थरप्या तका का काम 6
6
मदत करबावाळा हात मनकाँ ने थरपणा
1वाँ दनाँ जदी चेला नरई हेला वेबा लागा, तो युनानी रिति-रिवाज मानबावाळा यहूदी, इबरानी रिति-रिवाज मानबावाळा यहूदियाँ पे छीजता के, रोज चिजाँ बाँटबा पे वाँकी विदवा लुगायाँ का हाते भेद-भाव करे हे। 2तद्याँ वाँ बारई थरप्या तका आपणाँ चेला की पुरी मण्डली ने एक जगाँ बलान क्यो, “आपणाँ ने परमेसर का बचनाँ ने छोड़न खाबा-पिबा की वेवस्ता करणी हव काम कोयने हे। 3ईं वाते ओ भई-लोगाँ, थाँ आपणाँ मूँ मोतबीर, पुवितर आत्माऊँ भरिया तका अन हव अकलवाळा हात मनकाँ ने थरप लो, ताँके माँ वाँने ओ काम हूँप सका। 4पण, माँ तो हाराई टेम परातना अन बचन हुणबा का काम में जीव लगा देवाँ।”
5आ बात हारी मण्डली के आसे आगी अन वाँकाणी परमेसर पे विस्वास राकबावाळो अन पुवितर आत्माऊँ भरियो तको इस्तीपनुस नाम को एक मनक ने, अन फिलिपुस, परखुरूस, नीकानोर, तीमोन, परमिनास अन यहूदी धरम में आया तका अन्ताकियावासी नीकुलायस ने थरप लिदा। 6अन आ हातई जणा ने थरप्या तका का हामे लान ऊबा कर दिदा, पछे थरप्या तका परातना करन वाँपे हात राक्यो।
7अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।
इस्तीपनुस ने पकड़णो
8इस्तीपनुस परमेसर की करपा अन सगतिऊँ भरियो तको मनक हो, वो लोग-बागाँ में मोटा-मोटा अचम्बा का काम अन अनोका हेन्याण बतातो हो। 9पण, आजाद नाम की एक मण्डली का मनक केवाया जो एक यहूदी परातना करबा के घर का मनक कुरेन, सिकन्दरिया, किलिकिया नगर अन आसिया परदेसऊँ आया यहूदी हाँ, वीं वींको विरोद करता तका बात-बच्यार करबा लागा। 10पण, वो पुवितर आत्माऊँ मली तकी अस्यी अकल की बाताँ केतो के, वे वींका हामे ने आ सक्या। 11पछे वाँ लोगाँ, दूजाँ मनकाँ ने लोब-लाळच देन केवायो, “माँकाणी ईंने परमेसर अन मूसा की खोट्याँ खातो तको देक्यो हे।” 12अस्यान वाँकाणी लोग-बागाँ, यहूदी बुड़ा-ठाड़ा अन धरम सास्तरिया ने हींकान भड़काया। तो वाँकाणी आन वींने पकड़न यहूदी मोटी सबा का हामे लेग्या। 13वाँकाणी जो जूटा गवायाँ ने पेस किदा जणा क्यो, “ओ मनक तो ईं पुवितर मन्दर अन मूसा का नेमा ने हिकाबावाळा का विरोद में बोलतो तको कदी थाँके भी कोयने। 14माँकाणी ईंने ओ केतो तको हुण्यो के, ओ ईसू नासरी ईं मन्दर ने नास कर देई अन मूसे जो रिति-रिवाज दिदा, वाँने भी बदल देई।” 15जद्याँ पछे यहूदी मोटी सबा में बेटा तका हारई लोग-बागाँ वींने धारन देक्यो के, वींको मुण्डो हरग-दुत जस्यान हो।
(c) 2010-2017, New Life Computer Institute. All rights reserved
थरप्या तका का काम 6
6
मदत करबावाळा हात मनकाँ ने थरपणा
