यहुन्ना 12
12
ईसू का पगाँ पे अंतर उन्दायो
1ईसू फसे का तेवार का छे दनाँ पेल्याँ बेतनियाँ नगर में आया जटे लाजर हो, जिंने ईसू मरिया तकाऊँ जिवायो हो। 2वणा वाँका वाते जीमणो त्यार किदो। अन मारता खाणो परोसरी ही अन लाजर वींकामूँ एक हो, ज्यो वाँका लारे खाणो खाबा ने बेट्यो हो। 3#लूका 7:37,38जदी मरियम जटामांसी को खरो अन मेंगो अंतर ठामड़ा लेन लई अन ईसू का पगा पे उन्दायो अन आपणाँ बालाऊँ पगा ने पूँछ्याँ। अन अंतर की बानाऊँ घर में खुसबु आबा लागी। 4पण वाँका चेला मूँ यहूदो इसकरियोती नाम को एक चेलो ज्यो वाँने धोकाऊँ पकड़ाबावाळो हो वणी क्यो, 5“यो अंतर तीन सो चाँदी का सिक्का में बेचन गरीबा ने काँ ने दिदो ग्यो?” 6वाँकाणी या बात ईं वाते ने की के, वींने गरीबा की चन्ता ही। पण ईं वाते क्यो, काँके वो चोर हो। वाँका नके वाँके रिप्या की नोळी ही अन वो वींमेंऊँ रिप्या काड़ लेतो हो।
7ईसू क्यो, “वींने रोको मती, वणी यो हाराई मारे गाड़ जाबा की त्यारी में किदो हे। 8#वे.वि 15:11काँके गरीब तो थाँका लारे हरदाण रेई, पण मूँ थाँका हाते हमेस्या तईं ने रेऊँ।”
लाजर ने फसाबा को जाळ
9फसे का तेवार में आया तका यहूदी मनकाँ जद्याँ यो हुण्यो के, ईसू बेतनियाँ में हे, तो वीं बेस ईसू नेईस ने, पण लाजर ने भी देकबा ने आया जिंने ईसू मरिया तकाऊँ जिवायो हो। 10तद्याँ मोटा याजकाँ लाजर ने भी मार नाकबा की ओजणा बणई। 11काँके लाजर की वजेऊँ नरई यहूदी मनक वाँने छोड़न दिदा अन ईसू ने मानबा लागा हा।
यरूसलेम में ईसू की जीत को ढोल
12दूजाँ दन नरई लोगाँ ज्यो तेवार में आया हाँ, वणा यो हुण्यो के, ईसू यरूसलेम आरिया हे। 13#भज 118:25,26ईं वाते वीं खजुर की डाळ्याँ लिदी अन वाँकाऊँ मलबा ने निकल्या, अन केबा लागा,
“परमेसर की मेमा वेवे,
परबू का नामऊँ आबावाळा ने परमेसर आसीस देवे।
इजराएल का राजा ने परमेसर आसीस देवे।”
14तद्याँ ईसू ने गदेड़ी को बच्यो मल्यो, तो वो वींपे बेटग्यो। जस्यान पुवितर सास्तर में लिक्यो तको हे के,
15“हो यरूसलेम का मनकाँ, दरपो मती।
देको, थाँको राजा
गदेड़ी का बच्याँ पे बेटन आरियो हे।”
16वाँका चेला ने वीं टेम ईं बाताँ नंगे ने पड़ी ही, पण जद्याँ ईसू मेमा परगट वीं, तद्याँ वाँने हमज में आयो के, ईं बाताँ वींके बारा मेंईस सास्तर में लिकी गी ही के, मनक वाँकाऊँ ईं तरियाँ को वेवार किदो हो।
