Luk 6
6
Zezu ni Kunwu we vusa ve idzundu
1Vusa ve idzundu votu, Zezu alinanga mekuba me mesangwe bane bebingi bedzi. Bebingi bedzi bavuneka mesangwe, banyukule mesangwe ne mekaka badza. 2Batu be Falizi ne bangu ati: «Ye beyi bipika tu vusa ve idzundu ni yi? Beyi nde yiba ati, yedzi ne tsila.» 3Ye Zezu ekalule ne bangu ati: «Beyi besande tangala, se buma ye betende ati, Davidi ne bedze ne sukudze wangu nzala ye kwata bangu, 4Davidi anyindzile se ndaku ye Nzambi, aboko pembe ye bekaba Nzambi, adza bane bedze ne sukudze wangu. Ni bituka dza pembe yayu, si bekabi be bisemi bye Nzambi.» 5Zezu avele tanda ne bangu ati: «Me we yikwene Mutu, me ni Kunwu we vusa ve idzundu.»
Zezu asaka mutu wedzi ne leme se boko
6Vusa voko ve idzundu, Zezu anyindzile se ndaku ye umbondu ne ulakise. Yedze ne mutu wedze ne leme se boko ye sangwe. 7Belakisi be bitsila ne batu be Falizi bedze ne waya, ne uyene ati, Zezu atse saka mutu vusa ve idzundu, ne bangu bifumba bomo mbingu ye upita Zezu. 8Ni Zezu eyiba metsimini me bangu. Zezu ne mutu widzi ne leme se boko ye sangwe ati: «Telime, dzewa busu ve batu besi.» Ye mutu etelime busu ve batu besi. 9Zezu ne bangu ati: «Mesunwule beyi dzamvu dzotu, ye bituka pika vusa ve idzundu niyi? Mamvu meve na mamvu mebi? Usaka mutu na ubuuma wangu.» 10Zezu awaya bangu besi, yedzi etanda ne mutu mene ati: «Sinvile boko.» Mutu asinvile boko, ne boko ya lunga. 11Bekunwu bebitsila ne batu be Falizi bakanve kate kanve amene. Ye bangu bewowe tima ye bangu ati: «Ni bebe baki pika ne Zezu yu ni vi!»
Zezu atobo betuma bedzi iku ne bole
12Ndili mene yayu Zezu abita kule kudzi ne ubondo, yedzi ebondo Nzambi pindzi yesi. 13Vusa ve senwen Zezu abanga bebingi bedzi, atobo tima ye bangu batu iku ne bole, bedzi eluka ku nvu ye betuma bedzi. 14Yenayi me kumvu me betuma be Zezu. Simon wedzi eluka kumvu ye Pyeli, nwandzi wedzi Andele, Zaaki, Zan, Filipi, Batelemi. 15Matye, Toma, Zaaki nwana we Alife ne Simon witondo dzandza. 16Zudee nwana we Zaaki ne Zuda Isikaliyoti witse sumbise Zezu.
Zezu alakise batu, asaka ne mibedzu
17Zezu asundaka kudzi bane betuma bedzi, basita se lindebe, buma yedze ne bebingi bedzi beyitsi. Yedze ne batu beyitsi be Zudee, se ngundu ye Zeluzalemi ne be bingundu bye Tili ne Sidoni. Ngundu ye Tili ne ye Sidoni, byedze ni unkolo nwen limeli. 18Batu baya yuka Zezu, baya saka ne menyulu me bangu. Zezu asaka ne bedze ne mimbiti. 19Batu besi bafumba betime nedzi, ne singa yedze ne pula se nyulu yedzi, ne usaka mibedzu myesi.
Itsisa ne ndoko
20Zezu awaya bebingi bedzi, ne bangu ati:
«Itsisa ne beyi bidzi ne unkuuna,
ne Ukani ve Nzambi ni ve beyi!
21Itsisa ne beyi bidzi nzala lolo,
ne beyi betse yula,
itsisa ne beyi bilila lolo,
ne beyi betse sewe!»
22Itsisa ne beyi, ndili ye batu biwunda beyi, ye batu bilewe beyi, ye batu bitukene beyi, ye bitanda beyi mamvu mebi, utsina nami we yikwene Mutu. 23Tsisayi, tambayi ndili ye mamvu mamu mitse ya, ni Nzambi atse kaba beyi mewuta meneni ikulu, ne bekoko be bangu bedze ne nyokile Batu be Nzambi si vavu.
24«Ni ndoko ne beyi bidzi ne untamvu,
ne beyi bamana bomo untamvu! 25Ndoko ne beyi bidzi ne byesi lolo, ni nzala yetse kwata beyi! Ndoko ne beyi bisewe lolo, beyi betse dze se ubi, ne beyi betse lila!»
