Popular Bible Verses from Matyu 22

Share

Jisas namti lirpowoye, ‘ “Ise ma onom kerowo ili, le Ma Ili leise. Ise ma onom kerowo yire enke peise, singe peise, le ise ma onom kerowotei.’ Il lipi pinu pepei pe lipitei le pe teingipetei. Le il nemple teingipetei puwope piti pinu pepe pe pirpei polpepei, ‘Ise ma onom kerowo metine nele watafei ise onom kere isotei.’

Il lipi yeflipiye, pite Moses le pite mete emare, pe poluwepe il lipitei twinges fei pepei.”

Le Jisas lirpei il lapulu lolpepei, “Ma Ili laptei il pe mete wuru wolo mete yaipiye le keiniepe.”

Wem mete wuso pinu pa pepe le pe nou peilo, pe ma watafei ririm piti yuwei pepe le mete re nimoure ma paite nemple kolo olo.

Kusaiki erau liti ma yaltei watowo moli ili lepe.” Pe pila erau lepe pau watowo Jisas, le le lepleteiye, “Minele mati re nange lele so paitei pepei?” Pe namti pirpeiye, “Pe pite moli ili lite Rom.” Liso Jisas lirpepeye, “Iso, menemple pite moli ili lite Rom pele, ise ma pele watowo le menemple piti Ma Ili pele, ise ma pele watowo.”