TA KƏLA 8
8
1Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī. 2Nə́ɓā utə̄ ta kəɓa man̄ kə́ nang tə́ gə̄ kɔ̄ɔ́ ō, ta kār̄ man̄ kə́ dɔɔ́ gə̄ kɔ̄ɔ́ ō. Man̄ kə́ dɔɔ́ edə to̰ alé, 3adə̄ kə́ nang tə́ gə̄ a iīn̄ i mbée. I kə ndɔ̄ kə́ nge ko̰ ɓú kə kutə mí n man̄ əlań gír kiī ní. 4Ndɔ̄ kə́ nge ko̰ kutə gidə i sīrí yā nāā kə́ nge ko̰ sīrí anī, to bo dəba dɔ mbal̄ Ararat tə́. 5Man̄ iī bátə́ ugə̄ nāā kə́ nge ko̰ kutə tə́. Kə ndɔ̄ kə́ ta kəga dɔ yā nāā kə́ nge ko̰ kutə anī, dɔ mbal̄ gə̄ teēn̄ ndágá.
6Rāā ndɔ̄ kutə sɔ́ anī, Noe teē ta ko̰rō̰ kújə ń ni rāā tū to bo tə́ ní. 7Ni əya̰ ká̰ā̰ dɔɔ́ adə̄ teē. Ká̰ā̰ aw̄ ō, tél ō, bátə́ kadə̄ man̄ iīń kɔ̄ɔ́ malang dɔ nang tə́. 8Gō tə́ anī, Noe əya̰ dér ndaa dɔɔ́ ō, yā ka̰a̰ń ké man̄ iī dɔ nang tə́ kɔ̄ɔ́ wa. 9Banī dér ndaa ənge loo kə́ yā jə̄ngā tū tə́ alé adə̄ tél dɔ tə́, tām̄ man̄ kə́ i ngá̰ý dɔ nang tə́ tə́ ɓáý. Noe əla jīn əhɔnəń kə̄ rɔ̄n tə́ gogə́ kem toó. 10Ni ngóō ndɔ̄ sīrí ba əya̰ dér ndaa ní dɔɔ́ ɓáý to̰. 11Ta loo tíbə́ tə́ anī, dér ndaa ní tél reē gogə́ rɔ̄ Noe tə́, ba əhɔ mbī kāgə̄ olibə tan tə́. Loo ń noō tə́ Noe ger̄ kadə̄ man̄ iī dɔ nang tə́ kɔ̄ɔ́. 12Ni ngóō ndɔ̄ sīrí ɓáý to̰ tá əya̰ dér ndaa ní dɔɔ́, ba dér ndaa ní tél reē gogə́ rɔ̄n tə́ to̰ alé.
13Kə ndɔ̄ kə́ kété yā nāā kə́ ta kəga dɔ kə́ kem ɓāl̄ ń ɓāl̄ Noe i ɓú mehḛ́ kə kalən kə́ kógə̄ḿ tə́ ní, man̄ iī dɔ nang tə́ kɔ̄ɔ́. Noe tútə dɔ to bo ba a̰a̰ loo kə̄ ndágá anī, dɔ nang i kə́ tutə kɔ̄ɔ́ malang. 14Dɔ nang tutə kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ jōó.
15Anī Nə́ɓā əda Noe na:
16Ī-teē kɔ̄ɔ́ kem toó, ḭ̄ ō, nə̄yá̰í ō, ngání gə̄ ō, umií gə̄ ō. 17Ādə̄ gír dā̰ gə̄ malang ń i seí ní teēn̄: Yel̄ gə̄ ō, dā̰ kə́ bo gə̄ ō, kə́ dūú gə̄ ō. Ādə̄ tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ba ojən̄ naā kadə̄ bəlan̄. 18Anī Noe teēn̄ kə ngánən gə̄ ō, nə̄yá̰n ō, umən gə̄ ō. 19Gō tə́ anī dā̰ gə̄gē yel̄ gə̄gē ngán dā̰ kə́ kagə nang tə́ gə̄gē teēn̄ malang kə gō gíŕdə́ gēé.
20Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē. 21Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.
22Dubə̄ kōō ō, kəja kōō ō,
kūl̄ ō, loo təngā ō,
ɓāl̄ ō, ɓar ō,
loo kə́ ndɔ̄ɔ́ ō, loo kə́ kadaá ō,
a ton̄ i mbée bátə́ kadə̄ dɔ nang gətóoń.
Bibəl ta Sar̄ © L'Alliance Biblique du Tchad, 2006, 2010.
