ലൂക്കോസു 23
23
ഏസ്സ്‌ന പീലത്തോസു പട്ട്‌ക്ക് എ്ഡ്‌ത്ത് പോന്റാര്
1അദ്‌ക്ക് പ്‌റ അദ്‌ലിന്തവാര് ഒട്ടുക്കു കൂഡി ഏസ്സ്‌ന പീലത്തോസു പട്ട്‌ക്ക് എ്ഡ്‌ത്ത് പോയി: 2<<ഇയാള് എമ്മ് ജനഗാള്‌ക്ക് തപ്പാന കാര്യഗാള്‌ന പഡുസുവാദ്‌നാമ്, താന് ക്‌റ്‌സ്‌ത്ത് എന്നുവ രാജാവെന്റ് സൊല്ലുവാദ്‌നാമ്, റോമ നാഡ് രാജാവുക്കു കന്ത്യ കെ്ട്ടുവാദ്‌ന തഡ്‌ക്കുവാദ്‌നാമ് എമ്മ കണ്ടേമ്>> എന്റ് അവാര് അയാള്‌ന പറ്റി കുറ്റ സൊന്നാര്.
3അദുക്കുള പീലത്തോസു ഏസ്സ്‌ന: <<നീ എഗുദാര് രാജാവ?>> എന്റ് കേ്ള്‌ക്ക്‌ഗാട്ടി:
<<സെരിത്തെ, നീ സൊല്ലുവ പാസെത്തെ>> എന്റ് ഏസ്സ് സൊന്നാന്.
4അദുക്കുള പീലത്തോസു എഗുദാര് പൂസാരി തലെവാര്‌ഗാള്‌ക്ക്‌മ് ആള്‌ഗാള്‌ക്ക്‌മ്: <<ഈ മന്‌സാന്‌ന ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് കാണാലെ>> എന്റ് സൊന്നാന്.
5ആന അവാര്: <<ഇയാള് എഗുദ്യ നാഡ്‌ലിര്‌ക്കുവ ആള്‌ഗാള്‌ക്ക് ഒട്ടുക്കു താന് പഡുസുവ കാര്യഗാള്‌ന പഡിസി ആള്‌ഗാള്‌കുള്ളുക്കു കലമ്പാല് മാഡ്‌ന്റാന്. ഗലീല നാഡ്‌ലിന്ത് ഇദ്‌മാട്ട്‌ക്ക് ഇയാള് ഇത്തെ ഗേന്ത്‌റ്‌ന്റാന്>> എന്റ് ഒറേപ്പായി സൊന്നാര്.
പീലത്തോസു ഏസ്സ്‌ന എരോദാവു പട്ട്‌ക്ക് സൊല്ലി ബ്‌ഡ്‌ന്റാന്
6ഇദ്‌ന കേ്ട്ട് പീലത്തോസു: <<ഇയാള് ഗലീലഗാറാന്‌ത്തേഗ?>> എന്റ് കേ്ട്ടാന്. 7അദുക്കുള ഇയാള് എരോദാവു ആളുവ എ്ഡേക്ക് പട്ടവാനെന്റ് പീലത്തോസുക്കു തെരിന്ത്‌ദ്. അദ്‌നാലെ അയി ഗളിഗേല് എര്‌സലേമ്‌ക്ക് ബന്തിന്ത എരോദാവു പട്ട്‌ക്ക് ഏസ്സ്‌ന സൊല്ലി ബ്‌ട്ടാന്.
8എരോദാവുക്കു ഏസ്സ്‌ന കാണ്‌ഗാട്ടി ദൊഡ്ഡ പിര്യ ബന്ത്‌ദ്. എന്ത്‌ക്കെന്റ് സൊന്ന ഏസ്സ്‌ന പറ്റി കേ്ട്ട നാള്‌ലിന്തേ എരോദാവു അയാള്‌ന കാണ്യ മ്‌ഗ്‌ന്ത ആസെപട്ടിന്താന്. അയാള് ഒന്റു അദിസ്യമാന അഡ്യാള ഗേവാദ്‌ന കാണ്‌ല എന്റ് എരോദാവു നെഞ്ചഡേമ് ബെത്തിന്താന്. 9എരോദാവു ഏസ്സ്‌ന എഞ്ചോ കേ്ള്‌വി കേ്ട്ടാന്. ആന അയാള് ഒന്റുക്കുമു ബദ്‌ല് സൊല്ലാലെ. 10അദ്‌ല് നിന്റിന്ത എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള് മ്‌ഗ്‌ന്ത കുറ്റഗാറാന്‌ത്തെ എന്റ് സൊല്ലി ആലാത്ത് കൊണ്ടിന്താര്. 11എരോദാവുമു അയാള് പട്ടളഗാറാര്‌മ് ഏസ്സ്‌ന നാണഗെ്ഡിസി ബെലെലില്ലത്തവാന് മാഡ്‌ന പ്‌റ ദഗദഗാത്ത് കത്തുവ ഉഡുപ്പുന ഇക്കിസി പീലത്തോസു പട്ട്‌ക്ക് തിരിക്കി സൊല്ലി ബ്‌ട്ടാര്. 12പീലത്തോസുമു എരോദാവുമു അയി നാള് മാട്ട്‌ക്ക് പഗെ ഇന്താര്. ആന അയി നാള്‌ലിന്ത് അവാര് റാഡാള്‌മ് എ്ണേവുഗാറാര് ആനാര്.
