Mateo 14
14
Herodepa Jesú k'orea ũrina
Marco 6:14-29; Luca 9:7-9
1Mãɨ ewaride Herode Galilea tuadepema chi chaarea bɨ pasima.#14:1 Herode. Mãɨ Herode Antipa apachidama. Ichi k'orea nãma pedea bɨma: Mateo 14:1-10; Luca 3:19; 9:7-9; 13:31-33; 23:6-12. Ichi ak'õre «Herode chi Minachia K'awa Bɨade» apachidama. Mateo 2:1-23. Mãɨ Herodepa Jesupa ooda k'orea ũrisima. 2Mãɨpuru ichi pae pari mimiapataɨrã́ jarasima: «¡Mɨmá Juan chi Porochoaparí p'irabarii badapɨ! Mãɨpuru jõma ẽpẽrarãpa ne p'ue oodak'apɨɨrã p'ue oo bɨma».
3-4Herodepa mãɨya jarasima Juan peapida pẽra. Mãɨ nãɨya basima: Herodepa ara ichi ũpẽa P'elipe k'ima Herodía apataɨ atasima. Maamina Juanpa ichiá jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma».#Levítico 18:16. Mãɨ k'orea Herodepa Juan jitapik'ari eda jɨ̃a nɨbɨpataɨ tede k'ãnenapa jɨ̃ nɨbɨpisima. 5Juan peapi k'ɨ̃ria basima maamina p'uurudepemarã wap'ea bada pẽra p'ue ook'a pasima. P'uurudepemarãpa k'ɨ̃risia p'anasima Juan Tachi Ak'õre pari pedeaparí pasit'a.
6Herode t'õna ewari ará pa bɨde Herodía k'au jõmãɨrã k'ĩrari paerasima. Herode mãɨ k'orea miak'ãe sõ arapá bada pẽra, 7mãɨ ãwẽrá piarã jarasima ne paritua ichia idiru teayade asima. 8Mãɨne chi naepa ichi k'aua nãɨya idipisima: «Mɨá p'arat'ude Juan chi Porochoaparí poro tease».
9Mãɨya idiside Herode k'ĩra piawẽa beesima. Maamina ãarea ichi ome nek'o p'anɨrã k'ĩrari piarã jarada pẽra Herodía k'aupa idida oopisima. 10Ara mãɨne chi jɨ̃a nɨbɨpataɨ tede Juan poro bɨat'upisima. 11Juan poro p'arat'ude enemeenak'ari Herodía k'aua teasidama. Maapae chi k'aupa chi naea teasima. 12Mãɨya bak'ari Juan ome p'ɨrrɨapataɨrãpa ichi k'ak'ua ateedak'ari t'ɨbarisidama. Maapae Jesua jarade wãsidama.
Jesupa ẽpẽrarã joesoma mil p'anɨa nek'opida
Marco 6:30-44; Luca 9:10-17; Juan 6:1-14
13Jesupa Juan k'ĩrawẽana ũriside ichi tuaba p'ãp'orrode ĩjũa ẽpẽrarã newẽmá wãsima. Maamina ẽpẽrarãpa ichi sãmá wãru k'awasidaɨde p'uuruchadepemarã jĩte ichi k'aade wãsidama. 14Jesú p'ãp'orrodepa edá batoorude mãɨ ẽpẽerã minachia nɨbɨ chupuria unuk'asima. Mãɨpuru chi k'ak'ua piawẽa k'ede jɨpa beepik'oasima. 15K'iumaa bada pẽra ichi ome p'ɨrrɨapataɨrã ichimá wãnak'ari jarasidama:
—Nãma ẽpẽra k'ait'a newẽma. Mãɨ awara k'iumaa bɨma. Ẽpẽrarã́ jarase p'uuru bemá chik'o atade wãnamẽrá.
16Mãɨne Jesupa ichi ome p'ɨrrɨapataɨrã́ jarasima:
—Ãchi wãnaiwẽa p'anɨma. Mãrapuru nek'opit'ɨ.
