1Mos. 4
4
Si Kain samba si Habel
1Lepa paloploprangan si Adam pasamba si Eba, sinanalepnia, samba pusuruketnangan sinanalep nenda. Tu'tuakenangan mata sara toga sinateu samba kuanangan, “Ka paroman Tuhan, abarangan sara togaku simanteu.” Iageti toga nenda ioniakenia si Kain. 2Lepa tu'tuakenangan matat toga simanteu minca si Eba, oninia si Habel. Si Habel ibailiu le sipasijago tarimeu, tapoi si Kain ibailiu le sipumomone. 3Pigangagogoi pa' ujunia alanangan si Kain sangarubeiat sibara ka buat siuremannia lepa panguruatnakenangannia kai Tuhan. 4Lepa alanangan si Habel togat biribiri sikebbukat sibara ka sara biribirinia, jajanangannia, iageti panguruatnakenangan rubeiat bulat simaeru kai Tuhan. Masanang le si Tuhan kai Habel samba ka panguruatnia, 5tapoi ta'aisilo si Kain samba panguruatnia. Ibailiu le makope golu si Kain samba pumataatnia masiep. 6Iageti kuanangan si Tuhan kai Kain, “Angoi nupupugogolu? Angoi pumataatnu masiep? 7Ke'bai nugalai simaeru, silokungan leuet panguruatnu, tapoi ke'bai nugalai le katai, iageti jo masingena ituguru kabagat paatuatnu. Jo ioba le masibakkati tubum, tapoi bui tanukalaakenia.”
8Lepa kuanangan si Kain kai Habel, baginia, “Konan mei sita ka mone.” Kateteret arasege sedda, bobonangan samba mateiakenangan si Habel baginia si Kain.
9Kuanangan si Tuhan kai Kain, “Kaipa bagim si Habel?”
Aleginangan si Kain, “Ta'kuagai. Aku pa masijajago bagiku?”
10Lepa kuanangan si Tuhan, “Angoi anugalaiake galaiakenen kalotoakenen nenda? Logau bagim amusoga katubukKu ka polak, kele nganga sipugegerei masittiddou pasiliat. 11Tutelei le ekeu pat taioinangan nupasikeli minca polak. Polak nenda aipotpotnan logau bagim, kelean le ainga'ngaake le ngungunia polak masisilo logau bagim nenda kateteret anumateiakenia. 12Ke'bai mangurep ekeu, polak ta'ibubuaake aponia pa'; ibailiu le geti ekeu sipujajaujau sita'anai kudduat ka polak.”
13Iageti kuanangan si Kain kai Tuhan, “Ukuman nenda masanean le, ta'momoi kubairatnia. 14Nutuituiake le aku ka polak nene, samba tuareu kabebeNu. Ibailiu le geti aku sipujajaujau sita'anai kudduat ka polak samba ramateiake le geti aku senen sipasisese' aku.”
15Tapoi kuanangan si Tuhan, “Taa. Ke'bai ramateiake ekeu, iageti sibailiu pasiliat, pitu sirimanua samba leu sipamamatei nenda tumateiake leu geti.” Lepa geti kaunangan toggaiat si Tuhan kai Kain bule kasei ipaseseakenia ta'ramateiakenia. 16Iageti tuitui si kain kabebet Tuhan samba kuddunnia ka polak sipuoni “Pujaujagat” ka isit kabelaiat sulu Eden.
Muntogat Kain, Set samba Enos
17Si Kain samba sinanalepnia bara togatda simanteu, tukau oninia si Henokh. Lepa geti rioakenangan si Kain sara laggai samba laggai nenda ioniakenia siripot onin togania nenda. 18Si Henokh ukkui Irad. Si Irad ukkui Mehuyael. Mehuyael ukkui Mutusael samba Mutusael iate ukkui Lemekh. 19Si Lamekh ai rua sinanalepnia, si Ada samba si Zila. 20Si Ada masitu'tuake matat Jabal samba muntogat Jabal iate bangsa sipasikeli tarimeu samba sipukukuddu ka sapou. 21Bagit Jabal sipuoni si Jubal samba muntogat Jubal iate sipasinanauake kateuba', kecapi samba sulin. 22Si Zila masitu'tuake matat Tubal-Kain samba muntogatnia masigalai senengamata pugalai sibara ka tembaga samba laba'. Bagit Tubal-Kain sinanalep oninia si Naama.
23Kuanangan si Lamekh ka sinanalepnia,
“Si Ada samba si Zila, arepmake kam!
Akumateiakean sara silainge kalulut aibo'bo aku.
24Ke'bai pitu sirimanua tumateiake masisiliake pamateiat Kain,
iageti pitu pulu pitu sirimanua tumamateiake ke' tumateiake aku.”
25Si Adam samba sinanalepnia bara minca sara toga simanteu. Kuanangan si Eba, “Aiakean kaku Taikamanua toga simanteu sibailiu silit Habel, simateiakenen Kain.” Iageti si Eba ioniake toga nenda si Set. 26Si Set ai togania simanteu ikau oninia si Enos. Kateteret nenda rataddaake sirimanua masikua onin Tuhan ke'bai manindou.