13പീലത്തോസു എഗുദാര് പൂസാരി തലെവാര്‌ഗാള്‌നാമ്, എഗുദാര് തലെവാര്‌ഗാള്‌നാമ്, ആള്‌ഗാള്‌നാമ് ബ്‌ളിത്ത് ബരിസ്സി 14അവാര്‌ക്ക്: <<ഇയാള് ആള്‌ഗാള്‌ക്ക് താന് പഡുസുവ കാര്യഗാള്‌ന പഡിസി ആള്‌ഗാള് പട്ട്‌ല് കലമ്പാല് മാഡ്‌ന്റാന് എന്റ് സൊല്ലി നിമ്മ അയാള്‌ന എന്ന് പട്ട്‌ക്ക് കൂട്ടി ബന്ത്‌റല്ല, നാന് അയാള്‌ന നിമ്മ് മുന്നുക്കു ബെത്ത് കേ്ള്‌വി കേ്ട്ട് ഗുഡി നിമ്മ അയാള്‌ന പറ്റി സൊന്ന കുറ്റന ബെത്ത് ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് അയാള്‌ല് കാണാലെ. 15എരോദാവുമു അയാള്‌ന ദെ്ണ്ടിക്കുവാദ്‌ക്കുള്ള കുറ്റ ഒന്റുമു ഗേഗാലെന്റ് കണ്ടാദ്‌നാലെ അയാള്‌ന എന്ന് പട്ട്‌ക്ക് തിരിക്കി സൊല്ലി ബ്‌ട്ടാനല്ല. കണ്ടിപ്പായിമ് ഇയാള് കൊലേക്ക് ബിദിക്കുവാദ്‌ക്കുള്ള കുറ്റ ഗേഗാലെ. 16അദ്‌നാലെ അയാള്‌ന സാട്ടെവാര്‌ല് അഡിക്ക്യ ബെത്ത പ്‌റ ബ്‌ഡ്‌ന്റെ>> എന്റ് സൊന്നാന്. 17എല്ലാ പെസഗെ നോമ്പിക്ക്‌മ് ജെയില്‌ലിന്ത് പീലത്തോസു ഒന്റാള്‌ന ഇ്റാക്കി ബ്‌ട്ടിന്താന്.#23:17 എല്ലാ പെസഗെ നോമ്പിക്ക്‌മ് ജെയില്‌ലിന്ത് പീലത്തോസു ഒന്റാള്‌ന ഇ്റാക്കി ബ്‌ട്ടിന്താന്മുദാല് എ്ള്‌ദ്‌ന കായിദന നോഡി എ്ള്‌ദ്‌ന ലേസ കായിദഗാള്‌ല് ഈ സൊല്ലുസുലാക്ക ഇല്ലെ
18ആള്‌ഗാള് ഒട്ടുക്കു: <<ഇയാള്‌ന കൊന്റു തള്ള്, ബറവാസ്‌ന എമാക്ക് ഇ്റാക്കി ബ്‌ഡ്>> എന്റ് ഒന്റേ ജൊത്തില് ആലാത്താലാത്ത് സൊന്നാര്. 19ഈ ബറവാസ് പട്ടണാത്ത്‌ല് നഡാന്ത കലമ്പാല്‌ക്ക്‌മ് കൊലേക്ക്‌മ് കുറ്റഗാറാന് ആയിന്താദ്‌നാലെ അയാള്‌ന ജെയില്‌ക്ക് അഡേത്തിന്താര്.
20ഏസ്സ്‌ന ബെ്റ്‌ദെ ബ്‌ഡ്‌ഡൊ എന്റ് ആസെപട്ട് പീലത്തോസു പിന്നേമ് ആള്‌ഗാള്‌ന ബ്‌ളിത്ത് നായ നൊഡിന്താന്. 21ആന ആള്‌ഗാളൊ: <<അയാള്‌ന കുരുസുക്കു സേത്തി ആണി അഡിത്ത് കൊല്ലുഡൊ, കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് ആലാത്താര്.
22പീലത്തോസു: <<ഇയാള് നിമാക്ക് എന്ത് കുറ്റ ഗേന്താന് എന്റ് നിമ്മ സൊന്റുറു?>> എന്റ് അവാര്‌ന മൂറാവാദ്‌മ് കേ്ട്ടാന്. <<ഇയാള്‌ന കൊലെ കുറ്റാക്ക് ബിദിക്കുവാദ്‌ക്കുള്ള ഒന്റു കുറ്റാമ് നാന് കാണാലെ. അദ്‌നാലെ അയാള്‌ന സാട്ടെവാര്‌ല് അഡിക്ക്യ ബെത്ത പ്‌റ നാന് ബ്‌ഡ്‌വെ>> എന്റ് സൊന്നാന്. 23ആന അവാര്: <<ഏസ്സ്‌ന കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് ആലാത്ത്‌ക്‌ളാമ്പി സൊല്ലി കൊണ്ടേ ഇന്താര്. അത്തെ അവാര് ആലാത്ത് ക്‌ളാമ്പ്‌നാദ്‌ക്കുള്ള കാര്യ നഡാന്ത്‌ദ്. 24അവാര് കേ്ട്ടപാസെ താനെ ഏസ്സ്‌ന കൊല്ല്യ പീലത്തോസു മുഡിവെ്ഡ്‌ത്താന്. 25കലമ്പാല് മാഡ്‌നാദ്‌ക്ക്‌മ് കൊലെ ഗേന്താദ്‌ക്ക്‌മ് കുറ്റഗാറാനായി ജെയില്‌ക്ക് അഡേത്തിന്ത ബറവാസ്‌ന അവാര് സൊന്ന പാസെ ഇ്റാക്കിമ് ബ്‌ട്ടാന്. ആള്‌ഗാള് ആസെപട്ട പാസെ താനെ ഗേയ ഏസ്സ്‌ന അവാര് കയിക്ക്‌മ് കൊഡുത്താന്.