17तद्याँ भीड़ मेंऊँ मनकाँ गवई दिदी, ज्यो वीं टेम वाँका हाते हाँ, जद्याँ ईसू लाजर ने कबरऊँ मोतऊँ जिवायो। ईं बारा में दूँजा मनकाँ ने बतायो। 18लोग-बाग वाँकाऊँ मलबा ईंवातेइस आया हा, काँके वणा हुण्यो हो के, वणी ओ परच्यो बतायो हे। 19तद्याँ फरीसी एक-दूजाऊँ केबा लागा, “आपाँ कई ने कर सक्या हा। देको, हारी दनियाँ वाँका पाच्छे चालबा लागी हे।”
युनानी भी ईसू ने होदे हे
20ज्यो लोग-बाग वीं तेवार की टेम यरूसलेम में आरादना करबा ने आया हा, वाँका में कुई युनानी मनक भी हा। 21वणा लोगाँ गलील का बेतसेदा का रेबावाळा फिलीप्पुस का नके आन वणीऊँ अरज किदी, “हुकम, माँ ईसुऊँ मलणा छारिया हाँ।”
22तो पछे फिलीप्पुस जान अन्दरियासऊँ क्यो, तद्याँ अन्दरियास अन फिलीप्पुस दुई जान ईसुऊँ क्यो। 23ईं बात पे ईसू वाँने क्यो, “वाँ टेम आगी हे के, मनक का पूत की मेमा वेवे। 24मूँ थाँकाऊँ हाँची केवूँ हूँ के, जद्याँ तईं गऊँ को दाणो जमीं में ने पड़ जावे, वो एकलो रेवे हे, पण जद्याँ मर जावे हे, तो हेला दाणा लावे हे। 25#मत्ती 10:39; 16:25; मर 8:35; लूका 9:24; 17:33ज्यो खुद का जीवऊँ परेम राके हे, वो वींने खोई अन ज्यो अणी दनियाँ में आपणाँ जीवऊँ परेम ने राकी, वो अनंत जीवन का वाते वींने ने खोई। 26यद्याँ कुई मारी सेवा करणो छावे, तो वींने मारे पाच्छे चालणोइस पेड़ी, जणीऊँ जटे मूँ हूँ, वटे वो भी वेवे। यद्याँ कुई मारी सेवा-चाकरी करी, तो मारा बापू परमेसर भी वाँको आदर-मान करी।
ईसू को आपणी मोत का बारा केणो
27“अबे मारो जीव दकी हे। ईं वाते कई मूँ यो कूँ के, ‘हो बापू, मने अणी घड़ीऊँ बंचा’? ने, पण मूँ तो अणी घड़ी का दुक नेईस भोगबा आयो हूँ। 28हो बापू, थाँका नाम की मेमा बतावो।”
तद्याँ हरग या अवाज अई, “में मारी मेमा बतई हे अन ओरू भी बताऊँ।”
29तद्याँ ज्यो मनक ऊबा तका हुणरिया हा, वणा क्यो के, “बादळो गाज्यो हे।”
कणी दूजाँ यो क्यो, “कूण हरग-दुत वाँकाऊँ बात किदी हे।”
30अणी पे ईसू क्यो, “आ अवाज मारा वाते ने हे, पण थाँका नफा की हे। 31अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई। 32पण, जद्याँ मूँ ऊसो उटायो जाऊँ, तो हाराई ने मारी आड़ी खेंचू।” 33अस्यान केन वणी परगट कर दिदो हो, वो कस्यी मोतऊँ मरी।
34 #
भज 110:4; यसा 9:7 ईंपे लोग-बाग क्यो, “माँ सास्तर की या बात हूणी हे के, मसी हमेस्या का वाते जीवतो रेई, पछे थूँ का केवे हे के, मनक का पूत ने #12:34 ऊसो उटायो जाणो ईंको मतलब हूळी पे चड़ाणो वेवे हे।ऊसो उटायो जाणो जरूरी हे? यो मनक को पूत कूण हे?”
