Popular Bible Verses from 2 Corintios 7

Share

Jau chömöledö, böjȩ jojodö tjo̧'wo̧ tjo̧achi̧danö o̧'wo̧ tjo̧achakwawama, pjaatökö ji̧ chömöledö, sulabenö tjomukwati̧ tjöbalewachokobetjö̧ woawada ji̧. Jo̧kwaijayonö Dios ösödi̧danö o̧'wo̧ tjo̧achakwawama otiwa, sulabenö tjomukwati̧ tjöbalewachinö ji̧obetjö̧, ja̧danö tjö̧jibinö ja̧i̧.

Ja̧danö chömöledö, ja̧ wene Dios yöbawö ujuninobetjö̧, okobe jwiinö yȩdekwinö ja̧i̧ jawatjö didichawaduwo chömöledö, wamenö jojodö tjedi̧ jawatjöbi, okwanö jojodö tjedökö jawatjöbi, ja̧danö Diosnö yebabinö ja̧nö, bakwainö sulabe jwii̧ jawada isakwö dö̧jaduwo.

ja̧danö babema cho̧'wo̧ ösöwachibanö chomukwatobe ökwödönö. Chömöledö, kwo̧'wo̧ tjo̧achaduwi̧ wene omukwatö cho̧'wo̧ ösöwanöma chomukwatokobe, kwo̧'wo̧ tjo̧bekwö sulabenö kwomukwatinaduwa kabatibö kwöbalewachinaduwada cho̧'wo̧ ösöwachibanö chomukwatobe. Jau chömöledö, kwo̧'wo̧ tjo̧achinaduwama, Dios ösödi̧danö kwo̧'wo̧ tjo̧achinaduwobe chömöledö, jo̧kwajabetjö̧ kwo̧'wo̧ tjo̧achaduwinö kwialusöja chiwȩyudinöjama, isabenö ökwödönö pjaatinobe.