ഏസ്സ്‌ന കുരുസുക്കു സേത്തി ആണി അഡിത്ത് കൊല്ലുന്റാര്
26പട്ടളഗാറാര് ഏസ്സ്‌ന കൊല്ല്യ എ്ഡ്‌ത്ത് പോഗാട്ടി ഗദ്ദേലിന്ത് ബന്ത കൊറേന നാഡ്‌ഗാറാന് സീമോനുന അവാര് പ്‌ഡിത്ത് കുരുസുന അയാള്‌ക്ക് ഏ്റ്‌സി ഏസ്സ് പിന്ന്‌മേലെ നഡാത്ത്‌നാര്. 27ദൊഡ്ഡ ഒന്റു ജനകൂട്ട ഏസ്സ് പിന്ന്‌മേലെ പോയി കൊണ്ടിന്താര്. അയാള്‌ന സൊല്ലി ദുക്കാക്ക് ഇ്ഡ്‌ക്കിക്കി ഇ്ഡ്‌ക്കിക്കി കേ്യിവ എഞ്ചോ പെ്ണ്ണ്‌മക്കാള്‌ഗാള്‌മ് അയി കൂട്ടാത്ത്‌ലിന്താര്. 28ഏസ്സ് തിരിഗി അവാര്‌ന നോഡിന്ത്: <<എര്‌സലേമ്‌ല പെ്ണ്ണ്‌മക്കാളെ, എനാന നെനേത്ത് നിമ്മ കേ്യദേന്. നിമാനാമ് നിമ്മ് മക്കാള്‌ഗാള്‌നാമ് നെനേത്ത് കേ്യിന്. 29എന്ത്‌ക്കെന്റ് സൊന്ന <ബറാഡിഗാള്‌മ് ബേ്റാഗാത്ത പെ്ണ്ണ്‌മക്കാള്‌മ് പച്ചെപ്‌ള്ളെ ഇല്ലാത്ത അവ്വേസ്യാമ്‌മ് ബാഗ്യകേ്ട്ടവാര്‌ത്തെ> എന്റ് ആള്‌ഗാള് സൊല്ലുവ കാല ബന്റ്. 30അയി കാലാത്ത്‌ല്
<മലെഗാള്‌ന നോഡി: <<എമ്മ് കുദ്ദാക്ക് ബന്ത് ബീ്ഗ്>>
എന്റ്‌മ് ഗുഡ്ഡെഗാള്‌ന നോഡി: <<എമാന ബന്ത് മൂഡു>> എന്റ്‌മ് സൊല്ല്യ പ്‌ഡിക്കുവാര്.>#ഓസേയ 10:8
31മര പച്ചെ ഇര്‌ക്കാട്ടി ആള്‌ഗാള് ഇത്തെ ഗേന്തദാന അയി മര ഉണാന്തദാന അദ്‌ന എന്തെല്ല ഗേവാര്?>> എന്റ് സൊന്നാന്.
32കെ്ട്ട കാര്യഗാള് ഗേന്ത് കൊലെ കുറ്റാക്ക് ബിദിത്ത റാഡാള്‌ന ഗുഡി ഏസ്സോഡൊപ്പ കൊല്ല്യ എ്ഡ്‌ത്ത് പോനാര്. 33മണ്ട്യോഡു എന്നുവ എ്ഡേക്ക് എജ്ജ്‌ന പ്‌റ കെ്ട്ട കാര്യഗാള് ഗേന്ത അയി റാഡാള്‌ന ഒരുത്താന്‌ന ഏസ്സ്‌ക്ക് ബലസാരിമ് ഒരുത്താന്‌ന ഏസ്സ്‌ക്ക് ഇ്ഡസാരിമ് ബെത്ത് ഏസ്സോഡൊപ്പ കുരുസുക്കു സേത്തി ആണി അഡിത്താര്. 34അദുക്കുള ഏസ്സ്: <<അപ്പാ, ഇവാര് ഗേവാദ് എന്തെന്റ് ഇവാര്‌ക്ക് താനെ തെരിവാദില്ലെ, അദ്‌നാലെ ഇവാര്‌ന പൊറുക്കുഡോമെ>> എന്റ് പരേസ്‌നാന്.
അത്തെ അവാര് സീ്ട്ടിക്കി അയാള് ഉഡുപ്പുന പങ്ക്യെ്ഡ്‌ത്താര്. 35ആള്‌ഗാള് ഇദ്‌നെല്ല നോഡികൊണ്ടു അര്‌ഗെ നിന്റിന്താര്. <<ഇയാള് ബേ്റെ ആള്‌ഗാള്‌ന കാപാറ്റ്‌നാന്, സാമി സൊല്ലി ബ്‌ട്ട കാപാറ്റ്‌ന്റവാന് ആന ക്‌റ്‌സ്‌ത്ത് ആയിന്തദാന തനാന താനെ കാപാറ്റുഡൊ>> എന്റ് സൊല്ലി എഗുദാര് തലെവാര്‌ഗാള്‌മ് നാണഗെ്ഡ്‌സ്‌നാര്. 36അദേപാസെ പട്ടളഗാറാര്‌മ് ബന്ത് ഏസ്സ്‌ന നാണഗെ്ഡ്‌സ്‌നാര്. അവാര് പുളിര്‌ക്കുവ മുന്തരിസാരന അയാള്‌ക്ക് ഊട്ടുസ്യ നോഡുനാര്. 37എന്റിന്ത് അയി പട്ടളഗാറാര്: <<നീ എഗുദാര് രാജാവു ആയിന്തദാന നിനാന താനെ കാപാറ്റ്>> എന്റ് സൊന്നാര്.
38<<ഇയാള് എഗുദാര് രാജാവു>> എന്റ് എ്ള്‌ദിര്‌ക്കുവ ഒന്റു എ്ള്‌ത്ത്‌ന കുരുസുക്കു മേല് ബെത്തിന്താര്.
39കെ്ട്ട കാര്യ ഗേന്താദ്‌ക്ക് കുരുസുക്കു സേത്തി ആണി അഡിത്തവാര്‌ല് ഒരുത്താന്: <<നീ ക്‌റ്‌സ്‌ത്ത്‌ത്ത്യല്ല? അത്ത്യാന നിനാന താനേമ് എമനാമ് കാപാറ്റ്>> എന്റ് സൊല്ലി നാണഗെ്ഡ്‌സ്‌നാന്.
40ആന ഇന്ന്യൊന്റൊരുത്താന്: <<നീമ് ഇദേ ദെ്ണ്ടണേക്ക് സിക്കി ഗുഡി നീ സാമിന അഞ്ചുവാലെഗ? 41നമ്മ ഗേന്ത കുറ്റാക്ക് തഗ്‌ന്ത ദെ്ണ്ടണെത്തെ നമാക്ക് കെ്ഡേത്ത്‌റ്‌ക്ക്‌ന്റ്, ആന ഇയാള് കുറ്റ ഒന്റുമു ഗേഗാലെ>> എന്റ് അയാള്‌ന നൊഡിന്താന്.