35ईसू वाँने क्यो, “उजितो अबाणू थोड़ीक देर ओरी थाँका बचमें रेई। जद्याँ तईं उजितो थाँका लारे हे तद्याँ तईं चालता रेवो। अस्यान ने वे के, अंदारो थाँका ऊपरे वे जावे। ज्यो अंदारा में चाले हे वो ने जाणे के, वो कटने जारियो हे। 36जद्याँ तईं उजितो थाँका लारे हे, उजिता में विस्वास करो। अणीऊँ थाँ उजिता का मनक बणो।” ईं बाताँ केन ईसू पराग्या अन खुद वाँकाऊँ हपन रिया।
यहूदी लोगाँ ईसू पे विस्वास ने किदो
37ईसू यहूदी का मनकाँ का हामे अतरा परच्या बताया, तो भी वाँकाणी वाँपे विस्वास ने किदो। 38#यसा 53:1ताँके यसाया परमेसर का आड़ीऊँ बोलबावाळा को यो बचन पूरो वे, ज्यो वणी क्यो,
“हो परबू, मारा हमच्यार को कणी विस्वास किदो हे?
अन परबू की मेमा किंके ऊपरे परगट वीं हे?”
39ईं वाते वीं विस्वास ने कर सक्या। काँके यसाया यो भी क्यो हे के,
40 #
यसा 6:10
“परमेसर वाँकी आक्याँ ने आंदी अन
वाँका मन कल्डा कर दिदा हे,
ताँके वीं आक्याँऊँ ने देक सके
अन मनऊँ ने हमजे सके,
कदी अस्यान ने वे के, वी मारा आड़ी फरे
अन मूँ वाँने हव करूँ।”
41यसाया ईं बाताँ ईं वाते किदी के, वणी ईसू की मेमा देकी अन वींका बारा में बाताँ भी किदी।
42ईंपे नरई यहूदी अदिकारियाँ मेंऊँ भी नरई वींपे विस्वास किदो, पण फरीसियाँ की वजेऊँ वीं ईं बात खुला में ने मानता हा, कटे अस्यान ने वे के, वाँने परातना घरऊँ बारणे काड़्या जावे, 43काँके मनकाँ की बड़ई वाँने परमेसर की बड़ईऊँ घणी वाली लागती ही।
ईसू की वाणी पेईस मनकाँ को न्याव वेई
44ईसू जोरऊँ क्यो, “ज्यो मारा पे विस्वास करे हे, वो मारा पेईस ने पण मने खन्दाबावाळा पे भी विस्वास करे हे। 45अन ज्यो कुई मने देके हे वो मने खन्दाबावाळा ने भी देके हे। 46मूँ दनियाँ में उजिता का जस्यान आयो हूँ, ईं वाते ज्यो कुई मारा पे विस्वास करी, वो अंदारा में ने रेई। 47यद्याँ कुई मारी बाताँ हुणन ने माने, तो मूँ वाँने दोसी ने केवूँ, काँके मूँ दनियाँ ने दोसी ठेराबा के वाते ने, पण दनियाँ ने बंचाबा का वाते आयो हूँ। 48ज्यो मने नकारे हे अन मारा बचनाँने ने माने हे वाँने दोसी ठेराबावाळो तो एकीस हे, ईंको मतलब जीं बचन में बताया, वींइस आकरी दन में वाँने दोसी बणाई। 49काँके में आपणी आड़ीऊँ बाताँ ने किदी। पण बापू जणा मने खन्दायो हे वणी मने आग्या दिदी हे के, मने कई केणो अन कस्यान केणो हे। 50अन मूँ जाणूँ हूँ के, वाँकी आग्या अनंत जीवन का आड़ी ले जावे हे। ईं वाते मूँ ज्यो कई केवूँ हूँ, वो जस्यान बापू माराऊँ क्यो, वस्यान मूँ केवूँ हूँ।”