1वाँ दनाँ जदी चेला नरई हेला वेबा लागा, तो युनानी रिति-रिवाज मानबावाळा यहूदी, इबरानी रिति-रिवाज मानबावाळा यहूदियाँ पे छीजता के, रोज चिजाँ बाँटबा पे वाँकी विदवा लुगायाँ का हाते भेद-भाव करे हे। 2तद्याँ वाँ बारई थरप्या तका आपणाँ चेला की पुरी मण्डली ने एक जगाँ बलान क्यो, “आपणाँ ने परमेसर का बचनाँ ने छोड़न खाबा-पिबा की वेवस्ता करणी हव काम कोयने हे। 3ईं वाते ओ भई-लोगाँ, थाँ आपणाँ मूँ मोतबीर, पुवितर आत्माऊँ भरिया तका अन हव अकलवाळा हात मनकाँ ने थरप लो, ताँके माँ वाँने ओ काम हूँप सका। 4पण, माँ तो हाराई टेम परातना अन बचन हुणबा का काम में जीव लगा देवाँ।”
5आ बात हारी मण्डली के आसे आगी अन वाँकाणी परमेसर पे विस्वास राकबावाळो अन पुवितर आत्माऊँ भरियो तको इस्तीपनुस नाम को एक मनक ने, अन फिलिपुस, परखुरूस, नीकानोर, तीमोन, परमिनास अन यहूदी धरम में आया तका अन्ताकियावासी नीकुलायस ने थरप लिदा। 6अन आ हातई जणा ने थरप्या तका का हामे लान ऊबा कर दिदा, पछे थरप्या तका परातना करन वाँपे हात राक्यो।
7अस्यान परमेसर का बचन दन-दूणा रात चोगुणा फेलतारिया अन यरूसलेम में चेला की मण्डली हेलीऊँ हेली वेबा लागी, अन याजकाँ का नरई लोग ईसू पे विस्वास करबा लागग्या।
इस्तीपनुस ने पकड़णो
8इस्तीपनुस परमेसर की करपा अन सगतिऊँ भरियो तको मनक हो, वो लोग-बागाँ में मोटा-मोटा अचम्बा का काम अन अनोका हेन्याण बतातो हो। 9पण, आजाद नाम की एक मण्डली का मनक केवाया जो एक यहूदी परातना करबा के घर का मनक कुरेन, सिकन्दरिया, किलिकिया नगर अन आसिया परदेसऊँ आया यहूदी हाँ, वीं वींको विरोद करता तका बात-बच्यार करबा लागा। 10पण, वो पुवितर आत्माऊँ मली तकी अस्यी अकल की बाताँ केतो के, वे वींका हामे ने आ सक्या। 11पछे वाँ लोगाँ, दूजाँ मनकाँ ने लोब-लाळच देन केवायो, “माँकाणी ईंने परमेसर अन मूसा की खोट्याँ खातो तको देक्यो हे।” 12अस्यान वाँकाणी लोग-बागाँ, यहूदी बुड़ा-ठाड़ा अन धरम सास्तरिया ने हींकान भड़काया। तो वाँकाणी आन वींने पकड़न यहूदी मोटी सबा का हामे लेग्या। 13वाँकाणी जो जूटा गवायाँ ने पेस किदा जणा क्यो, “ओ मनक तो ईं पुवितर मन्दर अन मूसा का नेमा ने हिकाबावाळा का विरोद में बोलतो तको कदी थाँके भी कोयने। 14माँकाणी ईंने ओ केतो तको हुण्यो के, ओ ईसू नासरी ईं मन्दर ने नास कर देई अन मूसे जो रिति-रिवाज दिदा, वाँने भी बदल देई।” 15जद्याँ पछे यहूदी मोटी सबा में बेटा तका हारई लोग-बागाँ वींने धारन देक्यो के, वींको मुण्डो हरग-दुत जस्यान हो।
(c) 2010-2017, New Life Computer Institute. All rights reserved