42അദുക്കുള അയാള് ഏസ്സ്‌ക്ക്: <<ഏസ്സുവേ, നീ രാജാവായി ആള്യ ബര്‌ഗാട്ടി എനനാമ് നെനേക്കുഡോമെ>> എന്റ് സൊന്നാന്. 43അദുക്കുള ഏസ്സ് അയാള്‌ക്ക്: <<നീ ഇന്റ് എന്നോഡൊപ്പ പറ്‌ദീസാല് ഇര്‌ക്കുവായി എന്റ് നാന് സത്ത്യമായി നിനാക്ക് സൊന്റെ>> എന്റ് സൊന്നാന്.
ഏസ്സ് ഉജുരുന പോന്റു
44-45അദുക്കുള നേര ഉച്ചി ആയിന്ത്‌ദ്. ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്. അയി ഗളിഗെ സാമിബീ്ഡ്‌ല അരാങ്ക കുച്ചുന അലാക്ക പ്‌റ്‌ക്കുവ തെരെസീലെ മേല താനേലിന്ത് അഡി താനെ മാട്ട്‌ക്ക് റാഡായി നേരെ സീന്തി തള്ള്‌ട്ട്. 46<<അപ്പാ, എന്ന് ഉജുരുകെ്ളെന നാന് നിന്ന് കയിക്ക് തന്റ്>> എന്റ് ഏസ്സ് ദൊഡ്ഡാദ്‌ക്ക് അഗാറി ഉജുരുന ബ്‌ട്ടാന്.
47നൂറു പട്ടളഗാറാര് തലെവാന് ആയിന്തവാന് ഇത്തെ നഡാന്താദ്‌ന കണ്ട്: <<ഈ മന്‌സാന് നേര്‌മായിമ് നേര്‌മെഗാറാന് ആയിന്താന്>> എന്റ് സൊല്ലി സാമിക്ക് മദ്‌പ്പ് കൊഡുത്താന്. 48അദ്‌ല് നഡാന്താദ്‌ന കാണ്യ ബേ്ണ്ടി ബന്ത ആള്‌ഗാള് ഒട്ടുക്കു ദുക്കപട്ട് നെഞ്ച്‌നമാര്‌ന അഡിത്ത് കൊണ്ടു ബീ്ഡ്‌ക്ക് തിരിഗി പോനാര്. 49ഏസ്സോഡ പളാക്കപട്ടിന്തവാര്‌മ് ഗലീലാലിന്ത് ഏസ്സ് പിന്ന്‌മേലെ നഡാന്തിന്ത പെ്ണ്ണ്‌മക്കാള്‌മ് ദൂരാത്ത്‌ല് നിന്റിന്ത് ഇദ്‌നെല്ല നോഡികൊണ്ടിന്താര്.
ഏസ്സ് സാവുന പാത്ത്‌ന്റാര്
50-51എഗുദ നാഡ്‌ക്ക് പട്ട അരിമത്ത്യ എന്നുവ എ്ഡേല് നല്ലവാന്‌മ് സാമി കണ്ണ്‌ക്ക് നേര്‌മെഗാറാന്‌മ് ആയിന്ത ഓസേപ് എന്റ് സൊല്ലുന്റവാന് ഇന്താന്. അയാള് സാമി ആളുവാദ്‌ന കാത്തിന്തവാന്‌മ് ആയിന്താന്. അയാള് എഗുദ കോഡിദില് ദൊഡ്ഡ ഒന്റു ആള് ആയിന്ത് ഗുഡി ഏസ്സ്‌ന കൊല്ല്യ സട്ട കെ്ട്ടി മുഡിവെ്ഡ്‌ത്തിന്ത കാര്യ ഇയാള്‌ക്ക് പ്‌ഡിക്കാദിന്ത്‌ദ്. 52അയാള് പീലത്തോസു പട്ട്‌ക്ക് പോയി ഏസ്സ് സാവുന എ്ഡ്‌ത്ത് പോയ ബ്‌ഡ്‌ഡൊ എന്റ് കേ്ട്ടാന്. 53പ്‌റ അയാള് ഏസ്സ് സാവുന ഇ്റാക്കി, സാവുക്കു ബെ്ഡിപ്പുള്ള സീലെ ഇക്കി കല്ല്‌ന താനെ കൊദേന്ത് അളെ മാഡി ആര്‌നാമ് ബെക്കാദിന്ത ഒന്റു അളേക്ക് സാവുന ബെത്താന്. 54അയി നാള് ഒയിവു നാള്‌ക്ക് ബേ്ണ്ടി ഒരുങ്കുവ നാള് ആയിന്ത്‌ദ്. എഗുദാര് ഒയിവു നാള്‌മ് ആയാറ്റ്.
55ഗലീലാലിന്ത് ഏസ്സ് പിന്ന്‌മേല നഡാന്തിന്ത പെ്ണ്ണ്‌മക്കാള്‌മ് ഓസേപ് പിന്ന്‌മേലെ പോയി കല്ലളെനാമ് ഏസ്സ് സാവുന ബെത്ത ദിന്‌സ്‌നാമ് കണ്ടാര്. 56പ്‌റ അയി പെ്ണ്ണ്‌മക്കാള് തിരിഗി പോയി ഏസ്സ് സാവുക്കു പൂസുവാദ്‌ക്കുള്ള ബാഡെ അഡിക്കുവ ജാദിഗാള്‌നാമ് തയിലനാമ് എ്ഡ്‌ത്ത് ഒരിക്കി ബെത്താര്. മോസെ ബെത്ത സാമി സട്ടപഡി ഒയിവു നാള് അവാര് ഗിലാസ ഗേഗാദിന്താര്.