(c) 2010-2017, New Life Computer Institute. All rights reserved
यहुन्ना 12
12
ईसू का पगाँ पे अंतर उन्दायो
1ईसू फसे का तेवार का छे दनाँ पेल्याँ बेतनियाँ नगर में आया जटे लाजर हो, जिंने ईसू मरिया तकाऊँ जिवायो हो। 2वणा वाँका वाते जीमणो त्यार किदो। अन मारता खाणो परोसरी ही अन लाजर वींकामूँ एक हो, ज्यो वाँका लारे खाणो खाबा ने बेट्यो हो। 3#लूका 7:37,38जदी मरियम जटामांसी को खरो अन मेंगो अंतर ठामड़ा लेन लई अन ईसू का पगा पे उन्दायो अन आपणाँ बालाऊँ पगा ने पूँछ्याँ। अन अंतर की बानाऊँ घर में खुसबु आबा लागी। 4पण वाँका चेला मूँ यहूदो इसकरियोती नाम को एक चेलो ज्यो वाँने धोकाऊँ पकड़ाबावाळो हो वणी क्यो, 5“यो अंतर तीन सो चाँदी का सिक्का में बेचन गरीबा ने काँ ने दिदो ग्यो?” 6वाँकाणी या बात ईं वाते ने की के, वींने गरीबा की चन्ता ही। पण ईं वाते क्यो, काँके वो चोर हो। वाँका नके वाँके रिप्या की नोळी ही अन वो वींमेंऊँ रिप्या काड़ लेतो हो।
7ईसू क्यो, “वींने रोको मती, वणी यो हाराई मारे गाड़ जाबा की त्यारी में किदो हे। 8#वे.वि 15:11काँके गरीब तो थाँका लारे हरदाण रेई, पण मूँ थाँका हाते हमेस्या तईं ने रेऊँ।”
लाजर ने फसाबा को जाळ
9फसे का तेवार में आया तका यहूदी मनकाँ जद्याँ यो हुण्यो के, ईसू बेतनियाँ में हे, तो वीं बेस ईसू नेईस ने, पण लाजर ने भी देकबा ने आया जिंने ईसू मरिया तकाऊँ जिवायो हो। 10तद्याँ मोटा याजकाँ लाजर ने भी मार नाकबा की ओजणा बणई। 11काँके लाजर की वजेऊँ नरई यहूदी मनक वाँने छोड़न दिदा अन ईसू ने मानबा लागा हा।
यरूसलेम में ईसू की जीत को ढोल
12दूजाँ दन नरई लोगाँ ज्यो तेवार में आया हाँ, वणा यो हुण्यो के, ईसू यरूसलेम आरिया हे। 13#भज 118:25,26ईं वाते वीं खजुर की डाळ्याँ लिदी अन वाँकाऊँ मलबा ने निकल्या, अन केबा लागा,
“परमेसर की मेमा वेवे,
परबू का नामऊँ आबावाळा ने परमेसर आसीस देवे।
इजराएल का राजा ने परमेसर आसीस देवे।”
14तद्याँ ईसू ने गदेड़ी को बच्यो मल्यो, तो वो वींपे बेटग्यो। जस्यान पुवितर सास्तर में लिक्यो तको हे के,
15“हो यरूसलेम का मनकाँ, दरपो मती।
देको, थाँको राजा
गदेड़ी का बच्याँ पे बेटन आरियो हे।”
16वाँका चेला ने वीं टेम ईं बाताँ नंगे ने पड़ी ही, पण जद्याँ ईसू मेमा परगट वीं, तद्याँ वाँने हमज में आयो के, ईं बाताँ वींके बारा मेंईस सास्तर में लिकी गी ही के, मनक वाँकाऊँ ईं तरियाँ को वेवार किदो हो।
