थरप्या तका का काम 7
7
इस्तीपनुस को भास्यण
1तद्याँ मोटे याजक पूँछ्यो, “कई ईं बाताँ हाँची हे?”
2 #
उत्प 12:1
इस्तीपनुस जवाब दिदो, “ओ यहूदी भई-बन्दा अन बड़ा-बुड़ा लोगाँ हुणो, आपणाँ बापू अबराम हारान देस में रेबाऊँ पेल्याँ जद्याँ मेसोपोटामियाँ में हो, तद्याँ वींने मेमामय परमेसर दरसावो दिदो 3अन क्यो, थूँ आपणाँ देस अन घर-परवार ने छोड़न वीं देस में जा, जो मूँ थने बताऊँ।” 4#उत्प 11:31; उत्प 12:4तद्याँ वो कसदिया का देसऊँ निकळन हारान देस में जा बस्यो अन वींका बाप का मरिया केड़े परमेसर वींने वटाऊँ ईं देस में लान बसायो ज्यामें थें अबाणू रेरिया हो। 5#उत्प 12:7; 13:15; 15:18; 17:8अन वींने एक पग मेलबा जतरीक जगाँ भी ने दिदी ही, पण वे ओ वादो किदो के, “मूँ ओ देस थने अन थाँरा बंस ने हूँप देऊँ।” वीं दाण वींके ओलाद कोयने ही। 6#उत्प 15:13,14अन परमेसर ओ क्यो, “थारी ओलादाँ पराया देस में परदेसी वेई अन वे वाँने दास बणाई अन च्यारसे सालाँ तईं दुक देई। 7#निर 3:12अन जीं जात का वीं दास बेणी, वींने मूँ दण्ड देऊँ अन ईंका केड़े वे अटीस आन अणीस जगाँ मारी मेमा केरी।” 8#उत्प 17:10–14; उत्प 21:2–4; उत्प 25:26; उत्प 29:31—35:18अन वीं अबराम ने करार को हेन्याण जस्यो खतना#7:8 खतना परमेसर यहूदी लोगाऊँ वादो किदो। ईं वादा को हेन्याण का रूप में ओ आदेस दिदो के, हाराई यहूदी लोगाँ का छोरा के जनम का आटमें दन खतनो किदो जावे। यहूदी याजक ईंने करता हा। का रिति-रिवाज दिदा। ईं वाते वो वींका पूत इसाक का जनम के आटमें दन खतनो किदो अन वस्यानीस इसाक याकूब को अन याकूब बारा छोरा को खतनो किदो।
9 #
उत्प 37:11;
उत्प 37:28;
उत्प 39:2,21 याकूब का छोरा आपणाँ भई युसुप पे रिस्याँ बळन मिसर देस जाबावाळा मनकाँ को हाळी वेबा वाँते बेंच दिदो पण परमेसर वींकी लारे हो। 10#उत्प 41:39–41अन वींने हारई दकऊँ छुड़ायो अन मिसर का राजा का हामे अस्यी करपा अन अकल दिदी के फिरोन वींने मिसर देस को हाकम अन आपणाँ घर की देक-रेक करबावाळो बणायो। 11#उत्प 42:1,2वीं दाण मिसर अन कनान का देसाँ में काळ पड़्यो, जिंमें घणो दुक जेलणो पड़्यो अन आपणाँ बड़ाबा ने खाबा का फोड़ा पड़ग्या। 12पण याकूब ओ हुणन के, मिसर में धान हे, तो वणी पेल्याँ छोरा ने वटे खन्दाया जो आपणाँ बड़ाबा हा। 13#उत्प 45:1; उत्प 45:16वाँकी दूजी जातरा पे युसुप आपणाँ भायाँ ने बता दिदो के, मूँ थाँको भई हूँ। अन युसुप के परवार का बारा में मिसर का राजा ने नंगे पड़गी। 14#उत्प 45:9,10,17,18; उत्प 46:27तद्याँ युसुप आपणाँ बापू याकूब अन वाँका हारई परवार ने बुलाबा के वाते खन्दाया, जो पिच्योतर जणा हा। 15#उत्प 46:1–7; उत्प 49:33पछे याकूब मिसर ग्यो अन वटेई वो अन आपणाँ दूजाँ बड़ाबा सान्त वेग्या। 16#उत्प 23:3–16; 33:19; 50:7–13; यहो 24:32वाँकी लास वटूँ पाच्छी सकेम नाम की जगाँ लाया, जटे वाँने कबर में गाड़ दिदा हाँ। आ वाईस हमादी ही, जिंने अबराम हमोर का बेटा नकूँ रिप्या देन मोल लिदी ही।
17 #
निर 1:7,8 पण, जद्याँ वा बात पुरी वेबा को टेम भड़े आयो, जो वादो परमेसर अबरामऊँ किदो हो, मिसर में माकाँ लोग नरई हेला वेग्या। 18तद्याँ मिसर में दूजो राजो बण्यो, जो युसुप का बारा में ने जाणतो हो। 19#निर 1:10,11; निर 1:22वणी आपणाँ मनकाँ की लारे छळ किदो अन आपणाँ बड़ाबा ने घणो दुक देन मजबूर किदा के, आपणाँ बाळक-टाबर ने मरबा वाते घरऊँ बारणे नाक दे। 20#निर 2:2वीं दाण मूसा को जनम व्यो, वो परमेसर की देकणी में घणो रुपाळो हो अन तीन मिना तईं आपणाँ बई-बापू का घरे रियो। 21#निर 2:3–10पछे जद्याँ वींने बारणे नाक दिदो हो, तो मिसर का राजा की बेटी वींने आपणो बेटो मानन राक्यो अन मोटो किदो। 22मूसा ने मिसर की हारी वद्या भणई अन वो आपणी वाणी अन करम दोयाँ में ताकडे़ हो।