26«Ndoko ne beyi ti batu besi bakakise beyi, ne bekoko be bangu bedze ne pika si vavu ne Batu be Nzambi be undzuma.»
Tondo biwunda we
27«Ni me tanda ne beyi, biyuka me, tondayi biwunda beyi, pikayi ma nvu meve ne batu bende tondo beyi. 28Kabayi batu biwunda beyi meve, bondayi Nzambi ne batu bipanda beyi. 29Mutu ti adama we se ibuka dzotu, walaka wangu ne dzoko. Mutu ti apinule we ingoyi dzineni, wakaba wangu ne dzite. 30Kaba paka si mutu widzuka we yila, ni mutu ti aboko we yila we nde sunwunle. 31Pikayi boko me beyi bitondo ati, bepika ne beyi. 32Beyi ti batondo si bitondo beyi, beyi nde buka ati betse vutise beyi live, ni ne batu bidzi ne mesumu betondo si bitondo bangu. 33Ni beyi ti bapika mamvu meve ne batu bipika beyi meve, nde wivutise beyi live, ne batu bidzi ne mesumu bepika si vavu. 34Ni beyi ti babikise bedolo ne batu bitse vutise beyi, nde witse vutise beyi live. Ne batu bidzi ne mesumu bebikise si bidzi ne mesumu nda bangu, ne bangu bivutise bangu si nvunu mene mbotu. 35Ni tondayi biwunda beyi, pikayi bangu mamvu meve, bikisayi bangu bedolo, beyi nde somo ivukidze ati, bangu betuka vutise beyi bedolo. Yayu beyi betse bomo mewuta meneni, beyi betse yikwe bana be Nzambi we ikulu amene. Wangu adzi umve ne batu bende vutise wangu live, ne, ne batu benzulu. 36Dzayi ne tsesi ye batu nda ye Tata we beyi.»
Dzikayi pama boko
37«Dzikayi pama boko, ne Nzambi ndetse pama beyi, beyi nde kwise boko mikwaka, ne Nzambi ndetse kwise beyi mikwaka. Bolokayi boko, ne Nzambi aboloko beyi. 38Kabayi boko, ne Nzambi atse kaba beyi, betse lundise membele me beyi bata matakuse. Ne Nzambi atse kaba beyi nda beyi bikaba boko.» 39Zezu avele te bangu ngana mboko ati: «Mutu we misa pii, nde tuka bapa moko we misa pii nda wangu. Toko bangu besi bole bana nwen se ibila. 40umbingi nde tuka takwe Kunwu, ni umbingi we belakise umve umve, atse dze nda Kunwu. 41Yowe iwaya lisawule lidzi se dzisa dze moko, ni we nde yene liyi ye lipayi lidzi se dzisa dzowe. 42Yowe itanda ne nwana mama witi: “Yaka me nanguse we lisawule lidzi se dzisa dzowe”. Ni we nde yene liyi ye lipayi lidzi se dzisa dzowe? Umpyeli nwowe nwanwu, banda nanguse liyi ye lipayi lidzi se dzisa dzowe, yayu weyene tselele, ne unanguse lisawule lidzi se dzisa dze nwana mama.»
Nwili ne mbulu yedzi
43«Nwili unve nde buta mbulu yimbi, ne nwili wibi nde buta mbulu yi nve. 44Beyiba nwili umve ni ne mbulu ye figye. Nde tolo sawu kule bikaka bye mesendule, nde tolongo mboloko sina misambi. 45Mutu widzi ne mamvu meve, awowe ni mamvu me nve, nedzi idzi ne unlima unve. Mutu widzi ne mamvu me bi, awowe ni mamvu me bi, nedzi idzi ne unlima umbi. Manvu me mutu iwowe, melaka midzi se unlima nwedzi.»
Mendaku mole
46Zezu avele tanda ati: «Beyi bebanga me, Kunwu, Kunwu, ni beyi nde pika mami itanda ni yi? 47Mutu wibinga me, wiyuka mami itanda, ne ukuuna me, yenayi wedzi itala. 48Wangu atala ni mutu witunga ndaku, wangu alima sendze duu, asomo memanya atunga ndaku kule memanya. Mvula we uneni ti anon, tunda ya ya, mangu me unsulu ma kumvele ndaku, ni ndaku yayu nde tuka nyingene ne betunga yangu unve. 49Ni wiyuka mami itanda, ti nde pika mangu, yenayi we dzi itala. Wangu atala ni mutu witunga ndaku nde lima ibila. Ye mangu me unsulu miya ye mangu mibula ndaku, ye ndaku yi nanwen, ye yangu yi tsalive yesi.»