17तद्याँ भीड़ मेंऊँ मनकाँ गवई दिदी, ज्यो वीं टेम वाँका हाते हाँ, जद्याँ ईसू लाजर ने कबरऊँ मोतऊँ जिवायो। ईं बारा में दूँजा मनकाँ ने बतायो। 18लोग-बाग वाँकाऊँ मलबा ईंवातेइस आया हा, काँके वणा हुण्यो हो के, वणी ओ परच्यो बतायो हे। 19तद्याँ फरीसी एक-दूजाऊँ केबा लागा, “आपाँ कई ने कर सक्या हा। देको, हारी दनियाँ वाँका पाच्छे चालबा लागी हे।”
युनानी भी ईसू ने होदे हे
20ज्यो लोग-बाग वीं तेवार की टेम यरूसलेम में आरादना करबा ने आया हा, वाँका में कुई युनानी मनक भी हा। 21वणा लोगाँ गलील का बेतसेदा का रेबावाळा फिलीप्पुस का नके आन वणीऊँ अरज किदी, “हुकम, माँ ईसुऊँ मलणा छारिया हाँ।”
22तो पछे फिलीप्पुस जान अन्दरियासऊँ क्यो, तद्याँ अन्दरियास अन फिलीप्पुस दुई जान ईसुऊँ क्यो। 23ईं बात पे ईसू वाँने क्यो, “वाँ टेम आगी हे के, मनक का पूत की मेमा वेवे। 24मूँ थाँकाऊँ हाँची केवूँ हूँ के, जद्याँ तईं गऊँ को दाणो जमीं में ने पड़ जावे, वो एकलो रेवे हे, पण जद्याँ मर जावे हे, तो हेला दाणा लावे हे। 25#मत्ती 10:39; 16:25; मर 8:35; लूका 9:24; 17:33ज्यो खुद का जीवऊँ परेम राके हे, वो वींने खोई अन ज्यो अणी दनियाँ में आपणाँ जीवऊँ परेम ने राकी, वो अनंत जीवन का वाते वींने ने खोई। 26यद्याँ कुई मारी सेवा करणो छावे, तो वींने मारे पाच्छे चालणोइस पेड़ी, जणीऊँ जटे मूँ हूँ, वटे वो भी वेवे। यद्याँ कुई मारी सेवा-चाकरी करी, तो मारा बापू परमेसर भी वाँको आदर-मान करी।
ईसू को आपणी मोत का बारा केणो
27“अबे मारो जीव दकी हे। ईं वाते कई मूँ यो कूँ के, ‘हो बापू, मने अणी घड़ीऊँ बंचा’? ने, पण मूँ तो अणी घड़ी का दुक नेईस भोगबा आयो हूँ। 28हो बापू, थाँका नाम की मेमा बतावो।”
तद्याँ हरग या अवाज अई, “में मारी मेमा बतई हे अन ओरू भी बताऊँ।”
29तद्याँ ज्यो मनक ऊबा तका हुणरिया हा, वणा क्यो के, “बादळो गाज्यो हे।”
कणी दूजाँ यो क्यो, “कूण हरग-दुत वाँकाऊँ बात किदी हे।”
30अणी पे ईसू क्यो, “आ अवाज मारा वाते ने हे, पण थाँका नफा की हे। 31अबे ईं दनियाँ को न्याव वेबा में हे, अबे अणी दनियाँ का हाकम ज्यो सेतान हे, वींने निकाळ दिदो जाई। 32पण, जद्याँ मूँ ऊसो उटायो जाऊँ, तो हाराई ने मारी आड़ी खेंचू।” 33अस्यान केन वणी परगट कर दिदो हो, वो कस्यी मोतऊँ मरी।
34 #
भज 110:4; यसा 9:7 ईंपे लोग-बाग क्यो, “माँ सास्तर की या बात हूणी हे के, मसी हमेस्या का वाते जीवतो रेई, पछे थूँ का केवे हे के, मनक का पूत ने #12:34 ऊसो उटायो जाणो ईंको मतलब हूळी पे चड़ाणो वेवे हे।ऊसो उटायो जाणो जरूरी हे? यो मनक को पूत कूण हे?”
