लूका 23
23
(मत्ती 27:1,2,11–14; मरकुस 15:1–5; यूहन्ना 18:28–38)
1जद्या सबळी पंचायत उठी अर वे बीन्अ राजपाल पिलातुस क उण्डअ लेग्या।
रोम का राजपाल पिलातुस क साम्अ पेली पेसी
2वे बीक्अ उपरअ दोष लगाब्अ लागग्या। वे खिया, “में ईन्अ आपणा मनखा न्अ उकसाता पकड़या छा। यो कैसर न्अ चुंगी देबा को बिरोध करअ छ अर खेव्अ छ यो खुद मसी छ, एक राजो।” 3जद्या पिलातुस ईसु न्अ बुज्यो, “कांई तु यहूद्या को राजो छ?” ईसु बीन्अ खियो, “तूई तो खेर्यो छ म बोई छु।” 4जद्या पिलातुस परमुख याजका अर जळा न्अ खियो, “मन्अ ई मनख मं कांई बी दोष कोन्अ दिख्अ।” 5पण वे या खेर जोर देर्या छा क, “यो सबळा यहूद्या परदेस का मनखा न्अ खुदका उपदेसा सुं भड़कायो छ। या यो गलील सुं सरू कर्यो छ अर सबळा गेल्ला न्अ काटर अण्डअ ताणी आ पुच्यो।” 6पिलातुस या सुणर बुज्यो, “कांई यो मनख गलील को छ?” 7फेर जद्या बीन्अ यो तोल पड़यो क वो हेरोदेस का राज मं आव्अ छ। तो वो बीन्अ हेरोदेस क साम्अ खन्दा दियो ज्यो बा दना मं यरूसलेम मं ई छो।
राजा हेरोदेस का दरबार मं
8हेरोदेस जद्या ईसु न्अ देख्यो तो घणो राजी होयो क्युं क बरसा सुं वो बीन्अ देखबो छाव छो। क्युं क वो बीका बारा मं सुण लियो छो अर बीन्अ कोई चमत्कार करतो देखबा की आस लगा मेल्यो छो। 9वो ईसु सुं घणा सुवाल बुज्यो पण ईसु बीन्अ कोई जुवाब कोन्अ दियो। 10परमुख याजक अर यहूदी धरम सखाबाळा उण्डअ'ई उबा छा अर वे बीक्अ उपरअ तन-मन सुं दोष लगार्या छा। 11हेरोदेस बी खुदका सपाया की लार बीको अपमान करर हांस्या हस्या। फेर बीन्अ एक चोखो लत्तो फरार पिलातुस कन्अ पाछो खन्दा दियो। 12बी दन हेरोदेस अर पिलातुस एक-दूसरा भायला बणग्या। इसुं पेली वे एक-दूसरा का बेरी छा।
पिलातुस क साम्अ दूसरी पेसी
(मत्ती 27:15–26; मरकुस 15:6–15; यूहन्ना 18:39—19:16)
13फेर पिलातुस परमुख याजका, यहूदी नेता अर मनखा न्अ एकलार बलायो। 14वो बान्अ खियो, “थे ईन्अ मनखा न्अ भरमाबाळा एक मनख का रूप मं म्हारअ कन्अ लेर आया छो। अर मं अब अण्डअ थांक्अ साम्अ ई ईकी जांच कर्यो छु, पण ज्यां बाता को थे ईप्अ दोष लगार्या छो वा बाता का बारा मं मन्अ इम्अ कांई बी दोष कोन्अ लाद्यो। 15अर न्अ हेरोदेस न्अ, क्युं क वो ईन्अ पाछो म्हारअ कन्अ खन्दा दियो। अर देखो, यो अस्यो कांई बी कोन्अ कर्यो क ईन्अ मोत की सज्या मल्अ। 16जिसुं म ईक्अ कोड़ा लगवार छोड़ द्युलो।” 17तुंवार की बजेसुं पिलातुस न्अ यहूदया बेई एक केदी न्अ छोड़णो पड़्अ छो। 18जद्या सबळा मलर बळाग्या, “ई मनख न्अ ले जावो अर म्हाक्अ बेई बरअब्बा न्अ छोड़द्यो।” 