17Maamina ãchia jarasidama:
—Taipa p'ana joesoma mãɨnepa beta ume uru p'anɨma.
18Jesupa jarasima:
—Mɨmá enemeet'ɨ.
19Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá. 20Jõmãɨrã nek'odak'ari jãwaasidama. Chi pichoada jɨrɨp'esidaɨde jabara k'ak'o doce ipirupisidama. 21Mãma nek'odada chi ɨmɨk'ĩrarã cinco mil p'anasidama mãɨnepa wẽrarã, warrarã joisiadawẽa.
Jesú to ɨ̃rɨ nipada
Marco 6:45-52; Juan 6:16-21
22Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria wãnamẽrá. Mãɨne ichi mãma beesima ẽpẽerã ãchi tiidá peek'ayá. 23Jõmãɨrã wãpik'ari ichi tuaba eyadea Tachi Ak'õrea ɨt'aa chiidide wãsima. K'iuside ichi tuaba basima. 24Mãɨmisa chi p'ãp'orrode wãnana to estarik'a p'anasima. Mãɨne t'umá minachia nɨbɨpa p'ãp'orro wẽsã́ bat'a uru beesima k'uap'et'ai jĩra, nãu ãchimá p'õat'ɨ nɨbada pẽra. 25Ãsã parudea Jesú ãchimá senia ɨ̃rɨ nipasima. 26Maamina ichi ome p'ɨrrɨapataɨrãpa mãɨ unusidaɨde minachia p'erasidama. Ne wap'eapa ãchi biasidama:
—¡Jaore jãɨya nipɨ!
27Ara mãɨne Jesupa jarasima:
—¡P'erarãt'ɨ! ¡Mɨpɨ! ¡Ne wap'earãt'ɨ!
28Mãɨne Pedropa ichiá jarasima:
—Mɨ Chipari, piarã pɨpɨra, mɨ to ɨ̃rɨ pɨmá wãpise.
29Ara mãɨne Jesupa jarasima:
—¡Chese!
Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima. 30Minachia p'õat'ɨ nɨbɨ unuk'ari wap'easima. Maapae edá t'aapodosima. Mãɨne biasima:
—¡Mɨ Chipari, k'aripase!
31Ara mãɨne Jesupa juade jitak'ari jarasima:
—K'õp'ãero ĩjãawẽa bɨ, ¿pɨa k'ãre k'orea mɨa pɨ p'ue to ɨ̃rɨ peeiwẽane a k'ɨ̃risiasima?
32P'ãp'orrode batoosidaɨde nãu p'õat'ɨwẽa nɨbeesima. 33Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama:
—¡Pɨ piarã Tachi Ak'õre Warrapɨ!
Jesupa Genesare tuade k'ak'ua piawẽa berã jɨpa beepida
Marco 6:53-56
34Mãɨya senia k'ĩaria wãnak'ari, chesidama Genesare ĩjũane. 35Mãmapema ẽpẽrarãpa Jesú k'awasidama. Mãɨpuru ãarea ãchi tuadea jara peesidama Jesú chesit'a. Maapae ẽpẽrarãpa ãarea chi k'ak'ua piawẽa berã ichimá enemeepachidama. 36Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.
© (Active), Wycliffe Bible Translators, Inc. All rights reserved.
Mateo 14
14
Herodepa Jesú k'orea ũrina
Marco 6:14-29; Luca 9:7-9
1Mãɨ ewaride Herode Galilea tuadepema chi chaarea bɨ pasima.#14:1 Herode. Mãɨ Herode Antipa apachidama. Ichi k'orea nãma pedea bɨma: Mateo 14:1-10; Luca 3:19; 9:7-9; 13:31-33; 23:6-12. Ichi ak'õre «Herode chi Minachia K'awa Bɨade» apachidama. Mateo 2:1-23. Mãɨ Herodepa Jesupa ooda k'orea ũrisima. 2Mãɨpuru ichi pae pari mimiapataɨrã́ jarasima: «¡Mɨmá Juan chi Porochoaparí p'irabarii badapɨ! Mãɨpuru jõma ẽpẽrarãpa ne p'ue oodak'apɨɨrã p'ue oo bɨma».
