YOHANES 4
4
Mawu Yesus wuṛṛu wawinen Samaria
1Manga taumatan Farisi naaringikka manungku Mawu Yesus naasomba wuṛṛu mannaṛṛani mannamboanne wuassu mallal᷊aṛṛenggenni Yohanes. ( 2Mawu Yesus sassane tawe mannaṛṛani ewe'e tumba'u mallal᷊aṛṛenggen-Ne.) 3Napawe Mawu Yesus naasingkatta manungku manga taumatan Farisi naaringikke olangnge udde, i Tou inaite wuassu Yudea mabelengnga watukku Galilea. 4Sulal᷊ummu amatan-Ne udde i Tou ṛinone sumabbi Samaria. 5Ne na'omate Mawu Yesus su sambau soa su Samaria aranne Sikhar, tawe marau wuassu leta'a apan paarorone nionggolli Yakub su anangnge Yusuf. 6Isudde pia paṛṛihin Yakub. Mawu Yesus nal᷊ol᷊ote u'amatta, ana waugu udde i Tou inuma'ianna su winggim paṛṛihi. Tempo udde iraṛṛangngo puulla mapul᷊o dua allattune, 7-8wuṛṛu mallal᷊aṛṛenggennu Mawu Yesus inaite aroddi su soa mamalli anna.
Wua'udde sangkatou wawinen Samaria nirumanta mania ua'e, Mawu Yesus nabbisara si tou, “Inangnga, wotongnge i Ya'u madorongnga ma'inumma?”
9Wawinen Samaria udde sinumimbakka, “Mawu taumatan Yahudi, i ya'u taumatan Samaria; anio Mawu madorongnga ma'inumma ua'e wuassia'u?” (Ana waugu taumatan Yahudi tawe padaramene su taumatan Samaria.)
10Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”
11Wawine udde nabbisara, “Mawu tawe sasia, wuṛṛu paṛṛihi indi tumanite mal᷊al᷊umma. Wuassuapa Mawu maasomba ua'e apan wiakka udde? 12I Yakub, iamangngi yami al᷊amona, nanantillu paṛṛihi indi si yami. I tou sassane mangngal᷊appa ua'e wua isindi; aroddi lai manga al᷊aṛṛanangnge see manga winatangnge. Apa Mawu massunna manungku Mawu magewal᷊anna wuassi Yakub?”
13“Taumata apan ma'inumma ua'e indi sarun marou apia,” wisara Mawu Yesus, 14“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”
15Wisaran bawine udde, “Mawu, i ya'u onggol᷊eng kua'e udde, tadea'u i ya'u tate lai marou; wuṛṛu tate mabelengnga isindi mania ua'e.”
16“Roote, waggoi awingngu, see pabelengnga apia isindi,” unnu Mawu Yesus.
17“I ya'u tawe awingku,” sasimbakku wawine udde.
“Atonna wisaranu,” unnu Mawu Yesus. 18“Ana waugu i'o suete na'awingnga paal᷊ima, wuṛṛu esakka apan mabbiakka su sampunna ringannu orassa indi wal᷊ine awingngu.”
19“Orassa indi ya'u naasingkatte Mawu sangkatou nabi,” unnu wawine udde. 20“Iupungngu al᷊amonang kami massubba Ruata su wuidda indi, arawe walahannu Mawu mabbisara manungku tumba'u su Yerusalem tampane taumata massubba Ruata.”
21“Pangimante,” unnu Mawu Yesus si tou, “su sambau tempo taumata sarun massubba Iamangnga, wal᷊ine lai su wuidda indi, wuṛṛu wal᷊ine lai su Yerusalem. 22I yamiu taumatan Samaria massubba apa apan awagananni yamiu, arawe i yami taumatan Yahudi massubba si Tou apan asingkatanni yami, waugu asasal᷊amatta darantane wuassu taumatan Yahudi. 23Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga. 24Ana waugu Ruata udde Ghaṛṛahon, wuṛṛu tumba'u ringannu taṛṛinon Ghaṛṛahon Ruata manga taumata wotongnge massubba Iamangnga ere lai su olangnge udde.”
25Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”
26“Ete i Ya'u i Tou,” unnu Mawu Yesus, “I Ya'u apan orassa indi tantal᷊anna uahahatonu.”
27Su tempo udde manga mallal᷊aṛṛenggennu Mawu Yesus nabelengke. I mangitou tinumiangnga naasilo Mawu Yesus uahahatton sangkatou bawine. Arawe tawe saran sangkatou wuassu wallati mangitou apan naiwal᷊o wawine udde, “Inangnga mappandumma apa?” ara'e maiwal᷊o Mawu Yesus, “Anio Iamangnga uahahattom bawine udde?”
28Ne wawine udde nanantangngu wensada isudde see tinumal᷊angnga watukku soa wuṛṛu nabbatti'a su manga taumata poiaroddi, 29“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?” 30Ne manga taumata udde nanantangken soa see inaite ringannu Mawu Yesus.
31Tantal᷊anna udde manga mallal᷊aṛṛenggen-Ne nangahe Mawu Yesus umanna. “Iamangnga Huru,” unni mangitou, “sal᷊amatte umanna.”
32Arawe Mawu Yesus sinumimbakka, “I Ya'u pia anna, apan awagananni yamiu.”
33Ne manga mallal᷊aṛṛenggen-Ne mannattake uaaiwal᷊o, “Apa pia taumata uaapiddu anni Tou?”
34See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u. 35I yamiu mabbisara, ‘Ete appatu wul᷊anna tempo mangitingnga.’ Arawe i Ya'u mabbisara si yamiu: Pa'ellege wawail᷊annu amme maririkke, wotongngete itinganna! 36Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau. 37Sasanato'a indi tawe sal᷊ane, ‘Waine mangngasi'a, waine mangngitingnga.’ 38I Ya'u nandolokki yamiu inai mangitingnga su wailla apan tawe nirusahaddi yamiu; taumata waine suete nammanara poiaroddi, wuṛṛu i yamiu nanengkamma auntunganne wuassu manara mangitou.”
39Manambo taumatan Samaria tumana'u soa udde nangimanna Mawu Yesus, ana waugu wawine udde nabbisara, “I Tou nabbatti'a si ya'u al᷊awo'u inolaanna apan suete ta'u inola'a.” 40Ne napawe manga taumatan Samaria udde nassombate Mawu Yesus, i mangitou madorongnga ringannu sussal᷊ande tadea'u i Tou matana'a ringanni mangitou. Nariaddi Mawu Yesus natana'a isudde rua allo al᷊annune.
41Wua'udde niatambanna lai anambone taumata mangngimanna Mawu Yesus ana waugu apa apan niaṛṛang-Nge sassane si mangitou. 42I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”
Mawu Yesus napaapian ana'u mamanaran bal᷊en araratuanna
43Napawe ruate allo nal᷊iu uatana'a su Sikhar, Mawu Yesus inaite watukku Galilea. 44Mawu Yesus sassane suete nabbisara, “Sangkatou nabi tawe addatanna su wanuane sassane.” 45Arawe su tempo i Tou na'omate su Galilea, manga taumata su Galilea mannol᷊oho si Tou ringannu naungnga mal᷊uassa, ana waugu i mangitou su Yerusalem su tempo Allo Wahewam Paskah, suete naasilo sarangkanambone apan niola'u Mawu Yesus.
46Wua'udde Mawu Yesus nabelengke watukku Kana su Galilea, isudde i Tou suete namal᷊u ua'e nabal᷊i anggore. Su soa udde pia sangkatou mammamanaran tembonanne, anangnge marada'a su Kapernaum. 47Napawe i tou naaringikka manungku Mawu Yesus nirumantate su Galilea wuassu Yudea, i tou inaite ringannu Mawu Yesus wuṛṛu madorongnga Mawu Yesus rumanta su Kapernaum mapaapian anangnge apan maranite mate. 48Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”
49“Mawu,” sasimbakku mammamanaran tembonanne udde, “paal᷊ihakke rumanta tantal᷊anna ana'u taambe nate.”
50Mawu Yesus nabbisara si tou, “Roote anangngu napiate.”
Taumata udde nangimanna wisara Mawu Yesus, see i tou napul᷊ete. 51Su tangngan dal᷊anna manga mangangimbene nirumanta ringanni tou wuṛṛu nabatti'a, “Ana'i Tuangnga napiate.”
52See i tou naiwal᷊o si mangitou orassa ereapa ana'a udde mannattake mapia. I mangitou sinumimbakka, “Aṛṛabi iraṛṛangngo puulla sambau allattune sal᷊ihangnge nawul᷊i.” 53See iamangngu ana'a udde naanaungnga manungku su orassa udde Mawu Yesus nabbisara si tou, “Anangngu napiate.” Ne i tou wuṛṛu anambon lal᷊oṛṛon wal᷊ene nangimante Mawu Yesus.
54Eteudde al᷊aṛṛindu'a aruane apan niola'u Mawu Yesus su Galilea napawe i Tou nirumanta wuassu Yudea.
@ LAI 2003
YOHANES 4
4
Mawu Yesus wuṛṛu wawinen Samaria
1Manga taumatan Farisi naaringikka manungku Mawu Yesus naasomba wuṛṛu mannaṛṛani mannamboanne wuassu mallal᷊aṛṛenggenni Yohanes. ( 2Mawu Yesus sassane tawe mannaṛṛani ewe'e tumba'u mallal᷊aṛṛenggen-Ne.) 3Napawe Mawu Yesus naasingkatta manungku manga taumatan Farisi naaringikke olangnge udde, i Tou inaite wuassu Yudea mabelengnga watukku Galilea. 4Sulal᷊ummu amatan-Ne udde i Tou ṛinone sumabbi Samaria. 5Ne na'omate Mawu Yesus su sambau soa su Samaria aranne Sikhar, tawe marau wuassu leta'a apan paarorone nionggolli Yakub su anangnge Yusuf. 6Isudde pia paṛṛihin Yakub. Mawu Yesus nal᷊ol᷊ote u'amatta, ana waugu udde i Tou inuma'ianna su winggim paṛṛihi. Tempo udde iraṛṛangngo puulla mapul᷊o dua allattune, 7-8wuṛṛu mallal᷊aṛṛenggennu Mawu Yesus inaite aroddi su soa mamalli anna.
Wua'udde sangkatou wawinen Samaria nirumanta mania ua'e, Mawu Yesus nabbisara si tou, “Inangnga, wotongnge i Ya'u madorongnga ma'inumma?”
9Wawinen Samaria udde sinumimbakka, “Mawu taumatan Yahudi, i ya'u taumatan Samaria; anio Mawu madorongnga ma'inumma ua'e wuassia'u?” (Ana waugu taumatan Yahudi tawe padaramene su taumatan Samaria.)
10Mawu Yesus sinumimbakka, “Unnu wisara i'o masingkattu aonggolu Ruata wuṛṛu isai madorongnga ma'inumma ringannu, i'o sassane lai sarun madorongnga si Tou ma'inumma, wuṛṛu i Tou sarun mangonggola si'o ua'e apan wiakka.”
11Wawine udde nabbisara, “Mawu tawe sasia, wuṛṛu paṛṛihi indi tumanite mal᷊al᷊umma. Wuassuapa Mawu maasomba ua'e apan wiakka udde? 12I Yakub, iamangngi yami al᷊amona, nanantillu paṛṛihi indi si yami. I tou sassane mangngal᷊appa ua'e wua isindi; aroddi lai manga al᷊aṛṛanangnge see manga winatangnge. Apa Mawu massunna manungku Mawu magewal᷊anna wuassi Yakub?”
13“Taumata apan ma'inumma ua'e indi sarun marou apia,” wisara Mawu Yesus, 14“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”
15Wisaran bawine udde, “Mawu, i ya'u onggol᷊eng kua'e udde, tadea'u i ya'u tate lai marou; wuṛṛu tate mabelengnga isindi mania ua'e.”
16“Roote, waggoi awingngu, see pabelengnga apia isindi,” unnu Mawu Yesus.
17“I ya'u tawe awingku,” sasimbakku wawine udde.
“Atonna wisaranu,” unnu Mawu Yesus. 18“Ana waugu i'o suete na'awingnga paal᷊ima, wuṛṛu esakka apan mabbiakka su sampunna ringannu orassa indi wal᷊ine awingngu.”
19“Orassa indi ya'u naasingkatte Mawu sangkatou nabi,” unnu wawine udde. 20“Iupungngu al᷊amonang kami massubba Ruata su wuidda indi, arawe walahannu Mawu mabbisara manungku tumba'u su Yerusalem tampane taumata massubba Ruata.”
21“Pangimante,” unnu Mawu Yesus si tou, “su sambau tempo taumata sarun massubba Iamangnga, wal᷊ine lai su wuidda indi, wuṛṛu wal᷊ine lai su Yerusalem. 22I yamiu taumatan Samaria massubba apa apan awagananni yamiu, arawe i yami taumatan Yahudi massubba si Tou apan asingkatanni yami, waugu asasal᷊amatta darantane wuassu taumatan Yahudi. 23Arawe tempone sarun dumanta, nirumantate, manungku ringannu taṛṛino Ghaṛṛahon Ruata manga taumata saru massubba Iamangnga maola'a Ruatane apan atonna ere lai ipa'apulun Iamangnga. 24Ana waugu Ruata udde Ghaṛṛahon, wuṛṛu tumba'u ringannu taṛṛinon Ghaṛṛahon Ruata manga taumata wotongnge massubba Iamangnga ere lai su olangnge udde.”
25Wawine udde nabbisara su Mawu Yesus, “I ya'u masingkatta Ratum Punnu Sal᷊amatta (apan isassago Kristus) sarun rumanta. Amungkangngu i Tou rumanta, i Tou sarun mamasingkattu al᷊awo'u watti'a si ite.”
26“Ete i Ya'u i Tou,” unnu Mawu Yesus, “I Ya'u apan orassa indi tantal᷊anna uahahatonu.”
27Su tempo udde manga mallal᷊aṛṛenggennu Mawu Yesus nabelengke. I mangitou tinumiangnga naasilo Mawu Yesus uahahatton sangkatou bawine. Arawe tawe saran sangkatou wuassu wallati mangitou apan naiwal᷊o wawine udde, “Inangnga mappandumma apa?” ara'e maiwal᷊o Mawu Yesus, “Anio Iamangnga uahahattom bawine udde?”
28Ne wawine udde nanantangngu wensada isudde see tinumal᷊angnga watukku soa wuṛṛu nabbatti'a su manga taumata poiaroddi, 29“Wette pa'ellega taumata apan suete namasingkatta si ya'u al᷊awo'u arariaddianna apan suete niola'u. Asinungka i Tou Ratum Punnu Sal᷊amatta?” 30Ne manga taumata udde nanantangken soa see inaite ringannu Mawu Yesus.
31Tantal᷊anna udde manga mallal᷊aṛṛenggen-Ne nangahe Mawu Yesus umanna. “Iamangnga Huru,” unni mangitou, “sal᷊amatte umanna.”
32Arawe Mawu Yesus sinumimbakka, “I Ya'u pia anna, apan awagananni yamiu.”
33Ne manga mallal᷊aṛṛenggen-Ne mannattake uaaiwal᷊o, “Apa pia taumata uaapiddu anni Tou?”
34See Mawu Yesus nabbisara, “Angku eteudde tuttuṛṛutta apulun Tou apan nadolo-U, wuṛṛu mangnginsue manara apan tinantilli Tou si Ya'u. 35I yamiu mabbisara, ‘Ete appatu wul᷊anna tempo mangitingnga.’ Arawe i Ya'u mabbisara si yamiu: Pa'ellege wawail᷊annu amme maririkke, wotongngete itinganna! 36Taumata apan mangitingnga manattakke manengkamma lal᷊antakke wuṛṛu mangammulu wuane ipadea'a wiakka tutune wuṛṛu saran mal᷊annu-l᷊annu. Ne taumata apan nangasi'a wuṛṛu taumata apan mangngitingnga wotongnge lumuassa su sambau. 37Sasanato'a indi tawe sal᷊ane, ‘Waine mangngasi'a, waine mangngitingnga.’ 38I Ya'u nandolokki yamiu inai mangitingnga su wailla apan tawe nirusahaddi yamiu; taumata waine suete nammanara poiaroddi, wuṛṛu i yamiu nanengkamma auntunganne wuassu manara mangitou.”
39Manambo taumatan Samaria tumana'u soa udde nangimanna Mawu Yesus, ana waugu wawine udde nabbisara, “I Tou nabbatti'a si ya'u al᷊awo'u inolaanna apan suete ta'u inola'a.” 40Ne napawe manga taumatan Samaria udde nassombate Mawu Yesus, i mangitou madorongnga ringannu sussal᷊ande tadea'u i Tou matana'a ringanni mangitou. Nariaddi Mawu Yesus natana'a isudde rua allo al᷊annune.
41Wua'udde niatambanna lai anambone taumata mangngimanna Mawu Yesus ana waugu apa apan niaṛṛang-Nge sassane si mangitou. 42I mangitou nabbisara wawine udde, “Orassa indi yami mangngimanna, wal᷊inewe ana waugu wisaranu si yami, arawe ana waugu i yami sassane suete naaringikka si Tou, wuṛṛu masingkatta manungku i Tou atonna Punnu Sal᷊amattu Runia.”
Mawu Yesus napaapian ana'u mamanaran bal᷊en araratuanna
43Napawe ruate allo nal᷊iu uatana'a su Sikhar, Mawu Yesus inaite watukku Galilea. 44Mawu Yesus sassane suete nabbisara, “Sangkatou nabi tawe addatanna su wanuane sassane.” 45Arawe su tempo i Tou na'omate su Galilea, manga taumata su Galilea mannol᷊oho si Tou ringannu naungnga mal᷊uassa, ana waugu i mangitou su Yerusalem su tempo Allo Wahewam Paskah, suete naasilo sarangkanambone apan niola'u Mawu Yesus.
46Wua'udde Mawu Yesus nabelengke watukku Kana su Galilea, isudde i Tou suete namal᷊u ua'e nabal᷊i anggore. Su soa udde pia sangkatou mammamanaran tembonanne, anangnge marada'a su Kapernaum. 47Napawe i tou naaringikka manungku Mawu Yesus nirumantate su Galilea wuassu Yudea, i tou inaite ringannu Mawu Yesus wuṛṛu madorongnga Mawu Yesus rumanta su Kapernaum mapaapian anangnge apan maranite mate. 48Mawu Yesus nabbisara su mammamanaran tembonanne udde, “Amungkangngu i yamiu tawe maasilo manga al᷊aṛṛindu'a, i yamiu tawe mangngimanna.”
49“Mawu,” sasimbakku mammamanaran tembonanne udde, “paal᷊ihakke rumanta tantal᷊anna ana'u taambe nate.”
50Mawu Yesus nabbisara si tou, “Roote anangngu napiate.”
Taumata udde nangimanna wisara Mawu Yesus, see i tou napul᷊ete. 51Su tangngan dal᷊anna manga mangangimbene nirumanta ringanni tou wuṛṛu nabatti'a, “Ana'i Tuangnga napiate.”
52See i tou naiwal᷊o si mangitou orassa ereapa ana'a udde mannattake mapia. I mangitou sinumimbakka, “Aṛṛabi iraṛṛangngo puulla sambau allattune sal᷊ihangnge nawul᷊i.” 53See iamangngu ana'a udde naanaungnga manungku su orassa udde Mawu Yesus nabbisara si tou, “Anangngu napiate.” Ne i tou wuṛṛu anambon lal᷊oṛṛon wal᷊ene nangimante Mawu Yesus.
54Eteudde al᷊aṛṛindu'a aruane apan niola'u Mawu Yesus su Galilea napawe i Tou nirumanta wuassu Yudea.
@ LAI 2003