19बरअब्बा नगर मं हिया बिद्रोह अर हत्या का अपराध म केद कर्यो गियो छो। 20पिलातुस ईसु न्अ छोड़बो छाव छो तो वो बान्अ फेर समझायो। 21पण वे बळाता रिया, “ईन्अ सुळी प चढ़ावो, ईन्अ सुळी प चढ़ावो।” 22पिलातुस तीसरी बार बान्अ फेर बुज्यो, “यो मनख कांई अपराध कर्यो छ? मन्अ ईका बिरोध मं कांई कोन्अ मल्यो ज्यो ईन्अ मोत की सज्या मल्अ। जिसुं म ईक्अ कोड़ा लगवार छोड़ द्युलो।” 23पण वे जोर-जोर सुं बळार खेर्या छा क ईन्अ सुळी प चढ़ाद्यो। अर बाका बळाबा की आवाज जोरसुं हेगी 24पिलातुस बाकी मांग न्अ पूरी करबा की मंसा बणायो। 25पिलातुस बी मनख न्अ छोड़ दियो जिन्अ बिरोध अर हत्या करबा की बजेसुं जैळ मं बंद कर्या छा, यो बोई छो जिन्अ छोड़बा बेई वे बळारया छा। अर ईसु न्अ बाका हाथा मं सुंप दिया क वे जस्यान छाव्अ, वस्यान करअ।
सुळी प चढ़ाबो
(मत्ती 27:32–44; मरकुस 15:21–32; यूहन्ना 19:17–27)
26जद्या वे ईसु न्अ लेर जार्या छा तो बान्अ कुरेन को रेबाळो समौन नांऊ को मनख, ज्यो खुदका खेत मंसुं आर्यो छो पकड़ लिया अर बीक्अ उपरअ सुळी न्अ धर दिया क वो बीन्अ ईसु क पाछ्अ-पाछ्अ लेजाव्अ। 27मनखा की घणीसारी जळा बीक्अ पाछ्अ चालरी छी। वामे एकात असी बेरबान्या बी छी ज्यो बीक्अ काण्अ ढाळां ले-लेर रोरी छी। 28ईसु वाकाड़ी मुड़र खियो, “यरूसलेम की छोर्या वो म्हारअ काण्अ मत रोवो पण खुद बेई अर खुदकी ओलाद बेई रोवो।” 29क्युं क अस्या दन आर्या छ जद्या लोग खेवला, “बे बेरबान्या धनै छ ज्यो बांझ छ अर धनै छ वे कोख ज्यो कद्या कोई न्अ बी पदा कोन्अ करी, वे बोबा धनै छ ज्यो कद्या दूध कोन्अ पाया।” 30#प्रका 6:16फेर वे डुंगरा सुं खेवला “म्हाक्अ उपरअ पड़जावो अर डुंगर्या न्अ खेवला म्हान्अ ढक ल 31क्युं क जद्या मनख हरया रूंखड़ा की लार अस्यान करअ छ तो जद्या रूंखड़ो सुख जावलो तो कांई करअला?” 32दो ओर मनख ज्यो दोनी अपराधी छा, उंकी लार मोत की सज्या बेई बारे ले जाया जारया छा। 33फेर जद्या वे बी ठार प आया ज्यो खोपड़ी खुवावे छी। तो बा दोनी अपराध्या की लार बीन्अ सुळी प चढ़ा दिया। एक अपराधी न्अ जीवणी-बगल मं अर दूसरा न्अ बांवळी बगल मं। 34जद्या ईसु खियो क, “ह परम-पिता यान्अ छमा कर ज्यो क्युं क ये कोन्अ जाण्अ क ये कांई करर्या छ।” फेर वे गोळया गुड़कार बीका लत्ता न्अ बांट लिया।
अपमान अर हांस्या हसबो
35उण्डअ उबा मनख देखर्या छा। यहूदी नेता उंकी हांस्या कर खिया, “यो दूसरा को उद्धार कर्यो छ। अर ज्यो यो परमेसर को चुणेड़ो मसी छ तो ईन्अ खुदा-खुद न्अ बचाबा द्यो।” 36सपाई आर उंकी हांसी कर्या। वे बीन्अ पीबा बेई सस्तो सोक अंगूरा को रस दिया अर 37खिया, “अर ज्यो तु यहूद्या को राजो छ तो खुदा-खुद न्अ बचाले।” 38बीका उपरअ या लिखर टांक दिया, “यो यहूद्या को राजो छ।”