3-4Herodepa mãɨya jarasima Juan peapida pẽra. Mãɨ nãɨya basima: Herodepa ara ichi ũpẽa P'elipe k'ima Herodía apataɨ atasima. Maamina Juanpa ichiá jarapachima: «Moisepa bɨdade bɨ bɨma pɨ ũpẽa k'ima p'ue uru baiwẽa bɨma».#Levítico 18:16. Mãɨ k'orea Herodepa Juan jitapik'ari eda jɨ̃a nɨbɨpataɨ tede k'ãnenapa jɨ̃ nɨbɨpisima. 5Juan peapi k'ɨ̃ria basima maamina p'uurudepemarã wap'ea bada pẽra p'ue ook'a pasima. P'uurudepemarãpa k'ɨ̃risia p'anasima Juan Tachi Ak'õre pari pedeaparí pasit'a.
6Herode t'õna ewari ará pa bɨde Herodía k'au jõmãɨrã k'ĩrari paerasima. Herode mãɨ k'orea miak'ãe sõ arapá bada pẽra, 7mãɨ ãwẽrá piarã jarasima ne paritua ichia idiru teayade asima. 8Mãɨne chi naepa ichi k'aua nãɨya idipisima: «Mɨá p'arat'ude Juan chi Porochoaparí poro tease».
9Mãɨya idiside Herode k'ĩra piawẽa beesima. Maamina ãarea ichi ome nek'o p'anɨrã k'ĩrari piarã jarada pẽra Herodía k'aupa idida oopisima. 10Ara mãɨne chi jɨ̃a nɨbɨpataɨ tede Juan poro bɨat'upisima. 11Juan poro p'arat'ude enemeenak'ari Herodía k'aua teasidama. Maapae chi k'aupa chi naea teasima. 12Mãɨya bak'ari Juan ome p'ɨrrɨapataɨrãpa ichi k'ak'ua ateedak'ari t'ɨbarisidama. Maapae Jesua jarade wãsidama.
Jesupa ẽpẽrarã joesoma mil p'anɨa nek'opida
Marco 6:30-44; Luca 9:10-17; Juan 6:1-14
13Jesupa Juan k'ĩrawẽana ũriside ichi tuaba p'ãp'orrode ĩjũa ẽpẽrarã newẽmá wãsima. Maamina ẽpẽrarãpa ichi sãmá wãru k'awasidaɨde p'uuruchadepemarã jĩte ichi k'aade wãsidama. 14Jesú p'ãp'orrodepa edá batoorude mãɨ ẽpẽerã minachia nɨbɨ chupuria unuk'asima. Mãɨpuru chi k'ak'ua piawẽa k'ede jɨpa beepik'oasima. 15K'iumaa bada pẽra ichi ome p'ɨrrɨapataɨrã ichimá wãnak'ari jarasidama:
—Nãma ẽpẽra k'ait'a newẽma. Mãɨ awara k'iumaa bɨma. Ẽpẽrarã́ jarase p'uuru bemá chik'o atade wãnamẽrá.
16Mãɨne Jesupa ichi ome p'ɨrrɨapataɨrã́ jarasima:
—Ãchi wãnaiwẽa p'anɨma. Mãrapuru nek'opit'ɨ.
17Maamina ãchia jarasidama:
—Taipa p'ana joesoma mãɨnepa beta ume uru p'anɨma.
18Jesupa jarasima:
—Mɨmá enemeet'ɨ.