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Luk 6
6
Zezu ni Kunwu we vusa ve idzundu
1Vusa ve idzundu votu, Zezu alinanga mekuba me mesangwe bane bebingi bedzi. Bebingi bedzi bavuneka mesangwe, banyukule mesangwe ne mekaka badza. 2Batu be Falizi ne bangu ati: «Ye beyi bipika tu vusa ve idzundu ni yi? Beyi nde yiba ati, yedzi ne tsila.» 3Ye Zezu ekalule ne bangu ati: «Beyi besande tangala, se buma ye betende ati, Davidi ne bedze ne sukudze wangu nzala ye kwata bangu, 4Davidi anyindzile se ndaku ye Nzambi, aboko pembe ye bekaba Nzambi, adza bane bedze ne sukudze wangu. Ni bituka dza pembe yayu, si bekabi be bisemi bye Nzambi.» 5Zezu avele tanda ne bangu ati: «Me we yikwene Mutu, me ni Kunwu we vusa ve idzundu.»
Zezu asaka mutu wedzi ne leme se boko
6Vusa voko ve idzundu, Zezu anyindzile se ndaku ye umbondu ne ulakise. Yedze ne mutu wedze ne leme se boko ye sangwe. 7Belakisi be bitsila ne batu be Falizi bedze ne waya, ne uyene ati, Zezu atse saka mutu vusa ve idzundu, ne bangu bifumba bomo mbingu ye upita Zezu. 8Ni Zezu eyiba metsimini me bangu. Zezu ne mutu widzi ne leme se boko ye sangwe ati: «Telime, dzewa busu ve batu besi.» Ye mutu etelime busu ve batu besi. 9Zezu ne bangu ati: «Mesunwule beyi dzamvu dzotu, ye bituka pika vusa ve idzundu niyi? Mamvu meve na mamvu mebi? Usaka mutu na ubuuma wangu.» 10Zezu awaya bangu besi, yedzi etanda ne mutu mene ati: «Sinvile boko.» Mutu asinvile boko, ne boko ya lunga. 11Bekunwu bebitsila ne batu be Falizi bakanve kate kanve amene. Ye bangu bewowe tima ye bangu ati: «Ni bebe baki pika ne Zezu yu ni vi!»
Zezu atobo betuma bedzi iku ne bole
12Ndili mene yayu Zezu abita kule kudzi ne ubondo, yedzi ebondo Nzambi pindzi yesi. 13Vusa ve senwen Zezu abanga bebingi bedzi, atobo tima ye bangu batu iku ne bole, bedzi eluka ku nvu ye betuma bedzi. 14Yenayi me kumvu me betuma be Zezu. Simon wedzi eluka kumvu ye Pyeli, nwandzi wedzi Andele, Zaaki, Zan, Filipi, Batelemi. 15Matye, Toma, Zaaki nwana we Alife ne Simon witondo dzandza. 16Zudee nwana we Zaaki ne Zuda Isikaliyoti witse sumbise Zezu.
Zezu alakise batu, asaka ne mibedzu
17Zezu asundaka kudzi bane betuma bedzi, basita se lindebe, buma yedze ne bebingi bedzi beyitsi. Yedze ne batu beyitsi be Zudee, se ngundu ye Zeluzalemi ne be bingundu bye Tili ne Sidoni. Ngundu ye Tili ne ye Sidoni, byedze ni unkolo nwen limeli. 18Batu baya yuka Zezu, baya saka ne menyulu me bangu. Zezu asaka ne bedze ne mimbiti. 19Batu besi bafumba betime nedzi, ne singa yedze ne pula se nyulu yedzi, ne usaka mibedzu myesi.
Itsisa ne ndoko
20Zezu awaya bebingi bedzi, ne bangu ati:
«Itsisa ne beyi bidzi ne unkuuna,
ne Ukani ve Nzambi ni ve beyi!
21Itsisa ne beyi bidzi nzala lolo,
ne beyi betse yula,
itsisa ne beyi bilila lolo,
ne beyi betse sewe!»
22Itsisa ne beyi, ndili ye batu biwunda beyi, ye batu bilewe beyi, ye batu bitukene beyi, ye bitanda beyi mamvu mebi, utsina nami we yikwene Mutu. 23Tsisayi, tambayi ndili ye mamvu mamu mitse ya, ni Nzambi atse kaba beyi mewuta meneni ikulu, ne bekoko be bangu bedze ne nyokile Batu be Nzambi si vavu.
24«Ni ndoko ne beyi bidzi ne untamvu,
ne beyi bamana bomo untamvu! 25Ndoko ne beyi bidzi ne byesi lolo, ni nzala yetse kwata beyi! Ndoko ne beyi bisewe lolo, beyi betse dze se ubi, ne beyi betse lila!»