TA KƏLA 8
8
1Anī əga kem Nə́ɓā dɔ Noe tə́ ō, dɔ dā̰ kə́ bembeé gə̄ tə́ ō, kə́ ɓēé gə̄ tə́ ō ń nin̄ i seneé kem toó ní. Adə̄ ni-rāā adə̄ nél əla dɔ nang tə́ adə̄ man̄ iī. 2Nə́ɓā utə̄ ta kəɓa man̄ kə́ nang tə́ gə̄ kɔ̄ɔ́ ō, ta kār̄ man̄ kə́ dɔɔ́ gə̄ kɔ̄ɔ́ ō. Man̄ kə́ dɔɔ́ edə to̰ alé, 3adə̄ kə́ nang tə́ gə̄ a iīn̄ i mbée. I kə ndɔ̄ kə́ nge ko̰ ɓú kə kutə mí n man̄ əlań gír kiī ní. 4Ndɔ̄ kə́ nge ko̰ kutə gidə i sīrí yā nāā kə́ nge ko̰ sīrí anī, to bo dəba dɔ mbal̄ Ararat tə́. 5Man̄ iī bátə́ ugə̄ nāā kə́ nge ko̰ kutə tə́. Kə ndɔ̄ kə́ ta kəga dɔ yā nāā kə́ nge ko̰ kutə anī, dɔ mbal̄ gə̄ teēn̄ ndágá.
6Rāā ndɔ̄ kutə sɔ́ anī, Noe teē ta ko̰rō̰ kújə ń ni rāā tū to bo tə́ ní. 7Ni əya̰ ká̰ā̰ dɔɔ́ adə̄ teē. Ká̰ā̰ aw̄ ō, tél ō, bátə́ kadə̄ man̄ iīń kɔ̄ɔ́ malang dɔ nang tə́. 8Gō tə́ anī, Noe əya̰ dér ndaa dɔɔ́ ō, yā ka̰a̰ń ké man̄ iī dɔ nang tə́ kɔ̄ɔ́ wa. 9Banī dér ndaa ənge loo kə́ yā jə̄ngā tū tə́ alé adə̄ tél dɔ tə́, tām̄ man̄ kə́ i ngá̰ý dɔ nang tə́ tə́ ɓáý. Noe əla jīn əhɔnəń kə̄ rɔ̄n tə́ gogə́ kem toó. 10Ni ngóō ndɔ̄ sīrí ba əya̰ dér ndaa ní dɔɔ́ ɓáý to̰. 11Ta loo tíbə́ tə́ anī, dér ndaa ní tél reē gogə́ rɔ̄ Noe tə́, ba əhɔ mbī kāgə̄ olibə tan tə́. Loo ń noō tə́ Noe ger̄ kadə̄ man̄ iī dɔ nang tə́ kɔ̄ɔ́. 12Ni ngóō ndɔ̄ sīrí ɓáý to̰ tá əya̰ dér ndaa ní dɔɔ́, ba dér ndaa ní tél reē gogə́ rɔ̄n tə́ to̰ alé.
13Kə ndɔ̄ kə́ kété yā nāā kə́ ta kəga dɔ kə́ kem ɓāl̄ ń ɓāl̄ Noe i ɓú mehḛ́ kə kalən kə́ kógə̄ḿ tə́ ní, man̄ iī dɔ nang tə́ kɔ̄ɔ́. Noe tútə dɔ to bo ba a̰a̰ loo kə̄ ndágá anī, dɔ nang i kə́ tutə kɔ̄ɔ́ malang. 14Dɔ nang tutə kə ndɔ̄ kə́ nge ko̰ kutə jōó gidə i sīrí yā nāā kə́ nge ko̰ jōó.
15Anī Nə́ɓā əda Noe na:
16Ī-teē kɔ̄ɔ́ kem toó, ḭ̄ ō, nə̄yá̰í ō, ngání gə̄ ō, umií gə̄ ō. 17Ādə̄ gír dā̰ gə̄ malang ń i seí ní teēn̄: Yel̄ gə̄ ō, dā̰ kə́ bo gə̄ ō, kə́ dūú gə̄ ō. Ādə̄ tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ba ojən̄ naā kadə̄ bəlan̄. 18Anī Noe teēn̄ kə ngánən gə̄ ō, nə̄yá̰n ō, umən gə̄ ō. 19Gō tə́ anī dā̰ gə̄gē yel̄ gə̄gē ngán dā̰ kə́ kagə nang tə́ gə̄gē teēn̄ malang kə gō gíŕdə́ gēé.
20Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē. 21Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.
22Dubə̄ kōō ō, kəja kōō ō,
kūl̄ ō, loo təngā ō,
ɓāl̄ ō, ɓar ō,
loo kə́ ndɔ̄ɔ́ ō, loo kə́ kadaá ō,
a ton̄ i mbée bátə́ kadə̄ dɔ nang gətóoń.
Bibəl ta Sar̄ © L'Alliance Biblique du Tchad, 2006, 2010.