New Life Computer Institute
ലൂക്കോസു 23
23
ഏസ്സ്‌ന പീലത്തോസു പട്ട്‌ക്ക് എ്ഡ്‌ത്ത് പോന്റാര്
1അദ്‌ക്ക് പ്‌റ അദ്‌ലിന്തവാര് ഒട്ടുക്കു കൂഡി ഏസ്സ്‌ന പീലത്തോസു പട്ട്‌ക്ക് എ്ഡ്‌ത്ത് പോയി: 2<<ഇയാള് എമ്മ് ജനഗാള്‌ക്ക് തപ്പാന കാര്യഗാള്‌ന പഡുസുവാദ്‌നാമ്, താന് ക്‌റ്‌സ്‌ത്ത് എന്നുവ രാജാവെന്റ് സൊല്ലുവാദ്‌നാമ്, റോമ നാഡ് രാജാവുക്കു കന്ത്യ കെ്ട്ടുവാദ്‌ന തഡ്‌ക്കുവാദ്‌നാമ് എമ്മ കണ്ടേമ്>> എന്റ് അവാര് അയാള്‌ന പറ്റി കുറ്റ സൊന്നാര്.
3അദുക്കുള പീലത്തോസു ഏസ്സ്‌ന: <<നീ എഗുദാര് രാജാവ?>> എന്റ് കേ്ള്‌ക്ക്‌ഗാട്ടി:
<<സെരിത്തെ, നീ സൊല്ലുവ പാസെത്തെ>> എന്റ് ഏസ്സ് സൊന്നാന്.
4അദുക്കുള പീലത്തോസു എഗുദാര് പൂസാരി തലെവാര്‌ഗാള്‌ക്ക്‌മ് ആള്‌ഗാള്‌ക്ക്‌മ്: <<ഈ മന്‌സാന്‌ന ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് കാണാലെ>> എന്റ് സൊന്നാന്.
5ആന അവാര്: <<ഇയാള് എഗുദ്യ നാഡ്‌ലിര്‌ക്കുവ ആള്‌ഗാള്‌ക്ക് ഒട്ടുക്കു താന് പഡുസുവ കാര്യഗാള്‌ന പഡിസി ആള്‌ഗാള്‌കുള്ളുക്കു കലമ്പാല് മാഡ്‌ന്റാന്. ഗലീല നാഡ്‌ലിന്ത് ഇദ്‌മാട്ട്‌ക്ക് ഇയാള് ഇത്തെ ഗേന്ത്‌റ്‌ന്റാന്>> എന്റ് ഒറേപ്പായി സൊന്നാര്.
പീലത്തോസു ഏസ്സ്‌ന എരോദാവു പട്ട്‌ക്ക് സൊല്ലി ബ്‌ഡ്‌ന്റാന്
6ഇദ്‌ന കേ്ട്ട് പീലത്തോസു: <<ഇയാള് ഗലീലഗാറാന്‌ത്തേഗ?>> എന്റ് കേ്ട്ടാന്. 7അദുക്കുള ഇയാള് എരോദാവു ആളുവ എ്ഡേക്ക് പട്ടവാനെന്റ് പീലത്തോസുക്കു തെരിന്ത്‌ദ്. അദ്‌നാലെ അയി ഗളിഗേല് എര്‌സലേമ്‌ക്ക് ബന്തിന്ത എരോദാവു പട്ട്‌ക്ക് ഏസ്സ്‌ന സൊല്ലി ബ്‌ട്ടാന്.
8എരോദാവുക്കു ഏസ്സ്‌ന കാണ്‌ഗാട്ടി ദൊഡ്ഡ പിര്യ ബന്ത്‌ദ്. എന്ത്‌ക്കെന്റ് സൊന്ന ഏസ്സ്‌ന പറ്റി കേ്ട്ട നാള്‌ലിന്തേ എരോദാവു അയാള്‌ന കാണ്യ മ്‌ഗ്‌ന്ത ആസെപട്ടിന്താന്. അയാള് ഒന്റു അദിസ്യമാന അഡ്യാള ഗേവാദ്‌ന കാണ്‌ല എന്റ് എരോദാവു നെഞ്ചഡേമ് ബെത്തിന്താന്. 9എരോദാവു ഏസ്സ്‌ന എഞ്ചോ കേ്ള്‌വി കേ്ട്ടാന്. ആന അയാള് ഒന്റുക്കുമു ബദ്‌ല് സൊല്ലാലെ. 10അദ്‌ല് നിന്റിന്ത എഗുദാര് പൂസാരി തലെവാര്‌ഗാള്‌മ് ബേദബാത്ത്യനാമ്‌ഗാള്‌മ് അയാള് മ്‌ഗ്‌ന്ത കുറ്റഗാറാന്‌ത്തെ എന്റ് സൊല്ലി ആലാത്ത് കൊണ്ടിന്താര്. 11എരോദാവുമു അയാള് പട്ടളഗാറാര്‌മ് ഏസ്സ്‌ന നാണഗെ്ഡിസി ബെലെലില്ലത്തവാന് മാഡ്‌ന പ്‌റ ദഗദഗാത്ത് കത്തുവ ഉഡുപ്പുന ഇക്കിസി പീലത്തോസു പട്ട്‌ക്ക് തിരിക്കി സൊല്ലി ബ്‌ട്ടാര്. 12പീലത്തോസുമു എരോദാവുമു അയി നാള് മാട്ട്‌ക്ക് പഗെ ഇന്താര്. ആന അയി നാള്‌ലിന്ത് അവാര് റാഡാള്‌മ് എ്ണേവുഗാറാര് ആനാര്.
