. 6Waai ale a ko nurubiik la, ba le ko wa mɛ, diila Naawen nye nurubiik ase ka wadek la. 7Alege nama, ni be biak a piisi tɛŋka zuk.>>
8Wen yaa weeni Nowa ale wa nidoabilisaŋa le bo ale wa la ayen, 9<<Yɔgyɔgla de m nyeka nɔiyeŋ ale fi ale fi ŋaaŋsa 10ale javuk meena ale jam bo ale fu la, nuinsa, yeri duŋsa ale gɔi duŋsa, ŋan baai meena ale nyini ŋaaruŋku po a nyini ale fu la, javuk meena ale bo tɛŋzuk la. 11M nye nɔiyeŋ le fu. M kan ŋman kaasi nyuvuri ale nyiamoa. Nyiam kan ŋman kaasi tɛŋka diipo diipo.>>
12Wen yaa ŋman weeni, <<Jaabuui ale a sak ayen nɔiyeŋ a bo mi ale fi suŋsuŋ ale javuk meena ale bo ale fu la ale baai ate ba za ba biak ba ate ba yiti la. 13M pai ka nagoritom a basi chiŋmaaŋa po ate bu a sak nɔiyeŋ kaai ale bo mi ale tɛŋka suŋsuŋ la. 14M dan basi ate chiŋmaaŋa lik ate nagoritommu a nyini chiŋmaaŋa po nyini, 15M le teeri nɔiyeŋka ale bo mi ale fi ale ŋanvuta meena tɔgatɔga la suŋsuŋ. Nyiam kan ŋman lik tɛŋka a ko ŋanvuta meena. 16Diipo meena nagoritommu dan nyini chiŋmaaŋa po nyini, m le nya bu a teeri nɔiyeŋ kaai ale kan ta nuerika a bo Wen ale ŋanvuta tɔgatɔga tɛŋka zuk la.>> 17Dila Wen yaa weeni Nowa ayen, <<Jabuui ale a sak nɔiyeŋka ate mi nye mi ale fi ale ŋanvuta meena tɛŋka zuk la ale nna.>>
18Nowa nidoabilisaŋa ale jam nyini ŋaaruŋku po a nyini la ale, Sɛm ale Yɛm ale Jafet. Yɛm jam ka Keenan ko. 19Nowa nidoabilisa batawa jam le la. Bala abe le biak ate nuruma waaŋ tɛŋka meena.
20Nowa waai le ka kpaarɔ la yaa vuk tiisa kaduk po. 21Wa le gbesi yɔnaŋa a nye daam nyu la wa yaa buk doa chaboala wa viuku po. 22Keenan kowa Yɛm yaa nya wa kowa chaboalaŋa a yaa weeni wa suataŋa bayewa ale bo peelim la. 23Alege Sɛm ale Jafet yaa pai garuk a vi ba ŋmankpala zuk a cheŋ tuntula a ga lik ba kowa chaboalaŋa. Ba jam tulim ba ninaŋa a basi ka nakpiak ayen ba kan nya ba kowa chaboalaŋa.
24Nowa daamu ale yiinti ate wa yiti a wom wa bibaaŋka ale nye wa diila, 25Wa yaa weeni ayen, <<Kikaasa va Keenan! Wa le chim ka yɔma te wa suataŋa.>>
26Wa ŋman weeni ayen, <<Niauŋ a bo Naawen jigi, Sɛm Wenni. Keenan ale chim ka Sɛm yɔma. 27Wen abe lagri Jafet tɛŋ banni, Jafet za wa bo ka Sɛm viitaŋa po, abe Keenan chim wa yɔma.>>
28Nyiamu le kpeeri la ŋaaŋnyiŋ Nowa goa ka bena kobsita ale pisinu. 29Nowa benaŋa meena jam ka kobsaneok ale pisinu alege ate wa kpi.