23 #
निर 2:11–15
जद्याँ वो चाळी वरा को व्यो, तो वींका मन में ओ बच्यार आयो के, मूँ आपणाँ इजराएली भायाँऊँ मलूँ। 24जद्याँ मूसे देक्यो के एक मिसर का मनक वाँका मूँ एक मनक पे अन्याव कररियो हे, तो वे वींने बंचायो अन मिसर का मनक ने मारन वींको बदलो चुकायो। 25वे ओ होच्यो के, मारा भई हमजी परमेसर वींका हातऊँ मुगती देवई, पण वाँकाणी ने हमज्या। 26दूजे दन मूसे देक्यो के आपणाँ मनकाँ मूँ कुई लड़रिया हा, तो वाँने हमजोतो करबा के वाते क्यो, “भई, थें तो भई-भई वेन एक-दूँजा पे अन्याव काँ करो हो?” 27पण, जो आपणाँ पड़ोस्याँ पे अन्याव करियो हो, वणी मूसा ने धको देन क्यो, “थने कूण माकाँ पे राज करबावाळो अन पटेल बणायो हे?” 28कई थें जस्यान काले मिसर का मनक ने मारियो, वस्यान मने भी मारणो छावे हे? 29#निर 18:3,4आ बात हुणन मूसो भाग्यो अन मिद्यान देस में परदेसी वेन रेवा लागो अन वटेई वींके दो बेटा व्या।
30 #
निर 3:1–10
जद्याँ चाळी साल पूरा व्या, तो एक हरग-दुत सिनाई मंगरा का नके हुन्ना काँकड़ में हळगता तका झाड़ की जाळ में परगट व्यो। 31मूसे जद्याँ ओ देक्यो, तो वो अचम्बा में पड़ग्यो अन ओरुँ हव तरियाऊँ देकबा का वाते झाड़ का नके ग्यो तो वणी परबू की अवाज हूणी, 32मूँ थाँरा बड़ाबा को परमेसर हूँ, अबराम, इसाक अन याकूब को परमेसर हूँ। तो मूसो घबरान धूँजवा लागो अन वटे देकबा की भी हिम्मत ने कर सक्यो। 33तद्याँईस परबू वींने क्यो, “आपणाँ पगाँ की पगरख्याँ उतार, काँके जीं जगाँ पे थूँ ऊबो हे, वाँ पुवितर जगाँ हे। 34में मिसर में आपणाँ लोग-बागाँ की लारे अन्याव वेता देक्यो अन वाँने रोता तका हुण्या। वाँने छुड़ाबा के वाते मूँ अटे आयो हूँ। अबे अटे आ, मूँ थने मिसर खन्दाऊँ।”
35 #
निर 2:14
“जीं मूसा ने वाँकाणी ओ केन नकार दिदो, ‘थने कूण माकाँ पे राज करबावाळो अन पटेल बणायो हे?’ वींनेईस परमेसर राज करबा अन छुड़ाबावाळो बणान वीं हळगता तका झाड़ में दरसावो दिदा तका हरग-दुत की मदतऊँ खन्दायो। 36#निर 7:3; निर 14:21वो वाँने मिसर देस में, राता समन्द पे, अन हुन्ना काकड़ में चाळी सालाँ तईं अनोका काम करतो अन परच्यो देतो तको मिसर देसऊँ बारणे निकाळन लायो। 37#वे.वि 18:15,18अन वणीस मूसे इजराएल का लोगाऊँ क्यो हो, ‘परमेसर थाँ यहूदी भई-बन्दाऊँ थाँका वाते मारा जस्यो एक परमेसर का आड़ीऊँ बोलबावाळो खन्दाई।’ 38#निर 19:1—20:17; वे.वि 5:1–33ओ वोईस हे, जणी हुन्ना कांकड़ में इजराएली लोगाँ की लारे, सिनाई मंगरा पे बात किदा तका हरग-दुत की लारे अन आपणाँ बड़ाबा की लारे हो। वींनेईस आपणाँ ने देबा वाते परमेसर को जीवन देबावाळो बचन मल्यो हे।
39“पण, आपणाँ बड़ाबा वींकी ने मानी अन वींने नकारन आपणो मन मिसर देस दयने फेर दिदो। 40#निर 32:1अन अस्यान वे हारूनऊँ क्यो, ‘आपणाँ वाते अस्या बावजी बणा, जो आपाँने गेलो बतावे, काँके आपाँने जाणा के, जो आपाँने मिसर देसऊँ अटे लायो वीं मूसा के कई वेग्यो हे।’ 41#निर 32:2–6अस्यान वाँकाणी एक केल्डा की मूरत बणान वीके आगे बली चड़ई अन वे आपणाँ हातऊँ किदा काम पे राजी वेबा लागा। 42ईं वाते परमेसर वाँने छोड़ दिदा के, वे आकास का गरे-नंगतर की पुजा करे, जस्यान परमेसर का आड़ीऊँ बोलबावाळा की पोती में लिक्यो हे,
“‘ओ इजराएल का लोगाँ, कई चाळी सालाँ तईं हुन्ना काँकड़ में थाँ जीव-जनावर की बलियाँ अन भेंट मनेइस चड़ाता हा?