13പീലത്തോസു എഗുദാര് പൂസാരി തലെവാര്‌ഗാള്‌നാമ്, എഗുദാര് തലെവാര്‌ഗാള്‌നാമ്, ആള്‌ഗാള്‌നാമ് ബ്‌ളിത്ത് ബരിസ്സി 14അവാര്‌ക്ക്: <<ഇയാള് ആള്‌ഗാള്‌ക്ക് താന് പഡുസുവ കാര്യഗാള്‌ന പഡിസി ആള്‌ഗാള് പട്ട്‌ല് കലമ്പാല് മാഡ്‌ന്റാന് എന്റ് സൊല്ലി നിമ്മ അയാള്‌ന എന്ന് പട്ട്‌ക്ക് കൂട്ടി ബന്ത്‌റല്ല, നാന് അയാള്‌ന നിമ്മ് മുന്നുക്കു ബെത്ത് കേ്ള്‌വി കേ്ട്ട് ഗുഡി നിമ്മ അയാള്‌ന പറ്റി സൊന്ന കുറ്റന ബെത്ത് ദെ്ണ്ടിക്കുവാദ്‌ക്കുള്ള ഒന്റു കാര്യാമ് നാന് അയാള്‌ല് കാണാലെ. 15എരോദാവുമു അയാള്‌ന ദെ്ണ്ടിക്കുവാദ്‌ക്കുള്ള കുറ്റ ഒന്റുമു ഗേഗാലെന്റ് കണ്ടാദ്‌നാലെ അയാള്‌ന എന്ന് പട്ട്‌ക്ക് തിരിക്കി സൊല്ലി ബ്‌ട്ടാനല്ല. കണ്ടിപ്പായിമ് ഇയാള് കൊലേക്ക് ബിദിക്കുവാദ്‌ക്കുള്ള കുറ്റ ഗേഗാലെ. 16അദ്‌നാലെ അയാള്‌ന സാട്ടെവാര്‌ല് അഡിക്ക്യ ബെത്ത പ്‌റ ബ്‌ഡ്‌ന്റെ>> എന്റ് സൊന്നാന്. 17എല്ലാ പെസഗെ നോമ്പിക്ക്‌മ് ജെയില്‌ലിന്ത് പീലത്തോസു ഒന്റാള്‌ന ഇ്റാക്കി ബ്‌ട്ടിന്താന്.#23:17 എല്ലാ പെസഗെ നോമ്പിക്ക്‌മ് ജെയില്‌ലിന്ത് പീലത്തോസു ഒന്റാള്‌ന ഇ്റാക്കി ബ്‌ട്ടിന്താന്മുദാല് എ്ള്‌ദ്‌ന കായിദന നോഡി എ്ള്‌ദ്‌ന ലേസ കായിദഗാള്‌ല് ഈ സൊല്ലുസുലാക്ക ഇല്ലെ
18ആള്‌ഗാള് ഒട്ടുക്കു: <<ഇയാള്‌ന കൊന്റു തള്ള്, ബറവാസ്‌ന എമാക്ക് ഇ്റാക്കി ബ്‌ഡ്>> എന്റ് ഒന്റേ ജൊത്തില് ആലാത്താലാത്ത് സൊന്നാര്. 19ഈ ബറവാസ് പട്ടണാത്ത്‌ല് നഡാന്ത കലമ്പാല്‌ക്ക്‌മ് കൊലേക്ക്‌മ് കുറ്റഗാറാന് ആയിന്താദ്‌നാലെ അയാള്‌ന ജെയില്‌ക്ക് അഡേത്തിന്താര്.
20ഏസ്സ്‌ന ബെ്റ്‌ദെ ബ്‌ഡ്‌ഡൊ എന്റ് ആസെപട്ട് പീലത്തോസു പിന്നേമ് ആള്‌ഗാള്‌ന ബ്‌ളിത്ത് നായ നൊഡിന്താന്. 21ആന ആള്‌ഗാളൊ: <<അയാള്‌ന കുരുസുക്കു സേത്തി ആണി അഡിത്ത് കൊല്ലുഡൊ, കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് ആലാത്താര്.
22പീലത്തോസു: <<ഇയാള് നിമാക്ക് എന്ത് കുറ്റ ഗേന്താന് എന്റ് നിമ്മ സൊന്റുറു?>> എന്റ് അവാര്‌ന മൂറാവാദ്‌മ് കേ്ട്ടാന്. <<ഇയാള്‌ന കൊലെ കുറ്റാക്ക് ബിദിക്കുവാദ്‌ക്കുള്ള ഒന്റു കുറ്റാമ് നാന് കാണാലെ. അദ്‌നാലെ അയാള്‌ന സാട്ടെവാര്‌ല് അഡിക്ക്യ ബെത്ത പ്‌റ നാന് ബ്‌ഡ്‌വെ>> എന്റ് സൊന്നാന്. 23ആന അവാര്: <<ഏസ്സ്‌ന കുരുസുക്കു സേത്തി ആണി അഡിത്ത് കൊല്ലുഡൊ>> എന്റ് ആലാത്ത്‌ക്‌ളാമ്പി സൊല്ലി കൊണ്ടേ ഇന്താര്. അത്തെ അവാര് ആലാത്ത് ക്‌ളാമ്പ്‌നാദ്‌ക്കുള്ള കാര്യ നഡാന്ത്‌ദ്. 24അവാര് കേ്ട്ടപാസെ താനെ ഏസ്സ്‌ന കൊല്ല്യ പീലത്തോസു മുഡിവെ്ഡ്‌ത്താന്. 25കലമ്പാല് മാഡ്‌നാദ്‌ക്ക്‌മ് കൊലെ ഗേന്താദ്‌ക്ക്‌മ് കുറ്റഗാറാനായി ജെയില്‌ക്ക് അഡേത്തിന്ത ബറവാസ്‌ന അവാര് സൊന്ന പാസെ ഇ്റാക്കിമ് ബ്‌ട്ടാന്. ആള്‌ഗാള് ആസെപട്ട പാസെ താനെ ഗേയ ഏസ്സ്‌ന അവാര് കയിക്ക്‌മ് കൊഡുത്താന്.