26«Ndoko ne beyi ti batu besi bakakise beyi, ne bekoko be bangu bedze ne pika si vavu ne Batu be Nzambi be undzuma.»
Tondo biwunda we
27«Ni me tanda ne beyi, biyuka me, tondayi biwunda beyi, pikayi ma nvu meve ne batu bende tondo beyi. 28Kabayi batu biwunda beyi meve, bondayi Nzambi ne batu bipanda beyi. 29Mutu ti adama we se ibuka dzotu, walaka wangu ne dzoko. Mutu ti apinule we ingoyi dzineni, wakaba wangu ne dzite. 30Kaba paka si mutu widzuka we yila, ni mutu ti aboko we yila we nde sunwunle. 31Pikayi boko me beyi bitondo ati, bepika ne beyi. 32Beyi ti batondo si bitondo beyi, beyi nde buka ati betse vutise beyi live, ni ne batu bidzi ne mesumu betondo si bitondo bangu. 33Ni beyi ti bapika mamvu meve ne batu bipika beyi meve, nde wivutise beyi live, ne batu bidzi ne mesumu bepika si vavu. 34Ni beyi ti babikise bedolo ne batu bitse vutise beyi, nde witse vutise beyi live. Ne batu bidzi ne mesumu bebikise si bidzi ne mesumu nda bangu, ne bangu bivutise bangu si nvunu mene mbotu. 35Ni tondayi biwunda beyi, pikayi bangu mamvu meve, bikisayi bangu bedolo, beyi nde somo ivukidze ati, bangu betuka vutise beyi bedolo. Yayu beyi betse bomo mewuta meneni, beyi betse yikwe bana be Nzambi we ikulu amene. Wangu adzi umve ne batu bende vutise wangu live, ne, ne batu benzulu. 36Dzayi ne tsesi ye batu nda ye Tata we beyi.»
Dzikayi pama boko
37«Dzikayi pama boko, ne Nzambi ndetse pama beyi, beyi nde kwise boko mikwaka, ne Nzambi ndetse kwise beyi mikwaka. Bolokayi boko, ne Nzambi aboloko beyi. 38Kabayi boko, ne Nzambi atse kaba beyi, betse lundise membele me beyi bata matakuse. Ne Nzambi atse kaba beyi nda beyi bikaba boko.» 39Zezu avele te bangu ngana mboko ati: «Mutu we misa pii, nde tuka bapa moko we misa pii nda wangu. Toko bangu besi bole bana nwen se ibila. 40umbingi nde tuka takwe Kunwu, ni umbingi we belakise umve umve, atse dze nda Kunwu. 41Yowe iwaya lisawule lidzi se dzisa dze moko, ni we nde yene liyi ye lipayi lidzi se dzisa dzowe. 42Yowe itanda ne nwana mama witi: “Yaka me nanguse we lisawule lidzi se dzisa dzowe”. Ni we nde yene liyi ye lipayi lidzi se dzisa dzowe? Umpyeli nwowe nwanwu, banda nanguse liyi ye lipayi lidzi se dzisa dzowe, yayu weyene tselele, ne unanguse lisawule lidzi se dzisa dze nwana mama.»
Nwili ne mbulu yedzi
43«Nwili unve nde buta mbulu yimbi, ne nwili wibi nde buta mbulu yi nve. 44Beyiba nwili umve ni ne mbulu ye figye. Nde tolo sawu kule bikaka bye mesendule, nde tolongo mboloko sina misambi. 45Mutu widzi ne mamvu meve, awowe ni mamvu me nve, nedzi idzi ne unlima unve. Mutu widzi ne mamvu me bi, awowe ni mamvu me bi, nedzi idzi ne unlima umbi. Manvu me mutu iwowe, melaka midzi se unlima nwedzi.»
Mendaku mole
46Zezu avele tanda ati: «Beyi bebanga me, Kunwu, Kunwu, ni beyi nde pika mami itanda ni yi? 47Mutu wibinga me, wiyuka mami itanda, ne ukuuna me, yenayi wedzi itala. 48Wangu atala ni mutu witunga ndaku, wangu alima sendze duu, asomo memanya atunga ndaku kule memanya. Mvula we uneni ti anon, tunda ya ya, mangu me unsulu ma kumvele ndaku, ni ndaku yayu nde tuka nyingene ne betunga yangu unve. 49Ni wiyuka mami itanda, ti nde pika mangu, yenayi we dzi itala. Wangu atala ni mutu witunga ndaku nde lima ibila. Ye mangu me unsulu miya ye mangu mibula ndaku, ye ndaku yi nanwen, ye yangu yi tsalive yesi.»
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES