Seemthawhnak 1
1
Seemsuahnak leh Sabbath
1A hramthawh ih Pathian ni vanpawl leh vulei a seemsuah a’khin, 2vulei cu pianthlai ngeilo kualawngpi a ii ih khuamaw ni a thuknang cu a khum, culeh Pathian thlarau cu tipawl ih muihmai cungah a leng. 3Cutikah Pathian ni, “Khuatleu om seh,” tiah a ti; culeh khuatleu cu a om. 4Culeh Pathian ni khuatleu cu a ṭha ti a hmu; cun Pathian ni khuatleu cu khuamaw hemin a thia. 5Pathian ni khuatleu cu Sun tiah a vawh, cun khuamaw cu Zan tiah a vawh. Culeh siimla liamin mawla a suak, a ni khatnak a ii.
6Culeh Pathian ni, “Tipawl laisim ah a kuumpi om seh, tipawl cu ṭhen hngai seh,” tiah a ti. 7Curuangah Pathian ni a kuumpi tangih tipawl leh a kuumpi cungih tipawl ti in a ṭhen hngai. Culeh acuticun a ii. 8Culeh Pathian ni a kuumpi cu Van tiah a vawh. Cun siimla liamin mawla a suak, a ni hnihnak a ii.
9Culeh Pathian ni, “Van tangih ommi tipawl cu hmunkhatah tumtia u sela, cun khur car lang seh,” tiah a ti. Culeh acuticun a ii. 10Pathian ni khur car cu Vulei a vawh, cun a tumtiami tipawl cu Rilipawl tiah a vawh hngai. Culeh Pathian ni acu cu a ṭha ti a hmu. 11Cuhnukah Pathian ni, “Vulei ni thlai kung, cii a ngeimi, cun vuang ngeimi kung a phunphun leh a vuang sungah cii a ngeimi vuang a vuang khomi kung phun kip, suahsak seh,” tiah a ti. Culeh acuticun a ii. 12Vulei ni thlai kung—cii phun kip a ngeimi kungpawl, cun an sungah cii a ngeimi vuang a vuangmi thingkung phun kip a han suah. Culeh Pathian ni acu cu a ṭha ti a hmu. 13Siimla liamin mawla a suak, a ni thumnak a ii.
14Culeh Pathian ni, “Sun leh zan ṭhen dingah van kuum a’khin a tlemipawl om u seh; cun acule cu khuacaanpawl, nithla leh kumpawl minhlinnak ii u seh, 15cun vulei zon tlet tu dingah van kuum a’khin a tlemipawl om u seh,” tiah a ti. Culeh acuticun a ii. 16Pathian ni a tlemi hnem pipi pahnih: sunla uktu tleunak hnempi pakhat leh zan uktu ah a tiindeuhmi tleunak, cun arsipawl ti in a vua hngai. 17Pathian ni vulei parah tleunak pia dingah, 18sun leh zan uk dingah leh khuatleu leh khuamaw ṭhen dingah van kuumpi a’khin a sia hngai. Culeh Pathian ni acu cu a ṭha ti a hmu. 19Cun siimla liamin mawla a suak, a ni linak a ii.
20Culeh Pathian ni, “Tipawl ni sumnung buur pipi hei suah hngai seh, cun vapawl vulei cungla ih van kuumpi ah soi u seh,” tiah a ti. 21Curuangah Pathian ni rili ih ṭihṭha sahraang pipi leh a tekcaangmi sumnung phun kip, ti sungih sumnung buur, thlangei vate phun kip a seemsuah hngai. Culeh Pathian ni acu cu a ṭha ti a hmu. 22Pathian ni, “Nan cii ṭha in pungzai u la rili tipawl hi khah uh, cun vulei parah vapawl pungzai u seh,” tiah ti in thlua a suah hngai. 23Culeh siimla liamin mawla a suak, a ni nganak a ii.
