Génesis 15
15
Ñim Lo'onatac 'Enauacna naỹamaxate' so Abram
1Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta':
«Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»
2-3Qalaxaye so Abram 'enapeco':
«'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»
4Nache Ñim Nataxala' ỹasateguet somaye, 'eeta':
«Cam talec qome nam 'aralamaxatpi nacheca ca 'aralamaxat 'aỹa'alec, qaq saishet qome da talec ca ỹaqa'a.»
5Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta':
«Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»
6Qaq so Abram ỹa'amaqten co'ollaxa Ñim Nataxala', qaq ỹoqo'oye Ñim Nataxala' ỹaỹaten da somaye ỹataqta no'on da lataxac. 7Nache 'enapega somaye, 'eeta':
«Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»
8Qalaxaye so Abram 'enapeco':
«'Am Nataxala' qataq Atamnaxala', ¿ca 'eeteco' da saỹaten da ỹoqta 'eesa, da aỹem 'aỹa'anem qome ne'ena 'alhua?»
9Nache Ñim Lo'onatac 'Enauacna, 'enapega somaye, 'eeta':
«Aỹem 'andoua'a qome aca 'oonole huaca llale, aca 'oonole quetaq, qataq ca qagueta lhuaraic, maye ivi' tres vi'iye ñi 'oonolec, nataqa'en ca 'oonolec 'ollolec, qataq ca 'oonolec llalec na qoto'.»
10Nache so Abram iroua'a Ñim Lo'onatac 'Enauacna se'esoua shiguiỹac, qaq ichiguingui na laiñi ñi 'oonolec soomaye. Nache ñi 'oonolec laỹe ỹataxaateguet so lỹa laỹe, qalaxaye saishet da ichiigui na laiñi soua maỹo. 11Qaq so teguesanpi naỹogoña se'esoua shiguiỹac maye leuaxaiqa. Qalaxaye so Abram ỹo'ottague' somayepi. 12Qaq co'ollaq mashe napaltapiguiñi, nache so Abram ỹataqta do'ocheta. Qaq saqaỹaloq co'ollaxa da anac so lta'araic napalaxa, nache coleesop somaye, nache somaye ỹataqta ñi'i. 13Qaq huaña nache Ñim Nataxala' 'enapega somaye, 'eeta':
«'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi. 14Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa. 15Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi. 16Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»
17Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi. 18Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta':
«Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates. 19Qaq yem setaqtega nacheye ye na'alhua na queniitapi, quenezeopi, cadmoneopi, 20hitiitapi, ferezeopi, refaiitapi, 21amorreopi, cananeopi, gergeseopi, qataq na jebuseopi.»
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.
Génesis 15
15
Ñim Lo'onatac 'Enauacna naỹamaxate' so Abram
1Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta':
«Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»
2-3Qalaxaye so Abram 'enapeco':
«'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»
4Nache Ñim Nataxala' ỹasateguet somaye, 'eeta':
«Cam talec qome nam 'aralamaxatpi nacheca ca 'aralamaxat 'aỹa'alec, qaq saishet qome da talec ca ỹaqa'a.»
5Qaq huaña, nache Ñim Nataxala' ỹauegueuga so pa'auec so Abram, nache 'enapega, 'eeta':
«Ña 'auamato'ot na piguem, nache 'analoqten ana huaqaañipi, shapegueto' 'aushet da 'analoqten. Cha'aye 'era da 'eetec ye lcata qome ca 'aỹa'alaqpi.»
6Qaq so Abram ỹa'amaqten co'ollaxa Ñim Nataxala', qaq ỹoqo'oye Ñim Nataxala' ỹaỹaten da somaye ỹataqta no'on da lataxac. 7Nache 'enapega somaye, 'eeta':
«Aỹem nachaỹem Nataxala', Aỹem 'am ñeqateeguesop co'ollaxa ye Ur maye lma' na caldeopi, da yaqto' 'am sanem ne'ena 'alhua da 'aralamaxat.»
8Qalaxaye so Abram 'enapeco':
«'Am Nataxala' qataq Atamnaxala', ¿ca 'eeteco' da saỹaten da ỹoqta 'eesa, da aỹem 'aỹa'anem qome ne'ena 'alhua?»
9Nache Ñim Lo'onatac 'Enauacna, 'enapega somaye, 'eeta':
«Aỹem 'andoua'a qome aca 'oonole huaca llale, aca 'oonole quetaq, qataq ca qagueta lhuaraic, maye ivi' tres vi'iye ñi 'oonolec, nataqa'en ca 'oonolec 'ollolec, qataq ca 'oonolec llalec na qoto'.»
10Nache so Abram iroua'a Ñim Lo'onatac 'Enauacna se'esoua shiguiỹac, qaq ichiguingui na laiñi ñi 'oonolec soomaye. Nache ñi 'oonolec laỹe ỹataxaateguet so lỹa laỹe, qalaxaye saishet da ichiigui na laiñi soua maỹo. 11Qaq so teguesanpi naỹogoña se'esoua shiguiỹac maye leuaxaiqa. Qalaxaye so Abram ỹo'ottague' somayepi. 12Qaq co'ollaq mashe napaltapiguiñi, nache so Abram ỹataqta do'ocheta. Qaq saqaỹaloq co'ollaxa da anac so lta'araic napalaxa, nache coleesop somaye, nache somaye ỹataqta ñi'i. 13Qaq huaña nache Ñim Nataxala' 'enapega somaye, 'eeta':
«'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi. 14Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa. 15Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi. 16Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»
17Qaq co'ollaq mashe pe, qataq napalñi, nache yo'oq aso qatelaxanaxaqui maye nchetapiguisheguem, qataq aso ncoỹaraxanaxaqui 'ettaigui, nache quetapiguingui na laiñi soua shiguiỹac maye qaichiiguilo na laiñi. 18Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta':
«Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates. 19Qaq yem setaqtega nacheye ye na'alhua na queniitapi, quenezeopi, cadmoneopi, 20hitiitapi, ferezeopi, refaiitapi, 21amorreopi, cananeopi, gergeseopi, qataq na jebuseopi.»
Biblia Toba Qom, La'aqtaqa Ñim Lo'onatac 'Enauacna © Sociedad Bíblica Argentina, 2013.