पसतावो करबाळो डाकु
39उण्डअ लटकायडा अपराध्या मंसुं एक बीको अपमान कर खियो, “कांई तु मसी कोन्अ? म्हान्अ ओर खुदन्अ बचा ल।” 40पण दूसरो बी पहला अपराधी न्अ दकालर खियो, “कांई तु परमेसर सुं कोन्अ ड़रप्अ? थन्अ बी बाई सज्या मलरी छ। 41पण आपणी सज्या तो न्याई की छ क्युं क आपा ज्योबी कर्या छा बीक्अ बेई तो ज्यो मलणी चायजे छी, बाई मलरी छ। पण यो मनख तो कांई बी बरो कोन्अ कर्यो!” 42फेर वो खियो, “ईसु जद्या तु थारा राज मं आव्अ तो मन्अ याद रखाणज्यो।” 43ईसु बीन्अ खियो, “म थन्अ सांची खेऊ छु, आज ही तु म्हारी लार सरग मं हेवलो।”
ईसु की मोत
(मत्ती 27:45–56; मरकुस 15:33–41; यूहन्ना 19:28–30)
44बी बगत दन का बारा बजर्या छा जद्या दन का तीन बज्या ताणी सबळी धरती प जोरदार अंधेरो हिया रियो। 45सुरज बी कोन्अ चलकर्यो छो। उण्डी मन्दर को पड़दो उपरअ सुं तण्अ ताणी फाटर दो टुकड़ा हेग्यो। 46ईसु जोरसुं हाको पाड़यो, “ह परम बाप, म म्हारी आत्मा थारा हाथा मं सुंपु छु।” या खेर वो जीव छोड़ दियो। 47जद्या रोम का सपाया को नेतो ज्योबी होयो छो बीन्अ देख्यो तो परमेसर की महमा कर्यो अर खियो, “यो जरूर कोई चोखो मनख छो!” 48जद्या उण्डअ देखबा ज्यो मनख भेळा हिया छा ज्यो होयो बीन्अ देख्या तो वे खुदकी छाती पिटताई पाछा चलग्या। 49#लूक 8:2,3पण वे सबळा ज्यो बीन्अ जाण्अ छा, बा बेरबान्या समेत, ज्यो गलील सुं उंकी लार आरी छी, या बाता न्अ देखबा थोड़ी आंतरअ उबी छी।
कबर मं मेलबो
(मत्ती 27:57–61; मरकुस 15:42–47; यूहन्ना 19:38–42)
50अब उण्डअ यूसुफ नांऊ को एक मनख छो ज्यो यहूदी पंचायत को एक सदस्य छो। वो एक चोखो धर्मी मनख छो। 51वो बाका मंसा अर बीन्अ पूरी करबा बेई राजी कोन्अ छो। वो यहूद्या का एक नगर अरिमतियाह को रेबाळो छो। वो परमेसर का राज की बाठनाळर्यो छो। 52वो मनख पिलातुस कन्अ गियो अर ईसु की ल्यास मांग्यो। 53वो ल्यास न्अ तण्अ उतार्यो अर सण का एक चोखा तागा सुं बण्या लत्ता मं लपेट दियो। फेर वो बीन्अ भाटा न्अ काटर बणाई एक कबर मं मेल दियो, जिमे पेली कोई न्अ बी कोन्अ मेल्या छा। 54वो सकरवार को दन छो अर आरामहाळा दन की सरूवात हेबाळी छी। 55वे बेरबान्या ज्यो गलील सुं ईसु की लार आई छी यूसुफ क पाछ्अ चलगी, वे बी कबर न्अ देखी अर देखी क उंकी ल्यास न्अ कस्यान मेल्या छ। 56फेर वे घरा आई अर खसबूहाळा सामान अर लेप तियार करी। आरामहाळा दन बेवस्था की मानत्या की ज्यान वे आराम करी।
(c) 2010-2017, New Life Computer Institute. All rights reserved