ഏസ്സ്‌ന കുരുസുക്കു സേത്തി ആണി അഡിത്ത് കൊല്ലുന്റാര്
26പട്ടളഗാറാര് ഏസ്സ്‌ന കൊല്ല്യ എ്ഡ്‌ത്ത് പോഗാട്ടി ഗദ്ദേലിന്ത് ബന്ത കൊറേന നാഡ്‌ഗാറാന് സീമോനുന അവാര് പ്‌ഡിത്ത് കുരുസുന അയാള്‌ക്ക് ഏ്റ്‌സി ഏസ്സ് പിന്ന്‌മേലെ നഡാത്ത്‌നാര്. 27ദൊഡ്ഡ ഒന്റു ജനകൂട്ട ഏസ്സ് പിന്ന്‌മേലെ പോയി കൊണ്ടിന്താര്. അയാള്‌ന സൊല്ലി ദുക്കാക്ക് ഇ്ഡ്‌ക്കിക്കി ഇ്ഡ്‌ക്കിക്കി കേ്യിവ എഞ്ചോ പെ്ണ്ണ്‌മക്കാള്‌ഗാള്‌മ് അയി കൂട്ടാത്ത്‌ലിന്താര്. 28ഏസ്സ് തിരിഗി അവാര്‌ന നോഡിന്ത്: <<എര്‌സലേമ്‌ല പെ്ണ്ണ്‌മക്കാളെ, എനാന നെനേത്ത് നിമ്മ കേ്യദേന്. നിമാനാമ് നിമ്മ് മക്കാള്‌ഗാള്‌നാമ് നെനേത്ത് കേ്യിന്. 29എന്ത്‌ക്കെന്റ് സൊന്ന <ബറാഡിഗാള്‌മ് ബേ്റാഗാത്ത പെ്ണ്ണ്‌മക്കാള്‌മ് പച്ചെപ്‌ള്ളെ ഇല്ലാത്ത അവ്വേസ്യാമ്‌മ് ബാഗ്യകേ്ട്ടവാര്‌ത്തെ> എന്റ് ആള്‌ഗാള് സൊല്ലുവ കാല ബന്റ്. 30അയി കാലാത്ത്‌ല്
<മലെഗാള്‌ന നോഡി: <<എമ്മ് കുദ്ദാക്ക് ബന്ത് ബീ്ഗ്>>
എന്റ്‌മ് ഗുഡ്ഡെഗാള്‌ന നോഡി: <<എമാന ബന്ത് മൂഡു>> എന്റ്‌മ് സൊല്ല്യ പ്‌ഡിക്കുവാര്.>#ഓസേയ 10:8
31മര പച്ചെ ഇര്‌ക്കാട്ടി ആള്‌ഗാള് ഇത്തെ ഗേന്തദാന അയി മര ഉണാന്തദാന അദ്‌ന എന്തെല്ല ഗേവാര്?>> എന്റ് സൊന്നാന്.
32കെ്ട്ട കാര്യഗാള് ഗേന്ത് കൊലെ കുറ്റാക്ക് ബിദിത്ത റാഡാള്‌ന ഗുഡി ഏസ്സോഡൊപ്പ കൊല്ല്യ എ്ഡ്‌ത്ത് പോനാര്. 33മണ്ട്യോഡു എന്നുവ എ്ഡേക്ക് എജ്ജ്‌ന പ്‌റ കെ്ട്ട കാര്യഗാള് ഗേന്ത അയി റാഡാള്‌ന ഒരുത്താന്‌ന ഏസ്സ്‌ക്ക് ബലസാരിമ് ഒരുത്താന്‌ന ഏസ്സ്‌ക്ക് ഇ്ഡസാരിമ് ബെത്ത് ഏസ്സോഡൊപ്പ കുരുസുക്കു സേത്തി ആണി അഡിത്താര്. 34അദുക്കുള ഏസ്സ്: <<അപ്പാ, ഇവാര് ഗേവാദ് എന്തെന്റ് ഇവാര്‌ക്ക് താനെ തെരിവാദില്ലെ, അദ്‌നാലെ ഇവാര്‌ന പൊറുക്കുഡോമെ>> എന്റ് പരേസ്‌നാന്.
അത്തെ അവാര് സീ്ട്ടിക്കി അയാള് ഉഡുപ്പുന പങ്ക്യെ്ഡ്‌ത്താര്. 35ആള്‌ഗാള് ഇദ്‌നെല്ല നോഡികൊണ്ടു അര്‌ഗെ നിന്റിന്താര്. <<ഇയാള് ബേ്റെ ആള്‌ഗാള്‌ന കാപാറ്റ്‌നാന്, സാമി സൊല്ലി ബ്‌ട്ട കാപാറ്റ്‌ന്റവാന് ആന ക്‌റ്‌സ്‌ത്ത് ആയിന്തദാന തനാന താനെ കാപാറ്റുഡൊ>> എന്റ് സൊല്ലി എഗുദാര് തലെവാര്‌ഗാള്‌മ് നാണഗെ്ഡ്‌സ്‌നാര്. 36അദേപാസെ പട്ടളഗാറാര്‌മ് ബന്ത് ഏസ്സ്‌ന നാണഗെ്ഡ്‌സ്‌നാര്. അവാര് പുളിര്‌ക്കുവ മുന്തരിസാരന അയാള്‌ക്ക് ഊട്ടുസ്യ നോഡുനാര്. 37എന്റിന്ത് അയി പട്ടളഗാറാര്: <<നീ എഗുദാര് രാജാവു ആയിന്തദാന നിനാന താനെ കാപാറ്റ്>> എന്റ് സൊന്നാര്.
38<<ഇയാള് എഗുദാര് രാജാവു>> എന്റ് എ്ള്‌ദിര്‌ക്കുവ ഒന്റു എ്ള്‌ത്ത്‌ന കുരുസുക്കു മേല് ബെത്തിന്താര്.
39കെ്ട്ട കാര്യ ഗേന്താദ്‌ക്ക് കുരുസുക്കു സേത്തി ആണി അഡിത്തവാര്‌ല് ഒരുത്താന്: <<നീ ക്‌റ്‌സ്‌ത്ത്‌ത്ത്യല്ല? അത്ത്യാന നിനാന താനേമ് എമനാമ് കാപാറ്റ്>> എന്റ് സൊല്ലി നാണഗെ്ഡ്‌സ്‌നാന്.
40ആന ഇന്ന്യൊന്റൊരുത്താന്: <<നീമ് ഇദേ ദെ്ണ്ടണേക്ക് സിക്കി ഗുഡി നീ സാമിന അഞ്ചുവാലെഗ? 41നമ്മ ഗേന്ത കുറ്റാക്ക് തഗ്‌ന്ത ദെ്ണ്ടണെത്തെ നമാക്ക് കെ്ഡേത്ത്‌റ്‌ക്ക്‌ന്റ്, ആന ഇയാള് കുറ്റ ഒന്റുമു ഗേഗാലെ>> എന്റ് അയാള്‌ന നൊഡിന്താന്.
42അദുക്കുള അയാള് ഏസ്സ്‌ക്ക്: <<ഏസ്സുവേ, നീ രാജാവായി ആള്യ ബര്‌ഗാട്ടി എനനാമ് നെനേക്കുഡോമെ>> എന്റ് സൊന്നാന്. 43അദുക്കുള ഏസ്സ് അയാള്‌ക്ക്: <<നീ ഇന്റ് എന്നോഡൊപ്പ പറ്‌ദീസാല് ഇര്‌ക്കുവായി എന്റ് നാന് സത്ത്യമായി നിനാക്ക് സൊന്റെ>> എന്റ് സൊന്നാന്.
ഏസ്സ് ഉജുരുന പോന്റു
44-45അദുക്കുള നേര ഉച്ചി ആയിന്ത്‌ദ്. ഉച്ചി നേരാത്ത്‌ലിന്ത് മൂറു മണി മാട്ട്‌ക്ക് നാഡൊട്ടുക്കു ഇ്റ്‌ട്ട് കെ്ട്ടിന്ത്‌ദ്. അയി ഗളിഗെ സാമിബീ്ഡ്‌ല അരാങ്ക കുച്ചുന അലാക്ക പ്‌റ്‌ക്കുവ തെരെസീലെ മേല താനേലിന്ത് അഡി താനെ മാട്ട്‌ക്ക് റാഡായി നേരെ സീന്തി തള്ള്‌ട്ട്. 46<<അപ്പാ, എന്ന് ഉജുരുകെ്ളെന നാന് നിന്ന് കയിക്ക് തന്റ്>> എന്റ് ഏസ്സ് ദൊഡ്ഡാദ്‌ക്ക് അഗാറി ഉജുരുന ബ്‌ട്ടാന്.
47നൂറു പട്ടളഗാറാര് തലെവാന് ആയിന്തവാന് ഇത്തെ നഡാന്താദ്‌ന കണ്ട്: <<ഈ മന്‌സാന് നേര്‌മായിമ് നേര്‌മെഗാറാന് ആയിന്താന്>> എന്റ് സൊല്ലി സാമിക്ക് മദ്‌പ്പ് കൊഡുത്താന്. 48അദ്‌ല് നഡാന്താദ്‌ന കാണ്യ ബേ്ണ്ടി ബന്ത ആള്‌ഗാള് ഒട്ടുക്കു ദുക്കപട്ട് നെഞ്ച്‌നമാര്‌ന അഡിത്ത് കൊണ്ടു ബീ്ഡ്‌ക്ക് തിരിഗി പോനാര്. 49ഏസ്സോഡ പളാക്കപട്ടിന്തവാര്‌മ് ഗലീലാലിന്ത് ഏസ്സ് പിന്ന്‌മേലെ നഡാന്തിന്ത പെ്ണ്ണ്‌മക്കാള്‌മ് ദൂരാത്ത്‌ല് നിന്റിന്ത് ഇദ്‌നെല്ല നോഡികൊണ്ടിന്താര്.
ഏസ്സ് സാവുന പാത്ത്‌ന്റാര്
50-51എഗുദ നാഡ്‌ക്ക് പട്ട അരിമത്ത്യ എന്നുവ എ്ഡേല് നല്ലവാന്‌മ് സാമി കണ്ണ്‌ക്ക് നേര്‌മെഗാറാന്‌മ് ആയിന്ത ഓസേപ് എന്റ് സൊല്ലുന്റവാന് ഇന്താന്. അയാള് സാമി ആളുവാദ്‌ന കാത്തിന്തവാന്‌മ് ആയിന്താന്. അയാള് എഗുദ കോഡിദില് ദൊഡ്ഡ ഒന്റു ആള് ആയിന്ത് ഗുഡി ഏസ്സ്‌ന കൊല്ല്യ സട്ട കെ്ട്ടി മുഡിവെ്ഡ്‌ത്തിന്ത കാര്യ ഇയാള്‌ക്ക് പ്‌ഡിക്കാദിന്ത്‌ദ്. 52അയാള് പീലത്തോസു പട്ട്‌ക്ക് പോയി ഏസ്സ് സാവുന എ്ഡ്‌ത്ത് പോയ ബ്‌ഡ്‌ഡൊ എന്റ് കേ്ട്ടാന്. 53പ്‌റ അയാള് ഏസ്സ് സാവുന ഇ്റാക്കി, സാവുക്കു ബെ്ഡിപ്പുള്ള സീലെ ഇക്കി കല്ല്‌ന താനെ കൊദേന്ത് അളെ മാഡി ആര്‌നാമ് ബെക്കാദിന്ത ഒന്റു അളേക്ക് സാവുന ബെത്താന്. 54അയി നാള് ഒയിവു നാള്‌ക്ക് ബേ്ണ്ടി ഒരുങ്കുവ നാള് ആയിന്ത്‌ദ്. എഗുദാര് ഒയിവു നാള്‌മ് ആയാറ്റ്.
55ഗലീലാലിന്ത് ഏസ്സ് പിന്ന്‌മേല നഡാന്തിന്ത പെ്ണ്ണ്‌മക്കാള്‌മ് ഓസേപ് പിന്ന്‌മേലെ പോയി കല്ലളെനാമ് ഏസ്സ് സാവുന ബെത്ത ദിന്‌സ്‌നാമ് കണ്ടാര്. 56പ്‌റ അയി പെ്ണ്ണ്‌മക്കാള് തിരിഗി പോയി ഏസ്സ് സാവുക്കു പൂസുവാദ്‌ക്കുള്ള ബാഡെ അഡിക്കുവ ജാദിഗാള്‌നാമ് തയിലനാമ് എ്ഡ്‌ത്ത് ഒരിക്കി ബെത്താര്. മോസെ ബെത്ത സാമി സട്ടപഡി ഒയിവു നാള് അവാര് ഗിലാസ ഗേഗാദിന്താര്.
New Life Computer Institute