19Maapae ẽpẽrarã́ jarasima p'ũajãrane suak'abari p'aneenamẽrá. Mãɨ p'ana joesoma p'anɨ mãɨnepa beta ume p'anɨ ichi juade atak'ari pajãnea ak'ɨk'ari Tachi Ak'õrea sõpia bɨade asima. Maapae p'ana t'oet'aak'ari ichi ome p'ɨrrɨapataɨrã́ teasima jeda k'odamẽrá. 20Jõmãɨrã nek'odak'ari jãwaasidama. Chi pichoada jɨrɨp'esidaɨde jabara k'ak'o doce ipirupisidama. 21Mãma nek'odada chi ɨmɨk'ĩrarã cinco mil p'anasidama mãɨnepa wẽrarã, warrarã joisiadawẽa.
Jesú to ɨ̃rɨ nipada
Marco 6:45-52; Juan 6:16-21
22Mãɨya bak'ari Jesupa ichi ome p'ɨrrɨapataɨrã p'ãp'orrode batoopisima ichi naa k'ĩaria wãnamẽrá. Mãɨne ichi mãma beesima ẽpẽerã ãchi tiidá peek'ayá. 23Jõmãɨrã wãpik'ari ichi tuaba eyadea Tachi Ak'õrea ɨt'aa chiidide wãsima. K'iuside ichi tuaba basima. 24Mãɨmisa chi p'ãp'orrode wãnana to estarik'a p'anasima. Mãɨne t'umá minachia nɨbɨpa p'ãp'orro wẽsã́ bat'a uru beesima k'uap'et'ai jĩra, nãu ãchimá p'õat'ɨ nɨbada pẽra. 25Ãsã parudea Jesú ãchimá senia ɨ̃rɨ nipasima. 26Maamina ichi ome p'ɨrrɨapataɨrãpa mãɨ unusidaɨde minachia p'erasidama. Ne wap'eapa ãchi biasidama:
—¡Jaore jãɨya nipɨ!
27Ara mãɨne Jesupa jarasima:
—¡P'erarãt'ɨ! ¡Mɨpɨ! ¡Ne wap'earãt'ɨ!
28Mãɨne Pedropa ichiá jarasima:
—Mɨ Chipari, piarã pɨpɨra, mɨ to ɨ̃rɨ pɨmá wãpise.
29Ara mãɨne Jesupa jarasima:
—¡Chese!
Ara mãɨne Pedro p'ãp'orrodepa toeda batook'ari Jesumá to ɨ̃rɨ wãru pasima. 30Minachia p'õat'ɨ nɨbɨ unuk'ari wap'easima. Maapae edá t'aapodosima. Mãɨne biasima:
—¡Mɨ Chipari, k'aripase!
31Ara mãɨne Jesupa juade jitak'ari jarasima:
—K'õp'ãero ĩjãawẽa bɨ, ¿pɨa k'ãre k'orea mɨa pɨ p'ue to ɨ̃rɨ peeiwẽane a k'ɨ̃risiasima?
32P'ãp'orrode batoosidaɨde nãu p'õat'ɨwẽa nɨbeesima. 33Maapae ãarea p'ãp'orrode p'anɨ Jesú k'ĩrari sĩraporode k'op'aneenak'ari ichiá pia pedeasidama:
—¡Pɨ piarã Tachi Ak'õre Warrapɨ!
Jesupa Genesare tuade k'ak'ua piawẽa berã jɨpa beepida
Marco 6:53-56
34Mãɨya senia k'ĩaria wãnak'ari, chesidama Genesare ĩjũane. 35Mãmapema ẽpẽrarãpa Jesú k'awasidama. Mãɨpuru ãarea ãchi tuadea jara peesidama Jesú chesit'a. Maapae ẽpẽrarãpa ãarea chi k'ak'ua piawẽa berã ichimá enemeepachidama. 36Ãchia ichiá chupuria idisidama abapuru ichi neet'á i t'õmaripipade asidama. Jesupa itu t'õmaripida pẽra ãarea jɨpa beek'oasidama.
© (Active), Wycliffe Bible Translators, Inc. All rights reserved.