Popular Bible Verses from Keneses 9

Share

Kot a pwal apasa, “Iei asisilen ewe pwon esemwüch üa föri lefilei me ämi me ekewe mönümanau meinisin mi nom remi. Üpwe anomu ai resim won kuchu pwe asisilen ewe pwon lefilei me fanüfan.

Iwe, lupwen ewe resim a nonom won kuchu, üpwe nenengeni o chechemeni ewe pwon esemwüch lefilei me ekewe mönümanau meinisin won fanüfan.

Kot a föri aramas lon püsin lapalapan. Iei mine iö epwe niela eman aramas, i epwe pwal ninnila ren aramas.

Iwe, Kot a afeiöchü Noa me nöün kewe o üreniir, “Oupwe nöünöü o achomongakemi pwe fanüfan epwe masou remi.

Üa ngenikemi ekewe man meinisin mi manau pwe ochämi, usun üa fen ngenikemi uän ekewe irä pwe enemi.

Ekewe manfetal me mansüsü, ekewe mantötö me ikenen leset meinisin repwe niueitikemi. Üa atolongeer fän nemeniemi.

Nge ämi oupwe nöünöü o achomongakemi pwe fanüfan epwe masou remi.”