Popular Bible Verses from Lukas 15

Share

Iwe, ewe alüal a ütä o liwinsefäliti saman. Nge lupwen a chüen toau seni lenian, seman we a küna o a fokun tongei. A sä ngeni, a romi o mitiri.

Pun nei ei alüal a mäla, nge iei a manausefäl, a mwalechela, nge iei a liwinsefälito.’ Iwe, ra popuetä ewe kametip.

Ngang üpwe ürenikemi, ina chök usun epwe wor watten pwapwa lon läng fän iten eman chon tipis mi aier, lap seni ekewe tiwe me tiweman aramas mi pwüng, ra ekieki pwe esap wor lomoten ar repwe aier.

Üpwe ütä o liwinla ren semei o üreni: Semei, üa tipis ngeni Kot pwal ngonuk.

Iwe, ewe alüal a apasa, ‘Semei, ngang üa tipis ngeni Kot pwal ngonuk. Üsap chüen fich ngeni ai üpwe iteni noumw.’

“Are eman leimi a nöüni ipükü sip, nge eman me leir a mwalechela, met ätei epwe föri? Epwe likiti ekewe tiwe me tiweman sip lon ewe leni mi amassawa, epwe feila o kütta ewe eman mi mwalechela tori an epwe küna.