KECHENG 22
22
Isaak Aphan Abraham Athok-kepapijisi Arnam Hukum Kepi
1Ajirdingklui aphi Abraham aphan Arnam asat-enlo; la aphan Alangli hang-lo, “Abraham!” Lapen Abraham thak-lo, “Pilo, nelidaksi dolo!”#Ibr 11.17-19
2“Nangsopo ponnon,” Arnam pulo, “Nangsopo po epumpet, Isaak, nang kechinghonnei abangphan ponnon, lapen Moriah adet damnon. Hadak Ne nang kepaklangji anglongpi athak, la Nephan athok nepinon.”#2 Phur 3.1
3Puthot adap karkliji aphan Abraham ajehak atheng thumlo, agadha arthang-lo, lapen Isaak aphan lapen banghini aban atum cheponlo. Alangliphan Arnam kethan adim aphan latum bar pangcheng-lo. 4Nithom arni heloving pen Abraham adim thek-long-lo. 5Anke alangli ban aphan la pulo, “Gadha penpen ladak donon. Hadak oso pen ne athak arludampo lapen archodampo, anke netum nanglong chevangthupo.”
6Karkliji aphan atheng Isaak aphansi Abraham paponlo, lapen alangli-methang ke isi atari lapen me kethorjisi me akri pon lo. Latum damrapchom ahut, 7Isaak pulo, “Po!”
Alangli thak-lo, “Kopilo, po?”
Isaak arjulo, “Nang me akri lapen thengpi dolo, ne thek-long-lo, bonta karkliji aphan biresak konat-lo?”
8Abraham thak-lo, “Arnam amethangsi ejon chevanpo.” Lapen latum banghini dam rapbomlo.
9Alangliphan Arnam kethan adim along latum nanglesi Abraham isi adovan builo, lapen la athak thengbat-lo. Asopo aphan alangli rak-het lo lapen dovan angsong theng athak batkok-lo,#Jem 2.21 10lapen laphan kepathijisi la tari humlo. 11Bonta Hemphu apherangke alangliphan ha sining pen hang-lo, “Abraham, Abraham!”
Alangli thak-lo, “Kopilo, ne daksido.”
12“Oso aphan arengpasori mate thangta klemri, “alangli pulo. “Non Ne chinilo, nang Arnam aphan man pi lapen kroi, pima nang sopo po epumpet ta Nephan kepidetji pen chebibe det-lo.”
13Abraham adung arei chelang-lo, lapen biresak alo ingsu ajo anu chingthang-lok thek-long-lo. Alangli damlo lapen la endamlo lapen asopo alar la kephrin athok pilo. 14Halaso adim “Hemphu si chevan,”#mate thek-longtang-lo pu amen irlo.
15Bataihini aphong sining pen Hemphu apherangke, Abraham aphan hang-lo, 16“Nemen pen Ne chechak-lo Hemphu-si ningjelo, Ne nangphan pahirmepikpo. Pima nang la klemlo, lapen nangsopo po epumpet ta Ne pen khangkhedet-lo,#Ibr 6.13-14 17sining angsong achiklolongso-heihei ason mate talo akung asangtimili ason nangso-nangsu ongdung nangkepiji aphan ne chechak-lo. Nangso-nangsu atum halatum ahotur atum aphan parempo.#Ibr 11.12 18Ne nangso-nangsu aphan kepahirjume apot ongdung akhei atum halatum aphan kepahirjume nangjisi latum Nephan hangpo-pima nang Nehukum kroilo.”#Akam 3.25 19Abraham aban atum along chedamthulo, lapen latum Abraham kedopathir adim, Beersheba anat damrappet-lo.
Nahor Aso-asu
20Ajirdingklui aphi Abraham chinilo, Milkah bang nerkep osomar akor Nahor aphan mahangpathek pilo: 21Uz aklengsi, la amu Buz, Aram apo Kemuel, 22Khesed, Hazo, Pildash, Jidlaph, lapen Bethuel, 23Rebeka apo. Abraham akor, Nahor aphan Milkah bangnerkep a-osomar amahang-pathek pilo. 24Reumah, Nahor ke-enpangtar apiso, Tebah, Gaham, Tahash, lapen Maakah amahang pathekpilo.
Karbi Holy Bible © Bible Society of India, 2010.
Used by permission. All rights reserved worldwide.
