Popular Bible Verses from Lukas 23

Share

Iwe, Jesus a apasa, “Semei, kopwe amuserela, pun resap silei mine ra föri.” Ra üttüt won üfan kana o ra ngeni eman me eman met üttian.

Iwe, Jesus a pölüeni, “Enlet, üpwe ürenuk, ikenai kopwe etiei lon Paratis.”

Mürin a üra, “Jesus, kose mochen chechemeniei lupwen om kopwe tolong lon mwumw.”

Mürin Jesus a kökkö fan mwelian mi leüömong, “Semei, üa atolonga ngüni lepoumw.” Wesin an apasa ei a mäla.

Iwe, lupwen ar tori ewe leni a iteni Poisökün Mökür, ra iräpengesi Jesus ikenan fiti ekewe ruoman chon föföringau, eman a nom lepelifichin, nge eman a nom lepelimöngun.

Ina epwe kulok engol me ruu akkar esap chüen tin nge a rochopwak unusen ewe fanü tori kulok ülüngat. Iwe, ewe chechen mangaku lon imwenfel a kam seni won tori fan pwe a wor ruu kinikin.

Iwe, lupwen ewe meilapen sounfiu a küna mine a fis, a mwareiti Kot o apasa, “Enlet, ei mwän i eman mwän mi pwüng.”