Génesis 5
5
Adán omba'su dutssiyendeccu
1Va tsu Adán omba'su dutssiyendeccumbe inisema tevaen'cho. Chigaja a'ima agattoemba tsu tisia'caen agattoen. 2Toya'caen tsu tsandie, pushesuve agattoen. Agattoemba tise'pama ñotsse tsoña'chove afapa a'ive inisian.
3Adánjan ciento treinta canqque'fave an'bian'ni tise dutssi'ye Setve isu. Ñoa'me tsu tiseja tise yaya Adán'cañi. 4Omboe Adánjan faesu ochociento canqque'fave can'jemba ti'tsse tsu tsandie, pushesu du'shuve an'bian. 5Nane noveciento treinta canqque'fave can'jemba tsu pa.
6Setja ciento cinco canqque'fave an'bian'ni tise dutssi'ye Enósve isu. 7Omboe Setja faesu ochociento siete canqque'fave can'jemba ti'tsse tsu tsandie, pushesu du'shuve an'bian. 8Nane noveciento doce canqque'fave can'jemba tsu pa.
9Enósja noventa canqque'fave an'bian'ni tise dutssi'ye Cainánme isu. 10Omboe Enósja faesu ochociento quince canqque'fave can'jemba ti'tsse tsu tsandie, pushesu du'shuve an'bian. 11Nane noveciento cinco canqque'fave can'jemba tsu pa.
12Cainánjan setenta canqque'fave an'bian'ni tise dutssi'ye Mahalaleelve isu. 13Omboe Cainán faesu ochociento cuarenta canqque'fave can'jemba ti'tsse tsu tsandie, pushesu du'shuve an'bian. 14Nane noveciento diez canqque'fave can'jemba tsu pa.
15Mahalaleelja sesenta y cinco canqque'fave an'bian'ni tise dutssi'ye Jaredve isu. 16Omboe Mahalaleelja faesu ochociento treinta canqque'fave can'jemba ti'tsse tsu tsandie, pushesu du'shuve an'bian. 17Nane ochociento noventa y cinco canqque'fave can'jemba tsu pa.
18Jaredja ciento sesenta y dos canqque'fave an'bian'ni tise dutssi'ye Enocve isu. 19Omboe Jaredja faesu ochociento canqque'fave can'jemba ti'tsse tsu tsandie, pushesu du'shuve an'bian. 20Nane noveciento sesenta y dos canqque'fave can'jemba tsu pa.
21Enocja sesenta y cinco canqque'fave an'bian'ni tise dutssi'ye Matusalénme isu. 22Enocja ñoa'me Chiga in'janqquia'caen canse. Matusalénme isusi Enocja faesu tresciento canqque'fave tsa'caen can'jemba ti'tsse tsu tsandie, pushesu du'shuve an'bian. 23Nane Enocja tresciento sesenta y cinco canqque'fave can'jen. 24Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.
25Matusalénjan ciento ochenta y siete canqque'fave an'bian'ni tise dutssi'ye Lamecve isu. 26Omboe Matusalénjan faesu seteciento ochenta y dos canqque'fave can'jemba ti'tsse tsu tsandie, pushesu du'shuve an'bian. 27Nane noveciento sesenta y nueve canqque'fave can'jemba tsu pa.
28Lamecja ciento ochenta y dos canqque'fave an'bian'ni tise dutssi'yeve isu. 29Isusi tisema inisian Noéme. Nane Lamecja su: “Na'su Chiga andema egae tsonsi ñotsse sho'yombisi gi paya'ngae vanamba sema'jen'fa. Tsa'ma va du'shuja ingima ño'faen'su tsu ingi tive quimbisa'ne,” qquen supa du'shuma inisian Noéme. 30Noéme isusi Lamecja faesu quiniento noventa y cinco canqque'fave can'jemba ti'tsse tsu tsandie, pushesu du'shuve an'bian. 31Nane seteciento setenta y siete canqque'fave can'jemba tsu pa.
32Noéjan quiniento canqque'fave an'biamba du'siañe ashaemba tise dutssiyendeccu Sem, Cam, toya'caen Jafetve isu.
© 1998, Wycliffe Bible Translators, Inc. All rights reserved.