@LAI 2015
1Mos. 4
4
Si Kain samba si Habel
1Lepa paloploprangan si Adam pasamba si Eba, sinanalepnia, samba pusuruketnangan sinanalep nenda. Tu'tuakenangan mata sara toga sinateu samba kuanangan, “Ka paroman Tuhan, abarangan sara togaku simanteu.” Iageti toga nenda ioniakenia si Kain. 2Lepa tu'tuakenangan matat toga simanteu minca si Eba, oninia si Habel. Si Habel ibailiu le sipasijago tarimeu, tapoi si Kain ibailiu le sipumomone. 3Pigangagogoi pa' ujunia alanangan si Kain sangarubeiat sibara ka buat siuremannia lepa panguruatnakenangannia kai Tuhan. 4Lepa alanangan si Habel togat biribiri sikebbukat sibara ka sara biribirinia, jajanangannia, iageti panguruatnakenangan rubeiat bulat simaeru kai Tuhan. Masanang le si Tuhan kai Habel samba ka panguruatnia, 5tapoi ta'aisilo si Kain samba panguruatnia. Ibailiu le makope golu si Kain samba pumataatnia masiep. 6Iageti kuanangan si Tuhan kai Kain, “Angoi nupupugogolu? Angoi pumataatnu masiep? 7Ke'bai nugalai simaeru, silokungan leuet panguruatnu, tapoi ke'bai nugalai le katai, iageti jo masingena ituguru kabagat paatuatnu. Jo ioba le masibakkati tubum, tapoi bui tanukalaakenia.”
8Lepa kuanangan si Kain kai Habel, baginia, “Konan mei sita ka mone.” Kateteret arasege sedda, bobonangan samba mateiakenangan si Habel baginia si Kain.
9Kuanangan si Tuhan kai Kain, “Kaipa bagim si Habel?”
Aleginangan si Kain, “Ta'kuagai. Aku pa masijajago bagiku?”
10Lepa kuanangan si Tuhan, “Angoi anugalaiake galaiakenen kalotoakenen nenda? Logau bagim amusoga katubukKu ka polak, kele nganga sipugegerei masittiddou pasiliat. 11Tutelei le ekeu pat taioinangan nupasikeli minca polak. Polak nenda aipotpotnan logau bagim, kelean le ainga'ngaake le ngungunia polak masisilo logau bagim nenda kateteret anumateiakenia. 12Ke'bai mangurep ekeu, polak ta'ibubuaake aponia pa'; ibailiu le geti ekeu sipujajaujau sita'anai kudduat ka polak.”
13Iageti kuanangan si Kain kai Tuhan, “Ukuman nenda masanean le, ta'momoi kubairatnia. 14Nutuituiake le aku ka polak nene, samba tuareu kabebeNu. Ibailiu le geti aku sipujajaujau sita'anai kudduat ka polak samba ramateiake le geti aku senen sipasisese' aku.”
15Tapoi kuanangan si Tuhan, “Taa. Ke'bai ramateiake ekeu, iageti sibailiu pasiliat, pitu sirimanua samba leu sipamamatei nenda tumateiake leu geti.” Lepa geti kaunangan toggaiat si Tuhan kai Kain bule kasei ipaseseakenia ta'ramateiakenia. 16Iageti tuitui si kain kabebet Tuhan samba kuddunnia ka polak sipuoni “Pujaujagat” ka isit kabelaiat sulu Eden.
Muntogat Kain, Set samba Enos
17Si Kain samba sinanalepnia bara togatda simanteu, tukau oninia si Henokh. Lepa geti rioakenangan si Kain sara laggai samba laggai nenda ioniakenia siripot onin togania nenda. 18Si Henokh ukkui Irad. Si Irad ukkui Mehuyael. Mehuyael ukkui Mutusael samba Mutusael iate ukkui Lemekh. 19Si Lamekh ai rua sinanalepnia, si Ada samba si Zila. 20Si Ada masitu'tuake matat Jabal samba muntogat Jabal iate bangsa sipasikeli tarimeu samba sipukukuddu ka sapou. 21Bagit Jabal sipuoni si Jubal samba muntogat Jubal iate sipasinanauake kateuba', kecapi samba sulin. 22Si Zila masitu'tuake matat Tubal-Kain samba muntogatnia masigalai senengamata pugalai sibara ka tembaga samba laba'. Bagit Tubal-Kain sinanalep oninia si Naama.
23Kuanangan si Lamekh ka sinanalepnia,
“Si Ada samba si Zila, arepmake kam!
Akumateiakean sara silainge kalulut aibo'bo aku.
24Ke'bai pitu sirimanua tumateiake masisiliake pamateiat Kain,
iageti pitu pulu pitu sirimanua tumamateiake ke' tumateiake aku.”
25Si Adam samba sinanalepnia bara minca sara toga simanteu. Kuanangan si Eba, “Aiakean kaku Taikamanua toga simanteu sibailiu silit Habel, simateiakenen Kain.” Iageti si Eba ioniake toga nenda si Set. 26Si Set ai togania simanteu ikau oninia si Enos. Kateteret nenda rataddaake sirimanua masikua onin Tuhan ke'bai manindou.
@LAI 2015