35ईसू वाँने क्यो, “उजितो अबाणू थोड़ीक देर ओरी थाँका बचमें रेई। जद्याँ तईं उजितो थाँका लारे हे तद्याँ तईं चालता रेवो। अस्यान ने वे के, अंदारो थाँका ऊपरे वे जावे। ज्यो अंदारा में चाले हे वो ने जाणे के, वो कटने जारियो हे। 36जद्याँ तईं उजितो थाँका लारे हे, उजिता में विस्वास करो। अणीऊँ थाँ उजिता का मनक बणो।” ईं बाताँ केन ईसू पराग्या अन खुद वाँकाऊँ हपन रिया।
यहूदी लोगाँ ईसू पे विस्वास ने किदो
37ईसू यहूदी का मनकाँ का हामे अतरा परच्या बताया, तो भी वाँकाणी वाँपे विस्वास ने किदो। 38#यसा 53:1ताँके यसाया परमेसर का आड़ीऊँ बोलबावाळा को यो बचन पूरो वे, ज्यो वणी क्यो,
“हो परबू, मारा हमच्यार को कणी विस्वास किदो हे?
अन परबू की मेमा किंके ऊपरे परगट वीं हे?”
39ईं वाते वीं विस्वास ने कर सक्या। काँके यसाया यो भी क्यो हे के,
40 #
यसा 6:10
“परमेसर वाँकी आक्याँ ने आंदी अन
वाँका मन कल्डा कर दिदा हे,
ताँके वीं आक्याँऊँ ने देक सके
अन मनऊँ ने हमजे सके,
कदी अस्यान ने वे के, वी मारा आड़ी फरे
अन मूँ वाँने हव करूँ।”
41यसाया ईं बाताँ ईं वाते किदी के, वणी ईसू की मेमा देकी अन वींका बारा में बाताँ भी किदी।
42ईंपे नरई यहूदी अदिकारियाँ मेंऊँ भी नरई वींपे विस्वास किदो, पण फरीसियाँ की वजेऊँ वीं ईं बात खुला में ने मानता हा, कटे अस्यान ने वे के, वाँने परातना घरऊँ बारणे काड़्या जावे, 43काँके मनकाँ की बड़ई वाँने परमेसर की बड़ईऊँ घणी वाली लागती ही।
ईसू की वाणी पेईस मनकाँ को न्याव वेई
44ईसू जोरऊँ क्यो, “ज्यो मारा पे विस्वास करे हे, वो मारा पेईस ने पण मने खन्दाबावाळा पे भी विस्वास करे हे। 45अन ज्यो कुई मने देके हे वो मने खन्दाबावाळा ने भी देके हे। 46मूँ दनियाँ में उजिता का जस्यान आयो हूँ, ईं वाते ज्यो कुई मारा पे विस्वास करी, वो अंदारा में ने रेई। 47यद्याँ कुई मारी बाताँ हुणन ने माने, तो मूँ वाँने दोसी ने केवूँ, काँके मूँ दनियाँ ने दोसी ठेराबा के वाते ने, पण दनियाँ ने बंचाबा का वाते आयो हूँ। 48ज्यो मने नकारे हे अन मारा बचनाँने ने माने हे वाँने दोसी ठेराबावाळो तो एकीस हे, ईंको मतलब जीं बचन में बताया, वींइस आकरी दन में वाँने दोसी बणाई। 49काँके में आपणी आड़ीऊँ बाताँ ने किदी। पण बापू जणा मने खन्दायो हे वणी मने आग्या दिदी हे के, मने कई केणो अन कस्यान केणो हे। 50अन मूँ जाणूँ हूँ के, वाँकी आग्या अनंत जीवन का आड़ी ले जावे हे। ईं वाते मूँ ज्यो कई केवूँ हूँ, वो जस्यान बापू माराऊँ क्यो, वस्यान मूँ केवूँ हूँ।”
(c) 2010-2017, New Life Computer Institute. All rights reserved