© 2023, Ghana Institute of Linguistics, Literacy and Bible Translation
Piilimka 9
9
1Dila Wen yaa niak Nowa ale wa nidoabilisaŋa, ale weeni ayen, <<Ni biak a piisi a sueri tɛŋka. 2Fi yɔgsum popola ale jam ka duŋsa ale wenzuk nuinsa zuk, ale ŋan baai meena ale vuuri a cheŋ la zuk, ale jumaŋa ale bo nyiam po la. M pai ba nyo fi nisa po. 3Jaab meena ale boro a cheŋ la, m pai te fu ayen ba chim ŋandiinta. Ase m le pai jaab meena ale ta vaata a te fu la, m yaa pai jaab meena a te fu. 4Alege m kan yaali ayen waai ŋɔbi jaab ate ziim wari wa po. 5Waai abe dan ko fu ate ziim nyini m le bek bu wari. M le bek nyini duŋ meena jigi. Nuru meena mɛ m le bek nyini wa jigi wa nin ko wa choa. 6Waai ale a ko nurubiik la, ba le ko wa mɛ, diila Naawen nye nurubiik ase ka wadek la. 7Alege nama, ni be biak a piisi tɛŋka zuk.>>
8Wen yaa weeni Nowa ale wa nidoabilisaŋa le bo ale wa la ayen, 9<<Yɔgyɔgla de m nyeka nɔiyeŋ ale fi ale fi ŋaaŋsa 10ale javuk meena ale jam bo ale fu la, nuinsa, yeri duŋsa ale gɔi duŋsa, ŋan baai meena ale nyini ŋaaruŋku po a nyini ale fu la, javuk meena ale bo tɛŋzuk la. 11M nye nɔiyeŋ le fu. M kan ŋman kaasi nyuvuri ale nyiamoa. Nyiam kan ŋman kaasi tɛŋka diipo diipo.>>
12Wen yaa ŋman weeni, <<Jaabuui ale a sak ayen nɔiyeŋ a bo mi ale fi suŋsuŋ ale javuk meena ale bo ale fu la ale baai ate ba za ba biak ba ate ba yiti la. 13M pai ka nagoritom a basi chiŋmaaŋa po ate bu a sak nɔiyeŋ kaai ale bo mi ale tɛŋka suŋsuŋ la. 14M dan basi ate chiŋmaaŋa lik ate nagoritommu a nyini chiŋmaaŋa po nyini, 15M le teeri nɔiyeŋka ale bo mi ale fi ale ŋanvuta meena tɔgatɔga la suŋsuŋ. Nyiam kan ŋman lik tɛŋka a ko ŋanvuta meena. 16Diipo meena nagoritommu dan nyini chiŋmaaŋa po nyini, m le nya bu a teeri nɔiyeŋ kaai ale kan ta nuerika a bo Wen ale ŋanvuta tɔgatɔga tɛŋka zuk la.>> 17Dila Wen yaa weeni Nowa ayen, <<Jabuui ale a sak nɔiyeŋka ate mi nye mi ale fi ale ŋanvuta meena tɛŋka zuk la ale nna.>>
18Nowa nidoabilisaŋa ale jam nyini ŋaaruŋku po a nyini la ale, Sɛm ale Yɛm ale Jafet. Yɛm jam ka Keenan ko. 19Nowa nidoabilisa batawa jam le la. Bala abe le biak ate nuruma waaŋ tɛŋka meena.
20Nowa waai le ka kpaarɔ la yaa vuk tiisa kaduk po. 21Wa le gbesi yɔnaŋa a nye daam nyu la wa yaa buk doa chaboala wa viuku po. 22Keenan kowa Yɛm yaa nya wa kowa chaboalaŋa a yaa weeni wa suataŋa bayewa ale bo peelim la. 23Alege Sɛm ale Jafet yaa pai garuk a vi ba ŋmankpala zuk a cheŋ tuntula a ga lik ba kowa chaboalaŋa. Ba jam tulim ba ninaŋa a basi ka nakpiak ayen ba kan nya ba kowa chaboalaŋa.
24Nowa daamu ale yiinti ate wa yiti a wom wa bibaaŋka ale nye wa diila, 25Wa yaa weeni ayen, <<Kikaasa va Keenan! Wa le chim ka yɔma te wa suataŋa.>>
26Wa ŋman weeni ayen, <<Niauŋ a bo Naawen jigi, Sɛm Wenni. Keenan ale chim ka Sɛm yɔma. 27Wen abe lagri Jafet tɛŋ banni, Jafet za wa bo ka Sɛm viitaŋa po, abe Keenan chim wa yɔma.>>
28Nyiamu le kpeeri la ŋaaŋnyiŋ Nowa goa ka bena kobsita ale pisinu. 29Nowa benaŋa meena jam ka kobsaneok ale pisinu alege ate wa kpi.
© 2023, Ghana Institute of Linguistics, Literacy and Bible Translation