43थाँ मोलेक बावजी को तम्बू अन रिपान नाम का तारा बावजी की मूरताँ ने लेन फरता हा, ज्याँने थाँकाणी पूजबा के वाते बणई ही।
ईं वाते मूँ थाँने बाबुल का देसऊँ भी छेटी खन्दाऊँ।’
44 #
निर 25:9,40 “परमेसरऊँ मलबा को तम्बू हुन्ना कांकड़ में आपणाँ बड़ाबा की लारे हो। ओ तम्बू वस्यानीस बणायो हे, जस्यान परमेसर मूसा ने बणाबा के वाते बतायो हो। 45#यहो 3:14–17ईंका केड़े जद्याँ आपणाँ बड़ाबा ईं तम्बू ने पान आपणाँ हाते लेग्या, जद्याँ वीं यहोसु का हाते वीं जगाँ पे कबजो कर लिदो, जीं जगाँऊँ परमेसर पेल्याँऊँ ज्यो यहूदी ने हा वा लोगाँ ने बापदादा की देकणी में भगा दिदा। वो तम्बू दाऊद की टेम तईं अटेईस हो। 46राजा दाऊद पे परमेसर करपा किदी अन वे अरज किदी के, वो याकूब का परमेसर के वाते मन्दर बणावे। 47पण, वो राजा सुलेमानईस हो जणी वींका वाते मन्दर बणायो।
48“पण, परम पिता परमेसर मनकाँ का हातऊँ बणाया तका मन्दर में ने रेवे, जस्यान के परमेसर का आड़ीऊँ बोलबावाळे क्यो,
49 #
यसा 66:1,2 “‘परबुजी केवे, हरग मारो आसन
अन धरती मारा पगाँ को बाजोट्यो हे।
मारा वाते थाँ कस्योक घर बणावो?
अन अस्यी कस्यी जगाँ हे जटे मूँ रियाम्बो ले सकूँ?
50कई ए हंगळी चिजाँ मारी हात की बणई तकी कोयने?’
51 #
यसा 63:10
“इस्तीपनुस बोलतो ग्यो ओ अडीग लोगाँ, थाँको मन परमेसरऊँ कतरो छेटी हे, थें तो परमेसर का संदेसा ने मानोईस कोयने। थाँ आपणाँ बड़ाबा जस्यानीस हमेस्यान पुवितर आत्मा को विरोद किदो। 52अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो। 53थाँईस हो जो हरग-दुताऊँ दिदा ग्या परमेसर का नेमा ने पाया, पण वाँको पालण ने किदो।”
इस्तीपनुस ने मारणो
54जद्याँ यहूदी मोटी सबा का लोग ओ हुण्यो तो, वीं रीस में आन राता-पीळा वेग्या अन दाँत पीसबा लागा। 55पण, पुवितर आत्माऊँ भरियो तको इस्तीपनुस हरग दयने देक्यो अन वीं परमेसर की मेमा अन ईसू ने परमेसर का जीमणे पाल्डे ऊबो देक्यो। 56तो वणा क्यो, “देको, मूँ देकरियाऊँ के, हरग खुल्यो तको हे अन मनक को पूत परमेसर के जीमणा पाल्डे ऊबो हे।”
57ईं बात पे वाँकाणी हाका-भार करन आपणाँ कान्दड़ा में आँगळी दे दिदी अन पछे वे हारई जणा एक लारे वींपे टूट पड़्या। 58वे वींने धक्का-मुक्की देता तका नगरऊँ बारणे लाया अन वींपे भाटा फेंकबा लागा। वीं दाण गवायाँ आपणाँ जब्बो उतारन साउल नाम का मनक के पगाँ में मेल दिदा। 59अन वे इस्तीपनुस पे भाटा फेंकताई रिया, जद्याँ वो ओ केतो तको परातना किदी, “ओ परबू ईसू, मारो जीव लेलो।” 60पछे वो गोडा टेकन कल्ड़ी अवाजऊँ क्यो, “परबू, ईं पाप ने वाँका माते मत नाकजो।” अतरोक केन वो मरग्यो।
(c) 2010-2017, New Life Computer Institute. All rights reserved