KECHENG 22
22
Isaak Aphan Abraham Athok-kepapijisi Arnam Hukum Kepi
1Ajirdingklui aphi Abraham aphan Arnam asat-enlo; la aphan Alangli hang-lo, “Abraham!” Lapen Abraham thak-lo, “Pilo, nelidaksi dolo!”#Ibr 11.17-19
2“Nangsopo ponnon,” Arnam pulo, “Nangsopo po epumpet, Isaak, nang kechinghonnei abangphan ponnon, lapen Moriah adet damnon. Hadak Ne nang kepaklangji anglongpi athak, la Nephan athok nepinon.”#2 Phur 3.1
3Puthot adap karkliji aphan Abraham ajehak atheng thumlo, agadha arthang-lo, lapen Isaak aphan lapen banghini aban atum cheponlo. Alangliphan Arnam kethan adim aphan latum bar pangcheng-lo. 4Nithom arni heloving pen Abraham adim thek-long-lo. 5Anke alangli ban aphan la pulo, “Gadha penpen ladak donon. Hadak oso pen ne athak arludampo lapen archodampo, anke netum nanglong chevangthupo.”
6Karkliji aphan atheng Isaak aphansi Abraham paponlo, lapen alangli-methang ke isi atari lapen me kethorjisi me akri pon lo. Latum damrapchom ahut, 7Isaak pulo, “Po!”
Alangli thak-lo, “Kopilo, po?”
Isaak arjulo, “Nang me akri lapen thengpi dolo, ne thek-long-lo, bonta karkliji aphan biresak konat-lo?”
8Abraham thak-lo, “Arnam amethangsi ejon chevanpo.” Lapen latum banghini dam rapbomlo.
9Alangliphan Arnam kethan adim along latum nanglesi Abraham isi adovan builo, lapen la athak thengbat-lo. Asopo aphan alangli rak-het lo lapen dovan angsong theng athak batkok-lo,#Jem 2.21 10lapen laphan kepathijisi la tari humlo. 11Bonta Hemphu apherangke alangliphan ha sining pen hang-lo, “Abraham, Abraham!”
Alangli thak-lo, “Kopilo, ne daksido.”
12“Oso aphan arengpasori mate thangta klemri, “alangli pulo. “Non Ne chinilo, nang Arnam aphan man pi lapen kroi, pima nang sopo po epumpet ta Nephan kepidetji pen chebibe det-lo.”
13Abraham adung arei chelang-lo, lapen biresak alo ingsu ajo anu chingthang-lok thek-long-lo. Alangli damlo lapen la endamlo lapen asopo alar la kephrin athok pilo. 14Halaso adim “Hemphu si chevan,”#mate thek-longtang-lo pu amen irlo.
15Bataihini aphong sining pen Hemphu apherangke, Abraham aphan hang-lo, 16“Nemen pen Ne chechak-lo Hemphu-si ningjelo, Ne nangphan pahirmepikpo. Pima nang la klemlo, lapen nangsopo po epumpet ta Ne pen khangkhedet-lo,#Ibr 6.13-14 17sining angsong achiklolongso-heihei ason mate talo akung asangtimili ason nangso-nangsu ongdung nangkepiji aphan ne chechak-lo. Nangso-nangsu atum halatum ahotur atum aphan parempo.#Ibr 11.12 18Ne nangso-nangsu aphan kepahirjume apot ongdung akhei atum halatum aphan kepahirjume nangjisi latum Nephan hangpo-pima nang Nehukum kroilo.”#Akam 3.25 19Abraham aban atum along chedamthulo, lapen latum Abraham kedopathir adim, Beersheba anat damrappet-lo.
Nahor Aso-asu
20Ajirdingklui aphi Abraham chinilo, Milkah bang nerkep osomar akor Nahor aphan mahangpathek pilo: 21Uz aklengsi, la amu Buz, Aram apo Kemuel, 22Khesed, Hazo, Pildash, Jidlaph, lapen Bethuel, 23Rebeka apo. Abraham akor, Nahor aphan Milkah bangnerkep a-osomar amahang-pathek pilo. 24Reumah, Nahor ke-enpangtar apiso, Tebah, Gaham, Tahash, lapen Maakah amahang pathekpilo.
Karbi Holy Bible © Bible Society of India, 2010.
Used by permission. All rights reserved worldwide.