BOTHUBO 6
6
Ayeghi lo Amikuchokumo Ikowove
1Kughou ayeghi lo kiptimi kughuko thuve eno totimi kutomo punuve keno, 2Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu. 3Tileno Ampeu no pi, “I Ghungu ye pülhapuju timi lolo achemo nani, kughengu pa ye ashike: pa do-ghuloki ye ampe 120 shi nani.” 4Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.
5 Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie. 6Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve. 7Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.” 8Ikemu Noah ye Ampeu zülo amlokiqi shilue.
Noah eno Züqo
9Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike. 10Noah ye anu küthü ache, Shem, Ham eno Japheth.
11Tipa ghuloki lo ayeghiqha ye Alhou nhethe lo küsaküghapu shive, eno hekiqhi ghikiqhi no chhitoive. 12Julo, ayeghiqha shiküpsapu shi akeu Alhou no ithulu, kughengu ayeghiqha lo timi lhoxü kümtsü no pano laghi küsaküghapu shiveke. 13Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani. 14O ghenguno süchosü pesü ashuka lakhi mlalo. Ashuka lo acheboqo mlalo, eno ata no alou ngo ashou mekhalo. 15Hipau ghola lono mlalo: ashuka ye akushulau auxakuchho 133, akijelau auxakuchho 22 eno akiqhelau auxakuchho 13. 16Ashuka lo nhakepu mlalo, tipa shou aunhekipshe lakhi tüxa lono akighipe shelo, eno ajibo lono ashuka hukikha mlalo. Aki jolha aqhou, amtau eno kunguu mlalo. 17Kughengu julo, atsütsü qholo timi lhoxü aküxü tuthu akeqo kümtsü kütsave nike ayeghi lo I no züqozü süghi nani. Ayeghi lo akeu thaqhü ye thive nani. 18Ikemu I no o sasü Iw puloshoqhi shi nani, no ye ashuka lo iloveni, o nuliqo, o nipu, eno o mulimi ghi o gholo iloni. 19Eno o gholono aküxüküa lhoxü jeli kümtsü püxü nike ghenguno kinini atüna shi atsüaqu ashuka lo saghilo. 20Aghauqo eno tüghashiqo ghi ajeli kiqi lono, ayeghi lo itikiche kümtsü ajeli kiqi lono tipaqo püxüpe qhinike ghenguno kinini atüna shi o gholo iloni. 21Achuqupu jeli ghi kiu chucheni keno kümtsü o gholo pelo eno pekütsü lo. Tipaqo no o ghenguno eno panoqo ghenguno achuqupu shi nani.” 22Noah no tipau shive; Alhou no azah tsükeu kümtsü pa no shie.
The Bible Society of India
© 2023, Used by permission. All rights reserved. More
BOTHUBO 6
6
Ayeghi lo Amikuchokumo Ikowove
1Kughou ayeghi lo kiptimi kughuko thuve eno totimi kutomo punuve keno, 2Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu. 3Tileno Ampeu no pi, “I Ghungu ye pülhapuju timi lolo achemo nani, kughengu pa ye ashike: pa do-ghuloki ye ampe 120 shi nani.” 4Kughou Alhou nuliqo no timi ngaqo lau ighi no atianuli shi keno, tipa ghuloki lo eno tithiu ghi Nephilimqo ye ayeghi lo ache. Hipaqo ye khaghi lo timi akumtomi eno ajekipimi.
5 Ampeu no ayeghi lo timiw küsakügha kije ithulu, eno pano kükümsü kupulo ye alhokuthu lo küsakügha likhie. 6Ampeu ye Pa no ayeghi lo timi lhopheke ghenguno kümsü chileve, eno tino Pa mlo ghimeve. 7Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.” 8Ikemu Noah ye Ampeu zülo amlokiqi shilue.
Noah eno Züqo
9Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike. 10Noah ye anu küthü ache, Shem, Ham eno Japheth.
11Tipa ghuloki lo ayeghiqha ye Alhou nhethe lo küsaküghapu shive, eno hekiqhi ghikiqhi no chhitoive. 12Julo, ayeghiqha shiküpsapu shi akeu Alhou no ithulu, kughengu ayeghiqha lo timi lhoxü kümtsü no pano laghi küsaküghapu shiveke. 13Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani. 14O ghenguno süchosü pesü ashuka lakhi mlalo. Ashuka lo acheboqo mlalo, eno ata no alou ngo ashou mekhalo. 15Hipau ghola lono mlalo: ashuka ye akushulau auxakuchho 133, akijelau auxakuchho 22 eno akiqhelau auxakuchho 13. 16Ashuka lo nhakepu mlalo, tipa shou aunhekipshe lakhi tüxa lono akighipe shelo, eno ajibo lono ashuka hukikha mlalo. Aki jolha aqhou, amtau eno kunguu mlalo. 17Kughengu julo, atsütsü qholo timi lhoxü aküxü tuthu akeqo kümtsü kütsave nike ayeghi lo I no züqozü süghi nani. Ayeghi lo akeu thaqhü ye thive nani. 18Ikemu I no o sasü Iw puloshoqhi shi nani, no ye ashuka lo iloveni, o nuliqo, o nipu, eno o mulimi ghi o gholo iloni. 19Eno o gholono aküxüküa lhoxü jeli kümtsü püxü nike ghenguno kinini atüna shi atsüaqu ashuka lo saghilo. 20Aghauqo eno tüghashiqo ghi ajeli kiqi lono, ayeghi lo itikiche kümtsü ajeli kiqi lono tipaqo püxüpe qhinike ghenguno kinini atüna shi o gholo iloni. 21Achuqupu jeli ghi kiu chucheni keno kümtsü o gholo pelo eno pekütsü lo. Tipaqo no o ghenguno eno panoqo ghenguno achuqupu shi nani.” 22Noah no tipau shive; Alhou no azah tsükeu kümtsü pa no shie.
The Bible Society of India
© 2023, Used by permission. All rights reserved. More