24Cun Pathian ni, “Vulei ni sumnung phun kip hei suah seh: sumhnam, bokvakpawl leh vulei parih ramsa phun kip in,” tiah a ti. Culeh acuticun a ii. 25Pathian ni vulei ih ramsa phun kip, khur ih bokvak phun kip a vua hngai. Culeh Pathian ni acu cu a ṭha ti a hmu.
26Cuhnukah Pathian ni, “Kanmah muihmel kengin, kanmah cawh in minung vua le hu; cun rili nga cungah, cun huih lak vapawl cungah, cun sumhnampawl, cun vulei parih sahraangpawl cungah, cun vulei parih bokvak thil phun kip cungah uknak thu ngei u seh,” tiah a ti.
27Curuangah Pathian ni amah ih muihmel kengin
minung a vua, Pathian muihmel kengin
minung a seemsuah hngai;
pami leh numi a seemsuah hngai.
28Pathian ni thlua a suah hngai ih, “Nan cii ṭha in pungzai uh, cun vulei hi khah uh; culeh rili nga cung leh huih lak vapawl cung leh vulei parih a vakmi ramsa leh sumnung phun kip cungah uknak thu ngei uh,” tiah a ti hngai. 29Cuhnukah Pathian ni, “Zoh hman uh vulei parih thlaici suah kho kung phun kip leh a vuang ah cii a ngeimi thingkung cang ka tan pia hngai; caw ah nan hmantia hngai thok. 30Cun vulei parih ramsa cang, huih lak vapawl cang, cun vulei parih bokvak cang, cun nunnak thaw a ngeimi cang, a hringmi kung cang caw ah ka tan pia hngai,” tiah a ti hngai. Culeh acuticun a ii. 31Pathian ni a vuakmi kip cu a hmu, culeh a ṭha taktak tiah a ti. Cun siimla liamin mawla a suak, a ni ruknak a ii.
Khualsim Holy Bible © Bible Society of Myanmar, 2021.
Seemthawhnak 1
1
Seemsuahnak leh Sabbath
1A hramthawh ih Pathian ni vanpawl leh vulei a seemsuah a’khin, 2vulei cu pianthlai ngeilo kualawngpi a ii ih khuamaw ni a thuknang cu a khum, culeh Pathian thlarau cu tipawl ih muihmai cungah a leng. 3Cutikah Pathian ni, “Khuatleu om seh,” tiah a ti; culeh khuatleu cu a om. 4Culeh Pathian ni khuatleu cu a ṭha ti a hmu; cun Pathian ni khuatleu cu khuamaw hemin a thia. 5Pathian ni khuatleu cu Sun tiah a vawh, cun khuamaw cu Zan tiah a vawh. Culeh siimla liamin mawla a suak, a ni khatnak a ii.
6Culeh Pathian ni, “Tipawl laisim ah a kuumpi om seh, tipawl cu ṭhen hngai seh,” tiah a ti. 7Curuangah Pathian ni a kuumpi tangih tipawl leh a kuumpi cungih tipawl ti in a ṭhen hngai. Culeh acuticun a ii. 8Culeh Pathian ni a kuumpi cu Van tiah a vawh. Cun siimla liamin mawla a suak, a ni hnihnak a ii.
9Culeh Pathian ni, “Van tangih ommi tipawl cu hmunkhatah tumtia u sela, cun khur car lang seh,” tiah a ti. Culeh acuticun a ii. 10Pathian ni khur car cu Vulei a vawh, cun a tumtiami tipawl cu Rilipawl tiah a vawh hngai. Culeh Pathian ni acu cu a ṭha ti a hmu. 11Cuhnukah Pathian ni, “Vulei ni thlai kung, cii a ngeimi, cun vuang ngeimi kung a phunphun leh a vuang sungah cii a ngeimi vuang a vuang khomi kung phun kip, suahsak seh,” tiah a ti. Culeh acuticun a ii. 12Vulei ni thlai kung—cii phun kip a ngeimi kungpawl, cun an sungah cii a ngeimi vuang a vuangmi thingkung phun kip a han suah. Culeh Pathian ni acu cu a ṭha ti a hmu. 13Siimla liamin mawla a suak, a ni thumnak a ii.
14Culeh Pathian ni, “Sun leh zan ṭhen dingah van kuum a’khin a tlemipawl om u seh; cun acule cu khuacaanpawl, nithla leh kumpawl minhlinnak ii u seh, 15cun vulei zon tlet tu dingah van kuum a’khin a tlemipawl om u seh,” tiah a ti. Culeh acuticun a ii. 16Pathian ni a tlemi hnem pipi pahnih: sunla uktu tleunak hnempi pakhat leh zan uktu ah a tiindeuhmi tleunak, cun arsipawl ti in a vua hngai. 17Pathian ni vulei parah tleunak pia dingah, 18sun leh zan uk dingah leh khuatleu leh khuamaw ṭhen dingah van kuumpi a’khin a sia hngai. Culeh Pathian ni acu cu a ṭha ti a hmu. 19Cun siimla liamin mawla a suak, a ni linak a ii.
20Culeh Pathian ni, “Tipawl ni sumnung buur pipi hei suah hngai seh, cun vapawl vulei cungla ih van kuumpi ah soi u seh,” tiah a ti. 21Curuangah Pathian ni rili ih ṭihṭha sahraang pipi leh a tekcaangmi sumnung phun kip, ti sungih sumnung buur, thlangei vate phun kip a seemsuah hngai. Culeh Pathian ni acu cu a ṭha ti a hmu. 22Pathian ni, “Nan cii ṭha in pungzai u la rili tipawl hi khah uh, cun vulei parah vapawl pungzai u seh,” tiah ti in thlua a suah hngai. 23Culeh siimla liamin mawla a suak, a ni nganak a ii.
24Cun Pathian ni, “Vulei ni sumnung phun kip hei suah seh: sumhnam, bokvakpawl leh vulei parih ramsa phun kip in,” tiah a ti. Culeh acuticun a ii. 25Pathian ni vulei ih ramsa phun kip, khur ih bokvak phun kip a vua hngai. Culeh Pathian ni acu cu a ṭha ti a hmu.
26Cuhnukah Pathian ni, “Kanmah muihmel kengin, kanmah cawh in minung vua le hu; cun rili nga cungah, cun huih lak vapawl cungah, cun sumhnampawl, cun vulei parih sahraangpawl cungah, cun vulei parih bokvak thil phun kip cungah uknak thu ngei u seh,” tiah a ti.
27Curuangah Pathian ni amah ih muihmel kengin
minung a vua, Pathian muihmel kengin
minung a seemsuah hngai;
pami leh numi a seemsuah hngai.
28Pathian ni thlua a suah hngai ih, “Nan cii ṭha in pungzai uh, cun vulei hi khah uh; culeh rili nga cung leh huih lak vapawl cung leh vulei parih a vakmi ramsa leh sumnung phun kip cungah uknak thu ngei uh,” tiah a ti hngai. 29Cuhnukah Pathian ni, “Zoh hman uh vulei parih thlaici suah kho kung phun kip leh a vuang ah cii a ngeimi thingkung cang ka tan pia hngai; caw ah nan hmantia hngai thok. 30Cun vulei parih ramsa cang, huih lak vapawl cang, cun vulei parih bokvak cang, cun nunnak thaw a ngeimi cang, a hringmi kung cang caw ah ka tan pia hngai,” tiah a ti hngai. Culeh acuticun a ii. 31Pathian ni a vuakmi kip cu a hmu, culeh a ṭha taktak tiah a ti. Cun siimla liamin mawla a suak, a ni ruknak a ii.
Khualsim Holy Bible © Bible Society of Myanmar, 2021.